راب بالعربي


بوم بوم بام 
المقطع الأول : بو كلثوم 
المقطع التاني :وتر
اللازمة :أيان 
اللحن :وتر و يحيى

بوم بوم بام

يابي - بو ناصر -انتاج الوتر / كلاسلكي

غيتار الباص عزف الوتر

شرح المفردات : 

ولاد الحي صار فاضي بابن
 ما عاد في في غير برا تيابهن
أمي و بي أسود ولادهن
ولاد الضيم - هيك سمونا ببلادهن

الوتر : 

ضبيت الشنتة تقيل الحمل ، انحنى ضهري ، رحيلي حلي ، الحيلة حبلي ، تلحيني صبري ، حلي موت و ما رح كون مدفون بارضي ، دعيلي بركي ، بتولد الارض جيلها ، ما صرلها اربع سنين فينا حبلة ..
عم تدبل شتلة لو بعيونا امل تورد ، تورق 
فرق بين الهجر و المتغرب 
عم دق ع نفس الوتر بس الي سنتين محلي 
جربت طول الجملة بس النفس خذلني يللي 
ضيعني دلني ، يللي بايعني قلي ، بايعني يعني يللي منعني ارجع قال عني المتخلي و يللي غرق المدينة غرق و بنظرو انا الخاين 
حلاوة الروح و غلاوة البو قالتلي سافر 
بعرسي ما رح حني 
الديرة نقت ، بيري طف بإيدي بسفق و بقيلي كف ، صفيلي صف ذكرى بلد و حرب و درس عالرف 
مسكت دف صرت دق لنرقص عالرحيل 
يللي انهزو اهلي فزوا و البلد ضل نحيل 
شفت هم الحي فتعلمت عتل 
لسا الالم شباكي
عم اطلع من شباكي مو لبطل و الوش باكي 
باقي شوية في برا تيابنا الشمس كذبة لما منوعد فيها ولادنا منسقي بزرة حرب و قسمة 
فلا تمحي اسمي 
انا من ولاد الحي


صار فاضي بابن
 ما عاد في في غير برا تيابهن
أمي و بي أسود ولادهن
ولاد الضيم - هيك سمونا ببلادهن

بو كلثوم :

لم شمل كب نص تيابك
أصغر فص منا بمية غيڤارا
أفطر زوم
لم شمل كب نص حبابك
وتر واحد منا بمية قيثاره
تزوج بوم
كلمتين انجليزي كم مستشرق صحن فول
محا ندوق ، طعم اللقيى غير بصحن طوب
محا ندوس ، أرض المنفى غير بغنى نفوس
الراح منا بيسحب اللي بعدو تعا نروح
عكوكب الإنسان فيو أغلى
عكوكب مافي "هيبسترز" بيبيعوا فيك بمغنى
و المغزى بيحب القضيه بس ليبوس
مو بس اللي باع العرض ديوث
اشتغل لحارتك ، بشتغل لحارتي
"لساتني انا انا من يوم ال" شوف بنضارتي 
الكوكب ما عاد وسع فجأه
كيف كانت وسعانه البلد كل هالعدد بزقه
عوجه عوجه امسح عوهج وهج اسمح
نعمي الكون بنورنا
لو كان البلد اسطوره كان الزيف عبى سطورنا
لم شمل انا و خيري يداوي جروحنا

ثنائي لتلته - لم شمل - إنتاج بو كلثوم - Latlateh - Lam Shaml - Prod by. Bu Kolthoum

من موقع مذنب بحكي معك كوني جبتك الأناني أني طمعت إسمع كلمة يبي بتم بيكاغي
هيدا البيت مو لإلنا فما تبقى فيه
بوك العتّال خرّيج ما تخجل فيه
بمدرستك اصحى توقف عالنشيد الوطني المسروق بعصن و غنّي بطل الريف
أوّل قبض جيب كتاب التاني فرد يبي، أتخن منطق قدّام دكّة فرد غبي
إصحى تصدق البقلّك العدوّ بس إسرائيل منّا دولة بكلّ واحد إسرائيل
إذا الظالم إبن عمّك كون للغريب سند كوني بشوف حالي فيك إنت ناصر
جيب مال يبي بس حتى تصرفه، تعرّف عالغني يبي بس حتى تسرقه
إصحى تعطي ضهرك للي خلق بتمو الدهب بالكيماوي علفو و إنت نضيف إبن الأرض ضل
و البيشوف بعين وحدة شوفه بالخمسين و اللي بيرفع صوته عليك خرسه ليوم الدين
إبن الدولة إبن كلب لحتى يثبت العكس
كل مظلومة أمك أختك مو بس بالهوية العرض .. يبي

أمك ما عملتك بس قبلك عملت بوك تعلم منها تشوف بلا عيون تعلم كيف بكلمة فيك تهد السور كيف بشعرة تتهدى وتطوف كيف الخوف تعوف كيف تخلي الصفر الوف
مين قال يبي اول مرة ووين كان؟
قبل ما تصير عنا هون بوك مين كان؟
كل حزب مقبرة للفكر لا تنتسب
كل نايب مدعسة للإجر لا تنتخب
و الفينيقي اصله لما تشوفه قلّه أصلي محمد درة فصلي خالد أكر جدي احمد قصير
خاطر متل ابن خاطر يبي عمرك قصير
كل ما يقسى الدرب دخّن و طير
يبي

لا تمسح صبابيط حى توصل، قص اجرين
ابن العين ما في عنده بس عينتين، اتنين
بين الأمر والنصيحة نقي
اشتغل حتى تربح لا يشنقك معاش شهري
يا بتكون تور من اولتك يا بتنطح عبكير هون اسطبل بقر يبي ما في كبير
تعلم تكره اللي بيكرهك، اللي عل يمين بيضربك
ضيعو بين كفوف اليسار واليمين
يبي .


الأغنية صدرت ضمن ميكستايب "كلاسلكي"، إنتاج أخوك الوتر
2015 - ناصردين الطفّار

يبي - بو ناصر الطفّار - موسيقى وتر

Prod. by El Rass

غالباً ح موت قبل ما شوفها بلاد حرة
بس بنموت أحرار
بيقولوا:شو نفع السكين بفلسطين؟
بس بينسوا دون الحجر كانوا نسوها من سنين
للحجر أسرار
شو بيشبه المستوطن الإقطاعي
تكرار
نار بالزيتون فيه حاخام بسرار
ومعتقل بعنجر ومعتقل بانصار
الفينيقي كان بحار؟
طيب بعل ولا هيتلر في بآخر المشوار؟
لا يبدو استثمار:
كل جثة بتغرق دقيقة نوم زيادة للزعيم
بسويت مكيف معزول مرفه
والناس برا بلهيب الجحيم
ونحن بنعض القفص تسناننا تدوب
بنشطّب حالنا تدمنا ندوق
نتأكد من وجودنا المسحوق
إذا المطلوب موت مخنوق

بفضل موت مجنون
بفضل عيش مجنون
بفضل عيش مجنون موت مجنون عيش مجنون موت مقتول

بجنّ بس بشروطي
مش رح خليكي تموتي
بفضل هلوساتي على رعشة قيودي

سنين وانا عم هذّب هلوساتي وناطر
ما استوى التغيير خليك بالنقد الذاتي شاطر

كل ما حرموك شد الحزام
كل ما ظلموك لوم نفسك
شد الحزام او لغم حزام؟
كل ما ضربك ابوك اضرب خيّك

اجترّ سمهم ابلعه
بزّ ذلهم ارضعه
فيه اصوات بروسنا بتقول: اخضعوا
فيه مكنات لجلد الذات مزروعة، من روسنا اطلعوا
افزعوا لأنه خلص
بدل ما شطب حالي بشطبك
بدل ما لخبط حالي برتبك
بس بهدوء، بعقل بارد
كونه فخك ناطرني عالمفرق
بدك ياني ابني حبسي بايدي اه؟
بدك خطوات مانها مفيدة اه؟
بدك حتى بجنوني اخدمك أهدافك
حتى كوابيسي تعمر أحلامك
غول عتيق بدك تاكل روحي ايه؟ تاكل موتي ايه؟
ايه انا بجن بس بشروطي
مش رح خليكي تموتي 
بفضل هلوساتي على رعشة قيودي

سنين وانا عم هذب هلوساتي
سنين وانا عم هذب هلوساتي

الراس - نقابة مصنع هلوساتي

All tracks produced, mixed, and mastered by El Rass, except track 4 produced and mixed by Muqata'a, and track 8 produced and mixed by Al Nather. 
Graphic design by Sedki Al imam

إيدي عم تتمشى عجسمها
لمستها حفظت كل تفصيل فيها
سميتها غرفة وسكنتها.
عمّرت شامي جنب الشامة وانتميت
رسمت حالي حنّة تحت صدرها كنّيت
خبّيت تلت ارباع عشقي بين رقبتها وكتفها
ضجيجي بيهدا لما الربيع يبدا بوسطها
إلهة سمرا، أرض بعزّ خصبها
يمكن يوقع الكون إذا بتهزّ خصرها.
في أمطار بكل شهقة وعندي عطش
أنا صحرا. عم أتوّحد بجسمها أتصوّف فيها واتصوف لها
عم غسّل جسمي بورقة بلكي بتحفظ ريحة عطرها
عم شمّها سميها أرض وخيطلها علم يلبقلها.
بتشبه الريح عتيّة، بتشبه تراب العديّة، بتشبه 
صوت صلوات قهوة بسَلَميّة. وضحكة المولى بطلّة
رقصة ميلوي وتجلّي
خربشات مراهق وموعد طفولي وقت الحلّة.

روقي خلّي صحرا السفر تنطر شوي
مخبّي غيمة تحت عروقي بوسيها لتخلق مي
قولي للسما انك شمس غرقان بالفي
قرب شروقك عالحي.... أنتِ الحي

عم تطوي تياب الصبح كأنّها أم
والسما ابنتها. قرّبت وبستها جرّبت كون معها وكنتها.
الأرض أنتِ، ريحة طريق البيت وحكاية ستّي
لما كل يوم كان يجي البحر مرة يزور ويترك سمكة
لما كان الزيتون بحيفا قد البرتقال بمكّة
لسّاك بكر اشلحي الشبكة
زتّي الشجر عن جسمك
رشّي مطر عإسمك
فستان عرسك لسّاته بأول حبكة.
بعيشك بالمكان شوي تين شوي زيت أخضر
بعمّر وبعمر جوات عيونك بيت زعتر
بحبّك وبغرق ليمون
بس وعد وبنطر متل الكمّون 
بسهر.
الليل ليّل، هموم الأرض على كتافي شيّل
الرب غزيّل، ضلت الحلوة تغني حتى ميّل
ستين ألف شامة وجبينك حلي
ملّيت يكونوا دياب قومي اشلحي تياب الطلي.

هي الأم الحنون
هي الصبورة هي العاشقة والعاهرة هي العفية
هي الحبيبة الصديقة هي الموسيقى
هي اللعوب المراهقة هي العتيقة
هي الجميلة والأصيلة هي المألوفة الغريبة الضاحكة الكئيبة هي الأرض 
هي الطريقة.

روقي

المطحنة – Prod. by El Rass 
اللوحة : "عصفور الحريّة " للفنّان وسام الجزائري

: الكلمات
عضام الرقبة لمّا ما تخلّيك تشوف وراك، اكسرا
إذا ربحك بخسارة أيد اليمين، عادي اخسرا
إذا سند ضهرك رمح إصحا تتكي عليه
ولا تبكي عليه إن مات الكان روحك آسرا
صح الله واحد، ابليس كمان
و ما ركّع سمّوه شيطان
لعبة إعلام هي من زمان
تفّاح مسمّ ليه بجنّة كان ؟
هيداك المرض، مجهول
ما غلبه المال، خافوه
ما لقوا تفسير، عبدوه
والموت
كيف بتهدّد فيه إذا الموت حقّ عالكلّ ؟
كيف بدعي الناس تثور و بكلّ نفس الي في ذلّ ؟
ليش خايف إنطحن من وحش بإيدي بغذّيه ؟
خايف انطعن من خاين و ببيتي بلفّيه

كتبت كتير  كبّيت
كبتت كتير و بكيت
كسرت كتير و لفّيت
كلّه كان عبث
كتبت كتير  كبّيت
كبتت كتير و بكيت
كسرت كتير و لفّيت
كلّه كان عبث

كبتت كتير و بكيت
كسرت كتير و لفيت
كتبت كتير و كبيت 
كلّه كان عبث
كتبت كتير كبيت
كتبت كتير و كبيت
كسرت كتير ولفيت

كلّ ما نام ببيتي ليلة في طفل بشارع بيموت
كلّ ما بوس أمّي أم بتبوس التابوت
كل ما سكّر بابي في بيت عم ينقصف
كلّ ما خنق صدر عاري للقناص هدف
بنبسط بالشتي و في خيام بيجرفا السيل
بتمشى بالشمس و ناس الشمس براسا ويل
كل ما فيق  بتزيد المجازر وحدة
كل ما احلم شوف بنتي، بنت فوق جثة بوها تحدي
عندي حلم ؟ قال إيه
في عيلة حلما رغيف
عندي وجع راس و روس طفال تسن السيف
جواتي تافه، قلي الله راضي
عمر الظلم بعمر الدني واللي تاعب روحك عادي
طافر ساكت عم يتجسس
يبزق بوجهي كل ما ظالم عم يتنفس
طافر، عنده الحق ما في لبس
جلّادك جلدك يا ناصر و عضامك حيطان الحبس.. قلّي.



المطحنة - بو ناصر الطفّار / إنتاج الرّاس

Mix Tape Classilky Prod and mixed By Watar Jundi Majhul 
Featuring El rass - Bu Nasser - El Darwish - Bu Kolthoum 
All Sampled From the greatest Miles Davis .
Enjoy .. 

Original Track 

https://www.youtube.com/watch?v=aTFZX_CI1QE

مقبل مختصم تعرفني الحياة لحمي فوق فيها
محتجب منقطع تحفظني الوديان قد رقصت فيها
عالم مقتنع بصغر الخيار لا عزاء لي لا آمال لي
 لا وضوء لي من وباء غاسلي
لكنني مؤمن للكون في اختيار خلق
شاكراً خلق اختياري
ألف دار في دياري
رغم كوني بعض ذرّ
عاش شيء في مداري
لست ميتاً لن أداري جود آيات احتضاري
قشة في قعر بئر، ضاع بئر في قراري
ليس الحق للبراري أقرب
للهند أو لمحافل الكهنة
من ظله في لحظتي من ها هنا 
من لا مكان رحلتي من منزلي لمربطي
قال المنزل للوعاء صار ارتفاعك مهبطي
قال المحدق في النجوم ما اتفه الإنسان
مستهزئاً بتجرد الخيال
مع أنه إن يعرف النجوم فالفضل لابن الهيثم
لخياله ولشكّه لجنون المتلثّم
قالوا ملاعب فتية والدار دار الأرقم
قالوا مذاهب زندقة قلت المصاحف مرسمي
قالوا تجرؤ آثم فتبينوا
قلت العراء بمعظمي فتبينوا
فتهربوا وتزينوا بسيوفهم وسبابهم 
مهما تعرّب قولهم تأبى الحروف لعابهم
تهجي السطور كتابهم
وانا السطور أمانتي
احتاجها مصونة وحضرتي ثورية لا تقبل النذور
اسماؤها تدور، تهز أرض المهزلة ووهجها صبور
فخلني من لائمي مزاجي في سرور
ولا تكن لظلمهم سكة العبور
لا تنفث الضباب في الصدور 
بل انفخ في الجمور، واعتزل البخور
ولنعتر ألسنة الطيور إذ نثور

6 - T3rofny El 7eat Feat El rass - تعرفني الحياة مع الراس

Mix Tape Classilky Prod and mixed By Watar Jundi Majhul 
Featuring El rass - Bu Nasser - El Darwish - Bu Kolthoum 
All Sampled From the greatest Miles Davis .
Enjoy ..

Original Track :

https://www.youtube.com/watch?v=TWs7cY-fEn0 


من موقع مذنب بحكي معك كوني جبتك الأناني أني طمعت إسمع كلمة يبي بتم بيكاغي
هيدا البيت مو لإلنا فما تبقى فيه
بوك العتّال خرّيج ما تخجل فيه
بمدرستك اصحى توقف عالنشيد الوطني المسروق بعصن و غنّي بطل الريف
أوّل قبض جيب كتاب التاني فرد يبي، أتخن منطق قدّام دكّة فرد غبي
إصحى تصدق البقلّك العدوّ بس إسرائيل منّا دولة بكلّ واحد لإسرائيل
إذا الظالم إبن عمّك كون للغريب سند كوني بشوف حالي فيك إنت ناصر
جيب مال يبي بس حتى تصرفه، تعرّف عالغني يبي بس حتى تسرقه
إصحى تعطي ضهرك للي خلق بتمو الدهب بالكيماوي علفو و إنت نضيف إبن الأرض ضل
و البيشوف بعين وحدة شوفه بالخمسين و اللي بيرفع صوته عليك خرسه ليوم الدين
إبن الدولة إبن كلب لحتى يثبت العكس
كل مظلومة أمك أختك مو بس بالهوية العرض .. يبي

أمك ما عملتك بس قبلك عملت بوك تعلم منها تشوف بلا عيون تعلم كيف بكلمة فيك تسد السور كيف بشعرة تتهدى وتطوف كيف الخوف تعوف كيف تخلي الصفر الوف
مين قال يبي اول مرة ووين كان؟
قبل ما تصير عنا هون بوك مين كان؟
كل حزب مقبرة للفكر لا تنتسب
كل نايب مدعسة للإجر لا تنتخب
و الفينيقي اصله لما تشوفه قلّه أصلي محمد درة فصلي خالد أكر جدي احمد قصير
خاطر متل ابن خاطر يبي عمرك قصير
كل ما يقسى الدرب دخّن و طير
يبي

لا تمسح صبابيط حى توصل، قص اجرين
ابن العين ما في عنده بس عينتين، اتنين
بين الأمر والنصيحة نقي
اشتغل حتى تربح لا يشنقك معاش شهري
يا بتكون تور من اولتك يا بتنطح عبكير هون اسطبل بقر يبي ما في كبير
تعلم تكره اللي بيكرهك، اللي عل يمين بيضربك
ضيعو بين كفوف اليسار واليمين
يبي .

3 - Yabi feat Bu Nasser- يبي مع ناصردين الطفار

شعراب - الشقشقية

Prod. El Rass

حم 2017

"يا راحلاً وجميل الصبر يتبعه 
هل من سبيل إلى لقياك يتفق" 

قد ما فيه اشباح بالذاكرة ضاقت حارة الاحياء
قد ما داق القلب فراق بقضي وقتي عم اشتاق
 ولا وجه بنساه ورا فكرة بُعد بنساق باستاء
بيقرص بطني بهرب عبستان سري
حامل مفاتيحه عابس ليه؟
حبيبك عار دماغك تلافيفه 
حابس ليه خيالك بكوابيسه؟
ما بجرب انساه، لا
بفتحله قلبي أبد والقلب عيلة مفرطعة بتلتم لضيوفها
بتتعالى عظروفها
صلة الرحم ونواميسه
سأله الشاعر شو معيار الشوق
قال بريختر بنقيسه
لما بعيدك يزلزل قريبك

هيدا عتابي عحالي مانه عتابي عحدا
هني قالوا لا تقرب وانا مصمم آخذها
هيدا عتابي عحالي مانه عتابي عحدا
هني قالوا لا تقرب ماني تابع لحدا

فعملت متل اليابان عمرت بنايات علاقة
بتتمايل ما بتنهدّ بهزة
احمي السكان من الشوق 
وامنع الخوف يدفعني للهجران 
ومن كتر تقل الحب يرجعني عالعزلة
صرت استبدل وحدتي بعشرة الاشباح
كله حروب الجسم فبنسلم عالارواح
رحنا اخترعنا كلمات واقع معناها مش متاح
فبنحب الرايح رايح تنحافظ عالمفتاح للخيال
بعرف لمين حنيني
أسماء ترددات رنيني
لا مش مؤسسة الحب ديني يعني الملقى ما بيكفيني
محبتكم عهد والفرقة ما بتعفيني

الراس - أشتاق

من ورا كل يوم القلق 
انا سبق براسي خلق
مرض قال وبِتعالج بورق
هادا بس كزب  عحالي امبلا
م انا مش رح أعالج خلل
ليش بيسفق براسي ملل
ليكي لو سمحتي يعني عالم زي شكيلتي هنّة مصاريكي أول الشهر
القناعة بالعين بتنقرا "صح"!
كنت كل خميس تلت ارباع الساعة قدّامك
زي فيلم مشربك موت _ لأ وبِنحَضَر
عشان أرتاح بَلبس شخصيّة الهَبل
ازا بحكي جدّ عالحلّ
ما بَنفَهم قال _ كآبتي ولا بتنقبل خال
بس أتعب بحكيش بتفّ 
الموسيقى , لالا سلاحي ولا شحار البين يا زلمة كفّ
بضلّ حافظ حارتي علساني
 حجارا بسفّ
شو انشالله لأبني حالي ؟! ييي الزكا 1000
انا مخّي مهدّد زيّ بيئتي على الله فهمت بأني صنف
بضل أكبح صرعي بسليقتي 
كنت هناك وكلّن صفّوا قتلى
وكل منيك بدّو أزفّ
اه يا ولاد الكرت والتلف
كل حلّ سِلمي ما بشملني 
اشتقت لإمّي فخفّ
بلا ضبط وقت طالما الأرض تحت ضغط نبض الموت أنا تعبت أعدّ أكمّ من سنة بتروح هيك
بلا ضبط وقت طالما الأرض تحت ضغط نبض الموت أنا تعبت أعدّ أكمّ من سنة بتروح هيك
وجع بضرب المعدة قبل النوم
الراس بعد القوم 
بس القلب طول اليوم
شو
صحّي الصرف الصحّي بينك وبين الفان و زفت
خلّي الميّ تقلب السبعين بالميّة عاليابسة منتعادل كلنا تحت
خصخصتوا الروح قرفت , في _ بول مكرّر وبينباع
حاصلو المنيكة طاعجة , في _ سرّ بسكّروا البير الضباع
وبياكلوه دراع وبقولوا ضاع
الكهربا كُحُل الله وكيل , متخيّل !
يعني ما بتيجي بس بتسطح كل يوم عنّا قتيل , ميّل
منصفّي مساكين و الله بيعين 
لأ وزّن
قلّن التِكرار بيعلّم كل نقّاق الصبر
فرصتي من إستقرار عكوكب الأرض ماني مِنتِظر
تعي نخلّي "الشمطلي يطلي" 
لعيون ربّ جلاء كل إنتداب – حبر
خلع  قلبي – زرع بَلطة
العمى بقلبك – أكَل لبطة
شوف السفر زيادة ألوف
وبالسفارات منرخص
بشيطنوك بِحاولو يقنعوك قال إنو الاسمو حظ هو انو تضل عم تخسر
دخيلك _ ضلّ عم تخسر
"فالجميع متوتر وخائف من الحرب"
بلا ضبط وقت طالما الأرض تحت ضغط نبض الموت أنا تعبت أعدّ أكمّ من سنة بتروح هيك
بلا ضبط وقت طالما الأرض تحت ضغط نبض الموت أنا تعبت أعدّ أكمّ من سنة بتروح هيك
_ خيّا قُلعاط يكُتّ الرِبح بالآخر 
بربّحك وِحدتك بس تِكبَر
أيا ساكني بُيوتَ الشِعر
أنا عالمنيكة أقدر
راقع هبل الصبح
على ورق ومش على لوح متفائل
وبس بدي باجي
بجيب الممسحة شيتي حاضر
مهو محراك لعيون المسخنة طافر
الصوت  راكز _ صوت المكنة عاطل
الأصلي فاعل
الراس واحد رح أحاول
إني آجي اليوم وأخفّف قلق , لازم
درويش قُدّام خُبث بيروت 
بِضل بالخاوا واقف
مهو مش زيف عزّيف على وتر الموت وبضل على قلبا قاعد للحياة
مش زيف عزّيف على وتر الموت وعقلبا قاعد للحياة 

استوى العدس يعطيكو العاصفة *.* \ توثاوزنانسفنتين ...

محراك - بدل ضايع | إنتاج الراس

لما الدنيا بتسكر عليك وبتلاقي حالك محاصر 

@Mouhandas x Chyno - حيطان
Chyno إنتاج و هندسة صوت : نصر شربجي 
Muhandas x Chyno :تنفيذ و أداء و كتابة:

"https://soundcloud.com/postcardsmusic/walls" إستعمل مقطوعة من غنية

"من ألبوم "الضالين
@gheirqissa بالتعاون مع

When  life is closing in on you and you have nowhere to go.

Walls 
Produced and Mixed by Nasser "Chyno" Shorbaji
Performed and Written by Muhandas x Chyno
(sample from @postcardsmusic 's wonderful song of the same title)
https://soundcloud.com/postcardsmusic/walls

From the album " #El_Dahleen "

Vocals recorded at Audio Addicts, Hamra, Beirut.
Mastered by Lopazz at Mixmastering, Germany


Artwork by: Ahmad Tarek (www.instagram.com/tycho23)
-------------------------------------------------------------------------------------------

:كلمات

Walls Around us Crumbling Down
Crumbling Down
Crumbling Down

عم صفصف باطون الحيتان لامنع الفشل يفوت بالحصار ما بركع  

صار الكل بيفهم والكل بينصح يا حجر ع حجر يا بفل ما برجع 

عم بتصفصف باطون الحيتان ما بتمنع، عمر بس الجدار ما ترفع 

لتئشع وين ناوي تروح، الأفق بوجهك بس ما حابب تشوف 

إلي شفتو بكفي إلي شفتو بيعمي ما حدا غيري بيعرف شو إلي عشتو بيعني

فهيمت سامعني؟ لو ما فهمت سامحني، بفضل سكوتك ما فيك تساعدني

ركز فهمان سببك بلا حدث عن أوجاع المك

عين خدشت مثل غباش عدسة إنت ما قدرت تعمر بيت هل حيط حبسك

هالحبس غير بس تنسرق هون مافي درك هون

بتشكي عالتلفون حضرتهم بدون ساعتين ليوصلو، شعبي أنترك هون

هالمكان الأصح لتكون، فالمان بله كنت إنلقحت بتابوت

الهروب مش خيار هنن نسيوك بلحظة، بتصور لحرب يمكن يذكرك بلقطة

إنتسى؟ صوري علحيطان هتملأ

الهدم حتمي بعد الصدام ما بتبقى الحجر هتعمر القبر أخيراً

والقتل جميلاً

Walls Around us Crumbling Down
Crumbling Down
Crumbling Down

Walls - Muhandas X Chyno - حيطان

" شو بكون إحساسك لو رفيقك فل تيحارب في حرب بتخالف كل مبادئك؟ "

@eddabbas معك حق - إد عباس 

Chyno إنتاج و هندسة صوت : نصر شربجي 
تنفيذ و أداء و كتابة: إد عباس 
KALAAM :غناء إضافي
"من ألبوم "الضالين

@GheirQissa بالتعاون مع

" How would you feel if your friend left to fight? "

'You Are Right, Partner" - Edd Abbas
Produced and Mixed by Nasser "Chyno" Shorbaji
Performed and Written by Edd Abbas
Additional Vocals by KALAAM

From the album " #El_Dahleen "
Mastered by Lopazz at Mixmastering, Germany

Artwork by: Ahmad Tarek (www.instagram.com/tycho23)

-----------------------------------------------------------------------------------------------

:كلمات

أكيد كنت رفيق إليه
, بس مني مأكد إذا بعدك
, مني مأكد من هل علاقة إذ بعد إلها معنى
, إخر فترة ما إنجمعنا
, بس ما بيعني فيك تختفي هيك بلا ما تعطيني فرصة ودعك
, ما الك حق رفيق
, بتعرف انك غالي علي فما الك حق تغيب
, ما الك حق تصير بمحل بعيد بلا ما تخبر أعز رفيق
, الصحبه ما بتنشرى فما الك حق تبيع,
 بنينا سوى تخايله مبنى فما الك حق تخفي,
 تخايلو كونترا ببنود تقعد لحالك تشحل في,
 إذ الك حق لكن حقي تعطيني حق رفيق, 
خسرت الحق فبيحقلي بدل هل حق تعويض
, لا لا لا مألك حق بليسز, 
حقك إذ أنا بطلت رفيق
 لكن ساعتا ما معي حق بشي,
 بس من حقي أعرف إذ بعدني أو بطلت رفيق,
 براسي 100 سؤال بلا جواب تائقعد حلل في,

المهم ... صاحب الحق كبير, 
إذ معك حق من حقك تحلق بعيد...
 بعد الحف بالجبين...
 مفروض بهدل بحالي بدل ما بهدل فيك....
 الحق عليي رفيق, 
بالعادي ما بخلي الحق يضيع
, صدق ما بعرف كيف
, ما انتبهت قبل هلأ اني مقصر كتير,


ما إلي حق إحكيك بهل طريقة
, بأي حق رحت فتحت تحقيق مع ضميرك
, ما أنا الفوتك بالدين تتزيح عن الخطيئة
, لو ما أنا إنت ما كنت مشيت بهل مسيرة
, بوقتها جيتك بتفكير إنسان متعصب
, بوقتا كنت عم تسمع حديث من لسان متطرف
, من بعد ما صحيت ندمت
, مع إن القرأن واحد بس كل حدا بتلاقي عاطيك تفسير شكل
, الكافر كافر مش شغلتك تنهي بجفت
 بس البعض شاطرين بالتحريف و الكذب
 شفلي وين بالقرآن ذاكرين
, إن ذبح اليهود حلال أو متهمين أبناء المسيح بالكفر
, بتمنى ما تكون نجريت
, هيدي الحرب مش الك بتمنى تكون عنها تخليت
, بدك تقاتل تع دافع عن الإسلام
, الحرب المظبوطة هي مش مع أما هي ضد هل اخوان

... صاحب الحق كبير, 
إذ معك حق من حقك تحلق بعيد...
 بعد الحف بالجبين...
 مفروض بهدل بحالي بدل ما بهدل فيك....
 الحق عليي رفيق, 
بالعادي ما بخلي الحق يضيع
, صدق ما بعرف كيف
, ما انتبهت قبل هلأ اني مقصر كتير,

Ma3ak Ha2 - Edd Abbas - معك حق

"كلها كلها قلها كلا "

@el-rass-the-head كلها كلها - الراس
Chyno إنتاج و هندسة صوت : نصر شربجي 
تنفيذ و أداء و كتابة:  الراس

"من ألبوم "الضالين

@GheirQissa بالتعاون مع

"The Whole Thing" - El Rass
Produced and Mixed by Nasser "Chyno" Shorbaji
Performed and Written by El Rass

From the album " #El_Dahleen "

Mastered by Lopazz at Mixmastering, Germany

Artwork by: Ahmad Tarek (www.instagram.com/tycho23)

--------------------------------------------------------------------------------------------
:الكلمات

ما بحكي باسم حدا بطلع بس من ياللي ببالي
ما بنطق عن الهوا هي من عقلي مش خيالي
ما بتلقم الراي ماني دابة ماني الة ماني ظاهرة ماني حالة
اكبر من كل خانة
بتفرض عليي السؤال بحول سؤالك سؤالي
 وبجاوب عحالي
ليش بحسب ولاءك رءاسي وحكومي ونيابي
فيك ترجع من سوريا شهيد وفيك ترجع جثة ارهابي؟
مين بيبعت ذخيرة وبطيزها دغري كاميرا
نكتة سمجة صورتنا ماننا سكسي الا اذا دمي غمرها
هشتاغ حجاب هشتاغ جهاد
 نحن اشباه اجساد اوجاعنا حاجات شاشات تيدور استهلاك
بس بعدني عم اشكيلك ليك
ليش الدبح عالتكبير اقسى عليك
 من عتمة زنازين من غزوة براميل
الفرق بالاخراج اكلتلك راسك هوليوود
 بلعتلك عينيك
طب كيف في دول بتمول دولتنا من ميل
 ومن نفس الاموال بتعبي
 جيب جمعيات بتربي الناس عانتماء بيناقض كل فكرة لبنان
دخلك شو فكرة لبنان؟
 ارزة او انسان؟
ومنين بجبلك عنفوان وشموخ
 اذا ما موعود غير بفلوكة كاوتشوك
بزعران كلبشوني
يقبشوني عضلات وطن هني بس اوطاننا مجنونة
في لحية امنية ولحية تهديد امني
معتدل اذا غني
في زيت وسمنة
لتسليك الخازوق انواع للدهون
مذاهب بتتميز بالضحك عالدقون
بيتقاسموا الادوار يوم انا فرعون يوم انا المظلوم
 وتدوم وتدوم وتدوم وتدور وتدور
والبيموتوا شبه بعضن  هون هونيك
 والبيعبوا كروشن نفسهم هون ومن هونيك
لازم تخلق محظوظ حتى تظلك سمباتيك

 لداعش لاخواتها للطوايف كلها كلا
 بيتاجروا بالتاويل والحقيقة نحن كلها
للمحتل قد ما طول النا الارض كلها 
لنصابين السلطة واحزابن كلها
كلها كلها قلها كلا
بدنا نصير بدنا نتعلم بدنا نحب بدنا نتسلى
بدنا نطير بدنا نتجادل بدنا نشبع ونتحلى
بدنا نرفض دون خوف بدنا نبدع ونتجلى
الوفي بينقد وطن بالعقل متسلح
ما تغرك المظاهر مسّيح الجوخ تخلى

مين بيركض صوب الموت غير الميت؟
فلا تسال ليش قتلنا مين قاتله ؟
اذا الظلم خطف روحه وحرمانه ربى جنونه
اذا اسود علم داعش متل الاسود تحت عيونه
اذا الدم اللي عالشاشة لحقه عتخته بمنامه
وقديش الشيخ بيقبض عالحماسية بكلامه
نحن بنكره الغرب ولا الغرب اللي غزانا 
كيف اللي حرق فرحنا بده يشاركنا بعزانا
كيف بتحارب الارهاب اذا بتقسم الناس
بيءة حاضنة بيءة خايفة واشرف ناس 
نصيحة حطها حلقة 
الهوية مسلسل ومن نصك ناقص حلقة
اذا الوطن باوجاعي ما بيعترف
الغربة رح احترف
وسهل الغربة بالاوطان تقلب عنف

Kulla Kulla - El Rass // كلها كلها - الراس

بو ناصر الطفّار: ربّ القلق
2017
إنتاج موسيقي: بو كلثوم
تسجيل: الراس
الكلمات:

"يا بو ناصر واعذاب العين من شي تشوفه"
لا تنتظر من البو والبوبو إلّا القلق
ولا تتوقّع صفّ حكي بل جواز حلق
وين يو؟ 
هيدا حرص ولّا حسد؟
محتار شوف فيك معارض عرص ولّا أسد؟
وين يو؟
ولك يا بوبو بس بقا
عشرين سنة شغل جحاش شبع ربك شقا
صرت من خيالي مشخشخب
مسرسب بين اربع حيطان مكركب
عمّ الحبّ لما الفيسبوك زاد القلب
بكرا بتقتل بعدا بتفقس فقسة حسّ بالذنب
منيح؟
بالحراك كم شبّيح
لبس توب الدرك لما الدرك يستريح
منيح؟
هالتراك مش ربيح
إذا عندك زيح أحمر باجري بمجي مية زيح
وين يو؟
نقلق راحتك يا رايق
الما ربّته الدني رح يتربّى بالحرايق

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض

طير كان طاير كلّ فكره منّو وحيد
إذا امه بعيدة تلمّه هون بتلمّه مية أيد
بس هوى
ما لاقى حوله الا هوا
والهوا هون وسخ مهما غش غريب وغوا
الصاب الطير بينسى الطير بس الطير لا
نحنا بدل أخد العبرة منحيي الذكرى
تاره بيتاخد عمهل
حررنا الارض من الصهيوني ليحتلّا الجهل
هلا ومرحب بالعمامة
يا رايح صوب القدس عالغوطة وصل سلامي
طير حلّق، بلا جوانخ خنّق، والصيّاد المخّ كلنا الطير علّق
العجز شلّك الوعي، وضاع حلّك، غطّ كلّ الطير لَ صار الطير كلّك
منيح؟
هالتراك مش ربّيح
الثورة صارت دولة حتّى الدولة تستريح

بيروت ما بتخنقنا، نحنا منخنق بعض / مشنوق ما بيشنقنا، نحنا منشنق بعض
" ويش أسوي يا بو ناصر عيني اللي غربلتني"

بو ناصر الطافر - ربّ القلق Prod. By Bu kolthoum

Prod. by @el-rass-the-head

كلمات:
@al-darwish-963
قال إني معكم
قال ترصّدوا.
فلت الحبل وقال تمسّكوا
تركوا الحبل تنسّكوا
فالمشكلة مو بالخط، بل بأحاديته، وكمان في مشكلة تكمن بفعله بالزبط.. مو بنيته.
بيخاطبونا من منابر الديموقراطية.. بيموتوا بالفيتو
مع الراس يفكّركم لو نسيتوا، لما تشتلوا عن الأصول الأصلي بيحرّك حجار الأصل، من بعد الاسطبل لقبل رأسماليته..
موقف زمني فمحتاج اكتر من حلقة لنشرحه أو نخوص بدراميته..
فمنشوكم برمضان الجاي
ومنأجل الحديث لبعد التحلاي
حول نكسبك عكاسة شاي
أو نخسرك لأنك من جماعة اللي راح راح واللي جاي جاي
نحنا بالخطوة ثابتين فلما اتعب بوصل لساني برجليّ
بشد الكآبة عالفيّ..
ما بعاديك لما اعديك وما بهجيك لما أرثيك
صاروا الشركا زيادة ونقصنا شريك.

@el-rass-the-head
لما تناموا بنفيق بنعلي بنطير وبنجرح وبنمرح
لما تلونوا الوجوه بنجرب نتعرى ونجاهر بوحوشنا عالمسرح
لما يغمض عينيه بنسلحب وراه وبنهرب سعادة من مطرح لمطرح بمطرة
حواش قبل ما تطرح، اجمع قبل يطرح كسور
حطوا خفاش عجيوش العرب نزلوا النسور
ربك رؤوف شيلوا الشهادة خلوا السيوف
حطوا ميم ماكدو خلوا علم اميركا يزيد نجوم
طلع انين الناي بيفنى بس البايس بيدوم
آخر واحد بيلم أول واحد بيلوم
ملفوف بضباب مفكرهم الغيوم
من الطبيعة بستعير تما انكت جرح المدينة
ياللي احترقت بالحشيش وشربتها ببلعة القنينة
قديمة تنييمة الفعل بتنغيمة عالعبث والحزن
بتمجيدة الجهل والفشل والبؤس والناس العم تموت وانت عايش
والناس عم تخون وانت قاعد، والنار العم تنوس وانت بارد منذ الازل
يائس تاجر أمل، زرع شوكي حصد شلل
عاش المعنى الواحد إذا تسطيح البدل
إذا الالوان كلها مسروقة تحيا البدل
مش مستعلم عن موضوعك مات الجدل
بيهجوا العلم بثقة خاصة بضعف العلل
كان فيه غزل بالجاهلية صار للجهالة الغزل
اجل

@yazenalasli
ساردين عل ايكوتريب نفاق ع حساب الكاركترستيك
لهيك الأصلي، و ينصهروا امسيز بلاستيك
بيتهجّى الكلمة بتئتئ بحروفي بتكتك
تعطيه ايقاع ليتف بتلاقيه ع اول كيك بحكحك
برا نَيّك ،انا مسخ حفيد صعاليك
حرف حقيقي يضحكك ولا عشرة بكتاب يبكيك
مثبط ليأجل هجرة مش عل موت راح فيك
و قبل ما تعد للعشرة فكر بالخازوق ، جاييك
وين و كيف ما رحت مكان الارض بديل
بس الدليل ممكن تلاقيه بتخت
بنحت حاصل ضرب لاجئين ببعض
الناتج مزيد من القهر مش مزيل لنتائج سِلم حرب سرقة و نهب
القائل مثلك كلب لجموه و كل ما زاد سكوته رجموه
بعلاقة طردية بزيد جموح بالتالي لسانه عكف عن البوح
الصوت مش كافي و قد ما كان المعدن قاسي 
القادر على خرقه روح
العجز معجزة 
لغز مش مسألة
الفطرة أصل
اختصار للتجربة

#مسوخ
حم 2017

الدرويش | الراس | الأصلي - زمن المسخ

Artwork by Mohannad Babilley
Prod. El Rass

حم 2017 

للما بيشوف هيدي الغنية
للما بيشوف الإمكانية
إمكانية عالم تاني
بحر فرديتك ما رواني
للما بيشوف هيدي الغنية
للما بيشوف الإمكانية
إمكانية عالم تاني
سواد سلبيتك ما واتاني

ولا جنس المغامرة عسلالم مرسومة 
وصفات موثوقة لنتايج محسومة
معدة مسبقا وهم بالحاجة 
استعراض بطولي عظهر احاجي محلولة 
ولا جنس اللعب مين فرمتك؟
سمعتك قبلك بالانجليزي مين ترجمك؟
 نحن بنعمل معجزات كيف صار سمك قليل يطعمي الاف؟
نحن بزمن المسخ انت بزمن المؤخرة عالغلاف
 عصر  anal بالع بطنه دايما وسيط لمال وسخ كجزر الكايمان
خرافة شائعة كشرف بغشاء فيه اولويات للنداء
 لولاها كان احلى لو قلتها hymen 
انت نفس الطبخة سنين بتعيدها والحجة عالسبعين بتخترع طبخات جديدة
وضعك نص نص محير داليدا
بفكك من نص لنص لنص ديريدا 
قليل من الفخر يحيي قلب الانسان بس بيقتله كبده لما يزيدها
صايرين شبه بعضهم كلن توأم  نينا وريدا 
لو كنا لاتينوس كنت انت باولو كويلو وانا بابلو نيرودا 
ولو كنا مصريين انت ابراهيم الفقي انا فرج فودة 
بس هالمرة بنياب اسالت مجرب
بس هالمرة بمخالب والشاطر يقرب 
مش دس هيدا هجاء لنهج اوسع من الراب بكتير
على موضع خلاف متل واقعة الغدير 
سميت الراب عبادة لانه الصمت الاساس العتيد
والنطق تكليف من اللوح المحفوظ عند العلي القدير
مش دين خلق حسن
ابو اليين واليانغ سميني ابو الحسن
هني التسطيح الماضي نحن التضاريس الجاية: ابو الحسن
كل السدود مأرب وبيسقط اخر حصن 
رح ظلني وسع مركب  وبنزوجك عالسفن
رح ظلني انحت مذهبي وسلاسلك انسفن 
هون المخ مشتت دوما افقه زبالة إن صفن 
عولمة القمامة لما بسبن بنصفن 
وايت تراش محلي mc britney spears اللوكال
صوته مخنق دايما ليه؟ وسعله الchoker
So sick flow متل إعلان بbudget عالي	
Too bad bro إنه المنتج سرطاني
شعر الكوبيرايت حملة اعلانات لنفسه
بيروج لوجه تيقدر هو يلبس عكسه
كاريزما راديو القاهرة بيوم النكسة
غازيك بعقر دارك سميني هكسوس 
برجع باخد بتارك سميني احمس
بطلع بقعد عكتافك سميني اخمص
بعمل حرفك ميداني وعطوله بخمس
 بحرقلك مكناتك شريطان وبلمس

للما بيشوف هيدي الغنية
للما بيشوف الإمكانية
إمكانية عالم تاني
بحر فرديتك ما رواني
للما بيشوف هيدي الغنية
للما بيشوف الإمكانية
إمكانية عالم تاني
سواد سلبيتك ما واتاني

طعم طعم يمين ويسار
بذر بذر وتبرع بدولار للمجاعة بالصومال
يا مشروع للاستثمار يا مشروع للديكتاتور
سقفهم اقتصاد call center : بانغالور 
بانغالووووووور

الراس - همممم

Artist: Yohoros
EP: Land of Fajura
Remixers: Zigan Aldi / Mustafa Ismaeel (@mustafa-ismaeel-official)
Label: Dream Culture

Yohoros - Talinguru (Mustafa Ismaeel Remix)

طلال حيدر: "بيتي متل ورقة احترق ما عاد عندي أهل
شبّهتك بهالسهل، وقرص العسل عملو عمهلو النحل..
شبّهتك بحالي.."

محراك:
يمكن أنا حظّي قليل، الدنيا معركة هزمتني
أو الحرب وأمراضها شلّتني
عم بحسّ أنه الراب مش مجدي
شو عم بحكي!؟
مين بيعرف أكم واحد متلي!
أنا ميّت بس بحكي عيشتي ضحكة ع أبيخ نكتة.
ضاقت بنا السبل هربنا
ضاقت بنا السفن غرقنا
طافت ع موتنا الدول وعشنا إحنا البعبوص اللي بوجه الدنيا.
بصفن بوجوه الناس العايشة عادي
بطقع وحدة "ما فارقة" وبكذّب صدقيني
ببرم راسي عن شي تمن سنين لورا لا تواخذوني بهالكلمة ناوي أكمّل نص عيشتي، الحياة عم بتزبّل كفّك شريكتي. صرلي سنين عم ببزق
كانوا غرقوا لو سمعوا كلشي صاير فينا 
بس ورحمة كلشي انهفّ  إنّه ناوينلن ياها
منركب عالدنيا كلنا سوا يا منبنشر السفينة ونفضح أختها ملّا سيرة
يا منركب عالدنيا كلنا سوا يا منبنشر السفينة ونفضح أختها ملّا سيرة يا
منركب عالدنيا كلنا سوا يا منبنشر السفينة ونفضح أختها ملّا سيرة.

اللازمة | الرّاس: 2X 
"لاموني اللي غاروا مني
وقالولي اش عاجبك فيها
جاوبت اللي جهلوا فنّي
خدوا عيني وشوفوا بيها" *1

جسر:
دوري ضلّك دوري ضلّك دوري لندور
دوري ضلّك دوري ضلّك دوري لندور
دوري ضلّك دوري ضلّك دوري.

الدرويش @al-darwish
واقفة بأول الطريق لتستقبلني سؤالها تحت باطها: "ما الّذي صنعتم؟" لملم كلامي اعتباطا..
طلع جوابي فراطة؛ شاركتني فكرة.. شاركتها كيس بطاطا.
أنا تافه لما بدّي، معقّد بس لا تشدّي حنجرتي
ليل والصوت بيودّي، عقلي تركني وراح يطير وراكِ وأنتِ جنبي
فلا تحتدي... جايبلك صور لتتغدي.
بملك كلماتي وكم ليرة بس بفتحلك معصرة بقلبي
أمشي نعمّر ونسكن بالضيعة، بالضيعة الهوا غربي، وأرضي بتساعك... سرّبي
لنحط ّ الكون بعلبة.
خليلي عقلي بعطيكِ قلبي، خلّي الثّبات للمكان وأمشي ولو كلّ حدا بوجهة
منتلاقى يوماً ما واحتمال بكرا يصير كلشي.. فكان لازم قلّك:
كنتِ عكّازي ببيروت لما احتجتك.. كنتِ بيتي لما تسكّرت البيوت بوجهي
كنتِ رفيقة عن حالي بتشدّني كلما يطوف فيني جنوني بتحدّني، تسقيلي جذوري تمدّني.... بالطّاقة وقت الحرب، بالصبر وقت الهدنة، ضيع وبترجّعني، افلت عن محوري وتربطني اتكبّر وتغلبْني كنتِ ناسي وأنتِ ناسي...... وناسي ما بتتركني.


*1: كلمات اللازمة من التراث التونسي، للموسيقار الرّاحل "الهادي الجويني".

راب بالعربي

Rafat Jhd Mhalla