تحية احترام وتقدير للفاجومي

جاااااااااااااااااااامده

عصر الزنوج و الامريكان .. صرخة جيفارا يا عبيد >3

عيطي يا بهيه ع القوانين ..

فعلا احمد فؤاد نجم فاجومي

غريب وجيت البلد
قاصد حبيب وقريب
عرفونى ناس البلد
ناسى قالولى غريب
آه يا زمان يا زمان
يا مغرّب السمّان
ورجعت يا سمّان
ياللى الزمان لوعك
خايف من النسيان
ولا الهوى رجعك
لفيت بحور وبحور
يا جناحى يا مكسور
وآدى المسا داخل
وأنا بادُّق.. بادُّق الباب
والباب ولا سائل
الرحمة يا أحباب
معلهش يا قلبى
الذنب مش ذنبى

كلمات : نجيب سرور

غريب وجيت البلد

1 ~ حاجة لطيفة كتبتها 
2 - مشهد لعماد حمدي من فيلم "لا أنام"
3 - أنميشن البحث عن نيمو 
4 - https://soundcloud.com/krton/v9amxetd7p7i
5 -https://soundcloud.com/amiraaa3/gpk7y4h7szan
6 - https://www.youtube.com/watch?v=77GKct_yQ1Q&t=55s
7 - https://soundcloud.com/user6161384/misage-le-trio-joubran
8 - https://soundcloud.com/mostafa-rizk-12/yally-mashia-mp3mp3
9 - https://soundcloud.com/tr-n-l/a-kiss-to-build-a-dream-on
10 - https://soundcloud.com/walaa-yakoot/gn8cttdsp8e9
11 - https://soundcloud.com/3lamona/hunter
12 - https://soundcloud.com/massouny/3hq9iptnn1c7 
13 - مشهد من مسلسل الخواجة عبد القادر
14 - فيلم (man on the moon) مشهد النهاية

بعضٌ من الجمال - مزج  عشوائي

شعر وإلقاء : رامي وفا
عود: عبد الله سامي
رسوم: ندى رضوان

القصيدة من ديوان (وربنّا بيشرح لي) الصادر عن دار فهرس للنشر والتوزيع

حسابي على الفيسبوك
www.facebook.com/ramywafapoet/
حسابي على الانستجرام
www.instagram.com/ramywafapoet/
حسابي على التيكتوك
tiktok.com/@ramy.wafa

رامي وفا | دعاء الرقص ع السلّم

قصيدة الخواجة لامبو - بصوت الشاعر الكبير عبد الرحمن الابنودي

يا زماني - محمد منير(ألبوم شبابيك)

أنا بفضل دايما للآخر
ف جيمات الكونكان والشايب
و ف كشف الحاضر والغايب
وف حجز شقق مصيف بلطيم
أنا آخر تايب في اصحابي
وآخرهم ف الصلا ف التسليم
وف دور المدرسه في التطعيم
وفي وقت السين
أنا آخر جيم
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مِلّه ودين
ولحد ماتميت ست سنين
أنا كنت بحب البني آدمين
وكرهت الناس من بعديها
علشان نسّوني أنا أصلاً مين 
مش فاكر إمتى حقيقي بدأت
إنما فيه فتره فاكرها طشاش
كان فنجان قهوتي مابيفضاش
وبكلم ربنا طول الوقت
عمري ماصدقت بنات غير ريم
ويمكن دلوقتي ما اصدقهاش
آخر مره
شفتها فيها
كانت تقريبا بتعزل
و كان فيه سواق تاكسي منزل
ف شنط ناس حتحل مكانها
ووشوش بني آدمين معرفهاش
أنا ريم يمكن كانت قدي
أيامها... لكن دلوقتي أصغر
عارفه إن أنا يوميا بكبر ؟
وبعجز إكمني مابنساش
أنا فاكر أيام بالميللي
أنا فاكر أيام بالتفصيل
أنا فاكر يوم دفنة أختي
حتصدقي..؟ أكتر مافاكرها
وساعات بنسي ف ليله كبيرها
أنا فاكر شقة قصرالنيل
ومش فاكر حد من السكان
من صغري وعمري مابنسي مكان
أنا أصلاً فاكر بيت شادي
مع إني مازورتوش غير مره
بأمارة فيه برواز بره
كان جواه صورته ف إعدادي
كان لسه ساعتها طالعله شنب
ونا حاسس إني طلعلي أتب
من تقل الشيله و م التفكير
معلش أنا آسف برغي كتير
وبسف ف وقتك وف وقتي
أنا حاسس بدماغي بتتقل
أنا نفسي أنام
أنا عاوز أروّح دلوقتي
متشكر جداً ع الجلسه
حنكمل إمتى علاج طيب ؟
لازم حنشوف بعض قريب
أنا ماشي... 
سلام”

قصيدة تفرانيل 50 - مصطفى إبراهيم

كلمات : عمر عبدالرحمن 
غناء : معاذ ياسين 
نفيسة في الملكوت ..
تتوه الروح قصاد روحك ك توه الموت ..
ريحة بخورك و ضرب الُدف بالعِمَّة ..
تراب النفس م العصيان يزيد هِمَّة ..
لكل الخلق !!
و في الاعجاز و ما فِيَّا ..
انا و نتي يا بنتي طباعنا صوفية .. 
فيا تنورة الغوري ..
و يا صُحبة الدرويش ..
و يا دُفي اللي كان لولي  ..
انا منها و كُلي ماليش ..
انا فيها و منها بعيش ..
و لو حبايبنا صلولي .. 
فانا رايد صلاتها الزين ..
و واشم حلمي عالكفين ..
و ضارب دُفنا ب ايدين ..
و كاتب ليها دول سطرين ..
انا بيكي كما العاشق ..
و شارب سُكري من ريقك ..
و في ريقك انا غارق ..
كاس الوله ياما صبولي فيه أيام ..
نفسي في ابريقك ..
و انا 
سكران انا فايق ..
لصوت المدح في الحضرةً..
انا تلفيحتي كات خضرة ..
و بيكي لونها بقي دخان ..
و راسم في البخور صورتك ..
و سامع في المديح إسمك..
في عشق الصحبة و العدنان..
فانا لو ضلمة و العتمة موارياني ..
ف ان الذي خلق الظلام يراني..
ف آخر كلمتين فيهم ..
يكونوا مورد بيسقيهم ..
و بالتسبيح تداويهم ..
و في الإعجاز و ما فيا ..
انا و انتي يا بنتي طباعنا صوفية .  


طباعنا صوفية - معاذ ياسين

موظف عادى فى هيئة حكومية
إجمالى ما يحصل عليه
ألف وتُلتميت وحاجة جنيه
لا يعول، وغير مسئول إلا عن نفسه
لا يبوح للأصدقاء العابرين عن أمله أو يأسه
كان عادى جداً مضمون وشكل
مش شرير ومش طيب
مش موهوب ومش غبي
مش مجذوب ومش نبي
ولا حتى عاش قصة كفاح ع اللقمة فى بلد أجنبي
تلهم بتوع السيما يحولوها لفيلم
أو حتى يوحش حد ساعة الأكل
النوع اللى تستغرب لو جه لحد ف المنام
بس النهاردة فى المنام جالى
واقف على الشعرة اللى بين الوجود والعدم
فاتح عينيه.. ماشى فى شارعهم المليان تراب
خطاويه مبتعملش وراه
وكأنه من غير قدم ع الأرض
وكأنه كان ماشى بس الزمن هو اللى مبيمشيش
كان ماشى وإحنا متسمّرين حواليه
لحد ما بلغ الضباب بشويش
يشبه بطل أسطورى وخيالى
معملش حاجة تستحق الذكر
غير إنه واقف لسة على رجليه.

معملش حاجه تستحق الذِكر – حازم شاهين

نص: إسراء مقيدم
هندسة صوتية: شادي عبدالله
أداء:زينب فرحات
___________________________
وهتعمل ايه يابو قلب مصبوغ بالجَدَب
مع بنت تكوينها بيشبه للشتا؟
متلوّنة بريحة يناير
روحها عاشقة الكلفتة
واكمنها..مروّية فى القلب بتعب
كان فيها منه حجات كتير
يمكن دفاها..أو جفاها
أو شرودها عن دواها
أو هواها للسهر
وبرغم سقعة جوّها
تلقاها تقدر لو تعوز..تصبح غطا
البنت سكة للسفر
وانت المسافر فيها مهما كان قلبك عجوز
..لساك فتى
 كات جدتى بتحكى زمان
ان البنات..
تأويلها جوة الحلم دنيا
والحلم كان واجب نفاذه فـ خطوتين
"كام رقصة صولو من الوجع
على رتم أوتار الكمان"
وكأنه ديْن
وان الميزان..علشان يوازن كفتين
فـ البنت يلزمها تعيش كام ألف ضحكة
عشان يعادلوا حزنها
والحزن لو كان تُقل وزنه يسوى مَبْكى
بضحكة واحدة منّها.
يامفرّقين حبة دفا ع البردانين
قلب الشتا زى الرصيف
او زى شارع كان مداه ضلمة
ومخبّى وسط العتمة نور 
والبنت برضه قلبها شتوى
عكس الخريف
يسكنها حبة ضىّ رغم الليل
..كل البنات
تقرب لروح البرد فى البوح والسكات
زى الحكاوى الدبلانين
حدوتة كات متشتتّة
مكتوبة لكن ما اتحكتش
مش ميتّة..لكنها
تفاصيلها لسة ماتعاشتش
وعشان كدة
كل الصبايا فطبعهم..
بيكونوا أجمل فى الشتا
كل الصبايا فطبعهم
بيكونوا أجمل..
..
فى الشتا

بنت تقرب للشتا

الفاجومى

لما تعمل اي حاجة اديها حقا 
يعنى أما تزعل أزعل أوى علشان لما يجى الفرح تعرف تعرف أوى
و لما تكتئب أكتئب أوى علشان لما ربك يفك الكرب ترتاح أوى
و لما تحب حب أوى علشان تعرف تدى أوى
و لما تسامح سامح أوى بس ماتنساش علشان لما يفيض بيك تبقي عملت كل اللي في وسعك
و لما تضحك أضحك أوى علشان تعرف تبكى أوى
و لما تنبسط أنبسط أوى علشان تعرف تتكدر أوى
و لما تغلط كرر غلطتك علشان تعرف تتعلم 
و لما تعمل أى حماقه خد بالك علشان تتعلم الحكة
أعمل كل حاجة لأخرها و أديها حقها و أتعلم من كل اللي حواليك أتعلم من قليل الأصل و ابن الاأصول أتعلم من الكريم و البخيل أتعلم من الغبي و الذكى أتعلم من المتواضع و المغرور أتعلم من اللي شايف نفسه و اللي مقلل من نفسه أتعمل من المحبط و من المتفائل أتعمل من كل ده علشان هيمر عليك مواقف تبقي فيها مرة كدة و مرة كده و أعرف إن اللي فات لو كان وحش الأوحش جاى و إن كان حلو الأحلي و إن ياما دقت علي الرأس طبول و إن كل ده هيخليك أحسن بس أهم دى كل حاجة وقتها ماتسمعش اللي قولك أنت عايش في الدور لكن أسمع اللي حاول يواسيك بكل أو نصيحة مش مهم تعمل بيها المهم تحطها في بالك علشان هيجى يوم وقتها أعمل كلب اللي نفسك فيه اوى طالما لا حرام و لا عيب و أعرف إن هتلاقي ناس كتير منهم اللي يكمل معاك و اللي يفارقك و اللي تأخده الحياة أو يأخده الموت كل ده هيأثر و أعرف إن فيه اللي فاهمك و حابك كده و معاك و فيه اللي مش فاهمك بس مرتحالك بس أهم أدى كل حاجة حقها و ماتكتمش جواك
---------------------------------
خواطر: ماجى إيهاب أنور
هندسة صوتية: رغدة أيمن
أداء صوتى: زينب فرحات

أوى

لأى حد موجود هنا           

النوت دى استغاثة

نداء أخير

قبل الهروب

 

 بس لو مسمعتوش

حصل خير

ومانتش ملام

------------------------

"محمود درويش بيقول: "الجميلات هن القويات يأس يضيء ولا يحترق

 

بس للأسف ساعات اليأس بيتحرق من غير ضى

اليأس نفسه بييأس ويبقى عايز يهرب لمكان بعيد يتحرق فيه

 

بعيد عن أي حاجة وكل حاجة

 

"نمرة عربية أبويا" 169 س أ ى

ودايما بقراها يأس

 

--------------------------

علمنى كيف تموت الأشجار واقفة، فمثلى لا يمكنها السقوط

(أسماء حسين)

 
زمان وأنا صغيرة أول مرة أفتح فيها المعجم كنت بدور على معنى اسمى

اكتشفت إن "زينب" فى اللغة يعنى شجرة عطرة الرائحة

ومع كل يوم كنت بكتشف إن ليا نصيب من اسمى

بس انا ما أخترتش اكون شجرة ، غيرى هو اللى اختارلى اسمى وبيحاسبنى على ضعف جذورى وإزاى مش قادرةأثبت ضد الريح


غريبة؟ مش كده


وعمر طاهر بقى قال( تخيل انك شجرة، واثبت لأنك شجرة ، ضارب فى الأرض مسافة، وثابت وأنت أدرى

)

أنا فعلا شجرة

بس أنا مش أدرى

ومش عارفة مسافتى فى الأرض قد إيه

ومش قادرة أغامر وأعتمد على حاجة مش عارفاها

------------------------------------------


منير عنده أغنية بيقول فيها

الكلمةإيد .. الكلمة رجل.. الكلمة باب

الكلمة كوبرى يمر فوق بحر العباب، الجن يا أحباب ما يقدر يهدمه

فأتكلموا أتكلموا إتكلموا)

 
طول عمرى بحلم أبقى صوت وبس ،

صوت قوى يسمع لبعيد
 

برغم إني ما بتكلمش كتير، بس دايما اللى كان بيراهن على لحظة كلامى بيكسب

بس دلوقتى مش قادرة اتكلم

 

زمان كانوا اللى يعرفونى بيقولولى بطلى تنطى فى دماغنا وتقوللى اللى على لساننا قبل ما نقوله

واللى كنت بحبهم، ماكانوش بيحتاجوا يحكوا ع اللى فى قلوبهم عشان كنت بعرفه لوحدى


 

بس دلوقتى أنا بقيت خرسة

بسجد وببتهل من سكات، اللى خلقنى مش محتاج كلامى عشان يسمع انين قلبى

بس عباده مش كده



نفسى أدور على لغة من غير حروف تحكى على اللى جوايا من غير كلام

تفتكروا هقدر

وأنا أصلا ما بقاش جوايا اى قدرة؟

-------------------

خاتمة

ما بقيتش بعرف اقول غير

"وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ

-------------------------
مونتاج وإخراج: رغدة أيمن
خواطر وأداء صوتى: زينب فرحات

استغاثة .. من سكات

مدخل الأغنية 0:00 - 2:40
================
وسط الناس  --   part 1 
================
وانا وسط الناس, أحلامي, بتموت
و انا وسط الناس, انا عايش, لكن حوايا مكبوت
مفيش احساس, لكني راضي بالمكتوب
و انا وسط الناس, أحلامي بتموت
= (News report)
a huge train crash resulted in a death of almost 60 child, now am wondering who's responsible for that crises.
we've just received a report saying that almost a hundred and thirty Syrian body founded after a huge ....
A big explosion happen to take place a minute ago in Gaza, resulted in a death of....  
=
فاكر ولا مش فاكر, حلمك زمان كان ايه ؟
قول للزمن ارجع يا زمن, مش فاكر حلمي ايه !
-
الواقع بقى كابوس, الحلم مشفتوش
والسم عمال يكتر والفكر ثابت فالعقول
=وانا وسط الناس, أحلامي, بتموت
و انا وسط الناس, انا عايش, لكن حوايا مكبوت
مفيش احساس, لكني راضي بالمكتوب
و انا وسط الناس, أحلامي بتموت
==
الفكر مات, والعقل عيش بقالو قرون
فكرت احاول اصحي فكري لكن مجنون
اللي يشوف العالم بلون الطيف
كأن الوقت دايما لية
كانو زمان يقولو علية مجنون
دلوقتي لو في سواد الليل, اقلك قوم, تقولي لية !
مازال الفكر عايش لكنة مسجون
-
وانا وسط الناس, أحلامي, بتموت
و انا وسط الناس, انا عايش, لكن حوايا مكبوت
مفيش احساس, لكني راضي بالمكتوب
و انا وسط الناس, أحلامي بتموت
X2
================
التغيير    --      part 2
================
صوت الطير من فوقي, و أنا عيناي نائمتان
بين عالمي الاسود, و جمال فكري يسرح في الخيال
-
و رئيت البعض من أحلامي, فوجدت البعض منها فاستقبالي
قد كرهت العيش دهرا  في خيالي, ها أنا, انسان امس قد نساني !
==================
فوقفت على قدماي في حالة السكون, فنظرت فالمرآة يا ترى من أكون
فبدأت بالتفكير, بدأت افكاري بالتغيير, ها انا قد كنت يوما صاحب عقل مجنون
-
 فجعلت الرأي لي فالرأي رأي بالتأكيد , فتركت رأي غيري ان رأي من حديد 
لم أكن يوما جبانا, بل كان الحاه شين, فشددت بأمر فورا فغدا يوم جديد
-
ابدأ انتا بالتغيير حتلاقي العالم ليك, وانساني وانسى كل الناس من حواليك
و تملي, شوف, فكر اكتر حتشوف,  تغير.
-
و من النهاردة حتشوف يوم جديد, ان كنت خايف خوفك اوعاه يزيد
و تملي, شوف, فكر اكتر حتشوف, تغير.
================
Sympholution    --     part 3
================
الحقيقة قدام الناس فتح عينك يا استاذ
انزل الشارع شوف, الظلم فكل مكان
ان كان العالم نايم, ارفع صوتك بالعالي
بكرى غيرك يسمع, يصحى العالم من تاني
====
ان كان دا حلم مات, يبقى حاجة مل الحجات
اللي بكرى تفتكرها, اتعلم مل اللي فات
-
اذا كنت فالطريق, يبقى بكرى يوم جديد
بكرى الحلم بيك يزيد, بكرة شمعة ليك تئيد 
بكرة شمعة ليك تئيد 
X8
====




Ahmed Hamdi - خواطر - Part I,II,III

الشيخ امام - اذا الشمس غرقت

نص: ماريو جابر
هندسة صوتية : عمرو شاهين
ميكساج و آداء صوتي: زينب فرحات 🎙️صوت الونس
***************************************
https://www.facebook.com/ElSayedmgaber
لو يهمه الآمر فعلاٌ

مكنش سابها

للظروف

لو يهمه الآمر فعلاٌ

مكنش بدل أمل

بخوف ..

لو يهمه الآمر فعلاٌ

كان سـئـل

و عشان يهمه

الامر فعلاٌ

كنت أنا علي طول

هجاوب

دا لو يهمه الامر فعلاٌ
……….

مش بهتان من لون

الدنيا لا بالعكس ..

دا أنا

متلون

بس اللون

كان غامق حبه ..

بس

أحيانا يظهر باهت
……

لو يهمه الآمر فعلاٌ

كان

سـئـل دا لونك أنت

ولا باهته عليك ظروفك ..

كنت

ارد و أقول ظروف ..

اللي تـ بدل أمل بخوف

و اللي تتساب للظروف ..

و اللي مفتح يبقي أعمي

مش يشوف

و الكلام يصبح سكات

من الكسوف ..

عشان مايهمه الآمر فعلاٌ ..

لو يهمه

يا شايلينكوا على الاكتاف
 
بننعى دمكم بهتاف
 
و ندعيلكوا
 
غموس الناس و عيشها الحاف
 
بيدعيلكوا
 
و درس العربى ف الأرياف
 
بيدعيلكوا 
 
و كل جنية زيادة ف جيب
 
موظف هيئة الإنتاج
 
و ابنى اللى ف علم الغيب
 
و أمى اللى حتلقى علاج
 
و أرض المعتقل لما
 
 حتفضى.. أكيد حتدعيلكوا
 
و كل ظلومة ما اتظلمتش
 
و كلمة حق ما اتكتمتش
 
و كل قلم نِقِص ف القسم
 
و كل علامة مش ف الجسم
 
بتدعى لكل وش و إسم
 
من اللى عندكم ...منا
 
يجوز حيكونوا من جيلنا
 
يجوز حيكونوا أولادنا
 
يجوز حيكونوا م الاتنين
 
لكن ندرن عليا و دين
 
لا تيجى عيالنا تشبهكوا
 
تبوس على رجل أصغر شاب
 
و ترفع رايته زى ما حب
 
و تحفظ صم أساميكوا
 
و من آخر نفر فيكوا
 
لأولكوا
 
حتدعيلكوا


الفاجومى

radio shaware3

Recent comments

Ahmed Elhaddad

منة الله إبراهيم

Emad Zayed 3

محمد حسام

Related tracks