مصري

عِشت راضي، ومُتّ راضي...
إمتى سَجِّلتي إعتراضي؟! 
هوّ لو عصفوري زقزق.. يعدموه ف ميدان يا قاضي؟!

خدت إيه م الفرْح غيرِك، خدتي إيه م الحُزن غيري - جيت أجيب فُستان فَرَحنا.. جبت لِك زنزانة ميري!!

قُلت كوني البيت وكُنتي.. كُنتي لي غربة ف بلادي..
قُلت أكون لِك بيت مَا كُنتِش.. كُنت لِك حَبس انفرادي..

قُلت:
إنتي...
ثم إنتي - ثم إنتي - ثم نفسي..
يوم ما قولتي: 
نفسي - نفسي 

كان ممكن اكون لِك ناس - بس انتي اختارتي الناس، وقفلتي ف وشي الباب - بالضبّة وبالترباس... 
كان ممكن اكون لِك خِلّ - يعشق ولا عُمره يكِلّ - بس انتي اختارتي الشمس، وأنا من أبناء الضِلّ..

صَعبان عليا قلوب - بيصدقوا المكتوب.. لو يقروا أشعارنا..
والشعر كدب ف كدب، واحنا كدبنا الكدب / صدقنا / قشعرنا!!

" التسجيل من حلقة الصحبجية في برنامج ممكن مع خيري رمضان "

عِشت راضي - كاموفلاج - أحمد النجّار

انا لما ابتديت المهمه 
كنت قادر أشوف كل حاجة بوضوح
كنت متأكد من اللي أنا باعمله
بعد كده إبتديت أحس إن أنا بشوف الصورة من ورا لوح إزاز
وبالتدريج إبتدت تتكون طبقة كده زي التراب .. المشكلة إن التراب إبتدا يزيد،لدرجة إن أنا ما بقيتش شايف أي حاجة
صورة ضبابية
…
الذكريات إختلطت مع الأحلام مع الأوهام مع الحقايق
الفترة الأخيرة بقيت أحلم بكوابيس .. وأصحي خايف مش عارف ليه
بقيت أحس إن محكوم علي بالوحدة
متعلق في الهوا لا قادر أمسك حاجة بإيديا ولا فيه أرض تحتي
بقيت أسأل نفسي سؤال:أنا ليه بقيت كده

احمد زكي - ارض الخوف - انا ليه بقيت كدا

يا عذاب النفس - محمد منير

يا عذاب النفس واخدنى لفين
قضيت واياك .. الليلة بسنين
ياعذاب نفسى .. مرايتى وهمسى .. يومى وغدى
آلامى أمسى .. واخدنى لفين
ياعذاب نفسى

مصطفي ابراهيم - تفرانيل

أنا بفضل دايماً للآخر
فى جيمات الكونكان والشايب
و ف كشف الحاضر و الغايب
و ف حجز شقق مصيف بلطيم
أنا آخر تايب في اصحابي
و آخرهم ف الصلاة ف التسليم
و ف دور المدرسة في التطعيم
و في وقت السين
أنا آخر جيم
أنا جرح قديم...كان متغطي
إكمني مشتي...و لابس كم
سبّتني الدنيا بستين أم
وسبتلها ميت ملة و دين
ولحد ماتميت ست سنين
أنا كنت بحب البني آدمين
و كرهت الناس من بعديها
علشان نسّوني أنا اصلاً مين

مصطفي ابراهيم - مفيهاش حاجات ببلاش

في حاجات كتير عايزاك.....
تفضل كده مسافر.....
ف طريق ملوش اخر ….
اكمنها حتموت....
ف الرحله من غيرك....
فيه حاجات كتير عايشاك....
خايفاك تبطلها ….
وحاجات كتير عايزاك....
لاكن معطلها...
ان إنتا مش عايز....
جايز...
حاجات منها....
حتعيش وتستناك ….
جايز حاجات تانيه...
ف الزحمه راح تنساك....
زي اللي راحوا زمان....
حتبطل الدخان ؟...
ولاعتك السخان ….
وسجايرك البوسطن...
حيموتوا من غيرك …
حتبطل الاحزان ؟...
كشكولك المليان...
بـقصايدك الجايه....
حيعيش لمين غيرك ؟...

محمد منير - شبابيك

سرقت عمرى من احزانى سرقتة لكن ماجانى
ولا حد شاف فين مكانى ورى الشبابيك
دى عنيك شبابيك والدنيا كلها شبابيك

عبدالرحمن الابنودي - احزانى العاديه

بصيت واحسب نفسى بين خلان
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والعناكب ومذله الرغيف
شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا فسه
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين
وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع
اما انا
فاتسعت الرؤيا
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

محمد منير - شتا

..الى قضى العمر هزار والى قضى العمر بجد شد لحاف الشتا من البرد..
..حط الدبلة وحط الساعة 
حط سجايرة والولاعة 
علق حلمه على الشماعة
..شد لحاف الشتا من البرد..

علي طالباب - روايات العاصي

انا الشعب انا حوراى النظام
انا الرأسماليه ,, انا الشيوعى اللى جيوبه متدفيه
 يسقط الاستقرار انا الحورا والسلام
انا وهم رأى الامثل انا منظومة الكبت والاعدام
 انا الوااو فى امن الدوله حرف الجيم فى التعتيم 
وانا الداال على النور برغم بجلهى بيه
انا العدم انا الفضاء
( لكنها تتباعد شئ فشئ ) 
انا اهم وافضل فصل فى الروايا
انا بداية النهايه انا الشباك اللى اتقفل
انا نكته بايخه بيتضحك عليها بملل
 انا قانون الطوارئ وثوانى حظر التجوال 
انا واقع عالم الانفتاح الانحلال
 انا السياسه الشرعيه ,, انا تقى الدين احمد ابن التمية 
انا الفراغ وتعدد الهوايه,, انا كلب من كلاب الحزب الحاكم المغلووب
 افهم ,, انا مش فرن العيش انا الدقيق المضروب
 انا ساعة التسليه ,, انا الالهاء , وانا الاب اللى بيتحرق لما يعلن اكتفاء
انا العالم الجديد انا الدهب الارخص من الحديد
 انا اللى بيقولك الفقير فقير بضعفه
 وانا اللى مفهمك ان القوى يستحيل تستغنى عنه
 انا ابتسامتك ,, ابتسامة خوف بدون صوت
انا احساسك بالامان ,, لحظة قبل الموت

محمد منير - بعتب عليكي

مهما عيون الناس بتعرفنى
غيرك ما يعرفنى
مهما ليالى الوعد توعدنى
قلبى بيوعدنى
ضحكتك بتندهلى نظرتك بتعرفنى

عبدالرحمن الابنودي - حبيبتي كل ما بنسي

حبيبتي كل ما بنسى تفكرني الحاجات بيكي
أئنك تدمعك عيني كأني مش هغنيكي
دمايا ماتستاهلش تكون كحلة ليله لعينيكي
وأنا الدرويش
أنا السابح بمسبحتي ومبخرتي وتوب الخيش
أغنيلك وامولك مواويلك ماتسمعينيش ولا تشوفينيش
ومش لازم ما دام عايشه ما دمت بعيش

محمد منير - عطشان

عطشان يا صبايا
درب الهوى صعيب
والصحرا مديدة بعيدة
عطشان والمي قريب
عطشان.. عطشان.. عطشان

مزيج الوجع (محمد منير - مصطفي ابراهيم - الابنودي - على طالباب)

من حفلة تانية صالح بمسرح الجنينة  4/9/2016 

عيني في عينك - تانيا صالح و حازم شاهين

عيني في عينك ،اسكندريلا - التوزيع الاصلي

لان مفيش حقيقة في الدنيا ليها تعريف مطلق، فكان لازم السينما كمان تختلف في تعريف اي حاجه


- فيلم اسماء "ماجد الكدواني" اخراج عمرو سلامة 2011
- فليم اسكندرية ليه "محمود المليجي " اخراج يوسف شاهين1979
- فيلم ضد الحكومة "احمد ذكي" اخراج عاطف الطيب1992
- فيلم تيتو "خالد صالح" اخراج طارق العريان 2004
- فيلم الغول "عادل امام" اخراج سمير سيف 1983
-فيلم "يوميات نائب في الارياف "احمد عبد الحيلم" اخراج توفيق صالح 1930
- فيلم أرض الخوف "حمدي غيث" اخراج داوود عبد السيد 2004
- مسلسل موجة حارة "اياد نصار" اخراج محمد ياسين 2013
- فيلم البرئ "احمد ذكي" اخراج عاطف الطيب 1985
- فيلم التحويلة "نجاح الموجي" اخراج آمالي بهنسي 1996

بحب السيما

بحب السيما |المفهوم الاول | العدل والقانون

رسيني - جمالات شيحة - فتحي سلامة - شرقيات

تفرانيل 100
كلمات والقاء مصطفي ابراهيم
الحان و غناء شادي مؤنس
توزيع رفيق عدلي
وتريات هشام مصطفي
اوكورديون بيشوي شنودة
ايقاعات ايمن مبروك

Tufranil تفرانيل

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

Zaman Fabriq -Al Gharib (زين محمود)

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

رافعين جباه حرة شريفة
باسطين أيادى تأدي الفرض

ناقصين مؤذن وخليفة
ونور ما بين السما والأرض

يا مصر عودى زى زمان 
ندهة من الجامعة وحلوان 

يا مصر عودى زى زمان تعصى العدوين وتعاندى
آمان آمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



الدم يجرى فى ماء النيل
والنيل بيفتح على سجنى

والسجن يطرح غلة وتيل
نجوع ونتعرى ونبنى

يا مصر لسه عددنا كتير لا تجزعى من بأس الغير
يا مصر ملو قلوبنا الخير وحلمنا ورد مندى
أمان بيرم أفندى


يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى



يسعد صباحك يا جنينة
يسعد صباح اللى رواكى

يا خضرا من زرع إدينا
شربت من بحر هواكي

شربت من كاس محبوبى وعشقت نيل أسمر نوبى
وغسلت فيه بدنى وتوبى وكتبت إسمه على زندي
آمان آمان بيرم أفندى

يا مصر قومى وشدى الحيل
كل اللى تتمنيه عندى

لا القهر يطوينى ولا الليل
آمان آمان بيرم أفندى

يامصر قومى .. الشيخ أمام

إذا الشمس غرقت في بحر الغمام
ومدت على الدنــيا مــوجة ظــــلام 
ومات البصر في العيـون والبصايــــر
وغاب الطريق في الخطوط  والدواير 
يا ساير يا دايــر يا ابــو المفهومــــية
ما فيش لك دليـل غير عيون الكلام 

‫اذا الشمس غرقت‬ - الشيخ إمام  و الشاعر أحمد فؤاد نجم

ودي صالحة يا صلوح يـــا شمعة القلب والروح
ومنيـــــن آجي واروح وأنا على الفرش مطروح
يا بنــــــــــــات الهنود يا راخييــــــــــن العدايب
وما ترحموا العليـــــل اللي على فرشه نايـــــــم
وافرشوا له سريــــــر ما بين القمر والثريـــــــا
وارموني في بيــــرَكُم وماورد رشوا عليّــــــــا
وماورد رشوا عليّــــا ردوا عليــــــــــا ثيــــابي
خبير دوايــا انا عندكم ولا تحرموني شبـــابــي
يابو محمد سعيد يابو المشارى تلاتة
فين جرحك لم يطيب والعطر تحت الوسادة
هيلا هيلا هيلا ياللا
يا حبيبى بحبك تعالالى
اتمشى اتمشى وارجع تانى
ياما سهرنا عاللوز الاخضر
وبقيت انا أملا ياعينى والحلو ي والله بيشرب
هيلا هيلا هيلا ياللا
اه ياسلام
يا حبيبى بحبك تعالالى
اه ياسلام
اتمشى اتمشى وارجع تانى
اه ياسلام
وانا أسأل الله كريم يحنن
يارب حنن يا عينى قلبه على والله عليا
هيلا هيلا هيلا ياللا
اه ياسلام
يا حبيبى بحبك تعالالى
اه ياسلام
اتمشى اتمشى وارجع تانى
اه ياسلام
مين فى المحبة فى المحبة يعذر
غير اللى جرب يا عينى
شاف العذاب أشكال وألوان
هيلا هيلا هيلا ياللا
اه ياسلام
يا حبيبى بحبك تعالالى
اه ياسلام
اتمشى اتمشى وارجع تانى
آه يا سلااام

صالحة يا صلوح_فرقة الطنبورة بورسعيد

شعر : الكمان - أمل دنقل ، ازاي - نصر الدين ناجي
أغاني : ألف ليلة وليلة ، الأطلال - أم كلثوم



مزجٌ أول - المفروض أعملك ايه ؟!

ماعرفتش أكتب أي حاجة امبارح عن العظيم وحيد حامد، كل اللي خطر على بالي ماما وأنا صغيرة، وبترشحلي أفلامه أتفرج عليها وبتقوللي اتفرجي على السينما اللي بجد وحلاوتها. رشحلتي "طيور الظلام"، "أنا وأنت وساعات السفر"، "الغول"، "ملف في الآداب".. وغيرهم
كانت تتابع معايا أنا اتفرجت ولا لأ؟ وتناقشني بعد كل فيلم. 
كبرت وأنا بتفرج على الأفلام دي، وحبيتها وحبيت وحيد حامد وحبيت السينما اللي قدمهالنا بكل إخلاص وحُب
ماقدرتش أكتب حاجة توفيه حقه ولا توصف مدى حزني إننا فقدناه، فجمعت أكتر مشاهد أثرت فيا وده جزء من أعماله اللي بحبها
ألف رحمة ونور يا عظيم

"وحيد حامد.. الصورة دايمًا حلوة"

Spreading the food of the soul and mind. 
No commercial music allowed on any of the boards. 

Zaman Fabriq -Al Gharib (زين محمود)

Rana Ashraf

Recent comments

Mohamed Farouk 30

SeCert MoRy

نيڨين عبد العزيز

Omar Samy A Lattif

Related tracks