سيد درويش

منيتي عز اصطباري - غادة شبير

كلمات : بديع خيري
ألحان : سيد درويش
توزيع : محمد محسن

قوم يا مصري مصر دايما بتناديك
خد بنصري نصري دين واجب عليك
يوم ما سعدي راح هدر قدام عينيك
عِد لي مجدي اللي ضيعته بـ أيديك
شوف جدودك فى قبورهم ليل نهار
من جمودك كل عضمة بـ تستجار
صون أثارك ياللي دنست الأثار
دول فاتولك مجد وأنت فوت عار
جيب لي أي بلاد يا مصري في الجمال
تيجي زي بلادك اللي ترابها مال
نيلها جاي السعد منه حلال بلال
كل حي يفوز برزقه وعيشته عال
يوم مبارك تم لك فيه الصعود
حب جارك قبل ما تحب الوجود
ايه نصارى ومسلمين قال ايه ويهود
دي العبارة نسل واحد مـ الجدود

محمد محسن - قوم يا مصري - توزيع جديد

ريما خشيش: ولدت في الخيام، جنوب لبنان احترفت الغناء العربي الكلاسيكي و هي في سن التاسعة و حازت على الميدالية البرونزية في مهرجان بنزرت لأغنية حوض البحر الأبيض المتوسط في تونس عام 1985 بدأت الغناء مع فرقة كورال الأطفال في النادي الثقافي العربي و بعدها انتقلت للغناء المنفرد مع فرقة بيروت للموسيقى العربية تحت قيادة و اشراف المايسترو سليم سحاب.
انضمت الى فرقة ” قطار الشرق” و كانت ركنا أساسيا في هذه الفرقة الموسيقية المختلطة من هولندا و العراق و لبنان. حاولت هذه الفرقة العمل على خلق مساحة لقاء بين التراث العربي و موسيقى الجاز. وقد أصدرت الفرقة تسجيلًا حيا يوثق بعض تجاربها حمل عنوان ” قطار الشرق”.
ثُم أصدرت بعد ذلك ألبومين فرديين لها "ياللّي" و "فَلك".
ومونولوج "الشيطان" وهي من ألحان سيّد درويش قامت بإعادة توزيعها وغنائها ريما خشيش في ألبوم "ياللّي"
.وهي مونولوج من أوبريت الباروكة تقديم فرقة سيّد درويش وعمر وصفي 


الشيطان - ريما خشيش

رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور 

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على


اللحن الثاني (على قد الليل ما يطول)

سيف الدين: على قد الليل ما يطول

مسترضي بسهري ونوحي

في حبك ياللي من أول

ما شوفك تترد روحي

سنين وأيام دايب فيكي

بزمارتي أصحيكي

طول مانا وأنتِ في الدنيا دي

أفوت أهلي وأجدادي

حاروح على فين وأنت قصادي 

نزهة: تطل من النافذة

اه يا ترى يا ربي داهوه والا لأ حبوبي

سيف الدين: يا عين الحبوب من جوه 

يا سبب وعدي ومكتوبي

ياكتاكيتها

نزهة: ياننوسه

سيف الدين: ياقطاقيطها

نزهة: ياحنتوسه

سيف الدين: أنا م النجمة في استنظارك

نزهة : أديني نازله

سيف الدين: أما نهارك أبيض من طبق القشطة

نزهة: تنزل وتلتفت يمين وشمال

اوعى يكون حد شايف طيفي

سيف الدين: حطي ف بطنك بطيخة صيفي

مهجتي ف إيديكي أنا ف عرضك 

خليها يا روحي أمانة عندك 

نزهة: يوه يادين النبي تنك سارح

مش كنت معاك ليلة امبارح

سيف الدين: ماتفكرنيش .. أما دي حقه كانت ليلة في غاية الرقة

نزهة: فاكر وأنا حاطه إيديه في باطاتك قبلي الترعه

على غفلة وملت عليه ماقدرتش أقوللك اوعى

سيف الدين: قمت أنا بصيت يمين وشمال 

ساعة ما لقيت ما فيش عزال طبل طبلي وزمر زمري 

وشقلي بقلي وعنها ودوغري ورحت أنا قاطف لك فله

نزهة: من يومها عرفت الآخر إنك مستعبط ساهي

أيش قوله المثل الساير ياما تحت الساهي دواهي

سيف الدين: آه عليها عيون ما تلتقيهاش

على منادمين يا كده يا بلاش

نزهة: عليه مناخير فشر النبقة

سيف الدين: أما قوامها زيه ماتلقى

دنا متبرجل يا حدقة

يا كتاكيتها يا حلاوتها

يا قطاقيطها يا لطافتها 

قربي لي يانور هنيه قربي لي يانور عينيه

مهجتي ف إيديكي أنا ف عرضك 

خليها يا روحي أمانة عندك 

نزهة: يوه يادين النبي تنك سارح

مش كنت معاك ليلة امبارح

سيف الدين: ماتفكرنيش

الجميع: أما دي حقه كانت ليلة في غاية الرقة

على قد الليل ما يطول - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

اللحن التاسع (عشان ما نعلى)

عثمان: عشان مانعلا ونعلا ونعلا لازم نطاطي نطاطي نطاطي

الجميع: عشان مانعلا ونعلا ونعلا لازم نطاطي نطاطي نطاطي

بسلامته الوالي أبوزعيزع مهجص باشا دقن تعيتع

أفيونته تمللي قال إيه نترصص دايما حواليه

نروح واقفين زنهار زي القط والفار

نلقاه دايما منفوخ نفشر له طاخ طيخ طوخ

حسن: الرك على حبة بولوتيكه وذمة كاوتشوك خربانه

مادام الأمير ملته أنتيكه لازم الرعية تكون وحلانة

الجميع: الرك على حبة بولوتيكه وذمة كاوتشوك خربانه

مادام الأمير ملته أنتيكه لازم الرعية تكون وحلانة

حسن: حزر فزر ياواد أنت بعقلك بعد الحنشصة دي اللي أنت عليها

ياهلترى الدنيا دي حاتروق لك وتشوف ماشاف قراقوش فيها

الجميع: تعرفش المسأله إيه عرنوس متعفرت ليه؟

حسن: من حقه سلامات سلامات ايش حال القفوات

الجميع: محاسيبك

حسن: ياخي سيبك

الجميع: أول شرط نطاطي البصله لسيدنا الوالي ونستعبط له

حسن: مهما تسمعوا تهجيص اعملوا روحكم بلاليص

الجميع: مهما نسمع تهجيص نعمل روحنا بلاليص

بلاليص بلاليص بلاليص بلاليص بلاليص بلاليص

عشان مانعلا ونعلا ونعلا لازم نطاطي نطاطي نطاطي


عشان ما نعلى - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

اللحن الثالث عشر (إتمخّطري يا عروسه)

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان

سيف: ياسمن بلدي يابلح أمهات يافل مجوز في البستان

ياللي عليكي تروح جنيهات بعد البعاد الوصل أهو آن

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان

نزهة: الرب عالم يوم مارأيتك إني على الهجران ماقدرشي

افرح وهيص واتهنى بعيدك دي ليلة الحظ ماتتعوضشي

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان

حجاب: حاجي بابا شوك ياشا حاجي بابا شوك ياشا

حاجي بابا: دور زنهار

الوالي: أسباب توقيف حال وأمور لازم انكر

حاجي بابا: دور زنهار

الوالي: أسباب توقيف حال وأمور لازم انكر

سيف: ياحاجي بابا حرام وحياة راسك وراس أمك وأبوك

المجموعة: انسى القديم واللي فات مات دا يوم فرحنا دا يوم مبروك

حاجي بابا: إيقاف أعمال تغيير أحوال خيبات آمال وغدر زمان

نرده أفكار اسمع أخبار ست الدار جنة مكان

الجميع: إهئ إهئ إهئ

ياخسارتك ياست الدار بعد العز أهو حظك طار

حاجي بابا: واليوم لازم جوز غيره جوز ابنة فخر الدين

الوالي: لكن أفندم بو موش لازم هذي زوجة سيف الدين

الجميع: هذي زوجة سيف الدين هذي زوجة سيف الدين

حاجي بابا: هيدى سكتر مكتر هلضم بلضم كرته بازافانج

حاشية: ها سنجق منجق سيفه محزق وبيضرب لنج

الوالي: اللي منكم اغلب تاني مش ملزوم سيبوا والي ف حاله

مافيش كاني مافيش ماني امسك بنته حلاله بلاله

سيف: أهو اللي راح يغلب راح ياخد ست البنات يتنعم بيها

تدلعه لما يكون رايق تسقيه من الجنة ويسقيها

الجميع: أهو اللي راح يغلب راح ياخد ست البنات يتنعم بيها

تدلعه لما يكون رايق تسقيه من الجنة ويسقيها

حاجي بابا: بظظ عينك ها ها ها كسر إيدك ها ها ها لخبط مخبط ثم كمان

سيف: وحياة عمك ها ها ها لاشرب دمك ها ها ها لازم أخليك زفتنيان

الجميع: أهو اللي راح يغلب راح ياخد ست البنات يتنعم بيها

تدلعه لما يكون رايق تسقيه من الجنة ويسقيها

حاجي بابا: هنكر منكر ها ها ها أول آخر ها ها ها كركبة مركبة مرقوعات

سيف: خد دي ف راسك ها ها ها ودي ف دماغك ها ها ها

حاجي بابا: طعنة خنجر ثم وفاه

الجميع: حاجي بابا شوك ياشا حاجي بابا شوك ياشا

أهو سيف الدين راحت أيامه والله خسارة ياسيف الدين

جلبهار: حظي انقضى ساعة القضا وآدي المقدر يامسلمين

الجميع: يالابنا ع الأوضة التانية نكتب كتابك ياحمص أخضر

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان


إتمخّطري يا عروسه  - سيد درويش

أغنية الكُتره .. من كلمات بديع خيري ،ولحن سيد درويش

اسكندريلا- الكُتره

من ارشيف الاذاعة المصرية
وصلة سيد مكاوى فى الإحتفال بمرور 50 عام على رحيل سيد درويش على مسرح البالون يوم 22-9-1973 وقدم فيها
والله تستاهل ياقلبى
  سالمة يا سلامة
  يهون الله
  شد الحزام

سيد مكاوى فى الإحتفال بمرور 50 عام على رحيل سيد درويش على مسرح البالون يوم 22-9-1973

أنا هويت وإنتهيت..وليه بقى نلوم العزول

يحب إني أقول ياريت..الحب ده عني يزول

مادمت أنا بهجره إرتضيت..خلي بقى اللي يقول يقول

..

أنا وحبيبي في الغرام..مافيش كده ولا في المنام

أحبه حتى في الخصام..وبعده عني ياناس حرام

مادمت أنا بهجره ارتضيت..منى على الدنيا السلام


أنا هويت - سعاد محمد

اهو دا اللي صار

كلمات سيد درويش

الحان سيد درويش


كلمات الاغنيه



اهو ده اللي صار


وادي اللي كان ملكش حق


ملكش حق تلوم عليا


اهو ده اللي صار


وادي اللي كان ملكش حق


ملكش حق تلوم عليا


تلوم عليا ازاي يا سيدنا


وخير بلدنا مهوش في ايدنا



تلوم عليا ازاي يا سيدنا


وخير بلدنا مهوش في ايدنا


قولي عن اشياء تفيدنا


و بعدها بقي لوم عليا


اهو ده اللي صار


وادي اللي كان ملكش حق


ملكش حق تلوم عليا


مصر يا ام العجايب


شعبك اصيل والخصم عايب

مصر يا ام العجايب


شعبك اصيل والخصم عايب


خلي بالك من الحبايب.


دولا انصار القضيه



اهو ده اللي صار

وادي اللي كان ملكش حق


ملكش حق تلوم عليا

و بدال ما يشمت فينا حاسد

ايدك في ايدي وقوم نجاهد


و بدال ما يشمت فينا حاسد

ايدك في ايدي وقوم نجاهد


واحنا نبقي الكل واحد


والايادي تصير قويه





اهو ده اللي صار


وادي اللي كان ملكش حق


ملكش حق تلوم عليا


اهو ده اللي صار


وادي اللي كان ملكش حق

ملكش حق تلوم عليا


على الحجار - اهو ده اللى صار

الحلوة دى - أميمة الخليل ومارسيل خليفة

هز الهلال ياسيد
كلمات: بديع خيرى
ألحان: سيد درويش

هز الهلال ياسيد كراماتك لاجل نعيد
يكفى اللي حصل كام يوم ووصل بقى زارع بصل

هديت واهو راق الحال ورجعنا للأشغال

دا الموظف منا مش وش خناق ولا شومة

لما يحمر عينه ولا يقوم له قومة

حد الله مابيني وبينك غير حب الوطن ياحكومة

عشرين يوم راحوا علينا انشالله ياخدوا عينينا

بس المقصود يبقى لنا وجود والدنيا تعود

ياما شفنا م الستات طلعوا وعملوا مظاهرات

والكناسين رخرين راسهم وألف مقشة

مايكنسوا بس كنسة ولا يرشو رشة

والصنايعية راحم جايبين ضلفة أحسن ورشة

الغلب اللي شاربينه ياريت العالم شايفينه

دي ماهيه إيه الكام جنيه ياخواتي برّيه

من خمسة منه تروح وبقيته أقول أبّوح

وبسلامتها الست بتاعتي ماتتوصاشي

ولا تولدليش في البطن إلا اتنين كده ع الماشي

وييجي الجزار والخضري والبقال يلعنوا أبو خاشي

هز الهلال ياسيد كراماتك لاجل نعيد

يكفى اللي حصل كام يوم ووصل بقى زارع بصل

هديت واهو راق الحال ورجعنا للأشغال

دا الموظف منا مش وش خناق ولا شومة

لما يحمر عينه ولا يقوم له قومة

حد الله مابيني وبينك غير حب الوطن ياحكومة 

سيد درويش

Ramy Shahin