خفيفه ال 39 بشري

يا عيدلونه

el dora elkmya el 27 song by : mohamed AZzam

El 5arga

غني للوجود .. توعية هندسة 37

لو الليالي تعود

من تاني الضحكة تعود
وتكسر كل الحدود
اضحك انسى اللي فات
والماضي من سكات

 حب الحياة واضحك لها
 بايديك تغير حزنها،
 حب الحياة وكأنها لسه* *جديدة في شكلها

هتلاقي الضحكة براح وتهون كل الجراح
مهما كان اللي راح، ربك بيحلها

 حب الحياة واضحك لها
 بايديك تغير حزنها،
 حب الحياة وكأنها لسه* جديدة في شكلها

اضحك سيبها ع الله 
واحلم لطريقك بمداه
لمعة عينك في الضحكة بالدنيا كلها

 حب الحياة واضحك لها
 بايديك تغير حزنها،
 حب الحياة وكأنها لسه * جديدة في شكلها
(تأليف وألحان: صبري مكية - ق. الوفد الاسبوع ال11)

داخلة جوالة جامعة المنصورة - أسبوع الشباب ال11

روح الدورة الكشفية ال35 والارشادية ال27 - جامعة المنصورة

جوالة طب بشري(العشيرة الملكية)

و ف يوم (علاء)

كلمات و الحان : محمد ساري

اخر الانباء بتصرح ان الوضع خطير .. خطفوا طيارة الوفد المتجهه لابو قير
دى عصابة التنين الازرق ابو دم خفيف .. وطقت ف دماغهم قرروا يطلعوا ع المالديف

كابتن رحلتنا المشؤمه قائد بدرى ..  ومساعده الكابتن زيزو فخر الدلنجات
كالعاده متأخره جداً جايه بتجرى .. قائده روان جمال مسؤلة المضيفات

ضاحي وسمو معانا طالعين مشرفين .. اول بأول بيعدونا لانكون ناقصين
بدأوا مهمتهم فض اول اشتباك .. نادى وجلاجوله كانوا بيتخانقوا على الشباك

سندس ونوال خبرات وتقال مهما تقولوا .. م الصبح بيتعاركوا على مين نازل صولو
والشاذلي سايبهم وبيقرا اخر الاخبار .. ورحاب بتغيظهم وتكيدهم ومعاها ميار

بدأ الاقلاع في تمام الساعه تمانيه ونص .. والكل بيضحك ومزأطط والدنيا تمام
وسمعنا زعيق دوشه وتخبيط بنلف نبص .. لاقيناها عصابه زعيمها اسمه عبسلام

الخوف والرعب في رحلتنا عم الارجاء .. ندى حامد سايبه الكل وبتهدى في اسراء
نصنا بيزعق والباقي مبطلش كلام .. قامت ندى مرسي بعصبيه انا عاوزه انام

وعلشان الtension  والعصبيه ده هي تمشي .. بسمه و منه قاموا يفرقوا حلة محشي
وعماد بيصور ويشير اول باول .. وعطيبه بيحفظ زجله عامل دور متسول

عبسلام الصغير بيقشر كوسه .. علشان الطهي حينزل مع استاذ موسي
وفي صوت واحد زعقوا ليهم سلمي و نرمين.. انتوا ازاي كدا يا خوانا احنا مخطوفين

رامو متنح و مبلم بيخلص شكله .. ساند على صدره ونايم تقريباً عبده
حوده قرر اننا ننزل بالبراشوطات .. رد سباعي ازاى يابني معناش شورطات 

واتايه نايم وبيحلم والوفد يهاتى .. واحنا نزعق و نقوله ده كابوس يا مزاتى
دي رساله ولكل الدوره من وفد علوم .. اتغطوا كويس من قبل ما تروحوا في النوم

الداخلة (مملكة القمر)

Rawan Hossam El-Din

Related tracks