إهداء للذي رحل قبل مشاركتي أحلامي الغير محققة 
music & edit: Shihab Tarek 
https://push.fm/fl/sc7ezhkv
* Special thanks to Fayrouz Tarek ❤ *
كتابة و أداء صوتي: روان السعيد سلامة 
YouTube : https://www.youtube.com/channel/UC1M8QHttBvhQ9uAmkdDrJ5A
Facebook: https://www.facebook.com/profile.php?id=100009902717695 
Instagram: https://instagram.com/rawan_slama2?igshid=1y1ttyvhjrh7x

الكلمات : 
كل شىء بعد الفراق بيختلف 
كل المشاهد و الصور ناقصة 
بيتك مستني صوت مفتاحك .. و الساعة مستنية تلبسها 
الشاي مش لاقي حد يشتاقله 
مكتبك .. ورقك و أقلامك ملوا الإنتظار و اليأس شتتهم 
بدور عليك فى كل مكان و بتخيل وجودك وسطهم
كل الناس اتحولت شبهك
كل القمصان بقت كاروهات 
براجع كل يوم شريط ذكرى و اخاف انسى و اخاف لأتوه بدون طيفك و رغم الخوف لقيتني بتوه 
كل المشاهد المفرحة بقت تستدعي البكا
ببكي بكل الشعور بالذنب و الألم و الفقد 
ببكي ع اللي حسيته لوحدي .. و ببكي ع اللي حسيناه سوا
فتني بدون وداع او حتى نظرة تفهمني انه قد حان الأوان
و مهما بكيت و شكيت لا حروفي هتكفي و لا دموعي هتوفي
المزيكا برا عالية مبتهداش .. وانا مازيكتي ملهاش صوت 
كانت ايديك بتلحن و انا طفلة مفتونة بأغانيك 
ارجعلي .. او خدني بعيد لدنيا تانية يكون فيها كل اللي فارقوني عشان من تاني يحيوني 
معرفش إن كنت سامع ولا الحسبة عندك غير 
بس اتمنى تسمعني و تبعتلي مية جواب و تسأل ع اللي باقي مني و تعوضني عن اللي ضاع 
فالفقد غير فيا كتير او حولني لواحد تاني مش حاسس غير بنغزة و كلام و مشاعر كتير خنقاه 
نفسي اسمعك .. و اسمع حكاياتك 
وحشني صوت ضحكتك .. و حشني صوت خطوتك و الشيخ فلان ع الصبح 
نفسي اسمع حكاية قبل النوم لطفل سعيد وكان اسمه سعيد
كان ليا رواية رسمالك فيا دور اساسي بدون دوبلير 
و في ليلة اتبدلت أوراق النص و ابيضت صفحات دورك و كأن الحبر ملوهش وجود 
و اتسابت ع المسرح وسط الجماهير .. مش عارفة اكمل دوري ازاي و انا وسط قصة غريبة مبقتش تشبهني 
وبين القصة و القصة يادوب لحظات
عقلي مش فاهم ازاي ابدأ فصل جديد بدون بطل الرواية و أصلها 
كل حاجة حاجة بتستناك .. كل حاجة بتفكرني بيك قال يعني كنت نسيت
مر الربيع و الصيف و الخريف هنا فى قلبي 
كل اللي عدى من بعد الفراق محسبتهوش 
مفيش ليلة كانت سهلة و لا فيه ليلة مفكرتش فيك 
الوقت مبينسيش .. الوجع مبيهداش 
كل اللي شال الشيلة دي عارف .. كل اللي شال الشيلة دي فاهم ان الوقت بيتقلها على كتفك ان كنت فاكر انها هتخف 
فى يوم كتبتلك ببعتلك سلام و حضن وداع كان نفسي يكونوا حقيقة 
عدت أيام
و جيتلي فى منامي تقولي سلام و تديني حضن كان نفسي فيه ... كأنه مهانش عليك تسيبني من غير وداع 


الذي يجب ذكر اسمه _ روان السعيد سلامة

احنا جينا الدنيا دي ليه يا عزيز ؟
و هل الفن سبب كافي لأني أعيش ؟
بسأل كتير انا عارفة .. بس استحملني مملكش إجابات 
هربت كتير للفن .. يمكن أوقات صخبه كان بينسيني انا مين
فيه ناس خايفة يكون كل اللي سابوه كلام 
و انا نفسي بجد لما أمشي اكون كل اللي سيبته كلام 
و حروف كتير ملهاش آخر 
و مقدرش اقول على نفسي وحيدة
 طالما ممكن أوصف حد مبتجمعناش حتى القارة 
و اخويا في البر البعيد التاني .. بيكتبني  
و مقدرش اكتفي بفن واحد
بلاقيني دايما مبهورة بكل الألوان 
و بعيش فرحة عيل لأول مرة يروح المولد 
سايب ايد ابوه 
و بيتنطط بين لون و التاني 
انا مش متقمصة .. انا اتندهت 
و لو كان الامر بإيدي كنت حبيت البني آدمين
بس  انا قلبي معرفش حبيب و ونيس غيره
 فمتلومنيش 
و إن يوم اتندهت معايا .. حصلني بدون مقاوحة
اسمع كلام حد قاوح قبلك و مسلمشي
تعرف انا بحسد كنبة الست
 يابختها .. شافت فن لا شوفناه و لا عمرنا هنشوفه
و مقولتليش ألا هو ايه الفن يا عزيز 
مشاعر متصاغة ؟ عقول فذة ؟ أم أنها بس للذة 
 تفتكر كاميرا السينما رصدت كل المشاعر الممكنة ؟
كاميرا السينما لو دقيقة .. قلبي كان دايما أدق 
ركز معايا ثواني في الكادر 
هتلاقي الي بُكاه الناي و بكاه 
و في واحد بيكتب من شوقه
و في واحد أحلامه رسومات
و أنا هنا يا عزيز فني هو الزاد 



حديث الصباح و المساء ( احنا جينا ليه يا عزيز ) _ روان سلامة

مفهاش حجات ببلاش _روان سلامة ( مصطفى إبراهيم )

كلمات : مايكل عادل
photo by : Arwa Orbany
https://www.instagram.com/arwa_mzf/

علشان تعيش _ روان سلامة ( مايكل عادل )

بقلم : ساندرا سراج  
Audio Editor: Arwa Orbany

رسالة إلى من عاهدناه على البقاء و رحل _ روان سلامة ( ساندرا سراج )

بقلم / روان سلامة 

_ حركة اليد تُشير إلى الحب فى الثقافة الكورية _

Instagram : https://instagram.com/rawan_slama2?utm_source=ig_profile_share&igshid=184c4tn3y29k4

عزيزى صديقى المُنتظَر _ روان سلامة

بقلم / روان سلامة 
_ اللحظات الأولى فى الوحدة الأبدية _

Instagram:https://instagram.com/rawan_slama2?utm_source=ig_profile_share&igshid=184c4tn3y29k4 
.
Photo By : Mariam Elmghalawy 
https://instagram.com/mariam.elmghalawy?utm_source=ig_profile_share&igshid=8f89rc4kfmxv

الوصية الأولى | لا تنسانى_روان سلامة

بقلم / روان سلامة 

_ إهداء لكل مَن وقع في ذلك الفخ المزمن المُسمى بالحب  دون حول منه ولا قوة _ 
 
  
صوتك شتاء فى القلب يسكنه رايتك فلم اهتم و لكن قلبي كان اكثر الناس اهتماما صمدت ووبخته و لكن كل ذلك لم يُجدِ نفعا كنت دائما تلك المرأة القوية  التى لا تقع فى الحب لا تهتم بشيم المراهقين وتلك الامور الساذجة و لكننى اسرت دون حول منى ولا قوة فجأة و بدون اي مقدمات وجدتنى لا افكر الا بك و انظر اليك خلسة بين الجموع اراك فتزهر يومى و قلبي و وجدانى كلما ذهبت لمكان ما تبحث عيني عنك تلقائيا ولا تهدأ حتى تجدك فترتاح و تستقر على وجهك دون الجميع  حتى تنتهى الليلة و يذهب كل منا الى دنياه فتذهب انت الى دنياك و اذهب انا اليك عندما أطفأت شمعة عيد الميلاد وسئلت عن امنياتى رأيتك اولهم واعظمهم فاغمضت عينى و تمنيتك فى عامى هذا و فى كل عام .. فى ليالى يناير الساحرة ارانا دائما جالسين على احدى الشواطئ   لنتحدث طويلا ونحتسي كوب القهوة المفضل لك " وبالرغم من اننى لا افضله " سأخبرك  بمدى حبى له ولك و للعالم ... فى لحظات ضعفك و اكتئابك تشعر دائما انك مهمش و بلا فائدة ولكنك لا تعلم ان ثمة شخص فى هذا العالم ينتظرك ثمة شخص ما فى هذا العالم يراك الوطن و الوطن هو انت شخص يرى فيك الكمال يتقبل كل عيوبك و ثغراتك حتى وان كنت انت نفسك لا تتقبلها شخص يتحدث عنك وكأنك اعظم انجازاته ... بعد ان وقعت فى فخك و خطفت تعجبت من قدرتى على الشعور بتلك المشاعر السينمائية كيف يمكن لدقات قلب انسان ان تتسارع بهذا الشكل لمجرد رؤيتها لشخص ما.. حقا اين العلم والمنطق من كل ذلك؟!! اين علوم الاحياء التى درسنا بها كل شىء ولكننا لم نر يوما مريضا يعانى من تسارع ضربات القلب بسبب رؤيته لمن يحب و ان رأينا سنضحك جميعا مستهزأين .. فقاموس العلم والمنطق ليس لديه ترجمة لهذا المرض و الفخ المزمن .. اتعرف اكثر ما يحيرنى ؟ ان حبك بلا مسمى بلا تصنيف  و بلا عنوان فبعد ان رأيتك اصبحت احمل فى طياتى طفلة صغيرة تقفز فرحا بداخلى عندما ترى ضحكتك او تستمع لصوتك و كلماتك مصادفة تلك الطفلة التى تود ان تركض نحوك و تفتح معك احاديث طويلة لا تنتهى طفلة تود لو انها تنظر اليك طوال اليوم متأملة  دون ملل ولكن تلك المرأة القوية التى عكر الزمان صفو طفولتها تحول بيني و بينك تقف عائق امام تلك الطفلة الراكضة نحوك لتدير وجهك نحوها و تقول .. اسمعنى !

Photo by: mariam Elmaghlawy

Instagram:https://instagram.com/rawan_slama2?utm_source=ig_profile_share&igshid=184c4tn3y29k4

حُبك بلا عنوان _ روان سلامة

بقلم/ روان سلامة 
Rawan on Instagram : instagram.com/rawan_slama2?utm_s…shid=184c4tn3y29k4
music & Edit :  Shihab Tarek " S.T music " 
Shihab on Sound Cloud : https://m.soundcloud.com/s_t_music
YouTube: https://www.youtube.com/channel/UColkTjt067T3mvu62OFXKTg

Photo by : Hasan Elnaggar
Hasan on Instagram : https://instagram.com/hasan_elnaggar?utm_source=ig_profile_share&igshid=yxp65k38xlou

الكلمات : 

اتذكرُ ذلك اليوم وكانه البارحة كان رحيلا حماسيا ينتظرني
 سائق بشوش يزيدنى املا فى الحياة ليقلنى الى المطار 
كم كنت حالما متحمسا و منتظرا تحقيق كل ما حلِمتُ به وسعيتُ من اجلِهِ 
كنت استهزئ كثيرا  بالذي خرج من موطنهِ فمات أما الان فاصبحتُ انا الميت و لكن ماتت روحى و اصبحتُ جسدا بلا روح بلا احباب بلا انتماء
لم أدرك يوما ان تركى لذلك المكان الذى لطالما انتميتُ إليه سيودى بي الى الهلاك  لقد كان ذلك الرحيلُ كالخيالِ بالنسبة لى مكانٌ جديد اناسٌ اكثرُ اختلافا مهارات كثيرة انتظر اكتسابَها لم أهتمُ كثيرا لاحاديثِ من سبقونى عن كم ان الحياة ليست بتلك الوردية التى اتخيلها لم أستوعب يوما ذلك الفراغُ الذى سيسكننى الان اود لو ان لدى القدرة لاصرخ فى الجميع لا ترحلوا لا تتركوا ارواحكم فان ارواحكم فى البقاء 
الاحداث السريعة ومرور الزمان و الروتين اليومى جعلونى أشعرُ دائما ان بداخلى فجوة ولا يستطيع احد مِلؤها أجهل تماما عن ماهية ذلك الشعور الم يكن هذا هو حُلمى منذ البداية الم تكن هذه هى رغبتى الوحيدة و ما أرجوه كل يوم هل تغيرت اولوياتى ام قد جار عليا الزمان واصابتنى غيمة الفتور هل اصبحتُ ناقما على ما لدي وتركنى الشعورُ بالنعم ام ان هذه هى الضريبة التى مهما حاولت الهروبَ منها يجب عليا دفعها أتعجب كثيرا من تحولى من قمةِ النشاطِ و البهجة الى قمة الروتين والتبلد الم اكن ذلك الحالِم الذى يضيئ حياة الآخرين متى وكيف زهدت الرغبة فى الحديث  و النقاش  لا افهم تماما لما غيرتنى الايام كل هذا التغيير  هل انا من اشتاق لأيامى الماضية ام هى من اشتاقت الي اصبحتُ وكأن قلبى اعتاد التوهان و اطمئن له صراحةً حاولتُ العودة عِدة مرات ولكنها لم تكن فكرة مجدية  فلم اجد نفسي التى عدت من اجلها لم اجد الحب الذى اعرفه فى عيونِ من احب اما عن اصدقائى فلم يفهموننى حقيقة فهم لديهم كل الحق فأنا بالكادِ افهمنى الان وقد تجاوزت الأربعين من عمرى لم اعد انتمى الى اى شىء  فهناك يصنفوننى تابعا لهنا  اما عن هنا فيصنفوننى تابعا لهناك  تحولت لتائها ولا املك سوى انتمائى للانتماء و اصبحت غربتى هى امانى و موطنى وأملى و كل الانتماء 
 أنام كل يوم على امل ان تحدث معجزةُ ما تعيدنى لأيامى الماضية لنفسي التى اعرِفُها وتقتل  تلك التى اتفاجأ بها كل يوم و فرضت عليا نفسها دون حولٍ منى ولا قوة  و بالرغم من ذلك فإننى اشعرُ بقمة الهيمنة لصمودى لقوتى و استمراري للنهاية و لكن دائما ما يُسيرنى الحنين الى الانتماء .

غريب يُسيره الحنين _ روان سلامة

بقلم / روان سلامة 
Instagram: https://www.instagram.com/rawan_slama2/?utm_s%E2%80%A6shid=184c4tn3y29k4

Music: Shihab Tarek " S.T music  " 
Shihab on Sound Cloud : 
https://m.soundcloud.com/s_t_music
YouTube:https://www.youtube.com/channel/UColkTjt067T3mvu62OFXKTg
الكلمات : 
بكتبلك وانا تايهة ولو ع التوهان فأنا اعتادته ما انا قده وساكنة شوارعه بقالي سنين و من جوايا مش عارفة انا  هخرج من توهاني ده بأيه ،فقيرة فوقت كان الحب فيه سائد وحيدة ف وقت كان الكل حواليا  نكمل ليه و ايه اصلا اللي وصلنا لنقطة كانت بعيدة و صعبة و منعوزهاش ، مكملناش ؟ مكملناش عشان انت كنت بعيد قريب لكن قلبك صعب و بيتوهني بزيادة و قلبي كان ف كفك لا صنته ولا حميته يومين بتقولي انا حلمك و عمرك وايامك الجاية  و ان وجودى ده كفاية يومين بتقتلني ببرودك ووجودك المعدوم مش موجود لا ف حيرتي ولا ف طيبي و لا طبيبي ف ايامى الصعبة و بتسيبني للايام تداويني ما انا طبيبي لا موجود ولا مهتم ولا هيهتم ، قالولي كتير متهتميش فالراجل اذا آمن و أطمن لوجودك بعد وقال يا فكيك فمهتمتش بكلامهم ولأن السذاجة كانت حاضرة وكان الطبع هو الغلاب ولأنك راجل شرقي منهم و عليهم بعدت وكلامك قل 
فكنا نكمل ليه نكمل عشان أفضل انا المهتمة و السائلة و السامعة و اكون في الاخر مجرد فرد فى حياتك متسمعلوش و لا تعرف عنه ايه الاخبار و حتى ان مات و ايه يعني فالحي ابقى و انا ابقى مشيت و انت و لا اهتميت ولا حتى سألت ، توهت و ف توهتي رحيلك كان بيوجعني وحتى  اعتزالك كان بيأذيني وحيرتي دى كل يوم بتهد لا انا عارفة اكمل بأوجاعى ولا امشي و اسيب قلبي ما انا قلبي ف كفك لا صونته ولا حميته ،  لو ع الفراق فده لا كان بكيفي و لا بودى ده انا حتى كان بدى اكون لك اهل وعيلة وبيت و اكون لك حتى كل  ما ليك نكمل ليه ؟ نكمل ليه و انا وانت كتاب صفحتين فرقة  و صفحتين أوجاع ، ف يوم قومت الصبح وقررت ارجع لنفسي و حياتى اللى عارفاها وحفظاها و جيت انت عليها بالتراب و ردمت و ف يومها مبصيتش  ولا لحظة عليك ما انا هنسى زى ما انت نسيت وايه يعني هكمل و ابقى بنفسي نجيت بكتبلك و انا تايهة بس وانا حرة من الاوجاع و م الفرقة و الحيرة ووجع القلب بقولك شكرا لانى مشيت و مش باقية ولا فاكرة و لو على قلبى فانا هصونه من كفك و من كفوف تانية كتير  و هصونه من نفسي و لنفسي و اهو كان ف كفك لا صونته ولا حميته وكنت ف الاخر مجرد فرد فى حياتك

نكمل ليه ؟ _ روان سلامة

بقلم / روان سلامة
Rawan on Instagram: http://instagram.com/rawan_slama2?utm_s%E2%80%A6shid=184c4tn3y29k4


الكلمات :  
و أخيرا قررت التخلص من غيماتي و علامات شحوبي قررت العودة لتلك الفتاة الصغيرة التى ترى احلامَها حقيقة وكل شىء مجاب قررت صنع عالمي الخاص  عالم يشبهني يضم كل ما احلم به من اشخاص تلائم روحي و قيم تشبه تلك الفتاة الصغيرة التى لا ترغب فى شىء من هذا العالم سوى السلام فقط السلام الذى يملئ قلبها و تتمنى ان يسود فى عالمها و فى عوالم من تحب  فما فائدة الحزن إلا انه سينهك روحي إلى النهاية سيضغط عليها بقوة وكأنه ينتقم من عدوهِ الذى يكاد يلفظ أنفاسهُ الأخيرة أدركت أن الحزن يقتلني يسلب مني كل شىء فهو ليس بصديقٍ وفي او حبيبٍ مخلص هو فقط يحب الإدعاء حتى يتمكن من منزل جديد قلبٍ مختلف و ضحية تلو الأخرى أدركت أنه ليس بالضرورةٍ أن أكونَ الاختيار الأول لأحدِهم فيكفيني أن أكونَ مؤثرةً في حياة الاخرينِ بالشكل الذى يجعلهم ممتنين لوجودى أدركت انه من الطبيعى الا أكون الاجمل فانا بالفعل مميزة ليست بالضرورة ان انتمى لشارع لقرية لمدينة ما او أى مكان كان فما المشكلة ان انتمي للعالم أجمع أليس من المثير أن أنتمي لكل هذا العالم الكبير الذى مهما حاولتُ معرفة خباياه فهي لا تنتهي ما المشكلة أن أنتمي لكل عائلة طيبة لكل صديق جيد يحاول مساعدة أصدقائهِ أن أنتمي لأمي و لكل أمهات العالم أن انتمي لكل قيم العالم ان انتمي للحب للفرحة للمساعدة و جبرِ الخواطر 
أدركت أن العالم يسعني  يسع أحلامي و يسع قلبي الذى هو بدوره يسعه أيضا فما فائدة أن أضيقه على نفسي بالبؤسِ والاحزان أدركت ان المشاحنات و المجادلات التى ليس لها فائدة سوى إثبات النفس و إثبات انني الأكثر قوة و إدراكًا هي فقط  تقوم بدورها في شحني بالغرور بالانهاك تقوم بدورها في سلب اوقات جميلة كان يمكن ان تحل محلها أدركت أن الحب لا يأتى سوى بالعطاء الحب يعود إليك أضعافًا و لو بعد مئة عام أدركت أن امنيتي فى السلام لن تأتني مزفوفة كعروس وأنا منغمسةٌ فى احزانى لن يأتني السلام إلا إذا بحثت عنه بكل ما أوتيت من قوة 
بعد أن ادركت كل ذلك شعرت بالسلام لأول مرة  بتلك السكينة التى تسكن قلبي ذلك الهدوء والارتياح الذين لم اعهدعم من قبل .. فانا اصبحت اخلق السلام من كل شىء 
فى النهاية أدركت أن حبي للعالم أفضل بكثير من كرهه و التذمر عليه إن احببته احبك و إن اعطيته أعطاك هو فقط ينتظرك ينتظر منك خطوة البداية لكي يأتيك راكضا و يحتضنك بوسع يديه  فقط ينتظرك و ينتظر صحوتك

حب و سلام _ روان سلامة

بقلم : روان سلامة 
Facebook: https://www.facebook.com/profile.php?id=100009902717695

Instagram: http://instagram.com/rawan_slama2?utm_s%E2%80%A6shid=184c4tn3y29k4

الكلمات : 
انا تعبت على قد ما استحملت و يمكن يكون ده اخر كلام ما بينا  و اترددت كتير أنى اقوله او ابعته لأن ممكن جدا لو قرأتي الكلام ده متحبيش تردي تاني  بس خلاص أنا فاض بيا و مليت و مبقتش قادر ع اللى أنا فيه ، كل ما بشوفك بفرح و بتضايق يمكن من يوم ما عرفتك عرفت معاكى إحساس أنك مبسوط و متضايق فى نفس الوقت مبسوط عشان شايفك أنتِ .. أنتِ وبس ،ببقى متضايق لأنك بمجرد ما تعدي مببقاش عارف ممكن اشوفك تاني امتى و فين و ازاى  أصل القدر مش دايما فى صالحي فأكيد مش هيديني الفرصة دي كتير ، 
مبسوط لأنه بالرغم من أنك احلاهم فانا مش قادر اجي و اقولك على اللي جوايا و أن وجودك ده هو اللي مقويني أنى أكمل فى الحياة اللي مفيش منها رجا دي او مكنش في منها رجا لحد ما شوفتك ، وجودك خلاني عايز اقوم كل يوم الصبح من النوم مع أن كان مش فارقلي كتير اقوم مقومش كان كله زي بعضه ، بقيت بشتغل بس عشان أقدر أوصلك ، مبقاش فارق معايا أي بنت غيرك أنتِ 
أوقات بخاف انك تكوني مش ليا و أنك تكوني أصلا مش بتحبيني و أنى أكون معيش نفسي في وهم كبير و ان السبب اللي بقوم كل يوم عشانه الصبح يتسلب مني فملاقيش سبب تاني لأن مفيش غيرك ، أوقات بتعب و بيفيض بيا و بمل و بقرر انساكي ولأني عيل من يومي معرفتش انساكي و معرفتش أبعد و أديني أهو لسة بكتبلك و هكتبلك ، تعرفي أن دى مش أول رسالة و لا دي أول مرة اكتبلك ؟ و أن دى كمان مش أول مرة اكتبلك كلام كتير و امسح كلام اكتر  وفى الآخر مببعتهوش ! 
أنا اسف لرغيي الكتير و قلة حيلتي و خوفي الزيادة بس نفسي  تكوني عارفة أني مشتاقلك و خايف أفضل مشتاقلك . 

أول رسالة لبنت حبيتها _ روان سلامة

بقلم / روان سلامة 
Instagram: http://instagram.com/rawan_slama2?utm_s%E2%80%A6shid=184c4tn3y29k4

الكلمات : 
اسكت عشان مبقاش فاضل كلام يتقال 
اسمع وكأنك منغير أحزان 
اضعف بس بعيد متشيلناش اوزار الدنيا معاك 
ابعد وقت ما تلاقي الكل جبان ارجع وقت ما تلاقي الكل معاك 
من امتى بتشكي ؟ 
من امتى بتحزن هو انت الحزن عمره عرفلك باب ؟ 
مالك حزنان بهتان و لا حد عارفلك بال 
اوقات بتشد على ايدينا و اوقات غرقان 
مالك سرحان و التوهة بقت بتفوتلك بلدان  
الحزن نادى عليك ؟ روحتله ؟ خلاص الامل سابك ؟
 مش كنت دايما تقول ان الجراح اخرها سراح و ان الشقى اخره براح مالك مطفي وانت اللي الفرح كان توبك 
 ‏وقعت و لا حدش سمى عليك و لا حد سمعلك حس 
 ‏وحيد فى الضلمة و كان ودك يكون الكل معاك 
مش كنت معاهم مش كنت سامعهم و حافظهم وحلال مشاكلهم مش كنت دايما فى وسط توهتك ترشدهم 
طب هما فين و سابوك لمين تايه حزنان
وحيد فى وقت كان ودك يكون الكل معاك

من امتى بتشكي _ روان سلامة

بقلم و أداء / روان سلامة  
Instagram : https://instagram.com/rawan_slama2?utm_source=ig_profile_share&igshid=184c4tn3y29k4
الكلمات :
تكاثرت الغيوم و تساقطت بعض الأمطار اليوم معلنة عن قدوم فصلنا المفضل .. الشتاء ، لا أحد سواك يعلم مدى حبي له بكل تفاصيله و الهدوء الذي يعمني وسط نفحاته ، و لكن هذه المرة سيكون شتاء فاترا غرييا لا أعرفه
 فلم يمر وقت طويل على فراقنا
 أود القول بأنني أحاول التحسن يوما بعد يوم فانا اعتدت السير وحيدة ولكن بالتأكيد ليس من الطرقات التي اعتدنا السير فيها سويا فأنا احاول جاهدة البعد عن كل ما يذكرني بك فأنت كنت سبب وراء الكثير من الأشياء و هذه الأشياء تتفنن فى التسرب إلى عقلي حين أدعي النسيان ، اعتدت الاستمتاع بالعطلة برفقتي فى هدوء و لكني أشعر في أيام العطلة السعيدة بأن هناك ما ينقصها يمكن أن يكون ما ينقصها ضحكة أو فعل ما أو مجرد وجود لا أعلم و لكن هناك شىء ينقصها
و لا يمكنني تعويضه ربما ما ينقصها هو أنت ..  يضيق صدري حينما يحدثني أحدهم لتذكري لأحاديثنا الطويلة التي لا أحسب للوقت حسبان حينما نبدأها و لا أدرك متي تكون بدايتها و متى تنتهي كل ما أدركه هو انتظاري لإتيان الليل الذي كان موطن احاديثنا و دقات قلبي حينما تصلني إحدى رسائلك التي انتظرها بفارغ الصبر تحت غطائي فى الليالي الشتوية و حينها انسى كل ما كان حولى من برد و امطار
و لا يمكنني نسيان ابتسامتى التى كانت تجتاح وجهي و قلبي و يومي كله منذ بداية المحادثة إلى نهايتها و عودتي فى الطريق مبتسمة دون أسباب و لكن دائما كان هناك سبب وراء هذه الإبتسامات الغير مبررة للأخرين  ، حينما يشتد علي الشوق اذهب لقراءة بعض رسائلنا خلسة و افاجئ بأنني مازلت أشعر و كأنها المرة الأولى التي أقرأ فيها تلك الرسائل ، اخرج من تلك المحادثات بخيبة أمل صغيرة متسائلة لما طال بعادك و جف حبرك عن مراسلتي 
احاول معاودة كل شىء كما كان قبل أن تظهر فى حياتي و تصبغها بصبغتك المرحة ووجودك المحبب إلى قلبي حتى و إن كنت صامتاً 
بالتأكيد لم يعد كل شىء كما كان و لكنني أحاول و اشعر بالفخر لمحاولتي تلك ، أحيانا انساك بالفعل و اتعجب من قدرتي على فعل ذلك حتى أنه يصعب علي تذكرك حينها إلى أن  تأتِ تلك اللحظة التي تنزل على قلبي إحدى ذكرياتنا او مقطع من اغنية كنا قد تشاركناها سويا كالصاعقة لتنذرني بأنني لم انس بعد و تكشفني امام نفسي بأن الأمر اصعب مما ازعم و أن النسيان على بعد خطوات مني و لكنى لم أدركه بعد ، فأنا مازال بداخلي شىء صغير يفتقدك و يفتقد الألفة التي كنت أشعر بها تجاهك .

ذكراك تلاحقني _ روان سلامة

Music & Edit: Shihap Tarek
https://www.youtube.com/channel/UColkTjt067T3mvu62OFXKTg
Photo by: Youssef El_Deek 
https://instagram.com/youssefeldeek?igshid=1vwkl0weayn2h
The writer & Voice Over: Rawan Slama
https://instagram.com/rawan_slama2?igshid=1y1ttyvhjrh7x

 Lyrics : 
بدون عنوان و بدون تفاصيل 
جوايا كلام لو اقوله اساع الكون حواديت 
وانا اللي من أول ما وعيت ع الدنيا قالولي ده الصبر جميل 
فصدقت و صبرت .. 
و انا مهما طال صبري لقيت الصبر محتاجله مية صبر وصبر فوقيه 
عدت الايام و خلص الصبر و خلصت معاه 
لا لقيت الدوا عند اصحاب و لا اغراب
و سمعت البكا مع انفاسي بينده على امل مبرود 
وأنا مهما عليت انفاسي ملهاش صوت و انا مهما ندهت ملقاش حد 
و يطول الصبح و يطول الليل و انا في حجر على قلبي مش قادر أحس بالاتنين 
الصباح زي المسا فى شيل الهم و التفكير 
منفوخ فيا الروح لكنها باهتة وكل العيون كانت شاهدة ان فى وجودي كأني مش موجود 
المشاعر كلها متشتتة و كأن القلب اكتفى من البهدلة و الجري و الصدمات 
خايف اكون ببعد وقت ما يكون لازم اقرب و خايف اقرب ليكون جه وقت البعاد 
وقت ما قالوا الصبر جميل نسيوا يقولوا أن العشم جارح و اني في يوم هتعلق بناس مش دايمة 
و ان القلب اللي جرحنى مسيري في يوم اكون جارح زيه منغير قصد 
خصيت فى مرسالي سطور لكل قلب وحيد 
كان كل أمله يلاقي صديق يشده من وحده و ضعف ماليينه
كان لازم يعرف أنه مهما استنى محدش جاي 
كان رد صادق منى يوم ما سألتني مالك و قولت مفيش .. الوحدة و الخوف و الألم كان عادي يتحطوا تحت اسم مفيش 
فإن كنت صحيح باقى او مهتم 
فمفيش أمل م السرد و الحكايات 
مفيش رجا من قلب خاف حد البرود
مفيش فايدة من حزن متكرر ومن كتر اسبابه أصبح ملوش اسباب 
مفيش مفر من دنيا مش شبهي و من نفس معرفهاش 
فأنا اللي جوايا والله ما اعرفله بداية و ان بدأ مينتهيش 
كشبك متفشكل لصياد اعتزل الصيد بقاله سنين

مالك ؟ ... مفيش _ روان سلامة

Music & Edit : Shihab Tarek
https://push.fm/fl/sc7ezhkv
The writer & Voice over : Rawan Slama
Facebook: https://www.facebook.com/profile.php?id=100009902717695 
Instagram: https://instagram.com/rawan_slama2?igshid=1y1ttyvhjrh7x 

Lyrics: 
دور على نفسك وسط الرفوف .. امشي فى طريق روحك ماسكة فى ضله و شد إيدين الشقيانين 
اسمع لصوت سكته طول الوقت 
كدبوا عليك لما قالوا متستاهلش .. طب ايه يستاهل ؟ 
فكر كام ليلة ضاعت فى الحسابات و الحسبة منهية 
كام شيلة تقلت سيرك لأجل انها مش شيلتك 
اوعاك تتوه وتغيب و تلف فى الساقية 
هتلاقي حواليك تماثيل خشب مترصصين طوابير من العفرة تجهلهم 
هناك على أبعد من مد البصر تماثيل خشب متفرقين من اللمعة تتمنى 
و تنسى أن الخشب إن كان جميل او كان عويل فالأصل تمثال خشب ودع معاني الروح و سلم رايات العمر 
اللي مات زمان دلوقتي مش حاسس انه جمع كل حاجة بس وقع انه يعيش 
اللي تبت فى روحه زمان .. عاش ومات لكن روحه لسة عايشة مبتنتهيش

الساقية_ روان سلامة

Music & Edit : Shihab Tarek
https://push.fm/fl/sc7ezhkv 

The writer & Voice over : Rawan Slama
YouTube : https://www.youtube.com/channel/UC1M8QHttBvhQ9uAmkdDrJ5A
Facebook: https://www.facebook.com/profile.php?id=100009902717695 
Instagram: https://instagram.com/rawan_slama2?igshid=1y1ttyvhjrh7x 

الكلمات : 
رغم مرايتي اللي معنداني لسة فى خيالي بشوفني واحد تاني 
و لأن امبارح كان ذكرى و بكرة بكتيره يكون فكرة فأنا واقف فى اليوم اللي فى ايدي لا عارف أتخلص من الذكرى و لا عارف أطور من الفكرة 
الطريق طول .. و البصيص ضلم و عتمة الصورة خلت ضلي مش متشاف 
تشد ايدين كتير فيا و متشدش و إن زادوا فى اللوم مبهتمش 
وبتحسر و بترحم على صورة عيل كان راسمها زمان .. ومهما راضيته ببدايل فمبينساش 
انا عيل متعلق بأحبال أحلام إن كانت سابت فى الذكرى فأنا عمري ما اسيب و إن كانت قالت انسى و هتكمل فده تقل أحباب و أنا بردو فهيم 
أنا قلبي تملي يغني يا ليل وهبتك أملى و روحت لفين ؟ 
أنا ليلي له صبح يرد عليه و أتحامى فى أمله المتبسم و أسند على كتفه المترسم بجهود أهاليه 
فأنا ليلي و صبحي وعدوني كتير .. و شكوكي فى الآخر أخدتني أسير .

حلمي اللي كان

حلمي اللي كان _ روان سلامة

 Music Composed, Produced, Mixed and Mastered by Shihab Tarek
https://push.fm/fl/sc7ezhkv
كتابة و أداء صوتي : روان سلامة 
YouTube : https://www.youtube.com/channel/UC1M8QHttBvhQ9uAmkdDrJ5A
Facebook: https://www.facebook.com/profile.php?id=100009902717695 
Instagram: https://instagram.com/rawan_slama2?igshid=1y1ttyvhjrh7x

Lyrics:


عاوز اقولك انى من سنين مكنتش فاهم 
عقلي الصغير وقتها مكنش عارف يستوعب رحمته 
فى وقت ما اختفت كل علامات النور  
و ملقيتش لنفسي طريق كان دايما موجود 
عمري ما صدقت اني ممكن فى يوم اوصل 
الطريق من طوله و صعوبته 
مقدرتش اشوفله نهاية
مقدرتش احس اني  اقدر 
مين قال انها لما بتضيق بتضيق من كل حتة ؟ 
كانت دايما لما بتضيق من ناحية بيوسعها عليا فى امور تانية و مع الوقت كان بيفرج اللي ضاق 
كنت دايما اقول لنفسي  اني مش كفاية 
و اني خلاص مش لازم اكمل
 بس كان دايما بيلحقني بآية تطمني 
و تقولي اصبر و كمل و هتشوف نتيجة ده بعدين 
صبرت و كملت
 و مقدرش اقولك انى متعبتش فى النص
 اكيد تعبت  
بس كان دايما بيلحقني بكل الطرق 
لو مرة كان بآية فالمرة اللي بعدها بحاجة بحبها مكنتش متوقعها 
مرة يبعتلي ناس تشد على ايدي و تكمل معايا
 او حتى يقولولي كلمة تخليني اكمل 
كان حتى بيراضيني بحاجات تبان بسيطة جدا
 بس هو عارف اني بحبها 
العالم و احداث حياتنا مش دايما هتكون على قدر استيعابنا ولا هتكون دايما ليها تبريرات منطقية
 ممكن حاجة تحصلك ميبقاش ليها مبرر دلوقتي 
بس بعدها بشهر بسنة او حتى بعد سنين هتفهمها 
و الاهم انك ممكن متفهمهاش عمرك كله 
بس هو فاهم بالظبط ايه سببها 
انت ممكن تعيش طول عمرك مكتئب بس فى النهاية محدش هيسقفلك 
محدش هيديك كاس انك  عيشت مكتئب طول عمرك 
هتعيش لحد ما تكتشف فى لحظة انك ضيعت حاجات كتير اوي كان ممكن تعيشها بس انت قررت تحط نفسك فى قالب غويط محدش عارفله آخر 
و يمكن تلاقي نفسك ضيعت حياتك كلها 
احنا اه جينا الدنيا دي عشان نتعب
 و نتحط فى اختبارات بس فى النهاية انت بردو مش لوحدك تخيل لو كنت لوحدك كان الموضوع هيبقى صعب ازاي من غير توفيقه من غير كرمه و رحمته 
استعن و توكل و خليك دايما فاكر وجوده و انه دايما هيلحقك ومش هيسيبك لوحدك 
 مهما طال الامر و مهما اتقفلت البيبان

في رِحَابِه _ روان سلامة

named by : Hend Nabil 
music: Shihab Tarek 
https://push.fm/fl/sc7ezhkv
photo: Hasan Elnaggar 
https://instagram.com/hasan_elnaggar?igshid=1sh3npuo7vpf2

كتابة و أداء صوتي : روان سلامة 
YouTube : https://www.youtube.com/channel/UC1M8QHttBvhQ9uAmkdDrJ5A
Facebook: https://www.facebook.com/profile.php?id=100009902717695 
Instagram: https://instagram.com/rawan_slama2?igshid=1y1ttyvhjrh7x

lyrics: 
العالم كله بيجري و انا واقف 
اليوم بيعدي ورا تاني لا عارف الحق و لا عارف افوق 
العمر غريق و انا خايف طول عمري اتشد 
مشلول  مش عارف انا فين 
مش بحكي و مش هحكي 
صحيح اليوم بيجري لكن ساعات الليل مابتسيبني 
و يدور حوار دائم بعد منتصف الليل خلاصته انى فى سجلات الخوف متقيد سجين قضايا الذكريات و الفكر 
و خوفي بيتفنن فى الف سؤال و سؤال
 اهرب و لا هتألم 
و فكرك يعني لو كملت هتعلم ؟ 
 ليه علشان اتعلم بتألم 
و ليه الورد لازمله الشوك 
ليه كل ربح مصاحبه خسارة و الصيدة السهلة مقابلها فتور 
مين هيحاسب ع الايام اللي معيشتهاش 
و مين اتسبب فى الفرص اللي ملحقتهاش 
مين هيكمل الفرحة الناقصة 
و ايه هيرجع شغف الرغبة 
و لو الزمن غير الزمن و الظروف اتبدلت انا كنت هكون فين

انا امتى كبرت و امتى هنول
امتى اقدر اقول فهمت و امتى اتمنى الامان 
امتى اتفهم من غير كلام
ههرب لحد امتى و هروح لفين 
لأمتى هفضل رفيق للضلمة و الوحدة 
 اتعب و لا مش فارقة
احلم بيوم غير متكرر و لا اكرر و انا ساكت 

..
سكاتي ضيع معاني كتير كان ممكن اقطفها 
هو انا فعلا غريب و لا استحليت الغربة 
كل حاجة فيا بتختلف مش عارف انا مين 
الناس متقسمة و بيوصفوني اتنين 
و انا مليت الوصف 
و يسألوني  غرضك ايه فاسرح و اقول 

انا مش عايز اكون طرزان .. 
انا بس عاوز اعيش

سجين نفسي

سجين نفسي _ روان سلامة

music: Shihab Tarek 
https://push.fm/fl/sc7ezhkv
كتابة و أداء صوتي : روان سلامة 
YouTube : https://www.youtube.com/channel/UC1M8QHttBvhQ9uAmkdDrJ5A
Facebook: https://www.facebook.com/profile.php?id=100009902717695 
Instagram: https://instagram.com/rawan_slama2?igshid=1y1ttyvhjrh7x

lyrics:
طفوا الأنوار و احتفلوا بسنة جديدة 
و انا لسة بنفس القلب و لسة بنفس الشيلة 
ممكن تقول نكدي و ممكن تقول مجنون 
بس الحقيقة اني و لأول مرة مش متحمس و لا عندي آمال 
انا اصلي حلمت كتير خليني فى مرة ابطل احلام 
ازاي بنحمل مشاكلنا لشوية أرقام ؟
لا الرقم قصر فى جهوده ولا قرر قرارات ودتنا فى داهية 
طول ما انا لسة بنفس الفكر فهتفضل همومي تتكرر 
و الاقي وصفي وسط اغنية بسمعها بقالي سنين 
طب افرض مش انا و مش الأرقام 
ليه فى كل خطوة بتفاجئ بوضع جديد ؟ 
كأني فى فيلم عمال اتفرج و اتأثر و مليش الحق فى التغيير 
يمر اليوم و يجر اخوه و الاقيني نسيت انا مين و حلمت بأيه 
و تيجي فى لحظة الدنيا تصدمني بواحد تاني معرفهوش 
و اشوف احلامي بتوه مني وسط التايهين 
لحد ما اشوفها قدامي مع ناس تانيين 
هستني ايه ؟ 
هستنى ايه من سنة جديدة هقضيها بعلي فى صوت المزيكا لأجل تغطي ع الدوشة اللي جوايا 
و خدت من نومي صديق يخبيني من الدنيا و اهوالها و أحداثها 
فأنا مش قادر اعيش هموم تانية و لا قادر افارق ناس تانيين 
كل الأحلام اتحولت لهدوء و سلام 
مش عاوز دوشة و لا عاوز اوجاع و لا قادر ادخل فى صراع علشان بس اكون الكسبان  
قبل ما تطلب مني اتأمل .. خد ايدي و علمني ازاي اتعافى من مر الأيام 
عرفني ازاي انسى مشاهد سابت جوايا شرخ مش قادر انساه 
انا خايف اصحى فى يوم الاقيني قضيت العمر بستنى 
بستنى الفرصة و بستنى الدنيا و بستنى الناس 
و اضيع عمري بستنى اكون شبهي و يرجع قلبي زي زمان 
قالوها زمان فى نص اغنية 
غرقى الحياة دواهم هو الحب .. وانا بس دوايا النسيان 

سنة جديدة ؟ _ روان سلامة

لا تدع العالم يعكر صفو أحلامك

Popular tracks by Rawan Slama | روان سلامة