Lyrics by : Tarek Kotb

كل اللى شالوا السلاح
ووقفوا يوم خدمة
ولبسوا ياما الغطا
واتغطوا بالهدمة

كل اللى كان حلمهم
يسلموا المخلة
وياخدوا أم الشهادة
ويمضوا ع الاخلا
هما اللى فاهمين يعنى ايه
قتل العساكر غدر
هما اللى حاسين باللى عاشوا
وماتوا بره الكادر

RT-Mato Bara El Kadr -ماتوا بره الكدر

رشحي نفسك يا دينا...أنت أنسب واحدة لينا...
أنت أنسب واحدة طبعا...
في الزمان ابن الذين...

أنت هاتهزي الوطن دا بإلي فيه...
وإن تقِل دين البلد هاتخففيه...
واقتصادنا النايم أنت توَقَّفيه...
وإلي مات من جوعه بكرة م الشبع يعرق طحينة...
رشحي نفسك يا دينا...

الفقير هايعف ويبَطَّل يلَقَّط...
وأنت هاتخلي الدول تدخل تنَقَّط...
وإلي كان نعسان وكان قاعد يسَقَّط...
بكرة هايفرفش وصوته يبقى أعلى من السرينة...
رشحي نفسك يا دينا...

رشحي نفسك هاتبقي...
أحسن المترشحين
رقصهم فَرَّق. ورقصك...
وحد المتفرقين...
خلي كله يدوب في كله...
لجل ما ننسى إحنا مين...
الشيوعي بهزة منك...
يبقى إخوان مسلمين...
وإلي إخوان يبقى شيعي.. والبلد تصبح عجينة...
رشحي نفسك يا دينا...

طب وديني أنت أحسن لينا من موسى وشفيق...
رقصهم دا كدب. وأنت بترقصي بحق وحقيق...
هما بكرة يضيقوا لنا كل واسع. وأنت بكرة توسعي لنا كل ضِيق...
مين يقول نقلة زبالة. زي صفقة فخفخينة!!!...
رشحي نفسك يا دينا...

أنت آخرك ترقصي وتتصوري...
مستحيل راح تكذبي وتزوري...
مستحيل هاتوَقَّفي عيل بصورتك ع الطريق...
مستحيل راح تشتري الأصوات بسكر أو دقيق...
أنت أحسن ألف مرة م إلي هايبيعوا القناة ويبيعوا سينا...
رشحي نفسك يا دينا...


رشحي نفسك هاتبقي. في البلد صاحبة سعادة...
وإلي بيطبطب ويحضن. يبقى أحسن ألف مرة م إلي بيدوس ع الخلايق بالبيادة...
إلي صدق كدب نفسه. وخلى سفك الدم عادة...
إلي لجل الكرسي خلى البلطجية يطيحوا فينا...
رشحي نفسك يا دينا...

Rashahy Nafsek Ya Dina- رشحي نفسك يا دينا

Lyrics by :Salah Abdalah

سفخنى بالقفا وقالى بالشفا
 سفرنى دنيا حلوة بدماغ متكيفه

 شفت الحمام مرفرف على مصر رفرفه
 والظلم من بلدنا فثانية إختفى
 مبقتش دنيا غابه ولا فيها ناس غلابه
 تتفلسف ليه يابابا ديك أم الفلسفه


 وشرحلى بالبونيه معنى الديمقراطيه
لاء إيده مش عاديه دى إيد مثقفه 

 وزغدنى يوم بطوله.
. فمكان مقدرش أقوله 
قوام صبحت لولو
... وانا كنت مصطفى

 دلقنى بإيده دلقه ..
 وحلقلى راسى حلقه
 
عمركشى أكلت علقه
 وبسعر التكلفه

Safakhny Bel Afa- سفخني بالقفا


كلمات :الدكتور الشاعر \صلاح عبد الله 
ألحان :رامي ثروت
توزيع:محمد رمضان
هندسه صوت و ميكس :مصطفى جويده

هز يا وز. هز يا وز...
حبلت مصر من أحمد عز...
بحديده ملاها وزرنيخه...يسلم هو ويسلم سيخه...
ومادام كله اتعاص بطبيخه...ليه هو عن القاعدة يشذ...
هز يا وز. هز يا وز...
حبلت مصر من أحمد عز...

الفقرا يجوعوا ويتفلقوا...وفلوس في جيوبه بيتدلقوا...
لو حميتو العجل هاتلقوا...ملايين من جتتته بتنز...
هز يا وز. هز يا وز...
حبلت مصر من أحمد عز...

ليه يتعب نفسه؟ ليه يفكر؟...ليه يتنرفز؟ ليه يتعكر؟...
من دمنا قاعد وبيسكر...وبلحمنا طبعا بيمز...
هز يا وز. هز يا وز...
حبلت مصر من أحمد عز...

بصوا له يا عالم. بصوا له...وإن رمى عضم. خلاص مصوا له...
تقرفوا إيه؟ هو انتو تطولوا...لحس إيدين الكبرا يلذ...
هز يا وز. هز يا وز...
حبلت مصر من أحمد عز...
دا ببوز الجزمة وبالكعب...يقدر يعمل مجلس شعب...
وإن قلت له مش ممكن. صعب...يضحك ويقول لك قوم فز...
هز يا وز. هز يا وز...
حبلت مصر من أحمد عز.


RT - Hez Ya Wez Heblet Masr Men Ahmed Ezz -هز يا وز حبلت مصر من أحمد عز

Lyrics: Dr. Salah Abdalah
https://www.facebook.com/dr.salahabdallah/

Vocal : Ramy Tharwat
https://www.facebook.com/ramy.t.abumoussa

Musical arrangement :Mohammed Ramdan
https://www.facebook.com/bestofnay?fref=ts


كتموتو المنقوع في العِتَّة...
صورته بقت في كتاب سنة ساتة...
بكرة يحطوه في سورة البقرة!!...
ولا يحطوه في إنجيل متا!!...
أصله خلاص بقي رمز الدولة...
من يوم سيدك تلاتين ستة...
سيب الناس تعمل ما بدا لها...
ماهي مصر بقت قصعة فتة!!...
كتوموتو الشب الممصوص...
إلي بدون أسياده يلوص...
باع دم الشهدا بعرنوص...
ويبيع مصر يادوب بِبَكِتَّة!!...
كان بيبيع قبليها كلاب...
بقي بيبيع أخلاق وشباب!!...
سبحان العاطي الوهاب...
خلى الخرقة الوسخة جاكتة!!...
كان معدود في زبالة الناس...
ولا يستعناه الكناس...
بقي دلوقتي عليه حراس...
حاجة تلبش أجدع جتة...
طالعة له مراحيض في القلب...
من أطماعه بيحلب حلب...
لو شاف عضمة في بق الكلب...
يتمرمغ ويقول هات حِتة!!...
بسلامته بيركب عربية...
وفلوس بغباوة معبية...
والمليان ثورة ووطنية...
يصرف أكله يا ناس برشتة!!...
عربيات وحراسة وشقة...
ماهو عصر الصراصير. ليه لأ؟...
بكرة الأندروير يترقى...
يترقى ويصبح كَسكِتة!!...
بكرة سيادنا بتوع اللعب...
يرموه في أول مجلس شعب...
وأما تقول دا حرام أو صعب...
أسيادنا يناولوك القَتَّا!!...
حطوا سما المصري بلا قافية...
بالمرة في كتب الجغرافية...
وسطها هو الحتة الدافية...
لما نحس بجونا شتى!!...

Ramy Tharwat - Kotomoto

كلمات :الدكتور الشاعر \صلاح عبد الله 
ألحان :رامي ثروت
توزيع:محمد رمضان
هندسه صوت و ميكس :محمد رمضان

بيع يا معلم بيع...
واقفل ع المواضيع...
واقلب مصر لجثة...
تتقطع تقطيع..

بعي بلدك وأملها...
واتهنى بأموالها...
وزع مصر بحالها...
على شلة مقاطيع...

بيع للغُرب بلادك...
وانصب فيها مزادك...
واجري وقول لسيادك...
أنا سامع ومطيع...

بيع يا معلم واتلف...
واوعد شعبك واخلف...
والإعلام راح يحلف...
إن شتاها ربيع!!!...

عند كبير الأمة...
مجلس شعب هلمة...
هو يعك وهما...
هايحطوا التشريع...

بيعها يا توحة ودوس...
تلتل منها فلوس...
بعها ووطي وبوس...
رجلين الدفيع...

بيع مش فارقة معانا...
مش بدأت بخيانة؟...
كمل. ما إحنا قفانا...
وارم م الطرقيع...

وبلدنا المحنية...
رجعت زي ما هي...
هو دا عيب أغنية...
ولا دا عيب سَمّيع!!!...



RAMY THARWAT

Popular tracks