Sufi singing Christian, Islamic, Jewish ..
القداس الباسيلي لأبونا موسى رشدي .
ابتهال للشيخ سيد النقشبندي .
صلاة توراتية .

Music for john debney .
© Created Mix by #Rawy_Aziz .

- مشيت صبر
https://soundcloud.com/rawy_aziz/mshet-sbr-rawy-aziz
- هو إنتي ليه ديماً كده ؟
https://soundcloud.com/rawy_aziz/hwa-enty-leh-dymn-kdh
- مورفين العك
https://soundcloud.com/rawy_aziz/morfen
- الله محبة .. الوطن كدبة
https://soundcloud.com/rawy_aziz/allah-ma7ba
- كسر نفس البنت ليل
https://soundcloud.com/rawy_aziz/ksr-nefs-elbnt
- عزلة
https://soundcloud.com/rawy_aziz/3olza-11
- الأخير
https://soundcloud.com/rawy_aziz/ela5ir

Official Page
https://www.facebook.com/RawyAziz


MiXed By Rawy Aziz | مقطوعة سلام

اسمع كمان قصيدة _ الاخير
https://soundcloud.com/rawy-aziz/ela5ir
قصيدة عزلة
https://soundcloud.com/rawy_aziz/3olza
قصيدة مورفين العك
https://soundcloud.com/rawy-aziz/morfen
وقصيدة ع الأسفلت
https://soundcloud.com/rawy-aziz/3elasfalt

ممكن تتابعني من هنا
Official Page
https://www.facebook.com/RawyAziz

بين القباق والكنيسة 

عكت رجلي ياما ..
وخطت في سكك عويصة ..
توهتني بين القباق والكنيسة ..
سدت باب الرحمة في وشي ..
أما إترصت قدامي الكاسات ..
إتبهتنت الصورة , يارب معلشي ..
أنا عقلي جوه الكاس مات !...
ضحكت علي حالي وقُلت :
هو ربنا موجود في البارات ..!؟
حاجات إتصبت في عقل بالي ..
يااه لو الدنيا تاني تصفالي ..
ده انا لما كت عيّل ..
كت بابُص ع القهاوي بـ اشمئزاز ..
من شكل القزاز المعتق دخان ..
وشكل الناس ..
المستنين معشاتهم م الاخرة ..
وزحم زعيق وشتايم في علان ..
أنا مرة كرهت ان كوني انسان ...

أنا فاكر ..
شكل الباص ..
بتاع كل رحلة ..
وعم رمسيس ..
اللي مبيتغيّرش ..
والهيصة والترانيم ..
وأبونا شاروبيم ..
اللي مهما هزرنا مابيّقفش ..
كُت باميل ديماً لطفولتي ..
مع اني معيشتهاش ..
كُت كما منديل أبيض , باش ..
من كُتر الدمع ..
من تُقل السمع ..
عند النصيحة ..
منفعتش أعمل حاجة ..
غيراني أدي لليأس الطريحة ..
الدنيا صريحة ..
اما بتقلب وشها ..
يهمها ايه كت سعيد ولا ميّت ..
ده انا قضيت عمري ع الرصيف بعيّط ..
وان في يوم قُلت : هأخد حِل ..
عشان أتناوِّل 
 الاقيني عمال أحاول وأحاول لجل ما أصحى ..
وان حصل وقُمت ..
أروح متأخر ايماني مأشفر ..
وأقعُد في القداس وكأني مستني الفسحة ..
مستني المِروّح ..
مش عاوز أروّح ..!
غير وأنا شاربك ..
غير وأنا عابدك ..
كت بسئل :
ليه بتاخد الروح وتسيب في قبر, البدن ..؟
هل عشان منك الروح ,
يبقى الجسد مالوش تمن ..!؟
ليه مخلقتنيش روح بس ..
كت ساعاتها هبقى قريبك ..
اسيبك وأنا عندك , أحس ,
ألمس كل شئ من جيبك ..
متآخذنيش في ده السؤال ..
ده البال عمره ما ارتاح ..
ولا حايرسىَ ..
الا اما فيك يرتاح ..

توّهني نواحي سكتك ..
دي التوهة فيك حياة ..
خليني أسمع كلمتك ..
وهمسك أمشي وراه ..
الكلام اياه سِد ودني عنه ..
زنُه حاش حبك مني ..!
حوطني بنور , منفلتش منه ..
وف عطف حنوّك انقعني ..
ضيّع سِكة  القباق من رجلي ..
واعدل قصادي السكك العوصية ..
وأنا من ايدك دي لايدك دي ..
لو هبات حتى علي أعتاب الكنيسة ..

إنسانجيات - راوي عزيز

    كلمة .. حِل : هو مصطلح مسيحي .. معناه العفو او السماح ..
    التناول : هو طقس من طقوس المسيحية ..
     قباق : كلمة روسية تعني خمارة ..



بين القباق والكنيسة - راوي عزيز

الشيخ نصر الدين طوبار - المرنم ماهر فايز - الشيخ سيد النقشبندي - والقداس الحبشي للقس اسطفانوس رزق ..
© Created Mix by #Rawy_Aziz .
https://www.facebook.com/RawyAziz.2

rawy aziz

Mixed By Rawy Aziz | دقائق في الملكوت

- مشيت صبر
https://soundcloud.com/rawy_aziz/meshyt-sbr
- مورفين العك
https://soundcloud.com/rawy_aziz/morfen
- كسر نفس البنت ليل
https://soundcloud.com/rawy_aziz/ksr-nefs-elbnt
- الأخير
https://soundcloud.com/rawy_aziz/ela5ir
- عزلة
https://soundcloud.com/rawy_aziz/3olza-11

Official page ...
https://www.facebook.com/RawyAziz.2

مورفين العك

من يوم ما رجلي 
خطت ع الدنيا 
وانا مابشوفشي غير عك ..
وعرك في حواري الكوكب 
وجواري وبهلوانات لزوم الفرك ..
في حيطان السيرك ..
اللي اتحشى زمان في أدمغة البشر ..
حجر من مورفين العك ..
أنا عقلي كُتر ما حك...
 في جدران الطوب الاحمر ..
اتعود يستحمر ..
اتعود يتعك ..
أنا مفيش مرة عديت من زحمة ..
الا ولقيت فيها دعك ..
وشك 
بين اليقين والشرك ..
و السك علي قفة الاحلام ..
أنا وجودي صبح حرام ..
مع غياب الضحك ..
مع لعبكة الايام ..
اللي مش لاقيلها فك ...
انا عمري ماشُفت الجنة ..
عشان عمري ما ضحكت ...
عمري مالقيت ربنا ...
عشان أنا عمري ما إرتحت ...!!
أنا عقلي انعصر 
م الرغي وكتر التفهات ..
والعاهات ..
وبوز السكات ..
اللي طبع علي وشي ..
وعلمني أمشي ..
ماأشوفشي غير الارض ..
أنا صاحبت طوب الارض ..
مع اني كتير بشوطهم ..
من كتر الوحدة ..
أنا وشي صدا ..
من كتر الدمع
اللي انساب ع الخد وماتمسحشي ..
تقريباً أنا مابقاش علي لساني غير كلمة معلشي ..

 راوي عزيز

مورفين العك - راوي عزيز

- الله محبة .. الوطن كدبة
https://soundcloud.com/rawy_aziz/allah-ma7ba
- مورفين العك
https://soundcloud.com/rawy_aziz/morfen
- مشيت صبر
https://soundcloud.com/rawy_aziz/mshet-sbr-rawy-aziz
- هو إنتي ليه ديماً كده ؟
https://soundcloud.com/rawy_aziz/hwa-enty-leh-dymn-kdh
- عزلة
https://soundcloud.com/rawy_aziz/3olza-11


Official Page
https://www.facebook.com/RawyAziz

الأخير

أنا الأخير ديماً في الدخول ..
الأخير ديماً في النزول ..
الأخير في صف الإنتظار ..
اللي ضمن آخر ناس تقول ..
أنا الأخير في كشف الغياب ..
بمضي حضور ديماً ..
لكني ببقى طول الحضور غياب ..
أنا آخر واحد بيضحك ع النكتة ..
وآخر واحد بيبطل ضحك ..
أنا آخر واحد طالع في الصورة ..
عشان أنا ماليش في الضحك ..
أنا آخر واحد بيصلي ..
لما يقولوا ح نصلي ..
بقوم خاتم بـ أبانا الذي ....
عشان في وجودهم ..
أنا مابعرفش أصلي ..
أنا ديماً بحب كل الناس ..
وبحب صحابي جداً ...
لكني بحب أبقى لوحدي ..
عشان كده ببقى أحسن ..
أنا كان نفسي أفضل علي طول صغيّر..
ماليش غير في اللعب والواء لما أتعوّر ..
أنا ماكانش نفسي أبداً إني أتغيّر ..
أنا كت آخر واحد ..
يفكر يحب ..
لكن اما شفتها ..
إتبدل الحال ..
بس سؤال أنا ايه اللي خلاني أحب !؟
طلاما كده كده ح سيبها ..
أنا عمري ما عرفت أحسبها ..
أنا آخر واحد بيخلص في الامتحان ..
وآخر واحد بيروّح..
آخر واحد بينام ..
وبيخاف إنه يحلم ..
أنا آخر واحد بيتكلم ..
ولو أتكلموا هما ..
ببقى آخر من يعلم ..
آنا الأخير في كل حاجة ..
وأنا آخر واحد 
بينطلب منه حاجة..
رغم اني فاضي 
طول الوقت ..
رغم إن عمري ما إتأخرت ..
بفضل برضك الأخير ..

إنسانجيات - راوي عزيز



الأخير - راوي عزيز

مزيج صوفي 
الشيخ ياسين التهامي - المرنم ماهر فايز - الشيخ احمد التوني 
Music for John Debney.
© Created Mix by #Rawy_Aziz .

اسمع قصيدة الأخير ـ لـ راوي عزيز
https://soundcloud.com/rawy-aziz/ela5ir
واسمع كمان .. قصيدة مورفين العك
https://soundcloud.com/rawy-aziz/morfen
وقصيدة ع الأسفلت
https://soundcloud.com/rawy-aziz/3elasfalt
قصيدة عُزلة
https://soundcloud.com/rawy_aziz/3olza

وممكن تتابعني علي 
Official Page
https://www.facebook.com/RawyAziz

www.facebook.com/RawyAziz.2

Mixed By Rawy Aziz | مالي سوى روحي

مزيج_صوفي#
الشيخ طه الفشني _ أبونا موسى رشدي _  الشيخ وحيد ابو حسن الشرقاوي
Music For Fahir Atakoglu
© Created Mix by #Rawy_Aziz .

اسمع قصيدة الأخير ـ لـ راوي عزيز
https://soundcloud.com/rawy-aziz/ela5ir
واسمع كمان .. قصيدة مورفين العك
https://soundcloud.com/rawy-aziz/morfen
وقصيدة ع الأسفلت
https://soundcloud.com/rawy-aziz/3elasfalt

وممكن تتابعني علي 
Official Page
https://www.facebook.com/RawyAziz

إلهي إن يكن ذنبي عظيماً فعفوك يا إله الكون أعظم
فممن أرتجي مولاي عطفاً وفضلك واسع للكل مغنم
تركت الناس كلهم ورائي وجئت إليك كي بالقرب أنعم
فعاملني بجودك واعف عني فإن تغضب فمن يغفر ويرحم



Mixed By Rawy Aziz | تركت الناس كلهم ورائي وجئت إليك

Music for John debney 
Official page ...
https://www.facebook.com/RawyAziz.2

Live Video 
https://www.youtube.com/watch?v=f3H4DFcMNC4

هو انتي ليه ديماً كده ...
زهقانة ومعقدة ..
ومش مدية فرصة ..
أكتبك قصايد ....
هو انتي ليه ديماً كده قلبك بارد ...
ليه وقت الشتا ...
بتسيبي قلبي يسقع ..
وإيديا وحيدة ...
هو انتي ليه ديماً بعيدة ...
وسايبة حاجة ..
منك حوليا ..
هو إنتي ليه بتحلوي كل شوية ...
وكل لُقا بينا ليه
بقصيدة ..
هو انتي ليه ديماً بعيدة ....
رغم قربك ...
أكن قلبك 
بنت في إبتدائي ..
بتنكسف تلقائي ...
من زميلها ...
حتى بحبك .. 
لما قالها ..
مافهمتيش ...
وكملتي كسوف ...
ولجل ظروف الطفولة
 والمعيّلة ...
قلب كلامه هزار ...
معيار البرائة 
جعلك تحبي بدون كلام ...
جعل حبك مجاز ...
قلبي الإزاز ..
حاسبي عليه لا تكسريه ...
وحسبي لا يجرحك ...
لو جيتي في يوم عليه ...
هو إنتي ليه 
قلبك مضفر وجع ...
وذكريات صور قديمة 
وأنا جنبك ...
ياست الكل 
قلبك ..
أنا أوّلى بيه ...
رتبي رفوفه ...
وإكنسي قديمك ...
وسكنيني فيه ....

#راوي_عزيز

هو إنتي ليه ديماً كده - راوي عزيز - من ديوان رُكام

ابتهال أغيب وذو اللطائف لا يغب - للشيخ سيد النقشبندي 
ولحن أجيوس - قدوس - باليوناني
Music Metal ..
© Created Mix by #Rawy_Aziz .

- مشيت صبر
https://soundcloud.com/rawy_aziz/meshyt-sbr
- هو إنتي ليه ديماً كده ؟
https://soundcloud.com/rawy_aziz/hwa-enty-leh-dymn-kdh
- مورفين العك
https://soundcloud.com/rawy_aziz/morfen
- الله محبة .. الوطن كدبة
https://soundcloud.com/rawy_aziz/allah-ma7ba
- كسر نفس البنت ليل
https://soundcloud.com/rawy_aziz/ksr-nefs-elbnt
- عزلة
https://soundcloud.com/rawy_aziz/3olza-11
- الأخير
https://soundcloud.com/rawy_aziz/ela5ir

Official Page
www.facebook.com/RawyAziz

Metal Sufi | أغيب وذو اللطائف لا يغيب

Music Trio Joubran & ELshekh Sayed Elnaqshabndy
High sound studio تم التسجيل في
شكر خاص لـ ميشيل طلعت

Official Page
www.facebook.com/RawyAziz

مشيت صبر ..
لجل ماأنول رضا رحمتك ...
مشيت نحيتك ..
وسِكتك صعبة وطيبة ...
مشيت أمل ..
واترص قدامي ميت مطب ..
عديني يارب ..
نفسي أشوفك من قريب ...
نفسي أبقى زيّك طيب ..
ياصاحب السما والأرض ..
يااللي مالكش حد ..
أنا ضعيف جداً ..
وماليش هنا حد ...
ماليش غير أغمض ..
وتغمض روحي فيا ...
وأفلت دعوتي ..
حكيّالك باللي فيا ..
ماليش غير سجدة ...
أدوق بيها حماك ..
وأقوم واحدة واحدة ..
أكمل مشيِّ وراك ..

يارب قلبي التعيس ..
محتاج ضحكة منك ..
يقدر يكمل بيها نبض ..
ياصاحب السما والأرض ..
نفسي أعبدك حُب ..
مش خوف وفرض ..

مشيت ضلمة ..
ووجودك طول الضلمة باين ..
الدنيا زحمة ...
والسكة خالية منها الجناين ..
والضحك مش هايّن ..
يهوّن علينا غُربتنا ..
ياساكن الجنة ...
سكّنا بيوت الفرح ...
وكل صُبح ..
ضحكّنا ..
ياساكن الجنة ...
سدوم حبّرت عدن هموم ...
وسخت عقولنا إلحاد ...
ذاد حُبك داب ...
م المساومة والعناد ...
واختناق المراحم ...
ياعالم بالكل ...
كلامك ضِل ..
وبيخفف حر السكك ..
فلو لينا خاطر عندك يارب ...
إيدينا حُبك كله ...
وبلاش شُكك ...

#راوي_عزيز

مشيت صبر - راوي عزيز | النقشبندي

https://www.facebook.com/RawyAziz

كلمات : شيماء الصباغ

أنا البنت الممنوعة...
من حضور حصص الدين المسيحي،
وقداس الحد،
مع إني شاهدة...
على صلب يسوع...
في محطة مصر في عزّ الصبح..
حتى ساعتها
كانت كل الشبابيك مفتوحة .....
والدم بيسابق
العربيات ع الأسفلت ....
وعيون البنات...
تجري في السما...
وتلحق الكرسي الهزاز الممنوع....
وأنا البنت الممنوعة...
من الحب في الميادين ..
وقفت في نص الشارع....
لميت في إيدي كل نجوم السما فرط ....
وعرق البياعين ....
صوت الشحاتين ...
وأحباب الله....
وهم بيلعنوا أبو اللحظة...
اللي وافق فيها خلق الله ....
على صلب يسوع عريان
في الميدان الزحمة ....
على عقارب ساعة المحطة ....
وهي بتعلن واحدة الظهر .....
وأنا البنت الممنوعة من قولة لاء.....
عمري ما هايفوتني الفجر ...

------
كلمات : الله محبة 

الله محبة ...
الوطن كدبة ...
والشعب نسبة ...
من أرباح الظلم ...
ارمي ياعم الطوب ...
وجودك مش مرغوب ...
دمك ماهوش مهم ...
صوتك كمان كدبة ...
الله خلق المحبة ...
الوطن خلق 
الظلم ....
سم الوطنية ...
كفر أنفاس الحرية ...
جعل البجاحة علم ...

ياسيد الوهم ....
بتقتل ليه الورد ...
وليه بيخنقك نسيمه ...
حشدك دهس
 اغصان الجنة ..
الطارحة في الارض ...
كدبك فرض ...
وكفرت بيه ...
زي ما كفرني ....
شرعك مهما شرع
موتي ...
مش ح يقتلني ...
خرطوشك ...
الدبلان 
مش راح يوقف السير ...
ورصاصك
مهما استوسخ ...
مش ح يخرس زقزقة العصافير ....
مش ح يخلينا صم ....
الله محبة... 
الوطن كدبة ...
والشعب نسبة ...
من أرباح الدم ....

#راوي_عزيز


سم الوطنية - راوي عزيز | شيماء الصباغ

ياما اتصلبَت ..
واتصلَبِت في قلبي ذنوب ...
جعلتني مغلوب ..
ممنوع م الخروج ..
برة جلجثة الخطايا ..
فـ أزيد المسامير ..
وأصلب ألف يهوذا جوايا ..
ومع كل تنهيدة ..
في ساعة توبة ..
يطلع بطرس
بنوبة
كدب ...
فـ أنكر وجوده ..
أنكر وعوده ..
أنكر ايده 
اللي ياما عدتني ..
ولحقتني ..!
وولا مرة ملت الطبطبة...
يارب انا روحي متربة ..!!
وشي معفر كآبة ...
وعقلي موّبر عتمة ...
اصلب مراحمك 
بين ضلوعي ...
اكسيني رحمة ...
الصلب في مذهب الموجوعين
نعمة ...

تتزاحم الصلبان 
جوه مني ...
فـ أتزحم برايا 
بحيرة تصلبني ..
وان ناديتني ...
أتزحم بعمى و شَك توما ....
نفسي يارب في نومة ...
جوه حضنك ...
قبل ما يموت فيا يوحنا ...
أنا نفسي فيك ...
قبل ما يكون نفسي في الجنة ...
أنا نفسي أسيب
الصلبان اللي خلتك تغيب ....
ونفسي جدا
تحجزلي جمب منك صليب .....

#راوي_عزيز

صليب رابع - راوي عزيز

Official page ...
https://www.facebook.com/RawyAziz

قابل للكّسر ..

ماتقربوش
أكتر م اللازم ...
عشان تلقوا مسافة للرحيل ...
بكفاية تحميل 
صور ع الفاضي ...
قلوبكم 
كل مادا بتكره الماضي ...
ومع كل لهفة
بينقصلها من النبض شبرين ..
بكفاية ذكريات 
يادبلانين ...
طعم الذكرى بيبقي دِلع ...
وقت الحنين ...
وإنت ياعم الزعلان ...
إيديك لزقت في خدك ...
من كتر السرحان ...
مين واخد عقلك ...
وسابلك قلبك تواسي فيه ...
حتى ضحكك
بقي عبارة عن قشرة فوق وجع ...
إحساسك سِقع ...
قلبك بقى تِلم ...
وبقيت تكره تحب ...
وان حبيت بتتظلم ...

جراب سكوتك ...
إتاكل من سخونة كتمانك ...
سِكت 
أكتر م اللازم ...
والحزن لزمك مكانك ....

لزمك تسيب .. 
ناس مش لزماك ...
وفضلت قدامها 
ناس بالعافية ملزماك ...

معاك ايه ..
مخبيه في جيوبك ...
ذنوبك زاحمة ميدايلة الصبر ...
بينك وبين الجنة شِبر ...
لكن توب الدنيا معفر ...

عشت سنين الدنيا 
شقا ...
ماتضحك بقى ...
ماتقفش ع الواحدة ...
ورقص ظروفك ع الواحدة ...
الضحكة خالدة ...
لو روحك اللي ضاحك ...
طريق الزُهد حَالِك ...
لكن الرؤية فيه أوّضح ...
فبلاش تقرح - جرحك بجرح ...
فصّل من تفاصيل 
الذكرى ...
قميص واقي ضد الفُرقة ...
وفارق
لو قالوا مش فارقة ...
كل اللي بيسيبوا
في زمانّا ...
بيجهزوا الأوّل عُذر ...
فمايهمكش , فضّي مساحة ...
وحب بقلب جامد ...
حتى لو قلبك قابل للكسر ....

#راوي_عزيز

قابل للكسر | راوي عزيز

ديوان رُكام
لـ راوي عزيز
معرض القاهرة الدولي للكتاب 2016
عن دار تشكيل للنشر والتوزيع

© الميكس معمول بيّد العبد لله -

Promo | ديوان ركام - راوي عزيز

ركـام 3

وجودنا
شِبه رص رُكام ...
من حروف ساكنة
وبعترة أرقام ...
وذكريات 
عقل باطن عايش علي تراكم الأحلام ....
سكوتنا 
شِبه كلام متكربس في قلب الدماغ ...
فراغ الوقت 
ملاذ الكبت ...
المتراكم بين فواصل الوحدة ...
وبين رواسب العُمر ...
ضهر الضحك 
مكسور باقيله فترة .... 
من تزاحم التكشير ...
جير وشك اتفرفت ... 
م البكى ...
ومن ركام التريَقة
المصبوب علي ملامحك ...
عقلك ياما نصحك
وداب من تأثير ...
رطوبة الأوجاع ...
وسوء الحظ ...
بترقم ذكرياتك حسب أقدم فرز ...
حسب غلوّ الحاجات ...
عيشتها تنازلات ...
والبنت اللي بتشبه الفرصة 
لا عمرها حبتك ...
ولا عمرها جات ...
تتراكم اللحظات ....
وتتعلق في عرض صدفة تحيِّها ...
ونفضل
إحنا متعلقين 
في حبال الدنيا الدايبة ...
وسايبين حبال السما 
مدلدلة ...
نراضيها بحبة صلاة ...
وكفى ..
كفى أسئلة ...

كف الاله بيستوعب كل دعوة ...
وموّسع جيب الرحمة ع الآخر ...
بلاش نكابر ...
أو نحدد ملامحه من صورة مهزوزة ....
إحنا اللي إتعودنا نشيله وقت عوزة .....
ونِهدي روحنا 
بدين البشر ....

وإحنا اللي عوّدنا ...
الحاجات تخوّتنا ...
وتتراكم ...
لحد ما نتظاهر ضد القدر ... 
إحنا اللي إتعودنا ...
نخِيب علي كبر ...
ونعِيب في زمانّا ...
اللي خلى قلوبنا ...
من جير وحجر ...
فنخلق منهم برود ....
يعوّدنا نداري البُكى ...
ونحشي عيونّا بيه ...
ماتعرفش دي قلة دم ...
ولا سم الطيبة ...
جعلنا نعشق المأساه ...

يا سُكان الحياة الكرام ..
يا صحاب الزحام ..
يا أورطة الكلام ..
سيبوا رُكام الدنيا ..
وعيشوا النهاردة 
كما بكرة ..
سيبوا كلمة ياريت ..
ماتعلقوش حياتكم في عرقوب الذكرى ..
شوفوا بكرة ..
من مكانكم ..
الدنيا مخلوقة عشانكم ..
إشربوا العمر ..
سِفوه ..
إهربوا ..
م الأمل فجآة تلقوه ..
إقلعوا الحزن ..
غنوا ..
إضحكوا ..
والزمن معاكوا ضحكوه ... 

https://www.facebook.com/RawyAziz


ركام 3 - حبال الدنيا الدايبة | راوي عزيز

چامي ڤو
من ديوان رُكام
المزيكا من تراك رحال لأندرو عاطف




چامي فو

دوام الضحك
بيّنسي ..
ويغطي علي لحظات الحُزن ...
دوام الضحك 
بيقسم الونس بالنص ... 
ويطرح منك نفسك ساعة الجمع ...
كام من كلمة
إتقالت وسابت ...
ضحكة - مخبية دمع ...

دوام الصمت ..
بيبكّي ..
ويفضح كلام السكوت ...
دوام الصمت - موت ..
لكن بيحيِّك ..
بره الناس ...
دوام الرغي 
حِجة ...
للخروج بره الملل ...
بره السكات ...
الفضفضة من طبع البنات ...
عشان كده رغايين ...
دوام الطيبة ...
بيزيدنا خيبة ...
بيجعلنا مساكين ..
متعقلين ديماً - بالصور ...
يا كل صورة ...
إتصورت في دماغي 
ومالهاش أي نُسخ ...
الزمن وِسخ ...
وبيغوّى وجع الذكريات ...
الزمن ماسك صاجات ...
في كباريه الدنيا ...
والناس غاوية تنقط بعضها وجع ...

لِم يا عم اللي وِقع 
من شنطة أمالك ...
إلحق حالك ...
قبل مايعملوك صنم ...
ويهدوك عشان كُفر ...
أُحفر حولين نفسك ...
وحِسك تسيب ..
أو تتساب بدون عُذر ...

جُحر سكوتك  
هو ملكوتك ..
هو إغتراب موتك ...
الرافض يموت مِزعل روحك ...
أسكُب حبر
جروحك ..
ع الناس - ضحك وأمل ...

قلبك ثمل ..
وطعم العشق علقم ...
ممرر الحُضن ..
بتحزن نُص حزن ..
وكل ما زاد القرب ..
بتحضن نُص حضن ...
مِنصص حياتك ...
صور وكبت ..
علي كام لحظة فرط ..
بتحرق فيهم الباقيلك من نيكوتين الوحدة ...

بطّل مناهدة ...
مافيش ذكريات ...
ح تتفرمط ..
من كاميرة سنينك ...
بحلق في الايام
وخليك باصص ..
حتى لو فلاش الدنيا
ضارب في عينك ...




دوام الضحك بيّنسي | راوي عزيز

من ديوان ركام 

ركام 2

صمت الكلام ..
صور معقدة ...
بتظهر وقت الإكتئاب ...
تظلل علي لحظة معينة ...
وتسيبك
تحجج إنت الأسباب ...
وتعلل سكوتك 
اللي كوّم أوجاعك ...
كتير من باعك ..!
وكتير من ناس وهمتلك العِشرة ...
ووهبتلك الذكرى ...
تخيّل دماغك
بنفحات من ال ديجافو – ترن قلبك علقة ...

مشاعرك مابقيتش لايقة 
عليك ...
وكالعادة ح تدوّر ..
ع اللي يأذيك ...
وتتمادى أكتر ...
خوف لتأثر ...
زنازين الوحدة ...
علي ملامحك ...
سكوتك مَسحك ...
خلاك هَشْ ...
بِتنش علي دبان أحلامك ...
بعد ما خانك 
الحظ ...
وسابك تخربش ع البلاط ...
حاجات 
من عقلك الجواني ...
كل ما بتفلت منها
بتطولك ...
باقيلك ع الآخرة ثواني ...
ومهما حوّشت في ضحك
ح تخرج منها بطولك ...
جِيتها معيّط ...
وح تمشي مدمع ...


اوعى ترقّع 
قلبك ...
لو داب ...
خليه مصاب ...
عالجه هناك أضمن ....
وكل ما تضيق شوارعك 
أسجُد ... 
السجود مُسكن ...
وافهم ان الدنيا رُكام 
ماسخ ...
مِسيره يضمحل ....



ركام

حاجات من عقلك الجواني | راوي عزيز

Music For Tamer Karawan

 من ديوان ركام 
ما تبقى من سِيرة المُطوبين

طوبى لكل المتسابين ..
الموعودين بالفرقة ....
طوبى لكل الغرقة ...
الموزعين انفاسهم ع الناس
اطواق نجاه ...
المتفتت حُضنهم من فرط الوحدة ...
واما دفعوا عربون وجعهم ...
حُب ومعشقة ...
ماشافوش غير فُتور ..
طوبى لمن إتعشم 
في سندة ..
وإترد مكسور ...

مجبور ع السقعة 
ياطيّب ...
وعلاج البرد مايكفوش 
مِية حضن ..
شُرب الويسكي بيغيب ...
لكن مايبلش رِيق حُزن ...

رسمِتلك الدفى 
من وهم خيالك ...
عملِتلك الدنيا
جنة ومنعتهالك ..
فـ مَليت جوانب
قلبك عِشش ..
لعصافير غيرها 
تشقلب حالك ...

طُوبى لكل المعشوقين 
كدب وكلام ..
طوبى لكل من خالف 
نهايات الأفلام ..
ومنتج التتر علي كيفه ..


طوبى لمن خافوا الحب ,
وأخفوه ..
خوف م الوجع ...!
طوبى لكل اللي وِقع علي جدور قلبه ...
وإتمعشق لحد ما إتشقق 
قماش حُبه ..

طوبى ليكم إن خانوكم ...
وسابوا الصورة مشوّهة ...
طوبى لمن إشتهى - الحياة ...
وإتصاب بمرض الطيبة ...
وسلم لظروفه اللي 
مَلت حياته شروخ .... 
طوبى لمن تاب عن الناس ...
وبيزهد عن توب الدنيا
كل ما الحياة تبوخ ...
طوبى ليكم ان مَلِّيتم
كل التفاصيل والحاجات  ....
إفرحوا وإتبسموا لأن أجركم عظيم في السموات .... 


ما تبقى من سيرة المطوبين - راوي عزيز

Music For Tamer Karawan

رُكام 1 

الحياة عبارة عن ركام صور ...
وما بين الصور ..
بهتنة ذكريات مش بتموت ..
السكوت عبارة عن كلام مابيعرفش
يسكت ...
فيتراكم في الحنجرة ...
لحين الفضفضة ...
كلنا مِلك رُكام السرحان ...
اما نسند راسنا ع الشباك ...
وقت السفر ...
كلنا رهن ركام السهر ...
ومكلمات نُص الليل ..
اللي بتشيل من علينا ياما ...
طلاما فيه حب يساع ..
الحياة عبارة عن جرامافون بايظ ...
وموالد شابكة في جنايز ...
وحواري من زحمة كلام ...
 
أنا السلام والحرب ...
والإنفلات ... 
أنا الشرق والغرب ...
أنا العادات ...
أنا طلة من شباك كوكب ..
مفتوح بيبص ع السما ..
أصولي من بلاد الحب ..
عصفور م الجنة إترمى ..
أنا الشوفار , أنا الآدان , أنا الجرس ..
أنا البوذي اللي في حب الحياة غرس ..

أنا الحلاج , إقتلوني ..
 ريحوا الدنيا
من جنوني ...

أنا إمبارح والنهاردة ...
أنا بكرة اللي مش جاي ...
أنا تراكم سنين
وألف س وياريت وإزاي ...
أنا الزمكان ....
أنا إنتي .. اللي إتمنيت أكونها من زمان ...
أنا ذكريات بواقي ..
وأحلام نازلة من ع السطر ...
في كراسة إبتدائي ...
أنا كومة ركام ...
علي هيئة كلام ...
ملعبك وبسيط ...
إتفضى في ديوان ....





ركام صور - راوي عزيز |  نصر الدين طوبار

دخل ديسمبر البيوت ..
وجاكتته لونها لون الشتا الغامق ..
بيحاول انه يضايق 
وجوه الاطفال ,,
بمناظر أطفال تنازع الموت بموت ...

-ديسمبر شهر البرد والبارود ...
غير ملائم لليل كيهك الساقع
في الشوراع...
غير ملائم
لآخر صيحات الموضة 
في فاترينات المهندسين ..
كل شئ من حولنا حزين ..
بعد حادث التفجير 
وتقرير اللبس الاسود في البلاد ...
ديسمبر
غير ملائم لهدايا الاعياد ...

- استعد للميلاد ..
وعلق صُلبان بتضوي مع الزينة ..
هذه المدينة
لا تخشى الارهاب ..

دخل ديسمبر البيوت
وبدون اسباب
عصر النجوم 
هموم ع المخاليق ..
السِحاب – حجاب ..
بيغمقْ وينشقْ ..
كل ماروحنا تضيق ...

يا آبانا الذي فوق ,
نحن في الغريق ..
عجَل بالمجئ..
الحال هنا بيسوء ....

ياربنا
قولنا مين فعلاً بيسوق ..!؟
الكون مازال
وضعه في النازل ..
والركاب ملت الطريق ..
يا آبانا الذي فوق :
نحن في الغريق ...

القاهرة 
11 ديسمبر 
مشهد رأسي  /  نهار خارجي ..
من عمارة 
في شارع رمسيس ..
صوت انفجار ,
وصريخ بيترمى مع ازاز الايقونات ..!
بشر فُتات 
بيتلمو من ع الارض ..
يارب أستر ..
يارب رُد ..

الوضع مهين هنا ياسيد ..
وكلهم فاكرين
ان الحمى في ضِل المشير, خير ..
ومش واضحلهم ان
عدد الكنايس ناقص
في هذا الجيل ,
كل يوم بنمد ايدينا ,
لولاد اللذين 
يفتكرونا صعاليك ...
عُمي امنوا بعمدان النور ...
لخاطر النور ..
فيلدعونا بغاز النيون ...!
نتحول لحطب ..
كل يوم .
يكتروا الضحايا ف حلب ..
ويلهونا بمخطط صهيون ..
هذا الكون مسكون
ومرعب ,,
يارب قرّب ..
بينا المسافات .. 
إبليس آمات 
السلام ..
وخدامه نشرو الدم في المدينة ..

الا تعود انت فتحيِنا ...

القاهرة - 11 ديسمبر | راوي عزيز

علي باب المغارة ...
ماكانش فيه زحام ....
ماكانش فيه مراسم له ..
علي قد المقام ..

كان فيه بس زحام ..
جوه قلوب الرعاه ...
وفي أدمغة الماجوس ..
اللي ماصدقوش إنه إله ...
لكنهم بسرعة سجدوا ..
أول ما لمحوا ملامح النبوات ...
شكهم مات ...
وابتدت حاجات تشرح قلوبهم ...
حاجات من ريحة السمويات ...

قد كده باين عليه انه ملك ...
وان فيه ملامح الرب ...
ولا هما محتاجين السجود ...
ليه من قرب ...

هل يارب ..
لما كنت طفل ..؟
كنت بسمع برضك الصلوات ...
ولا كان عقلك مشغول
بالضحك واللعب والعياط ....

وعبدك لو نداك ,,
فين هيلقاك ..؟
كنت بتبقي في يسوع ...
ولا في السما زي ماتعودناك ...
طب ايه رأيك في جتتنا عليك ...
هل غيّرت حاجة فيك ...
ولا روحك هو اللي طبع فيها ...
شال سجل الماضي من عليها ....

بدلت تاريخ الانسانية ..
ياصاحب أطيب كاريزما ...
فكيت الحبال الدينية ...
لما لقيت الحب أسمى ..
ياريت لو تعاود زيارتنا من تاني ..
لاحسن قلوبنا محتاجاك ..
محتاجة تبدل فيها المعاني ...
أو تنسى حالها معاك ...

ابينلك جوانا مزود ..
ترتاح فين ونرتاح فيك ..
نتعبدلك من جوانا ..
وفي كل يامة نلاقيك ...

#راوي_عزيز

على باب المغارة - راوي عزيز

سِيرة المُطوبين

طوبى لكل المتسابين ..
الموعودين بالفرقة ....
طوبى لكل الغرقى ...
الموزعين انفاسهم ع الناس
اطواق نجاه ...
المتفتت حُضنهم من فرط الوحدة ...
واما دفعوا عربون وجعهم ...
حُب ومعشقة ...
ماشافوش غير فُتور ..
طوبى لمن إتعشم 
في سندة ..
وإترد مكسور ...

مجبور ع السقعة 
ياطيّب ...
وعلاج البرد مايكفوش 
مِية حضن ..
شُرب الويسكي بيغيب ...
لكن مايبلش رِيق حُزن ...

رسمِتلك الدفى 
من وهم خيالك ...
عملِتلك الدنيا
جنة ومنعتهالك ..
فـ مَليت جوانب
قلبك عِشش ..
لعصافير غيرها 
تشقلب حالك ...

طُوبى لكل المعشوقين 
كدب وكلام ..
طوبى لكل من خالف 
نهايات الأفلام ..
ومنتج التتر علي كيفه ..


طوبى لمن خافوا الحب ,
وأخفوه ..
خوف م الوجع ...!
طوبى لكل اللي وِقع علي جدور قلبه ...
وإتمعشق لحد ما إتشقق 
قماش حُبه ..

طوبى ليكم إن خانوكم ...
وسابوا الصورة مشوّهة ...
طوبى لمن إشتهى - الحياة ...
وإتصاب بمرض الطيبة ...
وسلم لظروفه اللي 
مَلت حياته شروخ .... 
طوبى لمن تاب عن الناس ...
وبيزهد عن توب الدنيا
كل ما الحياة تبوخ ...
طوبى ليكم ان مَلِّيتم
كل التفاصيل والحاجات  ....
إفرحوا وإتبسموا لأن أجركم عظيم في السموات ....

طوبى ليكم إن خانوكم | راوي عزيز

Official acc
https://www.facebook.com/RawyAziz.2
الفستان

الفستان مخليكي شبه الملايكة ..
فعلا تستهلي أجمل شبكة ...
روحك النهاردة بتضحك ...
انا كمان بضحك ..
متضايق  ..!؟
صدقيني مش هتفرق ...!

لايق عليكي البوكيه
يشبه قلبك المشقق ..
سامحيني اللي حبيتيه بعد مني أسوء ...!

مش هتحبيه
زي ما حبيتيني ... 
بـ ايه هتستفادي لما تربطيني 
بأمالك الخايبة , وتمشي عادي ..
كأن ما فيه حد حب ..
وعاش يصطاد في أحلامك المستحيلة...!

بـ ايه هتستفادي
لما تتربطي بحبل مشنقة نايلون ..
قال يعني ح يلون
أيامك ويسعد منامك في كل ليلة ,

مشاعرك القتيلة ..
هتِجني علي وليفك ...!
لعنة كسوفك ..
وخناقك المعتاد
هيبينو انه كان مجرد عريس لُقطة ...!
لبنت ساذجة 
أنانية , بتعاند لمجرد العناد ...!
لعنة سكوتك
اللي كات بتخنقني 
هتصيبه بالزهق الحاد ...


متآسف
انتي اللي علمتيني أسخف ...!

-ملعون قلبك المزيف ...
والسهر والكلام البرئ ..
ملعونة تعدية الطريق ..
ومحاولات الاستهبال ...
في دور الطاولة لما أسيبك تكسبيني ... 
ملعونة ايديكي المصلوبة بين شرايِّني ...
واللمعة اللي في عيني ...
لما اشوفك بتضحكي !
كنتي بتضحكي .. كل شئ يحلى ...!

عاملتك كـ "ليلى"
وسمِّيت كل جميل علي اسمك ..
كنت بقاسمك لحظاتي الحلوة 
ومشاكلي عمرها مابانت علي شكلي ..
عشان أشوفك بتضحكي ..
كنتي بتضحكي .. كل شئ يحلى ...!

كنتي أعز صحابي ...
وخفت لا أتعود عليكي ..
أتمسك فيكي ..
تفلتي قلبي منك وتمشي ...
كنت بغنيكي ..
تضحك الدنيا في وشي ...
وأضحك ع الدنيا ..
عشان تضحكي ...!
كنتي بتضحكي .. كل شئ يحلى ...!

يا اغبى طفلة افهمي الدنيا ..
 قبلَ ..
الحياة مش جاهزة ع الفرش
ولاهيش بمبي يعني ...!

استغني 
عن كل ذكرى بينا ...
وانا هستغنى – عن أفكارك التقليدية ...
بتقليدية : "مش عايز أشوف وشك"

حظك السعيد للآسف غشك ...
وانا يافندم مايصحش أكون واحشك ..
او حتى تفتكريني ..
مايصحش توحشيني ...
في ظِل وجود حبيبة حالياً ,
تشبه لروحي تمام ,
حبها لسه خام ..
لسه مانجرحش ...
حظها أفضل بكتير جدا من حظك ...
عرفت توقعني ..
وتوّقع مني – كل شئ كان بيخصك ....!

El Fostan - Rawy Aziz | الفستان - راوي عزيز

video :
https://www.youtube.com/watch?v=P1gkf_JFBeg

Music For Zack Hemsey
Ebtehal For El Shiekh Sayed El Naqshbndy
© Created Mix by #Rawy_Aziz .
Official Acc: https://www.facebook.com/RawyAziz.2

كلمات الابتهال 

إِلَهي لا تُعَذِّبني ... فَإِنّي مُقِرٌّ بِالَّذي قَد كانَ مِنّي
وَما لي حيلَةٌ إِلا رَجائي ... وَعَفوُكَ إِن عَفَوتَ وَحُسنُ ظَنّي
فَكَم مِن زِلَّةٍ لي في البَرايا ... وَأَنتَ عَلَيَّ ذو فَضلٍ وَمَنِّ
إِذا فَكَّرتُ في نَدَمي عَلَيها ... عَضَضتُ أَنامِلي وَقَرَعتُ سِنّي
يَظُنُّ الناسُ بي خَيراً وَإِنّي ... لَشَرُّ الناس إِن لَم تَعفُ عَنّي

--------

كلمات القصيدة

بدون ذكر أسماء

ح تهرب من خنقة كلامهم
ولا من ضيق كلامك ...
حتهرب وتروح فين بعد ما اتلعن انسجامك ...
وانخلط بقلبك كيسين هموم
في مزج صوفي كئيب ..

قلبت روحك في الحزن ..
دُبت من كتر التقليب ..
غيب
ابعد عن اي قريب ...
وساهم في بناء روحك من جديد ..
كفاياك لعب ...
خد نفسك يا بارد ..
دم حبك فاسد ...
ماتتبرعش بيه لحد ...

كِبرت مِية سنة ...
وبقيت واحد تحت العادي بمراحل ..
ولو سئلت إشمعنا أنا ...
ح يتقاللك غبي و تستاهل
ماحدش قالك انزل البحر عطشان ...!

إرحم عنيك
من القهرة والنظرة للإترمى وراك ومابقاش ...
الباقي منك
ساعات واقفة خايفة بتنتظر اللي مجاش ...
حتفضل تبص في ساعتك كتير ...
وبرضك ماحدش ح يجي ..
الوجود أصبح تدريجي ...
مايل للتعاسة ... مايل للهرب ...
بتضحك إزاي ياحزين قولي ...
وسايب علي جبينك اثار التعب ...

بنبدل الناس بناس ..
بهروب ساذج ضعيف ..
عقلك دمه سخيف
خانق روحك 
بتفاصيل خارجة عنك ...
تساعد حزنك
يخُر منك نزيف ..

تَنازل ...
تَنازل ....
أنفاسك تستاهل ..
تاخد راحتها حبة من الخناق والحنين ...!
تنازل ..
الحزن لعين ...
إفلت قلبك من بين آيادي الموجوعين ...
وامشي زاهد 
رافض العشق ...
لحين مايخبط كِتف قلبك صدفة ..

عِيد مِيكساج حياتك التعيس 
ْالتراك مِنشز
وصوت الناس أعلي من صوت حزنك ..
وطِي  بيز نبضك المتّكَسر 
وعلي المزيكا أكتر أكتر ..

الكون متعكر
والدنيا مُحزنة 
يا صاحبي الدنيا فاتنة ..
مُرها مِحلِي القصة ...
عرِّي عيوبها ..
تكرهها ..!
حب عيوبها ..
تنسى ..!

عِيد تكوين مشاعرك الخاينة ..
حَبيت كتير وقليل 
في مُقابل تقليل جِراح اللي مشيوا
وسابوك مِتعلق في الهوا
بين ذكرياتهم وكبريائك ..

اعدل انحناءك
قاوم , واصل السكة ...
خلِّي ولائك للرب
ردد نشيد الحب
يرددوا وراك الملايكة ...


خِلاف كبير 
بين الحب والحرب ..
ف لحظة الضرب 
مين حينتصر ..
ياربنا ..
الانسان قلبه بيتغسل 
بالوسخ هنا ..
لحد ما يعطن وتطلع روحه ...!

يا ربنا 
الدنيا مُحزنة ....
وبالتالي هعيش كام سنة ..
علي قيد الاكتئاب 
بتّمَسِك بفُتات الذكريات الباقية
م الناس اللي عندك ...
شممني وردك ..
روحي بتتخنق ..

بالإجماع البشر سيئون ...
والكون
ده عادم ياسيدي الكون ده ملعون ...

حضرتكم أنا كرهت جميع الاصدقاء 
بدون ذكر أسماء ..
كلكم سيئون ...

قدسوا الإنطواء ..
العقل مزدحم ..
والروح ف اختناق ..

قدسوا الانطواء ..
الروح مزدحم ..
والعقل ف اختناق ..


يارب انا آسف ..
كان له لزوم يعني أتخلق ....!
قُولّي إزاي عايزني أتنفس بين الناس ديَّ .. من غير ما أتخنق ...!

كان بالاحرى تخلقني راهب ...
مايوعاش علي غيرك ف الدنيا ...
كل خبراته تدور حولين الناقوس ....
وكيفية الصلاة بدون ملل وأسلئة ..
وتغسيل روحه
بزيت الميرون ...
!...أنا بالكاد متأقلم .. لو لم اكن / أنا / لا وددت ان لا اكون 
الكون
ده عادم ياسيدي الكون ده ملعون ...

بدون ذكر أسماء - راوي عزيز | النقشبندي

مزيج قصيدة من تجارب الحب مع أغنية يا من هواه للمبدع عبد الرحمن محمد
© Created Mix by #Rawy_Aziz .
Official Acc: www.facebook.com/RawyAziz.2

كلمات الاغنية :
يا من هواه أعزه وأذلني
كيف السبيل الى وصالك دلني
انت الذي حلّفتني وحلفت لي
وحلفت أنك لا تخون فخنتني

وحلفت أنك لا تميل مع الهوى
أين اليمين وأين ما عاهدتني
تركتني حيران صباً هائماً
أرعى النجوم وأنت في عيشٍ هني

لأقعدنّ على الطريق وأشتكي
وأقول مظلوم وأنت ظلمتني
ولأدعونّ عليك في غسق الدجى
يبليك ربي مثلما أبليتني


كلمات القصيدة :

مبدئيا ملمس ايدكي لسة ساري في الوريد ... 
لو ناوية فعلا تبعدي ..
ابعدي وبلاش تحضنيني من بعيد
طيفك كل مايزيد ف المنام .. بيدروش العقل ...
وانا مابقيتش حِمل اي فكر
يصيبني بمرض السرحان ... 
فصّلَت من عشقِك كلام
اكتبِك بيه للخلق يعشقوا ...
ويفضل رِيق قلبي ناشف
خايف من تجارب الحب ,

آمنتلك علي مشاعري وأمنّتِك ... 
سعيت لبنت من ريحتك , 
تشبه ضحكِك
وخيال الآب سرح بيا , 
زوّدتْ في الحنيّة ..
فلتِي إيديا , وكملتي المشوار بتطنطي ,
طفلة غبية ...
غاوية جمع العرايس 
وتكسريهم ؟؟؟؟

وايه يهمك ...!
حببتيني في كل شئ ..
وجرِّيتي فيا سِمك .. 
- أنا كان خاطري اشم ريحة السما ف ضمك .....

عينيّا شِربت صورتك ..
من كُتر السرَحان فيكي ...
غيبتي ليه
الله يجازيكي ...
كل ما أقول هأنساكي / الاقيني بكتفِك أكتر فيا ...


ع الفاضي حبيت الدنيا ..
وفضلت أكتب  ...
ع الفاضي بكدب ...
لا يبان شوقي للناس ..
أتأثر بالاحداث وممكن مثلا أدمع ...!
اتعودنا نسمع
ان الرجالة مابتدمعش ..
مابتبكيش...
الرجالة صحاب قلوب خرسانة
لو عِشقت - تدبل ..
لو موّتِت قلوبها تعيش .....!

ليا زمن بحاول أعيش 
وبحاول لو اني أبدلك ...
ليكي زمن ما ضحكلتيش ...
وانا ليا زمن بحنلِك ...
ياستي – اضحكي ...
خليني أطّمِن ...
شوق عنيكي القاتل
بيّحزِن ...
والقصايد اللي كات بيِنّا ..
مش هتهون
عليا الغياب ...
حضنك داب في هدومي ...
أحلامك كترت همومي ...
جعلتني ضحية ...
وانا مش مارد يعني ... عشان ألبِي رغباتك النرجَسيّة ...!
واعيش الباقي من عمري تعيس .. 
يا أجمل حِلم 
سيبته ما يتحققش ..
عشان مايتحولش لشئ عادي ...
كسبت كتير ناس زودتني هموم ...
وخسرت كتير ناس في الاحلام تدوم ...
يدوم ذكرك الجميل ..
يا سِت الحسن ..
يدوم وجودك في الفكر والليل ...



طول الصيف ,
وانا بفكر فيكي ...
جايز بالصدفة ألاقيكي ...
بنت خايفة م العوم ...
ع الشازلونج بترسم الكون ...
في مشهد من فيلم صامت كلاسيكي .... 
هدوءك مُلك يا معاليكي .....!

بحبك لسة ..
ومابحاوش أنسى ..
صورك ..
ولا أمسحها من عنيا ...
ايه غيّرك ,
عشان تنسِي !؟
أو تحاولي تقسي ,
وتواسي فيا
بكلامك الخايب ...

- إنساني , ماتتعبش قلبك ...
- كنت بحبك ,
دلوقتي ملِّيت م الحنية ...
- انت تستاهل أحسن مني ..
- غصب عني ..
براحتك أعتبرها انانية ...!

قال يعني بيهمك
تعبي ... 
ولا خايفة تشيل ذنبي لو فضلت أفكر فيكي ...!؟
انتِ في الاصل عنيكي مابطلتش سرحان فيا ... 

ماتحاوليش تكرَّهِيني فيكي
يا حلوة يا غبية ...
ماتسهريش تفكري فيا ...
عشان الأحلام ماتقتلكيش ....
كنت زمان بموت - فيكي ..
دلوقتي أصبحت قتيل ...
بحاول اني أشيل 
كلامك وضحكك من حوليا ...
وده في حد ذاته انتحار ....
مخالف للقوانين الانسانية ...

صعب الوثوق فيا
مش نافع أنساكي  
بحبك لسة .. 
والحب صدقيني– مش بإ يديا ....!

من تجارب الحب / ‫يامن هواه أعزه وأذلني‬

© Created Mix by #Rawy_Aziz .
Official Acc: www.facebook.com/RawyAziz.2

"قباق كلمة روسية معناها "خمارة

بين القباق والكنيسة 

عكت رجلي ياما ..
وخطت في سكك عويصة ..
توهتني بين القباق والكنيسة ..
سدتْ باب الرحمة في وشي ..
أما إترصت قدامي الكاسات ..
إتبهتنت الصورة , يارب معلش ..
أنا عقلي جوه الكاس مات !...
ضحكت علي حالي وقُلت :
هو ربنا موجود في البارات !؟
حاجات إتصبت في عقل بالي ..
ياه لو الدنيا تاني تصفالي ..
ده أنا لما كُت عيّل ..
كت ببُص ع القهاوي بـ اشمئزاز ..
من شكل الإزاز المعتقْ دخان ..
وشكل الناس ..
المستنين معاشاتهم م الاخرة ..
وزحم الزعيق وشتايم في علان ..
أنا مرة كرهت ان كوني انسان ...

أنا فاكر ..
شكل الباص ..
بتاع كل رحلة ..
وعم رمسيس ..
اللي مبيتغيّرش ..
والهيصة والترانيم ..
وأبونا شاروبيم ..
اللي مهما هزرنا مابيّقفش ..
كُت باميل ديماً لطفولتي ..
مع اني معيشتهاش ..
كُت كما منديل أبيض , باش ..
من كُتر الدمع ..
من تُقل السمع ..
عند النصيحة ..
منفعتش أعمل حاجة ..
غير اني آدي لليأس الطريحة ..
الدنيا صريحة ..
اما بتقلب وشها ..
يهمها ايه كُت سعيد ولا ميّت ..
ده أنا قضيت عمري ع الرصيف بعيّط ..
وإن في يوم قُلت : هأخد حِل ..
عشان أتناوِّل 
ألاقيني عمال أحاول وأحاول لجل ما أصحى ..
وإن حصل وقُمت ..
أروح متأخر إيماني مقشفر ..
وأقعُد في القداس وكأني مستني الفسحة ..
مستني المِروّح ..
مش عاوز أروّح ..!
غير وأنا شاربك ..
غير وأنا عابدك ..
كت بسئل :
ليه بتاخد الروح وتسيب في قبر - البدن ..؟
هل عشان منك الروح ,
يبقى الجسد مالوش تمن ..!؟
ليه مخلقتنيش روح بس ..
كت ساعاتها هبقى قريبك ..
أسيبك وأنا عندك , أحس ,
ألمس كل شئ من جيبك ..
متآخذنيش في ده السؤال ..
ده البال عمره ما إرتاح ..
ولا ح يرسىَ ..
الا اما فيك يرتاح ..

توّهني نواحي سكتك ..
دي التوهة فيك حياة ..
خلِيني أسمع كلمتك ..
وهمسك أمشي وراه ..
الكلام إياه سِد ودني عنه ..
زَنُه حاش حبك مني ..!
حوّطني بنور , مانفلتش منه ..
وف عطف حنوّك إنقعني ..
ضيّع سِكة  القباق من رجلي ..
وإعدل قصادي السكك العوصية ..
وأنا من إيدك دي لايدك دي ..
لو هبات حتى علي أعتاب الكنيسة ..

راوي_عزيز#

كلمة حِل : هو مصطلح مسيحي .. معناه العفو او السماح ..
 التناول : هو طقس من طقوس المسيحية ..

©كل الحقوق محفوظة للأستاذ علي الهلباوي والأستاذ عمرو إسماعيل 

كلمات الإبتهال :
قصدت باب الرجا والناس قد رقدوا
وبت أشكوا إلى مولاي ما أجد
وقلت يا أملي في كل نائبة
يا من إليه لكشف الضر اعتمد
اشكوا إليك أمورا أنت تعلمها
مالي على حملها صبراً ولاجلد
وقد مددت يدي بالذل مفتقرا
إليك يا خير من مدت إليه يد
فلا تردنها يارب خائبة
فـ بحر جودك يروي كل من يَرِدُ

----
كلمات القصيدة
بدون ذكر أسماء

ح تهرب من خنقة كلامهم
ولا من ضيق كلامك ...
حتهرب وتروح فين بعد ما اتلعن انسجامك ...
وانخلط بقلبك كيسين هموم
في مزج صوفي كئيب ..

قلبت روحك في الحزن ..
دُبت من كتر التقليب ..
غيب
ابعد عن اي قريب ...
وساهم في بناء روحك من جديد ..
كفاياك لعب ...
خد نفسك يا بارد ..
دم حبك فاسد ...
ماتتبرعش بيه لحد ...

كِبرت مِية سنة ...
وبقيت واحد تحت العادي بمراحل ..
ولو سئلت إشمعنا أنا ...
ح يتقاللك غبي و تستاهل
ماحدش قالك انزل البحر عطشان ...!

إرحم عنيك
من القهرة والنظرة للإترمى وراك ومابقاش ...
الباقي منك
ساعات واقفة خايفة بتنتظر اللي مجاش ...
حتفضل تبص في ساعتك كتير ...
وبرضك ماحدش ح يجي ..
الوجود أصبح تدريجي ...
مايل للتعاسة ... مايل للهرب ...
بتضحك إزاي ياحزين قولي ...
وسايب علي جبينك اثار التعب ...

بنبدل الناس بناس ..
بهروب ساذج ضعيف ..
عقلك دمه سخيف
خانق روحك 
بتفاصيل خارجة عنك ...
تساعد حزنك
يخُر منك نزيف ..

تَنازل ...
تَنازل ....
أنفاسك تستاهل ..
تاخد راحتها حبة من الخناق والحنين ...!
تنازل ..
الحزن لعين ...
إفلت قلبك من بين آيادي الموجوعين ...
وامشي زاهد 
رافض العشق ...
لحين مايخبط كِتف قلبك صدفة ..

عِيد مِيكساج حياتك التعيس 
ْالتراك مِنشز
وصوت الناس أعلي من صوت حزنك ..
وطِي بيز نبضك المتّكَسر 
وعلي المزيكا أكتر أكتر ..

الكون متعكر
والدنيا مُحزنة 
يا صاحبي الدنيا فاتنة ..
مُرها مِحلِي القصة ...
عرِّي عيوبها ..
تكرهها ..!
حب عيوبها ..
تنسى ..!

عِيد تكوين مشاعرك الخاينة ..
حَبيت كتير وقليل 
في مُقابل تقليل جِراح اللي مشيوا
وسابوك مِتعلق في الهوا
بين ذكرياتهم وكبريائك ..

اعدل انحناءك
قاوم , واصل السكة ...
خلِّي ولائك للرب
ردد نشيد الحب
يرددوا وراك الملايكة ...

خِلاف كبير 
بين الحب والحرب ..
ف لحظة الضرب 
مين حينتصر ..
ياربنا ..
الانسان قلبه بيتغسل 
بالوسخ هنا ..
لحد ما يعطن وتطلع روحه ...!

يا ربنا 
الدنيا مُحزنة ....
وبالتالي هعيش كام سنة ..
علي قيد الاكتئاب 
بتّمَسِك بفُتات الذكريات الباقية
م الناس اللي عندك ...
شممني وردك ..
روحي بتتخنق ..

بالإجماع البشر سيئون ...
والكون
ده عادم ياسيدي الكون ده ملعون ...

حضرتكم أنا كرهت جميع الاصدقاء 
بدون ذكر أسماء ..
كلكم سيئون ...

قدسوا الإنطواء ..
العقل مزدحم ..
والروح ف اختناق ..

قدسوا الانطواء ..
الروح مزدحم ..
والعقل ف اختناق ..

يارب انا آسف ..
كان له لزوم يعني أتخلق ....!
قُولّي إزاي عايزني أتنفس بين الناس ديَّ .. من غير ما أتخنق ...!

كان بالاحرى تخلقني راهب ...
مايوعاش علي غيرك ف الدنيا ...
كل خبراته تدور حولين الناقوس ....
وكيفية الصلاة بدون ملل وأسلئة ..
وتغسيل روحه
بزيت الميرون ...
!...أنا بالكاد متأقلم .. لو لم اكن / أنا / لا وددت ان لا اكون 
الكون
ده عادم ياسيدي الكون ده ملعون ...

#راوي_عزيز

علي الهلباوي VS راوي عزيز

© Created Mix by #Rawy_Aziz .
Official Acc: www.facebook.com/RawyAziz.2

تمت كتابة القصيدة في  11 نوفمبر 2017  - بورسعيد

تحت تأثير ال نوفمبر

ماكنتش مقتنع باللي بعمله.. 
وازاي سمحت لنفسي ابعد
عشان احافظ علي وجودك اكتر... 
ازاي كنت مقتنع اني هقدر
اغير من كلامك... 
ازاي قلبي الفولاذ
اتحول لإزاز 
وفضح كل اللي جوايا وانكسر قدامك... 
كل اللي بعمله دلوقتي
خارج عن ارادتي  .. 
لو كنت فهمتي مدى حبي ليكي... 
كنتي هتعرفي انك الكل عندي 
وانك سبب اي ضحكة... 
كنتي هتفهمي اني الشخص الوحيد 
اللي حبك من قبل ما توصلي لسن المراهقة... 
وكنت هتفتكري
أول بوسة علي خدي
وانتي بنت 5 سنين 
عشان عملت شئ يضحكِك.. 
قوليلي هو مين مسكِك
مفاتيح قلبي 
عشان تقفليه علي غيرك بالشكل ده !
قوليلي اسباب محددة تخليكي تنسحبي من حياتي بالتدريج .. 
من آخر خناقة بينا وانا مِبطل تهريج.. 
بقيت واحد تاني بيعاني من تأثير الفراق.. 
اول مرة احس فعلا بالنفاق
بضحك وأنا مخبي عن وشي - اي حزن فيا !
 بطلتِي تسألي عليا 
وكرامتي بنت اللعينة منعاني اكلمك !
قوليلي مين علمِك
مبادئ السحر
عشان توهميني بيكي وانتي مش قاصدة...!


يومياً وانا بقلِّب في الشات اللي بينا
ومابسمحش لنفسي احن.. 
النغزة اللي ف قلبي دي سببها انتي... 
مش م السجاير والبُن... 
كل الناس ناس عاديِّن 
وانتي أصل البني آدمين 
اه علينا عواجيز مراهقين 
لو قلبنا وقع مننا ..
بنستني اللي يسمي عليه
ونعُض ايديه 
ان حن لنا صاحب الجرح !
 ديل القلب عمره ماينعدل 
الا بجرح علي جرح... 
عندنا وعي ب ايه الصح
ومابنعملوش ..
هروب م الحقيقة ..
والمدهش اننا بننهش 
في قلوب غيرنا بنفس الطريقة
واحنا بإدينا 
نسند روحنا بعنينا... 
ونساعدها ع الشوف
يارب اعطف علينا
ماتوقعناش في حب ناس ماتفهمناش - اعمل معروف ..!

 انا كنت اكتر واحد بيسمع لمشاكل الغير ويحلها .!
مستمع ممتاز 
بخلاف حبي للچاز 
وعدم اهتمامك بيه ..
أو بأي تفاصيل تانية ..
انا شوقي بيزيدلك كل ثانية ...
كل الادوية اللي بتعالجني منك فالصو
كأني طبيب ومش عارف يعالج نفسه !

المُلفت اني مُحبط 
وبعتمد علي صوتي العالي كتير اليومين دول !
مين المسؤل عن هذا التحول 
ماترديش 
خُدي بالك من نفسك الاوّل.. 
ماتفتكريش الاهتمام اللي بتخديه من غيري ممكن يطوّل !

يادي المآساه
بغيب عنك قد مااغيب 
وارجع أكلمك زي العيال
ف تردي ببرود 
علي قد السؤال ؟ 
كرهتيني في قلبك النّي 
وانا حاسس حالي زي كأني مربط من ايدّي.. 
واردد ورا عزيز بكل اسى ياباي ياباي ياباي
واختمها بقلش يهلك صاحبي م الضحك
ويفضل ضحكي كله سرّحان فيكي ...

متأسف يا اصحابي 
لو طولت شوية في غيابي
ومابقيتش اشارككم 
لحظاتكم.. 
يمكن "تشاو" مش هتساع حزني الايام دي
مش نافع أعتبرها فترة وهتعدي ...!
لأن اللي بيفوت 
بتموت معاه لحظات كُنا هنبقي افضل لو عيشناها.. 

بفضل الناس اللي مشيّت
أحزان كتير فِضلت مكانها
بفضل النهايات اللي كِملت... 
بدايات كتير مش نافع أبدأها !
بفضل الفرحْ اللي مش بيكتمل
بيروح الامل !
وتتحول الحياة لمشاهد عادية
الناس مؤذية 
والحب بقي اشبه بصفقة بين اتنين !

الفضل يرجع لمين 
في تقسيم الحزن والضحك بين البشر.. 
احنا ولا القدر
بلاش ترموها علي ربنا
عشان نفض النزاع ...
ربنا كـ المايسترو
واحنا اعضاء الاوركسترا 
في كونشيرتو الحياة العجيب... 
وقليل منا من يستجيب
ويمشي علي الايقاع... 


عزف منفرد ..  قدمتهولك...  واكتفيتي بالابتسام !
وأنا بكل احترام انحنيت !
وبوُست عنيكي من علي بعد.. 
المشاعر الكلاسيكية دي حقيقية مش مجرد عرض!
انتي بس اللي قلبك لسة صغير 
مش هيتأثر بكلامي
زي باقي الحضور... 
صدقتي اني مش بتاع بنات !
 اهو النهاردة أنا قدامك بقيت مكسور... 
من اقل شئ بزعل 
من اكبر اجازة بزهق.. 
وبقيت اطول أكتر في نومي.. 
ايه ذنب شوارع بورسعيد اشيلها همومي ..



كان بالاولى نفضل أصحاب فعلا
أقلها القصيدة دي كات هتبقي لغيرك
وكنت ممكن اخد رأيك فيها... 
فتقوليلي كلام
يغير من طبع قصايدي النِكدي
يادي قلبي العندي
كل ما أفلت منك 
يكوّم صورك ويرميها قدامي ..!
كأنك أجمل جنية
زارتني ف أحلامي..
ومشيتلها وانا معمي 
لحد ما جمال المشهد خدعني
وغرقت .. 
هتصدقي لو قلت / ان ضحكتك
وراحتك لو مش معايا.. 
ده شئ بيزعجنِي... 
معلش انا عقلي في الحب اصغر بكتير من سني... 
كان عندي أمل تستني
لكن كرامتي بنت اللعينة هي ضيعتك مني..!

#راوي_عزيز

تحت تأثير ال نوفمبر | راوي عزيز

Official Acc ..
www.facebook.com/RawyAziz.2

مزيكا لـ أمين بوحافة , وغناء الشيخ أحمد برين ..

ديوان #هذا_الحب_غير_صِحي 2019

بحبك / سلام

تخيّل
لو بإيدك ترجع بالزمن لورا
كنت هتعمل ايه ؟
يوصلك لحال افضل
في المستقبل اللي عيشته...
كنت هتنهي كام مشوار بدأته..؟
كنت
هتذاكر كويس الاحداث
وماتعتمدش ع الناس
وتعمل بكلام ابوك
فمش هتحاولش تجرب
اي شئ خرّب في دنيتك...
كنت هتعوج كام حاجة عن مسارها الحالي ..
وبالتالي هتعدل ف ذكرياتك..
وترصص
الاصحاب ف حياتك 
زي ما اتمنيت...
في وقتها..
كنت هتوّقف لسانك عن كام "بحبك" قُلتها...
وتبتدي من مكان ما بديت...
بس للاسف
كل اللي حصل ده حصل بالفعل
ماكانش تمثيل !
ماهوش عُرضة للفلاش باك..
وغير قابل للتعديل..
لفترة كبيرة
كنت شخص سطحي..
بعالج جرحي
بجرح لشخص آخر..
عمري ماعرفت آخر
لأي ارتباط
ديما بسيب أنا الاول
قبل ما يتحول
الحب لمشاعر تلمة
للبنات أحزان سامة
مفعولها بيبطل
كل الحيّل الرومانسية
ولأني شاطر في الأسية والكلام المزيف ...
بضطر أستأنف الموضوع
بكل كذب..
فيه مرة واحد حب واحدة
فأقنعها انها باردة
وسابها تعيش علي هذا اليقين
مع شخص مالوش ذنب !
من الواضح جدا
انك بقيت بتحزن
علي فراق ناس ..
مابيهمهاش غيابك من وجودك ..
البنت اللي كانت بتغير في مودك
شقلبت حياتك للاسوء
اليومين دول ..
بطلت تقول
اللي جواك ..
كان نفسك تكونلها ملاك
الحزن ملاك ..
وخلاك تسلِّم للواقع ...
خلاك تمشي سرحان في الشوارع
بتدور على ريحتها
انت مش هتبطل بص علي بيتها ؟
ولا انت غاوي الحب
من علي بعد...
ياعبيط .. البنت خالفت الوعد !
بتحبها ليه لسة !
بتجري ليه في رئتينك نفسها ..
وهي روحها مش فيك ...
تخيّل
الجمال ده ممكن يأذيك ...
تخيل
الطفلة اللي كنت بتكلم القمر عنها ..
بيعجبها لهفتك عليها ..
وكأنها راهنت صحابها عليك ..
توقعك / بعدين تودعك ..
تسيبك / بعدين تواسيك ...
وتفضل انت تستوعب
في اللي حاصل ..
معلش تستاهل ..
وتاخد غيرها ...
يوم ما ربنا هداك وخلاك تعشق بدون ما تكدب..
شربت مقلب / ماضحكتش عليه ...
ازاي ممكن في يوم - وجعك / حبيبك يتباهی بيه ...
مشهد مفاجئ
غير من طبيعة الاحداث ..
لغبط ف عقلك الناس
ولزمك
تكمل باقي القصة ..
بدون كلاكيت
ألف مرة ..
بدون معلش فرصة تانية
بدون ماتلحق لسانك ف اخر ثانية ..
بدون رجوع للي فات..
بدون نهايات سعيدة ..
فتسيب النهاية مفتوحة
لناس مجروحة
أملها ف ربنا كبير تتحب ..
أكتر ما تحب ..
وتعمل حسابها
تعلم قلوبها ماتصدقش اي كدب ،،
مشاعر مُرة
ومرت بين روحك المكسورة ،،
عوجتلك الصورة
ساعدتك تشوف الناس أوضح
ساعدتك لما تزعل تجرح
مش تعدي , وتشيل ..
وتبقي في نظرهم مش بتحس ..
ساعدتك تبُص ع الموضوع
من برة ..
انت ماحبيتش من أول نظرة..،
لكن بتعرف تعشق
زي الافلام تمام
بتكره الواقعية
وبتتوهم كويس ،،
والبتالي
مش بتعرف تميز
بين الناس ...
ازاي جالك احساس
تحب حد ماحبكش ،،
غالباً
الواحد لما بيحس بأعراض الحب ،،
قلبه بيطُب منه
ويقول اللي جواه والسلام ،،
زي بالظبط
اول مرة قلت "بحبك"
قلتها وبعدها قلت سلام ،،
تخيل ..
لو كل الناس فهمت بعض ..
ماكانش حد هيشيل من التاني ...
وماكناش هنستهون بوجع حد ..
واحتمال الحب يتحول لفصيلة دم ...
ياعزيزي
البشر كلهم مرضی بعدم الفهم ...
برغم الحزن
اللي امتلكني ...
ياحبيبتي
أنا القمر صدقني ...
لما حكيتله إنك زيه بالمللي ..
بتضحّكِي السما لما تطلي ...
يااجمل عيون بصتلي ...
انا شوفت فيكي الحياة ،،
وشوفت فيكي اللي فاضلي ،،
وانا لو كان املي
ارجع بالزمن لورا
كنت هقولك نفس الكلام ..
أنا بحبك جدا / آسف / سلام ،،

بحبك .. سلام | راوي عزيز

المزيكا لـ ليال وطفة , وغناء يزن الروسان وهنا ملحس 

Official Acc :
https://www.facebook.com/RawyAziz.2

مِسير الحب يتلاقى
بورسعيد_فبراير_2018

إتضحلي إنه ماينفعش
كل حاجة تتاخد اسكرين شوت
فيه حاجات شبه الموت بالظبط
لو فضلت متعلق بيها
هتخليها تأذي ف روحك
وتخلط جروحك علي بعضها
الحياة مش كلها 
لحظات حنين ...
والناس مش كلهم
بني آدمين ..
ليه مُصِّر تقارن بينهم ؟
البنت اللي حبيتها دي جايز تكون مش منهم ..
لكنها جرّت ف عروقك الحزن ..
خليتك تحِن
لأي شئ طفولي ..
خليتك شخص فضولي ...
بتهتم بتفاصيل
ماتخصكش ...
بتتكلمي مع مين ؟ 
ومين فلان ده ..؟
هتعملي ايه النهاردة .. ؟
اخبار الدنيا معاكي ايه ...؟
لسة مجهدة ...؟
الحب لو بطرق مستبعدة ...
بيتحول بعدين لكراهية...
هذه الفتاة الغير عادية ...
ماتت في قلبي
من أثر الإهتمام الزايد ...
بين اللحظة والتانية
بعاند في عقلي وأزايد
إيه المشكلة لو كُنّا حبِّينا بعض
بدون وعدْ \ نخلفه ،، 
أو كلام نحرفه  / لداعي الكسوف ،،
أنا كنت ملهوف
عليكي جداً ،، 
لقيتني من وسط فرحيتي بيكي كنت بحزن ،،،
لقيت غيابك أحسن ،، 
لقيتني بشوف 
كل الناس إنتي ،، 
لقيتك بس مالقيتني،،
مِشيتك مشوار في خيالي مارضتيش انه يكمل
ياحبيبتي يا الأجمل والأجمل
انا مُتْ في هواكي
والعشق حرام
لو هيقتل ..! 


من غُلبي 
وأنا بعاتب ناس مالهاش دخل ف زعلي ،، 
متهيألي 
إن مفعول الحزن
بيصيب كل الحواس 
فيؤدي للإحساس بالوحدة 
ورفض المناهدة..
ومشاعر حادة ..
وضحكات باردة ..
وأثار سرحان
تاخدك م الدنيا / لشخص كان بالدنيا !
هي الحياة خلصت علي كده 
ولا فيه فرصة تانية ؟
عيبك الوحيد إنك طيب
بتقرب من ناس بتبعد ،، 
وبتبعد عن ناس بتقرب ،، 
وبتجرب ناس مختلفة ،،
مُحترفة تفارق أحزانها بكل بساطة
ناس بتودّعْ الفايت منهم
بجاي يستهالهم ...
جايز تقابلهم
لكن قلبك بيفضل مِستني
طلة حبيبتك من الشباك... 
وحياتك يا حبيبي ريّح قلبي معاك ..!
الفراق هلاك
وانا ماحلتيش إلا عيونك ،
ولو الناس حسبوني مجنونك... 
فالجنان ياليلى 
مرض إنتي دواه والعِلة ..
لا قوة لي ولا حولة
يا أيتها البنت الكاملة ،
أنا مَلِيت عيوني من حلاكي وما ملِّيت ،
رآيت الدنيا جنة وإتمنيت تكونيِلي بيت ،
حنِّيت لوجودك جنبي 
الشوق عذبّني 
خُدي روحك مني ياريت ..

شهور وأنا بحايلك 
قلبي ياحلوة ماهوش توكة بين ضفايرك.. 
خليتني من يأسي أسايرك 
وأحُط برائتك ف الإعتبار.. 
قرار إني أنساكي ده إنتحار ...
تَصوري
أنا كنت شايفك بالفستان الأبيض بين ايدايا،،
حضنت الدنيا في ثانية
والمشهد ماكملش ...
خيالنا الواسع هو السبب
ف التعب اللي إحنا فيه
كل حاجة بعدِك ناقصة،، 
والعادي ماتبقيش حاسة،، 
وهو من إمتى يعني اللي بيحتاج حد ميت / بيلاقيه .؟

----

وتسيب عنيك للسرحان
كأن اللي واخدة عقلك ..
تستاهل يكونلها عالم خاص جواك ...
إزاي عرفت تنساك
وانت لسة بتحلم بيها
وتخلقلها كلام من جلد ولحم
كنت شهم 
جداً معاها ف كل لحظة ..
وإتغاشمت مع نفسك ..
بتسيب الحب يرصك
علي أُرفف الناس ليه
وعليك ب ايه
كل ده ..
روحك الطيبة المجهدة ..
ماتستاهلش منك آذی ..

رُكن م الهوا ولملم فيه روحك ..
حُط  مطرح جروحك ...
لزق مملح 
لجل ما تسطعم الأوجاع  بصحيح ...
الكون مش مريح
لذوي القلوب الحساسة ..
الخلاصة / ديماً عند الناس العاديين ..
الوعي الكتير لعين ...
كنت طفل برئ
إتفاجئ بعالم أسود ..
بيعرض أسلحته بكل لطف
وقريب جداً هتشِف
صور ناس علي وشك عشان تصبح شئ ...
إزاي بتتفائل لسة
وإنت ماحلتكش حتى صديق ..!
العالم حوّلك 
لمانيكان / إنسان 
بيقبل الحياة كما هي 
بدون رد الإساءة ..
جربت كل أنواع الخمور ومانسيتش ..
ضحكت وبكيت بنص وش ...
وبالنص التاني قلت معلش ...
- مِسير الحب يتلاقی ..

مقسوملك
تحب بنص إرتباط ...
أغلب 
الناس اللي قابلتهم
جابولك إحباط ،
الجواز اكبر تهمة / العزوبية أفضل ...
الفلوس متلازمة  / الفراغ بيقتل ..
البنات حل الفراق /  البيرة أجمل ..
حب كما تشاء / القلب أهبل ..
الدين مُسكن / السجود مطمن ..
الحياة مادية / بلاش صوفية ...
وسطية وسطية / ربنا حرية ..
بكرة بعيد جدا / خليك في النهاردة احسن ..!

مابقيتش عارف تعيش يومك ،
ولا تحوّش للي جاي؟
يارب انا نِفسي أريح
عقلي فعلا،، 
- قولي ازاي؟

مُذهل 
الكلام لو مع شخص ، 
بيحس بيك من قبل ما تكمل ،
هو إيه اللي بيجمِّل
حياتنا ،، 
غير ناس بتفهمنا ،
وأيام تدهشنا ،
وعلاقات بعيدة عن الشكليات .. 
القلب بينبض ذكريات 
والعقل لوآمات شكه
بيعيش في آمان الله 
يا أيها الناس ياعمدان الحياة
سيبوا الفايت منكم ،
وماتعلقوش روحكم
بأشياء تهلكُّم
عيشوا وصدقوا 
برغم اللي حاصل ..
مسيركم 
تلاقوا اللي يستاهلكم ،

Rawy Aziz

Popular tracks