كل حرف بتقوليه بينزف مشاعر ❤️❤️❤️

انا فخور ان انا من متابعينك ♥ 

استاذة مروة انا بتعجبني الحاجات اللي بتنزل علي الفيس وببقي نفسي اعملك كومنتات ممكن حضرتك تقبلي طلب صداقة لو مش هيدايقك طبعا؟  🙏🙏🙏

حاضر الغي الادد وابعته تاني وهقبله ❤

www.facebook.com/adel.mohamed.80  it's my account 

استاذة مروة  من فضلك مش عارف ابعتلك  ادد

استاذة مروة انا علقت علي صورة حضرتك  🌹 

الله عليك يا مروه ❤️😍

جميله اوي ..حد يعرف اسم الموسيقي ف الباك جراوند 

كيفك انت

معجزة ع الأرض_ رحمة الحداد

الفجر أذن فيا مسمعتوش 

سلّكت ودني بعشم وجبرتها تركّز 

ماانا كنت بتأزأز م الفِكر علي غفله 

والدنيا بتشيلني وتهبدّني مية مره 

كروان بيتسلي فوق السطوح بيا 

ويسلّم الملكوت للمالك الأصلي 

هب الهوا فيا وقالي أوصفلي  

إيه اخر الأخبار والدنيا ماشيه إزاي 

قلبي البعيد نساي كل اما يتوجّع ينسي اللي يحصله 

وياخدله ركن بعيد يبكيله كام ليله ويعود برئ جدا 

شديت زحامي بذوق

ودعيت بكل خشوع اني اكتمل إنسان .. 
وان الادان يكمل ..


_ المشهد الاول ..


الشمس طالعه وجايه تتمخطر

وتمد نورها ف عيني تلاعبني 

كان ايه اللي خلي الحزن يغلبني 

ويشق روحي ف اتقلب ماضي 

كان إيه اللي خلي دايرة الملاعين
 تتلف فيا وتبتسملي ف أموت 

او أعيش بدون ما اتمني اني اعيش

كان ايه اللي خلي شجرة الجميز
 مكروه جداً جوا حلق الناس 

مع ان أصلاً كان أبوها التين 

ماشيين ف دايره يحتويها الطين 

كل أما بدخل فيها بتّلوث

والناس تنفّض ضهري بسذاجه 
وتقولي كمّل انت أهو كويس !

بيجمّلوني بزيف وبيهربوا مني

بهرب بخوف مني وأدارى ف جيوبهم 

بطلع ونيس زايد بخرج مع الفكّه

كان نفسي اتكا علي حبي ف قلوبهم
 وألبد بدون ما أتوجع أو ينزفوني بعنف ..


_ فاصل ..


في سحابه واقفه جنبي طول الليل 

عماله تبكي بعشم وتقولي معذوره 

مكنتش تقصد ف الفراق تتكسر 

او حتي ينزل من عنيها دموع

في سحاب بيبكي بس مش مسموع ..


_ المشهد التاني ..


الدنيا ملعب وانت كوره شراب 

الناس تشوطك تتقسم نصين 

باقي القصيده راح يودي لفين 

ولفين هتهرب من قدر محتوم 

كل اما تكبر تتملي ف هموم 

كل اما اما تكبر تتلبس ف هدوم 

ويقلعوك منهم او يقسموك نصين

أنا وانت جايز نتقلب شطين 

والناس تعدي علينا وتدوسنا 

او ياكلوا ترمس ويقلبوه فينا 

انا وانت دنيا وتايهه خطاوينا 

الشمس طلت فينا نورنا 

مدت شعاعها بشوق .. سيحنا وعورنا 

فبدأنا نَزّ ظروف وبشر بتوجعنا 

عاوز ألحق أخلع نفسي من روحهم 

وانا بجري تايه مني جواهم 

كل اما برفع رجلي بتّثبت 

واعود لنفس الوقفه ف قفاهم !

هامش تملي ماليش مكان فيهم 

بيدخلوني عشان بعرف ادفيهم 

وانا العليل برتجف م الوحده طول الليل..!


_ المشهد الأخير .. 


سلّمت قرص الشمس جسمي ولا إتهزيت

وسلّمت ودني للأدان بالوقت

الشمس حاميه وكتفي تلج يسيح

والناس بتنزل منه لا إرادي 

وانا بجري مُجهد حبه م الايام

والوقت ماسك فيا ورابطني 

معرفش فعل اليأس دا عادي 

والأ كلام الناس بيحبطني ؟!

ماشي وبيمد ايديا علي بكره وبقوله خف 

بلاش تجيلي كئيب 

وان مره شوفت ظروفي قلبت ديب 

خليك حنين وشدني منها 

مش كل مره تسيبها تنهشني
 تنزل دموعي تسّكرك فتموت !

وتجيلي ليل غامق بيطَّوَّح 
مش هابقي دايما بحضنك مبسوط 

كل الظواهر فتنت عليك للناس

وقالوا طيب وقلبه سهل يميل 

الوقت دا كان وقت للتطبيل 
علشان يعدوا ويشربوك بهدوء 

عملوك إزازه بقلب سهل الفتح 

كل اللي يعطش يشربك مصلحه 

ويلم روحه ويجري بيها بعيد 

وانت الوحيد الباقي ف المشرحه

هتعيش تملي ف دنيتك عربيد 

كل المشاهد دايره بتلفّك

وتلف فيها وتنتهي جواك 

الناس مصالح ، وقت .. 
عِد اللي لسه معاك  .. 

..
#مروه_كامل

المشهد الأخير.mp3

Ramy Essam - Lonek El M5tof رامى عصام - لونك المخطوف


انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل 50

أنا بفضل دايما للآخر

ف جيمات الكونكان والشايب

و ف كشف الحاضر والغايب

وف حجز شقق مصيف بلطيم

أنا آخر تايب في اصحابي

وآخرهم ف الصلا ف التسليم

وف دور المدرسه في التطعيم

وفي وقت السين

أنا آخر جيم

أنا جرح قديم...كان متغطي

إكمني مشتي ولابس كم

سبتني الدنيا بستين أم

وسبتلها ميت مِلّه ودين

ولحد ماتميت ست سنين

أنا كنت بحب البني آدمين

وكرهت الناس من بعديها

علشان نسّوني أنا أصلاً مين

مش فاكر إمتى حقيقي بدأت

إنما فيه فتره فاكرها طشاش

كان فنجان قهوتي مابيفضاش

وبكلم ربنا طول الوقت

عمري ماصدقت بنات غير ريم

ويمكن دلوقتي ما اصدقهاش

آخر مره

شفتها فيها

كانت تقريبا بتعزل

و كان فيه سواق تاكسي منزل

ف شنط ناس حتحل مكانها

ووشوش بني آدمين معرفهاش

أنا ريم يمكن كانت قدي

أيامها... لكن دلوقتي أصغر

عارفه إن أنا يوميا بكبر ؟

وبعجز إكمني مابنساش

أنا فاكر أيام بالميللي

أنا فاكر أيام بالتفصيل

أنا فاكر يوم دفنة أختي

حتصدقي..؟ أكتر مافاكرها

وساعات بنسي ف ليله كبيرها

أنا فاكر شقة قصرالنيل

ومش فاكر حد من السكان

من صغري وعمري مابنسي مكان

أنا أصلاً فاكر بيت شادي

مع إني مازورتوش غير مره

بأمارة فيه برواز بره

كان جواه صورته ف إعدادي

كان لسه ساعتها طالعله شنب

ونا حاسس إني طلعلي أتب

من تقل الشيله و م التفكير

معلش أنا آسف برغي كتير

وبسف ف وقتك وف وقتي

أنا حاسس بدماغي بتتقل

أنا نفسي أنام

أنا عاوز أروّح دلوقتي

متشكر جداً ع الجلسه

حنكمل إمتى علاج طيب ؟

لازم حنشوف بعض قريب

أنا ماشي...

سلام

مصطفى إبراهيم ، تفرانيل 100  .

(قواعد العشق الاربعون)MIX الحب الصوفي   Zig Zag - زجزاج

صرخه | Sar5a

#أعنف_ما_جاء_في_الأدب ..
.لَمْ أُسامِحْ أخي التوأم الذى هجرني لــ سِت دقائق فى بطن أمي ، وتركني هناك ، وحيداً ، مذعوراً في الظلام ، عائماً كرائد فضاء في بطنِ أمي ، مستمعاً إلي القبلات تنهمر عليه في الجانب الآخر .
كانت تلك أطول ست دقائق في حياتي ، وهي التي حددت في النهاية أن أخي سيكون الابن البِكر والمفضل لأمي .
منذ ذلك الحين ، صرت أسبق أخي في الخروج من كل الاماكن : من الغرفة ، من البيت، من المدرسة ، من السينما – مع أن ذلك كان يكلفني مشاهدة نهاية الفيلم.
و فى يوم من الأيام ، التهيتُ ، فخرج أخي قبلي إلي الشارع ، وبينما كان ينظر إليّ بابتسامته الوديعة ، دهسته سيارة ، أتذكر أن والدتي ، لدي سماعها صوت الضربة ، ركضت من المنزل ومرت من أمامي ، ذراعاها كانتا ممدوتان نحو جثة أخي لكنها تصرخ باسمي ..
حتى هذه اللحظة لم أصحح لها خطأها ابداً..💔

#رفائيل_نوبو - "مت أنا وعاش أخي"
#مما_قرأت
Facebook Account : https://www.facebook.com/zekyIK

أخي - #أعنف_ما_جاء_في_الأدب - رفائيل_نوبو

بلادى بلادى بلادى
انت ليه بايعانى عادى
كفاية اللى شفتو فى حياتى
مش هشوف الاعادة فى ولادى
كل يوم انا انام و اقوم
همى رزقى يوم ب يوم
هو لية الليل صوم فيكى ميفطرش تانى
ياللى فيكى حق ضاع
ما انتى ماشية بالدراع
صوتى بيجبلك صداع
بس طبلة غيرى عادى
بلادى بلادى بلادى
انت ليه بايعانى عادى
كفاية اللى شفتو فى حياتى
مش هشوف الاعادة فى ولادى

############

الف مرة اقول هروح
غربتى صبحت طموح
ياللى دايسة عالجروح دايسةدايما عاللى راضى
مهما كنا موجوعين
احنا ايديكى اليمين
لو طلبتى الروح امين
غالية و افديكى بحياتى
بلادى بلادى بلادى
انت ليه بايعانى عادى
كفاية اللى شفتو فى حياتى
مش هشوف الاعادة فى ولادى

#########

من سنين و انت النشيد
ياللى ماشية فى الوريد
الحرة متربيش عبيد
و انت حرة يا بلادى
و لو مراهنة عالحنين
جاب اجلنا من سنين
مانتى عارفة طيبين
نبكى لو نسمع بلاااادى
بلادى بلادى بلادى
انت ليه بايعانى عادى
كفاية اللى شفتو فى حياتى
مش هشوف الاعادة فى ولادى
بلادى بلادى بلادى
لكى حبى و فؤادى

بلادي بلادي بلادي انت ليه ؟ .. أمير عيد من فيلم طلق صناعي

كايروكي - بلادي بلادي " النشيد " اغنيه جديده 2018/ Cairokee ( كامله بالكلمات ) من فيلم طلق صناعي

 

جيبت ليه صاحب وحبيته

زقنى فى المترو زقيته

واما مات فيا ومت انا فيه

روحتله بيته وعزيته

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

حبنى الشارع وحبيته

عض قلبى الليل وعضيته

خضنى الأنسان وخضيته

لما بان من وشه عفاريته

 

**

عدى فيا القمح سمرنى

عدى فيا الفجر صبرنى

عدى فيا الحزن غيرنى

عدى فيا العمر كبرنى

 

**

خدنى م اللفة لمريلتى

خدنى م التسنين لحصلتى

خدنى من مدرستى ع الجامعة

خدنى م الترعة على الاسفلت

 

**

خدت م الاتوبيس مراياته

خدت م السواق حكاياته

خدت م الركاب تذاكر موت

 

***

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

ياللى وحشانى متوحشنيش

ضحكك السكر محلانيش

خوفت م المطرة قفلت الشيش

ليه فضل اسمك على الشباك

 

**

كنت جايب دبلة وغويشة

كنت شارب حاجه مغشوشة

شفت شبهك قاعدة فى الكوشة

 

**

قلت هى لا مش هى

فتشتنى الدمعة عن ميا

كنت أنشف من حطب محروق

 

**

حزن يا محول خطوط سيرى

حزن يا عطار فى باب اللوق

شوفلى تحويجة لتفسيرى

حط ريحة بن لضميرى

شوفلى عود أصلب من المغشوش

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

ردنى عالباب عطب روحى

جابلى ناى وزتونة مطروحى

 

**

 

جيبت ليه صاحب وحبيته

زقنى فى المنترو زقيته

واما مات فيا ومت انا فيه

روحتله بيته وعزيته

 

**

ردنى عالباب عطب روحى

جابلى ناى وزتونة مطروحى

 

**

مر انا يا صاحبى لو دوقتنى

جيت اقول الأه ما صدقتنى

يطرح ايه الملح غير مالح

يطلع ايه م الجرح غير مجروح

 

**

ليه ما تصفاشى لغير صافى

ليه فى عز الحوجة بتجافى

شوفتنى غاطس ولا طافى

كنت بندهلك حلاوة روح

 

**

حزن يا بقال ورا الجامع هات بنص ريال عسل فى الكوز

 

**

خد سنين الجرى وسنينى

هاتلى سن غزال دهب عينى

قطع الاسفلت شرايينى

هات بياض القطن شاش اللوز

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

سيرة الاراجوز - فرقة عمدان النور - Gazaga

مساء العناقات اللطيفة كعناقك لي يوم الثلاثاء الماضي، والذي باركهُ الطقس وغلّفنا بنسمة باردة راقت لروحي داخل روحك.
مساء الكلام الذي كنت لا أملك البوح به إلا بعيني التي احتلتك هي الأخرى في شوق كبير، يكفي لفترة سفري ويزيد على العُمر عُمرين، أحبك فيهما ولا أحب غيرك فيما عدا ابني أو ابنتي منك.

أردت اخبارك أن البلد قد صرحت لي بتحقيق الحلم الذي كنت أصبح وأمسي عليه أخيرًا: تغطية الحرب في الشمال، شغفي الثاني بعد عروق معصميك الجميلة.

أنا سعيدة جدًا عزيز.
صحيح! 
نومتك المتكورة تلك حاول أن تغيرها حتى أعود وأتولى الأمر وأخبئك فيّ ليلًا.

وبالمُناسبة، أخذت دفترك معي؛ لأدوِّن فيه لك ما يحدث معي يوميًا. 

لاتقلق بشأني؛ فأنا أحسن تدبير شئون المنزل ونفسي ونفَسي سينتظم، سوف يأتي يوم وينتظم فيه، لابد أن يحدث هذا.

لديَّ الكثير والكثير من الحُب لك. 

بلّغ عزيز أني أريده بكل مايملك أهل الأرض من أوردة يسكنها أحبة.

أريده عزيزًا دائمًا وألا يشوب قلبه أي حزن في غيابي.

 إن كتب الله لي العُمر سوف أعيشه في محرابك، وإن لم يكتب، فهذا منه ولا اعتراض على عطاياه. 

وردة على جبينك وقُبلة في عينيك

#رسائل_نرجس


لينك الفيديو علي فيس بوك 
https://m.facebook.com/story.php?story_fbid=812996145747003&id=100011098758938

لينك بروفايل الكاتبة آيه ابو النجا

https://www.facebook.com/lolo.toty.94

لينك بروفايل أية نصر علي فيس بوك

https://www.facebook.com/AyaNasrr

اقتباس " 1 " بصوت أية نصر " لـ الكاتبة آيه ابو النجا "

لو خيروك بين موت وموت 
اختار تموت في محاولة منك للحياة 
متموتش وانت بتتكسر ..

#مروه_كامل

المشهد الأخير.mp3

Marwa kamel

Recent comments

Fąrh Sęrag

nevooo

Adel Mohamed 101

Adel Mohamed 101

Related tracks