الذي احبه

أنا في انتظارك


ام كلثوم
اتغنت فى حديقة الأزبكية 1955-03-03, 1957-05-02.

كلمات: محمود بيرم التونسي
ألحان: زكريا احمد
غنا: أم كلثوم
إنتاج: 1943
أنا في انتظارك خلِّيت، ناري في ضلوعي وحطِّيت

إيدي على خدِّي وعدِّيت، بالثانية غيابك ولا جيت

يا ريت يا ريت يا ريت يا ريت يا ريت يارتني

يااااااااااا ريتني.. يا ريتني عمري ما حبيت

عايزة اعرف لا تكون غضبان، أو شاغل قلبك إنسان

خليتني من يأسي أقول، الغيبة دي غيبة على طول

واتفكّر إيه اللي جنيت، من ذنبِ يسيئك ما لقيت

يا ريت يا ريت يا ريت يا ريت يا ريت يارتني

ياااااااااااا ريتني.. يا ريتني عمري ما حبيت

اتقلب على جمر النار، واتشرد ويَّا الأفكار

النسمة، أحسبها خطاك، والهمسة أحسبها لغاك

على كده أصبحت وأمسيت، وشافوني وقالوا اتجنيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت

توعدني بسنين وأيَّام، وتجيني بحجج وكلام

وتسلِّم وتمرِّ قوام أو تخلف وتقول لي نسيت

يا ريت يا ريت يا ريت يا ريت يا ريت

يا ريتني.. يا ريتني عمري ما حبيت

الذي احبه

Ragab Ahmed