ست الصبايا .. لكل عاشق يعشق حبيبته

ست الصبايا  Clip

احلى الحلوين .. لو حابب تهدي لامك هديه تانيه سمعها دي 

احلى الحلوين.MP3

رساله قصيره 4 Custom T.MP3

ما تخفش اقف ثابت
ما تتحركش
ما يهزش قلبك
غير قوة الصلا
قوة الهتاف 
الصاعد للعلا
وخليك مستعد
واقف وقفة انتباه
ما في غير الشفاه
وصوت القلب
ورفع الايدين 
و تبادل الحب
ولحن اوله كلمة اه
اجيوس يا قدوس
يا عالم ما في النفوس
جيلك لجل قداس
صايم من اجله من ساعات
لجل ما تسكن بعد الاتحاد
بعد جسد طاهر ودم كريم
يا اكبر معين
غدره بيا وباخواتي
لما العين كانت مقفوله
بمنظر الملكوت مشغوله
وراكع وقت الركوع
واتاري يومي رايح
بلا رجوع
وشغالني منظر غريب
مليان شموع
وانا مش فاهم 
ايه سبب كترتهم
مرصوصين يمين وشمال
يمكن عشان المكان
بس نور ربنا كفايه وماليه
يا عمي !!!
ما تشغلش بالك بيه
وفجأه صوت بيقولي
ركز  واتنفس
و اوعاك تتغض
ايوه انت فعلا 
مش في الارض
انت قدام فيلم تسجيلي
هتشوفه بعد ما تجيلي
حبيته اعرضه عليك
ولو موافق هات ايديك
مبروك كسبت
ارجع بقى
و اقف وقفة ثبات
انسى الي فات
وركز في المشهد
عيد تفاصيل الفيلم
واستوعب انه حقيقه
و مش حلم
استنى كدا .. بعد كام ثانيه
بووووومب 
ولا بومب عيال العيد
وموقف ولا خيال 
من طفل جديد
بيستوعب دنيا غريبه
من حوليه !!
ارجوك يا شهيد
ركز في عينيه
وزي ما كنت بتذكر 
الي فاته و سابوك
انت دلوقتي معاهم
اذكر بقى الي 
عايزين يلحقوك
صلي من اجل الكل
انهم يبقوا مستعدين
وقت ما بومب العيد
تاني يضرب
ما نتخض
و نصدق اننا 
مش على الارض
وزور كل واحد في حمله
وقوله
السما جميله 
و الي هيحليها
وجود ولاده حوليه
تحبوا نفكركم على طول
ولا عرفته 
هترسه على ايه ؟؟؟؟                                     بقلم ... رامز وجيه

بومب العيد.MP3

البيوت حطان وابواب
وسقف مالي 
عليك الضليله
وانتي بيتك
الي حويني
ما شفت زيه ف لليله

وحشتيني

#شعر_عامي  #حضننا_وحضنكم

الحضن.MP3

انا والليل قيام
مستنين وقت الادان
عشان نعرف ان ساعه عدت .......
وبقت وهتبقى كالعاده
السهره المعتاده......

انا والسهر Clip

سلام يا صاحبي
يا ابو 3 دبابير
وشعر شبه غزير 
ونضاره
وبدله على حسب موسمها
وصوره اعتدنا نشوفها بالاماره
الضحكه الي حفظناها
والابتسامه الي مليانه
حب من القلب
وانا قلبي بجد مشتاقلك
تيجي يا صاحبي 
نروح بني حسن
مكان ما الكف سلمعلى الكف
والعيون شافت رجوله
والروح ارتاحت بروح مقبوله
فاكر سلامنا وكلامنا
ولما كنا بنبين اشواقنا
عمرو باشا !! رامز حبيبي
وحشني . ورده تملي يخليني
احبه اكتر
طب ايه مش هنتصور
باذن الله لما نتقابل قريب
سلام مبعوت
من ارض الخيانه و العبث
والافساد و الفساد
والاظلام و الظلام 
 و النظام والاهمال
سلام مبعوت
من قلب محروق
على غدر الرجال للرجال
لشاب كان عايش
بينضف ويخفف 
عن المواطن احماله وخوفه
من ناس مش بيصونه
كل احلامهم 
السلاح و التجاره
وجه وقت الاشاره
يضرب ويصد 
وكان الرد
موت الورد
بلونه الابيض و الدم مغرقه
وكالعاده
زي كل صوره
بص بابتسامه
لعدسة الموت بكل فخر
انا الظابط ابن مصر
ابن الصعيد
ابو بدله زيتي
انا الشهيد
والمغدور وبكل سرور
حضنة رصاصة الموت
لجل ما اقابل رب كريم

سلام يا صاحبي.MP3

مسافر يا صاحبي ؟؟
طب سلم او حتى عدي
اطلبلك السلامه
لحد ما ترجعلي
واخدك بالحضن .. كأني حاضن ابني
رنة تليفون . كلام غريب مسموع
العقل بقى كله جنون
القلب بيتملي دموع
الحق. اجري . حاول توصل
الجدع الي كان بيسال
الصاحب الي كان بيقف
السند وقت الحمل
الضحكه الي بيتخفف
بين ايد المولا
ايه يا عم انت
كلامك كدب .. 
صاحبي عوده يهد سدود
اكيد نعسان ف قال يريح
اكيد تعبان فقال يمدد
يا رب خد من عمري
لعمره لجل ما يتجدد
رجعت يا صاحبي ؟؟
طب حمدالله
بس المشهد مش زي كل مرا
المشهد مخيف 
دموع مطر في عز صيف
الي بيتهته والي بيسكسك
والي بيتفلهق والي بيزعق
كله بيقول بيشوي
كله باصص لفوق
وابتسامة التعجب ملياه
مين هيضحك مين يهزر
مين الي وقت الحيره يفكر
يقوم ناطط بحل يضحك الكل
مين وقت الفرح هيرقص الكل
مين وقت الامتحانات
هيسال عن الحل
مين الي وقت فضاه
كان مالي بسؤاله عن الكل
مع كل ذكرا حلوه .. 
الوقت بيعدي بسرعه
والمشهد الجاي غير محبوب بالمرا
عريس داخل لزفته
بس الطبل نواح و عويل
ولبس الفرح قماشه طويل
  ابيض زي قلبه .. 
وصافي زي روحه
يكتمل المشهد .. برفع خشبه حضناك
مانعه الكل عنك وحجزاك
وكان فيه هناك
صبايا وشباب وشبات وستات عواجيز
ورجاله عواكيز
والمكان ماليه التركيز
صدمه على وشوش الحضور
وكاهن بيحط بخور
بيكمل طقس الاكليل
وناس حوليه
متعشمه انه يقوم
بس الموت حل
كل توازن الفكر اختل
 كل كلام الحب اتقال
وفي لحظة لما اتشال
ارواحنا اتشالت .. وقلوبنا انهارت
رغم المشاهد الي فاتت
مكدبين واقع ملموس 
و جرح الفراق بيدوس
على قلوب هتشتاق
وارواح مستنيا دورها
كل تفكيرها والي شغلها
.. مكان جمبك
يسع كل الي حبوك

Beshoy Georges.MP3

بص يا صاحب
الله غالب
وحكمتهُ فوق العقول
وياما دَقت 
على القلوب طبول
ياما بَكينا دموع
ياما تذلينا اشتياق
ياما اتكسرلنا ضلوع
ياما دُبنا احتياج
الفكره بان الكسره
اشد من كسرة
النحو في جُملهُ
رغم سكون الوش
بس غليانه ملعون
والحزن ب 100 لون
خط الامل مرسوم
لكن لون الحزن باين
كل شيئ هيروح
بس مش كل شيئ هاين
ومن الباين والواضح
صوت الحزن لسى طازه
صوت البكا لسى صابح
كل يوم يعدي . كانه اول يوم
لسى شمس الحُزن شارق
غروبهُ مش باينله ملامح
مستنيك يا صاحبي
ترن وتسال . او نتقابل
نتفق نسهر او نتمشى
وعود الزمن كلها غاشه
ديما مفرقه ما بتجمعش
ولو جمعت 
يبقى ف الموضوع كارثه
وجع الصحاب على الصاحب
حاجه نادره .. وانت وجعتنا
يبو ضحكه فارقه
سلام . لحد ما نتقابل
سلام لحد ما اجيلك
مستني مكان فوق طالل
باصص على بيتك
الا قوليلي يا امي
هي دموعك جفت ولا
اصل دموعي لسى هلا
لسى نابعه من قلب الحدث
لسى كفة حزنها شايله
وكفة الفرح مانعه وجود الفرح
حزن القلب سايد 
دموع الشوقه على الغايب مدح
حزن الفكر على الراحل واجب
وكل الي راحه غوايب
الا انت ف القلب حاضر
والحلم لسى صابر
يزداد شرف بطلتك
يا رب راضي بحكمتك
بس قلبي عشمان بنعمتك
اشوفه ولو كل ليله عمر
سايق عليك الانبيا
سايق عليك كلي الي ارضوك
دموعي شقت الصخر
منين نجيب الصبر
والروح عايزه تمشي
قادر بقدرتك تحي
روحه جوا مننا تاني
يسكن ضلوع النفس
يبقالنا هوا بيواسي قلوبنا
يبقالنا حاجه لسى بتتحس

بص يا صاحب.MP3

حبيبي ..... اتمنى
رسايل الدردشه بتوصلك
عارفك مشغول بالتسبيح
مش فاضي ترد
كلمتك كتير عن حب , اتساب لظروف الزمن
عن تعب شوق ووحدا ف المحن
والضلمة الي بتأنس . والسهر الي منغير أانس
عن افراح العيله وغيبتك الطويله
وعدم وجودك وزيارتك وقلة رسايلك
النفس بيخرج . مجروح ومبحوح مليان وجع
والغربه مهما طالت ...
العين والقلب والروح . بيحنوا للوطن
الاصعب . ان سماك وطن وارضنا غربه
ان انت في زحمه واحنا في عزله
عندك نور . واحنا في ضلمه
المشهد الاول .... 15 عشره
مشهد الفراق اليوم المشؤوم
يوم شهد فيه البوم
وهاجرت كل طيور السلام
. والعين مبسوطه بكبار السن
الروح وكلاها الخوف . بصدمه هتحل
خبر ساد ... تعب هيدوم
ريحة التربه في الهدوم
صرخة اللاه بتصحي القبور 
اصحوا ..... اصحوا
زفة نعش لورد البساتين
فرح بس بلبس حزين
زهرة السن بتدبل وهي مسقيه
ربيع العمر لسى محلش
سبقه صيف الاموات
ومداش فرصه للخريف بالتجديد
سنه بالتحديد ... فاتت
واثبتت عكس ما قالوا " البعد بيولد جفا "
بعدك ادي للقلب دفا
خيال روحك في الحلم حقيقه
دايما حالل في كل اوقاتي
غلبت الطبيعه بوجودك .. رغم موتك
ظاهرة الحس بالوجود بتبقى بالمس
الغريب انك لامس بالطيف
بروح الصوره المتسابه ذكرى
واسمك المتساب زهريه حلوه
يا دايق من عسل الجنه
ابعت حبه فيها شهدك
ندوق الحلوو منك
نحلي مر القلوب
كل الشوارع ... كل الدروب
وحشاها خطوتك . لمتنا . ضحكتنا وهزارنا
كل بنشات الكليه وعدسات التكبير
كل المحاضرات والدفاتر ,, كل الكشاكيل
البلطوا الي بيلف عدفعه . كشك الكتب . سلم اللمه
كل الصحبه ,,,,, """" حبيبي """" !!
الفراغ مهما نملاه اساسه فراغ واتحشى
وشوقك مالي الحشى رغم كبره
والصحاب مهما كتره او نقصه
انت الابرز ,, انت النجمه فسما معتمه
لاااا , انت القمر بنوره ..
والشمس الي بطل من شباك اوضتي 
تاخد صدري بالحضن
الوقت مل . مهما يطول ساعاته
اليوم مقتول ناقصه كتير
رغم صفا سماه . مليان غيوم
ما في شيئ هيدوم .. الا الشوق
المشهد التاني ::::
ما في حد بيدوق الحلو
في بعاد الغالين
سطور كتبناها واتبروزت
جمل فضفضناها ومن وراها
الدموع اتكثفت
طلت كل حد من ريحتك
بحد ذاتها تعب ..
استرجاع ايام وشهور عدت
كل الخطاوي الي اتمشت
في اي شارع في اي حاره
على ناصية عمدان النور
كل قريب وكل جاره
كل الاحبه ,,
سايب فيهم علامه
حنين زي حنين
غريب ف ارض بعيده
مشتاق لحضن امه
وكل الاغراب الي سمعه
عن اسمك وسيرتك
حبوك واتمنوا لقاك
لجل ما يعاشروك
يحفروك وينقشوك في قلوبهم اكتر
المشهد التاني : 
تراجدي الحكايه الكئيب
مشهد كامل 
عن كوامل بنحاول نزودها
بنحاول نكبرها بسيرتك ومواقفك
لكن صعوبة المشهد ان البطل غايب
مش موجود . مجرد سيره
وعيون المشاهدين ملياها الحيره
مستنين البطل من الكواليس
سوكسيه التحيه حاضر
لكن شكله هيطول وقت معاده
كل الايام الي فاته
جوف الشوق بيتمادا ... الحب بيكبر بزياده
بنصبر روحنا بروحنا
بنواسي قلوبنا بخوفنا . لنضايق روحك الفرحانه
حبيبي ... سنه عدت كان فيها كل المنى
تعيشها بكل الحلو الي ماليها
تطل بشروق ضحكتك .. تدي الامل بنسيم  ضحكتك
تزداد العشره وتكبر دايرة حبايبك
ونبنيلك قصور حب مش ثابت
المشهد التالت :::
انت مالك . ملكت الفؤاد
حكمت عرش مشاعري 
غرست فينا الشوق . بكل معانيه الساميه
ملكت العين واسترجاع فيلم الذكريات
انت مالك ..... 
اصبح ليك زي الملايكه
واخد هيئتهم بروحك الصافيه
ليك من الاجنحه على قد ما تريد
طاير بتوزع من بهجتك
تملا سماه بالتسبيح
تملي مشارك حبايبه رضاه
عايش ليك بيت من النور
اساسه المسيح
عريس العمر . اتزف بناقوس الفرح
ترك للعالم رساله تتشرح
فيها كل مفردات المحبه
من بداية الحزن انك رحلت
للاجتماع فرحا 
بروحك الي سافرت
واحياء وجودك وسطينا
منتا عايش بين الكل ملاك
اصلك عايش هنا وهناك .. اصلك عايش هنا وهناك

Ramez Wajeh

Popular tracks