انا الصاحي رامي عصام

Wasaa' Lel Fokra  رامى عصام وسع للفقرا

سألونى النونى كونونى
عن اسمى واسم اللى جابونى
أنا قلت يا ريتهم شطبونى
م الدفتر ساعة ما جابونى
ولا كنشى النانشى كوننشى
فيه داعى اتكلم أو امشى
اتوه فى الزحمة انا ماسألشى
أنا عايش ليه طب دلونى
زعلان الناني كوناني 
من مامى ودادى اللى هرانى
بكلام مالهوش أى معانى
بخطب ومبادئ فلقونى
وسابونى النونى كونونى
فى الدنيا لعالم هرسونى
كلونى بعظمى وبهدومى
وياريت النيتى كونيتى
أنا اتوه عن نفسى وعن بيتى
الأقى ناس يتبنونى
أنا أصلى النصلي كونصلي
حاسس بعظامى وبمفاصلى
مطحونة ياريتكم تجيبولى
دكتور النورى كونوري
يطبق على نفسي وعلى زوري
ولا توصل كلمة على لسانى
معلشي النشي كونشي
مش عارف فين راح أدارى وشي
لو يوم يا ولادى سألتونى
عن صوتى النوتى كونوتى 
ليه بلعته بإيدي وبسكوتى
ووقعت ف فخ نصبهولي
وخلاص الناصي كوناصي
ملعونة الفكرة اللى ف رأسي
قال عايز أقول لأة حاشونى
دي اللأة النأة كونأة 
طول عمرها مرهونة بزقة 
هاتوا إيدكم يلا وزقوني
علشان الناني كوناني
أصحى م النوم وأنام تاني
أمانة ما تيجوا تصحوني
سلاماتي الناتى كوناتي
على خلق بتدن وتهاتي
وياريت ع السكة تدلونى
ونعيش النيشي كونيشي
أنا وإنتو ف دنيا حلنتيشي
وأمانة عليكوا افتكروني


رامي عصام - سألوني النوني

انا الشهيد - رامي عصام

(رامى عصام) - سيما رومانسية

رامي عصام هيﻻ هيﻻ new songs

رامي عصام - عشان تاخدوه

فول كفيار اغنية جديدة لمطرب الثورة يناير رامي عصام 

رامي عصامــ فول كفيار

Fata7 'enak From Album Mamnou' | اغنية فتح عينك من ألبوم ممنوع
Official Page https://www.facebook.com/RamyEssamOfficial
Lyrics: Amgad El Qahwagy | كلمات: امجد القهوجى
Composer: Ramy Essam | ألحان: رامى عصام
Music Production, Mixing & Mastering: Hesham Watany (Maestrix) at Eleven Studio توزيع وهندسة صوتية وماسترينج: هشام وطنى
Guitars: Ramy Essam | جيتار: رامى عصام

فتّح عينك شوف الصورة وعاين بالمظبوط
تلقى طابور المصلحة ماشي زي ماكان بيفوت

يسقط آه سفاح الشهدا ..بس يعيش مبسوط
تلقى كلاب بتعض السايب وتخض المربوط

واللي يقولك كافر ملحد دمه حلال بالتوت
تلقى قطيع متساق بالجزمة وخايف م النبوت
كله بيجري محدش فاهم والفاهم مكبوت
تلقى دقون ف عيون الازمة بيقفوا يبيعوا القوت

بيزنسمِن الزمن الاغبر ماركة طق وموت
يدعي الناس للزهد وهوا ف ايده السبحة ياقوت
تلقى السوق كله بتنجان والبيض من غير كتكوت

قذفوا ال يونية ف وش الشعب السارح ف الملكوت
قبل ما يغشل وشه قذفوا عليه دستور ممطوط 
ناس طيبة بتقول دا لبن عصفور ولا دا شلوت

واللي يقول الدنيا بتشتي واللي لبس زعبوط
واللي يقول الباقية حياتك كل الناس هتموت
واللي مطنش واللي مسامح مستني السحتوت
واللي موافق جدا خالص على دور الهلفوت

لسه عبيد السلطة عبيدها ولسه كمان جبروت 
فتح عينيك شوف الصورة وعاين بالمظبوط



Ramy Essam - Fatah 'enak رامى عصام - فتح عينك

Mamnou' From Album Mamnou' | اغنية ممنوع من ألبوم ممنوع
Official Page https://www.facebook.com/RamyEssamOfficial
Lyrics: ِAhmed Fouad Negm | كلمات: احمدفؤاد نجم
Composer: Ramy Essam | ألحان: رامى عصام
Music Production, Mixing & Mastering: Hesham Watany (Maestrix) at Eleven Studio توزيع وهندسة صوتية وماسترينج: هشام وطنى
Guitars: Ramy Essam | جيتار: رامى عصام

ممنوع من السفر .. ممنوع من الغنا 
ممنوع من الكلام .. ممنوع من الاشتياق
ممنوع من الاستياء .. ممنوع من الابتسام 

وكل يوم فى حبك تزيد الممنوعات
وكل يوم باحبك اكتر من اللى فات 

حبيبتى يا سفينه متشوقه و سجينه 
مخبر فى كل عقده عسكر فى كل مينا
يمنعنى لو أغير عليكى أو أطير اليكى واستجير بحضنك أوأنام
فى حجرك الوسيع وقلبك الربيع اعود كما الرضيع بحرقة الفطام
 
حبيبتى يا مدينه متزوقه وحزينه فى كل حاره حسره وف كل قصر زينه
ممنوع من انى اصبح بعشقك او ابات ممنوع من المناقشه ممنوع من السكات 



Ramy Essam - Fatah 'enak رامى عصام - فتح عينك

Ramy Essam

Recent comments

Related tracks