اربع عجلات و استبن ...اربع عجلات ممشينا و استبن مركون ورانا...
مشيين في طريقنا و نسين ...كم عجله منهم مليانه ..كم عجله منهم بتلين..
كم عجله تسندنا لاخر السكه ...كم عجله منهم هتودع و تسيبنا في طريقنا تايهين .
كم عجله منهم محتاجة ترصيص ..طول ماحنا ماشيين نتلألأ ..خايفين لنلبس في رصيف 
كم عجله محتاجة ظبط زوايا .... تبعدنا عن سكة احلمنا..وخدانا في سكتها لأي نهاية 
كم عجلة مليانه خوابير ....ولا نافع فيها البرشام ...ولا حتى ورشة ....بس اهي ماشية مع الايام...وأهي عجلة في وسط الطوابير...
ماهو عمري زي العربية ....حبه بيجري و حبه شويه ...
ولحااااد لما ...يوقف بيه ..
و عجلها هو البنيان ...بنيان و بيبني الانسان ...
اولهم عجلة اهلي واخواتي ....سنداني من أول يوم في حياتي ...
.ماهي هي العجلة الاصليه....لا بريدجستون سد معاها ولا حتى المركة اليابانيه .....
وأهو عيبها انا مش جرايه ....و يوماتي تقول بص عليه ...ده أنا أول عجله في عربيتك ....طول عمري شايلاك في طريقك
 والا يوم سيبتك في طريق ملطوط ولا حتى استنيت طقم جنوط ....
وتانيهم عجلة اصحابي...وزمايلي في الشلة يوماتي ...
اما دي حتة عجلة عفية ....جراية عمرها ماتوقف بيه.....
لاهي عايزه منفاخ يعدلها ...ولا حتى لحام يلحمها ....
وأهو بيها أنا هوصل لمنايا ....لكن عايزة ظبط زوايا ...
وتالتهم عجلة شغلي و احلامي ....
من غيرها واقف في مكاني ...
ماهي هي العجلة الوزونة ...يوم جرايه و يوم مركونه ...ت
لقيها تعباك ولا سلكا معاك ..
.يتشلها و تركب غيرها ...يتصلح و تعافر فيها..
و رابعهم عجلة اخلاقي ..ومبادئي في الدنيا و حالي...و علاقتي بربي و كتابي ..
وأهي ديه العجله التعبانه ..يوم مليانه و يوم شقيانه..
وأهو من كتر الحرقه عليها ...ممسوحه ولا باين ليها..
اسودت من كتر السكه...واهي عايزه اللي يصلح فيهاا..
و الاستبن في اخر الصوره ...
حب و عشره و ناس مكسوره....
.ال يعني هو اللي يصد...
و يطبطب و يواسي و يود..
.ويقولك خليها عليه...
ده انا جنبك و لاخر السكه..
لا تخاف من زحمة ولا وحده...
وأهو يركب لو وقفت بيه...
.بس تنقيلو المشاوير..
اصله تعبان من الخوابير...
واهو يوم ماتقول مشواري عليك ..
.يقلب بيك ولا يسأل فييك .....

عربية عمري و أهي ماشيه....أ
ولها غيار محتاج زقه...
وتانيها عيل بيعافر...
فرحان بالدنيا و باللعبه...
وتالتها راجل متخرج..طول عمره بيحلم بالنجمه....
و عروسع حلوه بفستان...
وأهي لمه و شبكه و ألحان ...
بتغني أحلاالابيات ..
وأهو لما نعيش في تبات و نبات ...
ورابعها بتجري العربية...
ال يعني في العمر شويه...
عماله بتحرق بنزين...
ولا عارفه يوصلها لفين....
و يارب و لو وقفت بينا...ماتسيبنا الا في مدينه...
عنوانها هو الجنه ...وأخرها ما يخطر على بلنا..

Ramy Mohamed Kotb

Popular tracks