سورة الذئب فادي جومر _محمد وانلي

التشبيح الاعلامي

كل واحد فينا ... بيشوف التشبيح من منظوره الخاص ..

وحتى التشبيح في منو أنواع ..

تشبيح عالناس .. تشبيح تجاري .. تشبيح أخلاقي ... تشبيح فنّي وتشبيح إعلامي وغيرهن كتير من أنواع التشبيح

أنا هون بدي أحكي عن التشبيح الإعلامي .. بما أنو بيخصنا كــ إذاعة .. وبيخصني شخصياً كــ إعلامي

بعض الناس .. عم تحاول تتهجّم على إذاعة بلدنا وتتهمها وتتهم كل العاملين فيها .. بالتشبيح الإعلامي

هلئ من وين جابوا هالفكرة .. ما بعرف

بس أغلب الظن ... وهاد رأيي الشخصي .. بما أنو أفكار الإذاعة بتتعارض مع مصالحهن الشخصية فــ اعتبروها تشبيح

وبما أنو .. الإذاعة غير ممولة .. وغير مدعومة من جهة مااااااا .. وغير مسيّسة وتابعة لجهة ماااااا .. وغير داعمة لحدا مااااااا ... وغير قابضة من حساب ماااااااا ..

فــ من الطبيعي أنو بهيك إذاعة حرّة 100% ... نحكي وجع الناس دون الخوف من حدا ودون ما نحسب حساب ما يزعل فلان .. أو يمتعض علتان

وبما أنو .. كلّ العاملين بإذاعة بلدنا ... الكل هاااا .. وعشرين خط تحت كلمة كل العاملين بإذاعة بلدنا

بما أنو كلهن متطوعين .. مجااااااااناً .. للعمل بإذاعة بلدنا

فــ من حق كل واحد يحكي وجهة نظرو ... بس طبعاً بعد النقاش مع الإدارة وأعضاء الإذاعة بصحّة وجهة هالنظر .. أو غموضها

هلئ بئى ... منجي لموضوع التشبيح الإعلامي يلي بدنا نحكي عنو

في حدا .. أشخاص .. أو منظمات .. أو مجموعات أو أفراد

عم يتّهم الإذاعة ... بإنها شلّة شبيحة ... وإنها تابعة للأسد وللنظام

طيب ..

من حقك تتهم ... ومن حقي ردّ

شوف يا عزيزي ..

اعطيني إذاعة وحدة ... بكل معارضتك العتيدة ... فيها مذيعين .. و مؤلفين نصوص .. ومعدّين

موجودين لحد هلئ بنص الشام ... وبالمناطق يلي تحت سيطرة النظام

وعم يشتغلوا ... م ت ط و ع ي ن

فهمتها ولا عيدها ؟؟ متطوعين حبيبي متطوعين

يعني إذا بيتم إعتقالن ... متل ما بيقول المتل .. بيروحوا من كيسهن

بعدين تعا لقللك ..

انت بتسمع اذاعة بلدنا شي؟؟

أكيد لاء .. لأنك لو بتسمعها ما حكيت كلامك

بس لأنو نحنا مو عاملين حساب لحدا .. ومنحكي للأعور أعور بعينو

ومنحط إيدنا عالغلط بأي زمان ومكان .. ومنكشف حرامية الثورة بأسمائون

ومو محسوبين على جهة معينة لنكون تابعين لسياستها

منطلع معك ومع غيرك أنو نحنا شبيحة

على كل حال ...

نحنا مكملين ....

رضيت .. ما رضيت .. انت حر ... بس نحنا مكملين

وبإسمي .. أنا رامي درويش

وبإسم راديو بلدنا بإدارتو وكل أعضائو

بدي أترجاك ترجع لأهداف ثورتنا الحقيقية

الحرية والكرامة

هجومنا على بعض ما رح يفيدنا بشي

هدفنا سوريا الحرة .... ولازم نوصلو

من راديو بلدنا .. الحر ..

كونوا بخير

رامي درويش

mohamad wanli

Popular tracks