كلاسيك

أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

عجباً لغزال - عمر فتحي

تتر مسلسل ( لا ياابنتى العزيزة ) كلمات سيد حجاب والحان عمار الشريعى
-------------------------------------------------------
موش بتبطل لف الدنيا
و لا هتبطل لف
ده اللى يبص لحال الدنيا
يضرب كف بكف
الدنيا موش هتبطل لف
.........
دنيا بتلعب بينا الكورة
نجرى نلف شمال و يمين
و حياتنا فيها فزورة
مين فينا اللى يحلها مين
دنيا غرورة
و لا السنيورة
أم ملاية لف
ده اللى يفكر نفسه فهمها
يبقى حقيقى اتهف

الدنيا موش هتبطل لف
............
ساعة تكون حلوة و أمورة
وساعة تخلى القلب حزين
مين الأصل و مين الصورة
فيكى يا دنيا البنى آدمين
ساهية و دايرة
و طالعة و نازلة
و عمر الدمع ما جف
بس الدمعة وراها الضحكة
و وسط الضلمة نجف

و الدنيا موش هتبطل لف
الدنيا
.........
و حياتنا فيها مهدورة
بين ضحكة و آهة و أنين
و قلوبنا التايهة معذورة
عينى علينا احنا يا تايهين

موش بتبطل لف الدنيا
و لا هتبطل لف
ده اللى يبص لحال الدنيا
يضرب كف بكف
الدنيا موش هتبطل لف
الدنيا
.........


عمار الشريعى

ماتمنعوش الصادقين _____ على الحجار

الآهه ساكنة الصدور - عمار الشريعى

تسجيلات من صلاة الفجر للقارئ الشيخ عبدالفتاح الطاروطى

abd-alfatta7-altarooty (85)

راديو الصبح قبل المدرسه <3

حتى الزمان اللي كان عطفك يعني عليه

هو اللى اختار

محبوس يا طير الحق من فيلم البرئ

حنين - وردة

اوبريت العشرة الطيبه 
من اجمل و ابدع ما قدم الثنائى بديع خيرى و خالد الذكر الشيخ سيد درويش
المونولج تم تسجيله بصوت اكتر من فنانه لكن هذا التسجيل نادر بصوت الفنانه مارى منيب
تم تقديم اوبريت العشرة الطيبه اول مره تقريبا عام 1920م و تم اعادة تقديمه مره اخرى فى احياء تراث الاذاعه المصريه و الصورة منها

ملحوظة اخيره النص الاصلى 
يقطع فلان على علان
دي الناس بقت مالهاش امان

اللى اتحولت الى الناس بقت زى التيران

مونولوج يقطع فلان على علان من اوبريت العشرة الطيبه سيد درويش مارى منيب

من مسلسل الشهد والدموع 
كلمات /سيد حجاب 
الحان/عمار الشريعى

محبوس يا طير الحق من فيلم البرئ

RandomO0

Related tracks