https://soundcloud.com/weqaya-uae/mbysnwoezqva

الحلقة الاولى من راديو صحتنا و تتضمن التعريف بفريق التثقيف الصحى و التغذية السليمة للطفل من سن يوم الى سن 24 شهر 

الحلقة الاولى "البث التجريبى " التعريف بالفريق و تغذية الطفل

حوار مع مُدخن
 تقديم الطبيبة مها عمارة 
 تعقيب و ارشادات الاستاذ الدكتور منال نصر استاذ بقسم الباثولوجى بكلية الطب جامعة الاسكندرية 

الحلقة الرابعة : حوار مع مُدخن

الحلقة الخامسة من راديو صحتنا عن مرض الفشل الكلوى 
تقديم الدكتورة / بسنت الشاطبى " طبيبة بفريق التثقيف الصحى - كلية الطب - جامعة الاسكندرية "

الحلقة الخامسة : مرض الفشل الكلوى

فيروس كورونا تسبب فى حدوث ضجة اعلامية وطبية فى الفترة الاخيرة بسبب ظهوره كوباء فى السعودية وغيرها وتسبب فى نفس الضجة فى مصر بسبب ظهور حالات اشتباه بالاصابة بالفيروس لذا قررنا تخصيص هذه الحلقة عن الفيروس 
تقديم كلا من الطبيبة 
د.الاء عبد المطلب- د.بشرى حلمى - د.بوسى سعيد - د.رنا جابر - د.سارة اسماعيل 

فيروس كورونا

عودة من جديد لراديو صحتنا و فريق التثقيف الصحى 
و موضوعنا النهاردة بيحكى فى قصة صغنوننة عن اهمية الرضاعة الطبيعية 
يارب الحلقة تعجبكم و مستنين تعليقاتكم و مشاركتكم معنا 
:)

الأمومة اسلوب حياة ^_^ النونو و الرضاعة الطبيعية

بسم الله الرحمن الرحيم 
قبل ما نتكلم عن ......هو أيه "فريق التثقيف الصحى" و هدفه أيه ؟

خلينا نتخيل مع بعض حالتين ممكن أى حد فينا ممكن يكون فيهم 
الأولى : مرضى نشتكى من الألم و المرض تملكنا و سيطر علينا و أصبح عقبة فى طريق حياتنا تمنعنا من تحقيق أحلامنا و أمانينا و طموحتنا و أننا نقدر نعيش حياتنا و كمان بقينا عبء وحمل على من حولنا.
الثانية : أصحاء نمتلك قدر كبير من الصحة و القوة نقدر بيها نخوض و نسعى و نحقق أحلامنا و طموحتنا و نعمر الأرض و كمان نساعد كل إلى حوالينا ..... من الآخر قادرين على إننا نعيش حياتنا بجد .

و هو ده هدفنا ...... هدفنا ان كلنا نبقى فى الحالة الثانية "أصحاء" نقدر نعيش حياتنا و نحقق كل إلى عايزينه من غير ما يكون المرض أو التعب عقبة فى حياتنا.

حد حيسأل : "طيب وحتحققوا الهدف ده أزاى؟" 
حقولك .... حتلاقينا بنحاول بأى طريقة ممكنة أن أحنا نقدم أى معلومة صحية تفيد صحتنا .. يعنى معلومات عن نظام غذائى سليم ..... عن عادات أو نظام حياة ممكن يأثر على صحتنا ......نقول لكم على مواعيد دورات للتثقيف الصحى ......... ألخ 
يعنى من الآخر إن شاء الله أى حاجة نقدر نعملها علشان نحقق الهدف ده حنعملها من غير تردد. 

طيب حد يسأل : " طيب أنا بالفعل عندى مرض زى السكر أو الضغط أو أى مرض ........... ده معناه أن أنتوا مش حتقدموا لى حاجة ؟!"
حرد و أقول له ....... لأ طبعاً حنقدم لك و نقدم لك كتير كمان ...... حنقول لك علي نظام غذائى و تعليمات و ارشادات لو اتبعتها تقدر إن شاء الله تتغلب على المرض ده و تتحكم فيه أو على الأقل لو كان مرض مزمن نقدر نقولك إزاى تقدر تتعايش معاه من غير ما يكون له أى تأثير بالسلب على حياتك و طموحاتك.

يعنى أحنا فريق منكم ........ و هدفه صحتنا إلى هى مفتاح حياتنا . "

عشان الوقاية خير من العلاج وعشان انت تهمنا وعشان مجتمعنا يبقي أحلي ونقلل من انتشار الأمراض فيه وعشان ممكن بحاجه بسيطة تمنع أصابتك بأمراض خطيرة وده لما يبقي عندك وعي صحي 
طيب تعرف ان مصر فيها أعلي نسبة من مرضي الكبد ونسبه دي تعدت 85% في اخر الأحصائيات , وان سنوياً بيموت 25% بسبب مرض الكبد...وممكن بأيدك تمنع نفسك من الاصابه بيه!! ...طيب عارف ان مصر الـ13عالميًا في معدلات الإصابة بمرض السُّكري !! ,طيب تعرف أن كتير من المصريين معرضين للأصابه بالضغط !! , ده غير امراض كتيره وكله ده عشان معندناش وعي صحي ....طب احنا دورنا ايه ؟؟!! أحنا بقي حنعرفك حاجات اساسيه وسهلة ممكن بيها تنقذ حياتك وحياة ناس كتير تهمك .. حنعملك توعيه عن الأمراض الخطيره المنتشره في مصر وازاي نقي نفسنا منها والتثقيف ده حيكون شامل مرضي و أهاليهم المعرضين للاصابه بالمرض ..ده غير الطلاب اللي حيبقي ليهم برامج توعيه خاصه بيهم. 
طيب أحنا هدفنا ايه ؟!!
هدفنا اننا نكتشف الأمراض الخطيره في مرحلة مبكره تساعدنا أننا نعالجها وبالتالي نقلل النفقات الطبيه .
نقلل من انتشار نسبة الأمراض الخطيره في مصر انطلاقا بأن الوقايه خيراً من العلاج .
اننا ننشأ جيل عنده وعي صحي .
ده غير أننا حنزود أعضاء فريق التثقيف بالمعرفه والمهاره الازمه للتوعيه.

Sehatna TV
http://www.youtube.com/user/4HealthTV

فيروس كورونا

Radio Sehatna

Recent comments

وقاية

Related tracks