Son həddi aşmasaq,
Səhvləri bağışlasaq,
Yenidən başlasaq
Bezəsən, bezməyəsən?!

Qosa suallar

Gecə çatdı səhərə,
Laylay dedim şəhərə,
Açılmadı bir kərə
Pəncərən, pəncərən, pəncərən...

Pencere

EY SƏN (1992)
 
Ey sən, gözüylə görən, ağzıyla yeyən!
Ey sən, əliylə verən, diliylə söyən!
Əhsən bu tamaşaya,
Düzlən sıraya
Girov quzularla yarışmaya.
 
Ey sən, könlündə balıq, başında yastıq!
Ey sən, altında sandıq, dibində qalıq!
Əhsən bu tamaşaya,
Düzlən sıraya
Girov quzularla yarışmaya.
 
Ey sən, üstündə kölgə, yolunda döngə!
Ey sən, dağılan ölkə, cavab ver cəngə!
Tanrı hifz etsin səni,
Örtmə pərdəni,
Başlayaq ikinci hissəni...
 
Cıracam pərdəni,
Açacam pəncərəni,
Uçacam göylərə,
Baxacam yerlərə -
Nifrət edəcəm, nifrət edəcəm, nifrət edəcəm sevə-sevə...
Nifrət edəcəm, nifrət edəcəm, nifrət edəcəm sevə-sevə...
Mən qayıdacam evə!

Ey sen

NEÇƏ (1988)

Səhərim toranlıq, axşamım gecə,
Çoxalan çoxluğum çevrilir heçə,
Doğuldum nə təhər, öləcəm necə?
Qalıbdır neçə il, neçə gün, neçə...
 
Bu günüm dünənə dirənib, mənim
Çölüm dostum olub, içim düşmənim,
Baharım gəlmədən solub səmənim,
Qalıbdır neçə il, neçə gün, neçə...
 
Var-dövlət içində bir dilənçiyəm,
Bilmirəm hardanam, kiməm, nəçiyəm.
Məni kimlər aldı, satdı neçəyə?
Qalıbdır neçə il, neçə gün, neçə... 
 
Əkdiyim arpanı biçə bilmirəm,
Arazın suyundan içə bilmirəm,
Yadigar körpümdən keçə bilmirəm,
Qalıbdır neçə il, neçə gün, neçə...

Var-dövlət içində bir dilənçiyəm,
Bilmirəm hardanam, kiməm, nəçiyəm.
Məni kimlər aldı, satdı neçəyə?
Qalıbdır neçə il, neçə gün, neçə... 

Nece

Rekviem (1992)
Milli Qəhrəman Çingiz Mustafayevin xatirəsinə həsr olunur.

Rekviem

ÜZÜ KÜLƏYƏ (1995)
Musiqi/söz: Rasim Müzəffərli
 
Kimsə dayanıbsa sənin yolunda,
Kimsə yapışırsa sənin qolundan,
Qorxma, ürəkli ol, çıx bu oyundan...
Qoyma səni yıxa kimsə kürəyə!
Gəlin, gəlin, gəlin çönək üzü küləyə!
 
Düşünmə nə vaxtsa olanlar keçir,
Külək səhvlərini gətirir bir-bir,
Arxadan gələnə üzünü çevir,
Qoyma səni yıxa kimsə kürəyə!
Gəlin, gəlin, gəlin çönək üzü küləyə!
 
Susmaq istəməyən ağzını yummaz,
Qaçmaq istəməyən kənarda durmaz,
Özündən dönməyən özgədən ummaz...
Susma, qaçma, dönmə, düşmə tələyə!
Gəlin, gəlin, gəlin çönək üzü küləyə!

ANS Records, 1995

Uzu kuleye

DÜNƏNKİ KEÇDİ 
Musiqi/söz: Rasim Müzəffərli

(remix by Muzaffarli, Bakili & Nakhish - 1995; original version by ÇM & OZAN - 1983)

Səhər-səhər mən oyanıb bu gün yuxudan,
Tez-tələsik xəbər aldım əziz anamdan.
Dedim: “Mama, saat neçə?” Dedi ki, on bir.
Dedim: “İşə gecikdim ki, tez mənə çay ver!”
 
Anam çay verdi mənə, amma lumusuz.
Dedim: “Mama, bəs limon?!” – “Yoxdur lumumuz”.
“Bəs axı dünən axşam lumulu içdim?!”
Anam dedi: “Ay oğul, dünənki keçdi”.
 
Dünənki keçdi, keçdi...
 
Hə, nə isə... İşə çatdim, dincəldim, sonra
Dedim, gedib baş çəkim əvvəlcə ora.
Gördüm ki, orda var çoxlu “mən deyən”,
Ordakılar soruşdular: “Nə istəyirsən?”
 
Dedim: “Mənə ondan verin hər şeydən əvvəl!”
Ordakılar dedilər ki, axşamüstü gəl.
“Dünən bu vaxt bəs var idi, bu necə işdi?!”
Ordakılar gülüşdülər: “Dünənki keçdi!”
 
Dünənki keçdi, keçdi...
 
İşdən çıxdım, heç bilmirdim axşam nə edim.
Dedim, onda qoy bir tanış qızgilə gedim.
Yolda nə görsəm yaxşıdır?! Gördüm, həmən qız
Bu gün başqa bir oğlanla olub qır-saqqız.
 
Dedim: “Ay qız! Məgər dünən ... (yorub) beynimi,
Mənə şirin sözlər deyən sən deyildinmi?!
Sədaqətli olduğuna hətta and içdin!”
Dedi: “Fikir vermə ona, dünənki keçdi”.
 
Dünənki keçdi, keçdi...

Dunenki kecdi (remix - 1995)

OZAN qrupu
Köhnə təsnif / Старый тесниф
1985

Violin/skripka - Natiq Nuri
Klarnet - Şahin Yahya
Aranjiman & sintezator - Rasim Müzəffərli / Muzaffarli

OZAN qrupu - Kohne Tesnif 1985

OZAN qrupu
Gecikmə
1986

Musiqi - Rasim Muzaffarl

Gecikme

OZAN qrupu
Uzaq yol
1987

Musiqi - Gülağa Cabrailov


Uzaq yol

OZAN qrupu
Üçbucaq / Triangle
1986

Musiqi - Rasim Müzəffərli / Muzaffarli

OZAN qrupu - Ucbucaq 1986

OZAN qrupu
Tabrizi / Tabriz melodies
1985

Musiqi - Abbasqulu Nəcəfzadə 
Ud, kamança, saz, ney, balaban, tütək, zurna - Abbasqulu Nəcəfzadə
Aranjiman - Rasim Müzəffərli

OZAN qrupu - Tebrizi 1985

Vətəndən uzaqda 
1983
Mus.: Rasim Muzaffarli
Solo klarnet: Şahin Yahya

Vetenden uzaqda

BATMIŞ GƏMİNİN MAHNISI
Dəlisov xəzrilər əlindən
Yaralı yelkənim üzüldü.
Qayalar tutmadı əlimdən,
Dalğalar qəsdimə düzüldü.
Bir batmış gəmiyəm, indi mən
Suların altında yatmışam.
Qorxmuram tufandan, küləkdən,
Üzməyin daşını atmışam.
Nələr, nələr üzür qəlbimdə,
Üzməyi bilməyən nə bilər?!
Rəqqaslartək süzür üstümdə 
Fəlakət bilməyən gəmilər...
2016

Batmish geminin mahnisi

OZAN qrupunun "musiqi laboratoriyası" adlandırılan öz məşq otağında 1985-ci ildə etdiyi eksperimentlərindən biri də "Piratlar" mahnısıdır. Bu günə gəlib çatmış səsyazmanın keyfiyyəti aşağı olsa da, mahnı haqda təsəvvür yaranır.

Piratlar 1985

OZAN qrupunun "musiqi laboratoriyası" adlandırılan öz məşq otağında 1985-ci ildə etdiyi eksperimentlərindən biri də "Yeni iliniz mübarək" mahnısıdır. Bu günə gəlib çatmış səsyazmanın keyfiyyəti aşağı olsa da, mahnı haqda təsəvvür yaranır.

Yeni iliniz mubarek 1985

QOŞA SUALLAR / VƏTƏN ÇAĞIRANDA
Musiqi/söz: Rasim Müzəffərli

Vətən çağıranda,
Rəhbər çığıranda,
İçim bağıranda -
Dözəsən, dözməyəsən?!
 
Yalançılar - doğru,
Keşikçilər - oğru,
Dodaqlarda qorxu -
Büzəsən, büzməyəsən?!
 
Son həddi aşmasaq,
Səhvləri bağışlasaq,
Yenidən başlasaq -
Bezəsən, bezməyəsən?!
 
© 1989
Səsyazma 1995 ANS Records

QOŞA SUALLAR / VƏTƏN ÇAĞIRANDA 1989

PƏNCƏRƏN
Musiqi və sözlər: Rasim Müzəffərli

Ay məni məndən alıb gedən,
Dərdlərim dərdə salıb gedən,
Ləzzəti çörəyimdə,
Ağrısı kürəyimdə,
Həsrəti ürəyimdə qalıb gedən...

Gecə çatdı səhərə,
Lay-lay dedim şəhərə.
Açılmadı bir kərə
Pəncərən, pəncərən, pəncərən...

Bir daha gəldim o yerlərə,
Tanış küçə, tanış pəncərə...
Bir ömür yaşayaydıq,
Bir günlük qovuşaydıq,
Bir anlıq qayıdaydıq o illərə... 

Gecə çatdı səhərə,
Lay-lay dedim şəhərə.
Açılmadı bir kərə
Pəncərən, pəncərən, pəncərən...

© 1989

Səsyazma: ANS Records, 1995

PƏNCƏRƏ / PƏNCƏRƏN 1989

SƏN MƏNİ SƏSLƏ
Musiqi və söz: Rasim Müzəffərli

Sən məni səslə, sən məni gözlə, harada olsam.
Səsləyərəm mən, gözləyərəm mən, harada olsan.
Qoy gödək olsun ayrılığın ömrü...
Bağlasın qoy bizi eşq gücü,
Sevgili keçirək hər günü.

Sənsən ürəyim, arzum-diləyim, harada olsan.
Sənsən xəyalım, şəkərim-balım, harada olsam.
Calasın qəlbləri sevgi düyünü...
Bağlasın qoy bizi eşq gücü,
Sevgili keçirək hər günü.

Təmiz hisslərin, bərk düyünlərin adı sevgidir.
Gözəl günlərin, xatirələrin dadı sevgidir.
Calasın qəlbləri sevgi düyünü...
Bağlasın qoy bizi eşq gücü,
Sevgili keçirək hər günü.

© 1980

Səsyazma: CƏNGİ Birliyinin səsyazma studiyası, 1987

SƏN MƏNİ SƏSLƏ - Rasim Müzəffərli və Rəfiqə Məmmədova (1987)

İLLƏRƏ NƏ VAR Kİ
Sözlər: Bəxtiyar Vahabzadə / Musiqi: Rasim Müzəffərli

Sel kimi köpürüb, yel kimi əsən
İllər uçub gedir, yaman tələsir.
İllərmi? Əslində bizik tələsən,
Elə bilirik ki, zaman tələsir.

İllərə nə var ki, qocalırıq biz,
O baxmır arzunun, qəlbin səsinə.
İllərə nə var ki, əməllərimiz
Sığışmır özünün çərçivəsinə.

İllərə nə var ki, tək bircə günü
Yüz günə, min günə bəs olur bəzən.
İllərə nə var ki, onun yükünü,
Onun ağrısını insandır çəkən.

İllərə nə var ki, ötür yel kimi,
Doğulan doğulur, yox olan – olur.
İllərə nə var ki, bu qoca dünya
Bir yandan boşalır, bir yandan dolur.

Öz ilk mənasını hər şey ilbəil
Dəyişir yel üzlü zəmanəmizdə. 
İllərin ömrünü təqvimlə deyil,
Ölçək arzularla, əməlimizlə.

İllərə nə var ki, ötür yel kimi,
Doğulan doğulur, yox olan – olur.
İllərə nə var ki, bu qoca dünya
Bir yandan boşalır, bir yandan dolur.

İllərə nə var ki...

İLLƏRƏ NƏ VAR Kİ - OZAN qrupu və Elxan Əhədzadə (1988)

SƏN GETDİN / NEYLƏRƏM

Söz – Bəxtiyar Vahabzadə (1967)
Musiqi – Rasim Müzəffərli (1972)
Səsyazma - Teleteatr (1985)

1.
Sən getdin, elə bil dünya boşaldı,
Yaz da köçüb getdi, yeri boş qaldı.
Bahar ürəyimi sənsiz qış aldı –
Mən yaza vurğunam, qışı neylərəm?!

Neylərəm, neylərəm, neylərəm?!
Mən yaza vurğunam, qışı neylərəm?!

2.
Eşqimi aparıb, sən getdin demək,
Eşqsiz bir könül nəyimə gərək.
Sinəmdə daş oldu* o gündən ürək –  
Sinəmdən asılan daşı neylərəm?!

Neylərəm, neylərəm, neylərəm?!
Sinəmdən asılan daşı neylərəm?!

3.
Həmişə ayrıyıq – gecə-gündüzük,
Birimiz təpəyik, birimiz düzük.
Üstünün qaşıyla tanınar üzük –
Əgər üzük yoxsa, qaşı neylərəm?!

Neylərəm, neylərəm, neylərəm?!
Əgər üzük yoxsa, qaşı neylərəm?!

4.
Həmişə sənsizəm** mən niyə sənsiz?!
Nə yerə baxmaram, nə göyə sənsiz!
Mən ki kor olmuşam hər şeyə sənsiz –  
Kor gözün üstündə qaşı neylərəm?!

Neylərəm, neylərəm, neylərəm?!
Kor gözün üstündə qaşı neylərəm?!

RASİM MÜZƏFFƏRLİ - SƏN GETDİN / NEYLƏRƏM

Bəsti Bəkirova və OZAN qrupu

"GERÇƏKLƏRİM YALAN OLDU"
Musiqi və söz: Rasim Müzəffərli

Gerçəklərim yalan oldu,
Ümidlərim talan oldu,
Səni məndən alan oldu,
Qalan bir söz oldu, bir xəyal, bir də mən.

Sən söhbətim, sözümsən,
Baxışımsan, gözümsən,
Xəyalımsan, özümsən,
Qalan bir söz oldu, bir xəyal, bir də mən.

Nədən tale belə əydi,
Həsrət çağı kaş keçəydi,
Bizə kimin gözü dəydi,
Qalan bir göz oldu, bir həsrət, bir də mən.

Sən baxışım, gözümsən,
Söhbətimsən, sözümsən,
Həsrətimsən, özümsən,
Qalan bir göz oldu, bir həsrət, bir də mən.

Sən söhbətim, sözümsən,
Baxışımsan, gözümsən,
Xəyalımsan, özümsən,
Qalan bir söz oldu, bir xəyal, bir də mən.

Səsyazma: CƏNGİ studiyası, 1985
Səs rejissoru: Çingiz Mustafayev

GERÇƏKLƏRİM YALAN OLDU, 1985 - Bəsti Bəkirova & OZAN

Musiqi: Rasim Müzəffərli
Söz: Vahid Mustafa yev

Qan Qrupu - Yaddash (2010)

OZAN qrupu - UNUTMAQ İSTƏRƏM (1981)
Musiqi: Rasim Müzəffərli
Söz: Bəxtiyar Vahabzadə

OZAN qrupu - UNUTMAQ ISTEREM 1981

OZAN qrupu & Leyli Azayeva
DUYĞULAR
Sözlər: Bəxtiyar Vahabzadə
Musiqi: Rasim Müzəffərli

Bir anın içində dəyişir halım,
Sıxılır ürəyim, niyə bilmirəm.
Rəngdən-rəngə düşür təbim, əhvalım,
Amma niyəsini deyə bilmirəm.

Qatı zülmət düşür könlümə bir an,
Birdən işıq düşür, bilmirəm niyə.
Birdən ürəyimdə qol-qola yatan
Duyğular döyüşür, bilmirəm niyə.

Siz deyin, siz deyin, birəm ya iki?
Yoxsa duyğum qədər yüzəm, minəm mən?
Hardan gəldiyimi bilirəmmi ki,
Baş aça biləydim özüm özümdən.

Səsyazma: CƏNGİ Birliyinin Səsyazma Studiyası, 1987
Rəsm: Natalie Holland "Emotions"

OZAN & LEYLİ - DUYĞULAR (1987)

OZAN qrupu - İNSAN VƏ AVTOMAT (1981)
Musiqi və sözlər: Rasim Müzəffərli

"O yandan maşın,
Bu yandan maşın.
Adam az qalır
İtirsin başın."

Oynayırlar şahmat
İnsan və avtomat.
Kim olacaqdır mat
İnsan ya avtomat?

Macal tapmırıq,
İş aşıb daşır.
İnsan özü də
Avtomatlaşır.

Oynayırlar şahmat
İnsan və avtomat.
Kim olacaqdır mat
İnsan ya avtomat?

Səsyazma: CƏNGİ Birliyinin Səsyazma Studiyası, 1986
Səs rejissoru: Çingiz Mustafayev
Səsyazmanın bərpası: Elçin Əhmədov
Foto: Vitaliy Sokol
Model: Ekaterina Vladi

OZAN - INSAN VE AVTOMAT 1981

OZAN qrupu, BAYATILAR (1981)

Qarpızı bıçaqladım,
Dörd bir yana saçaqladım.
Gözlədim, yar gəlmədi,
Yastığı qucaqladım.

Göy üzündə pərdə mən,
Yaman düşdüm dərdə mən.
Öyrətdin sinən üstə,
Necə yatım yerdə mən?!

Bu gələn yar olaydı,
Əlində nar olaydı.
İkimiz bir köynəkdə -
Yaxası dar olaydı.

Bakıdan sandal aldım,
Bir tayın yolda saldım.
Gül kimi bir qız sevdim,
Heyva kimi saraldım.

Əzizim, qab üstə qab,
Yargildə içdim şərab.
İstədim iş düzəldəm,
İşlərim oldu xarab.

Saçın ucun hörməzlər,
Səni mənə verməzlər.
Əyil, üzündən öpüm,
Qaranlıqdır, görməzlər.

Ağac əkdik - bağ olsun,
Bağ artırdıq - dağ olsun.
OZAN bayatı dedi -
Eşidənlər sağ olsun!

Musiqi: Rasim Muzaffarli
Tar və ney: Maharram Najafzade

OZAN QRUPU - BAYATILAR 1981

GƏZ
Musiqi: Rasim Müzəffərli (1972)
Söz: Bəxtiyar Vahabzadənin “Dodaqda gəz” şeiri (1963)

1.
Könül, dolan el-obanı,
O dağda gəz, bu dağda gəz.
Leylək olub yer eşincə,
Sən bülbül ol, budaqda gəz.

Gəz, gəz, budaqda gəz!
Gəz, gəz, budaqda, budaqda gəz!

2.
Hər atəşə, oda yanma,
Sözün haqsa, onu danma.
Manat olub xırdalanma,
Yaqut kimi barmaqda gəz.

Gəz, gəz, barmaqda gəz!
Gəz, gəz, barmaqda, barmaqda gəz!

3.
Əskik olma xeyir-şərdə,
Gün tək görün sən hər yerdə.
Duyğu kimi ürəklərdə,
Nəğmə kimi dodaqda gəz.

Gəz, gəz, dodaqda gəz!
Gəz, gəz, dodaqda, dodaqda gəz!

OZAN QRUPU - GƏZ 1981

"Xürrəmilər" - Azərbaycanın ilk rok qruplarından biridir.
Solistlər: Rauf və Rəfael Musayev qardaşları.

"Sülh, dostluq, həmrəylik", 1972
Musiqi və söz: Rasim Müzəffərli

Sülh sözü dolansın dillərdə, dodaqlarda,
Sülh quşu uçsun qoy çiçəkli budaqlarda.

Müharibə, davanı tanımasın gələcək,
Müharibə sözünü deyə bilməsin dillər.
Yaşasın qoy qardaşlıq, dostluq, sevinc, həmrəylik,
Yalnız sülh ilə keçsin gələcək aylar, illər.

Yollarda qalmasın anaların gözləri,
Lap Ayda səslənsin qoy səadət, sülh sözləri.

Müharibə, davanı tanımasın gələcək,
Müharibə sözünü deyə bilməsin dillər.
Yaşasın qoy qardaşlıq, dostluq, sevinc, həmrəylik,
Yalnız sülh ilə keçsin gələcək aylar, illər.

XÜRRƏMİLƏR - SÜLH, DOSTLUQ, HƏMRƏYLİK (1972)

SƏN MƏNİ SƏSLƏ
Musiqi və söz: Rasim Müzəffərli

Sən məni səslə, sən məni gözlə, harada olsam.
Səsləyərəm mən, gözləyərəm mən, harada olsan.
Qoy gödək olsun ayrılığın ömrü...
Bağlasın qoy bizi eşq gücü,
Sevgili keçirək hər günü.

Sənsən ürəyim, arzum-diləyim, harada olsan.
Sənsən xəyalım, şəkərim-balım, harada olsam.
Calasın qəlbləri sevgi düyünü...
Bağlasın qoy bizi eşq gücü,
Sevgili keçirək hər günü.

Təmiz hisslərin, bərk düyünlərin adı sevgidir.
Gözəl günlərin, xatirələrin dadı sevgidir.
Calasın qəlbləri sevgi düyünü...
Bağlasın qoy bizi eşq gücü,
Sevgili keçirək hər günü.

© 1979
Səsyazma: PROMIX səsyazma studiyası, 2019

Nargiz Muzaffarli SEN MENİ SESLE

OZAN QRUPU - TƏƏSSÜF
Söz: Məmməd Arazın "Təəssüf" şeiri
Musiqi və aranjiman: Rasim Muzaffarli

Səsyazma: CƏNGİ Səsyazma Studiyası, 1985
Səs rejissoru: Çingiz Mustafayev

Bu görüş nə acı qismətmiş bizə,
Elə bil bir kədər gölünə düşdük.
Salamsız, kəlamsız durub üz-üzə,
Bir xeyli baxışla, gözlə görüşdük.

Əsdi ürək kimi ovcumda əlin,
Sən əzəl bu qədər kövrək deyildin.
Sən əzəl bu qədər mehriban, həlim,
Sən əzəl bu qədər qəşəng deyildin.

Bəlkə də yüz dəfə görüşdük belə,
Yenə xatirələr, yenə təəssüf.
Təəssüf, təəssüf, təəssüf ilə,
Qayıda bilməyən günə təəssüf!..

İndi dayanmışıq üz-üzə, yaxın:
Təəssüf çay kimi axır aradan.
Bəlkə də vədəsiz yaxın olmağın
Cazibə gücündən tez aşır adam.

Bir eşqin dolaşıb itən yoluna
Tutma çırağını bu aləmdə sən.
Kaş elə məzara gedən yoluma
Göy işıq olasan bu görkəmdə sən.

Bəlkə də yüz dəfə görüşdük belə,
Yenə xatirələr, yenə təəssüf.
Təəssüf, təəssüf, təəssüf ilə,
Qayıda bilməyən günə təəssüf!

Şeirin yazılma tarixi: Dekabr, 1967

OZAN QRUPU - TƏƏSSÜF - 1985

- Poet & Composer
- Rock musician, Multi-instrumentalist, Head of the mugam-rock group "OZAN" (1981-1990) 
- Author of the first songs in the Azerbaijani language in rocknroll (1972), techno-rock (1978), rap (1983) and other genres 
- Associate Professor of Philosophy 
- Publisher

Rasim Muzaffarli

Popular tracks