
『放開個女仔！』突然兩個mk仔後面有人大叫，把聲咁熟既？ 

『乜水？』兩個mk仔另轉身 

  係堂哥。 

『哈我一直想講呢個對白好耐，今日終於講到。』 

堂哥擺出一個好浮誇既姿勢指住其中一個mk仔，另一手拎住部相機講 
…救命。 

兩條mk仔望到呢個咁奇怪既人，gel到個頭好行既mk仔即刻講 

『你…你講乜向左走向右走野，我都無捉住個女仔！』 

『你地既罪行我已經影低左，真係ps (photoshop)都唔洗。』堂兄保持姿勢繼續講 

『呢條友傻既…我地走囉，阿輝。』另一個mk仔同gel到個頭好行既mk仔講， 

然後兩個人就走左 

之後堂兄就望到我『咦原來係家蔚妹妹。』 

「原來你岩岩以為係其他女仔…」我好無奈咁講 

『嗯，一段浪漫既愛情故事往往都係咁開始，不過既然係堂弟既女朋友， 

咁就無得再發展落去囉，所以妳唔洗多謝我。』 

「哦。」我無諗過多謝你，我認真既。 

『咦…我阿妹同樂宜呢？』堂兄問 

「佢地去左玩跳樓機。」 

『我真係唔明呢d自殘遊戲有乜好玩。』 

難得地我地係意見一致喎…堂兄。 

『家蔚妹妹妳一個人坐係到，肯定係有唔少煩惱啦…』 

堂兄坐係我隔離，一路望相機既相一路講 

咁你都知？「嗯…唔多唔少都有d啦…」 

『妳又咁唔舒服…唔通…』堂兄望一望我…『妳個日到？』 

「下？」堂兄你又講乜春 

『m到啊。』堂兄一路用布抹相機螢幕一路講 


堂哥勇救家蔚

『嘿嘿…去開門啦，智影。』媽媽好開心咁講 

我即刻衝埋去大門… 
媽媽咁開心…一定係因為咁…因為… 

「爸爸！」我未確認門外面係邊個就先嗌出黎 

果然！ 

『咦？點解知係我嫁？』爸爸好驚訝咁望住我『仲諗住比驚喜你tim…』 

「媽媽一早出賣左你啦！」 

『啊！』爸爸用一隻手掩住面『你媽媽定既計劃永遠都係殘念收場。』 

『咩喎！』媽媽係後面不忿咁講『哼！』 

過左咁耐先介紹tim，呢個係我爸爸， 

陳嘉為。

「點解既？點解既？」我好興奮咁跟係爸爸既後面「點解會突然返黎既？」 

『等我放低個背包先慢慢講啦…』爸爸慢慢將佢個好大既包放係梳化上面… 

「點解既？」 

『啦，是咁的。』之後將係梳化上面…望住我… 

爸爸好鍾意係講野既開頭用是咁的，雖然我成日提醒佢，但佢都係改唔到， 
媽媽有叫我唔好學佢，但佢又無指正爸爸喎。 

『唔知咁講你明唔明啦，總之簡單黎講就係個邊既政府， 
有重要既事要係你爸爸同朋友當值既位置到攪，所以我地就被迫緊急撤離。』 

「咁...係乜野事？」 

『呢點智影你就唔洗知道啦。』爸爸講 

「咁爸爸你係咪唔洗再返去？」 

『唔…唔知嫁，可能…突然之間收到通知就會即刻返去…』 

「下…」一聽到…個心就沉一沉… 

唔怪得爸爸…只係得個大背包…無帶行李箱返黎…原來就係因為咁… 

『唔洗唔開心喎…我帶左手信返黎嫁，你睇！』 

爸爸手上面…係佢同一d當地既人合照…呢個… 
好似係叫艾乜野石？我之前係講關於澳洲既書籍到睇過…而家…完全唔同哂… 

「車…你既合照點叫手信？」 

『其中之一姐...哈哈…』 

『喂過黎食飯先啦！要凍啦！』媽媽佢係飯台隔離叉住腰同我地講 

『過去食先啦？一陣再比其他你…』 

「哦…」 

『啊…我都好耐無試過樂宜妳既手勢啦！睇下有無好左d？』 

『放心都得啦！』媽媽好有自信咁講 

『嗯…好味！』爸爸飲左一啖湯之後講 

真係？ 

我隨即試左一啖…同平時都差唔多姐… 
唔通…就係冰瑤阿姨所講既…心既味道？ 

因為我太細個，所以唔明？ 

雖然…媽媽煮既餸有乜特別味道我真係食唔出 (所以主力係食d外賣餸) 
但呢餐飯…我地真係食得好開心…好開心... 

「久違既一家人食飯…真係好…」食食下…我終於講左出黎… 

『智影…』爸爸同媽媽都望住我… 

「爸爸…唔好返去啦…留係到…」 

我嘗試…講出我既心願。 

「我真係好想…日日都係一家人…係到食飯啊…」

『幾多歲啊！智影！』媽媽即刻開聲，呢個係教訓我既語氣 
『唔好仲好似好細個咁啦！爸爸去係幫人嫁！』 

「但點解要去咁遠喎…要幫人…香港都可以幫啦！」 

『你唔明嫁啦！個度呢…』媽媽講講下爸爸伸出左手… 

『等我黎…樂宜。』 

『老公…』 

『智影啊…』爸爸，好認真咁望住我『個度呢…係我同你媽媽一個好重要既地方…』 

「重要…得過我？」 

『啊…』爸爸一聽到呢句，即刻微微張開嘴巴，然後dup低頭 

感覺就好似洩左氣既氣球一樣，輸哂。 

『你爸爸真係無用…』媽媽搖搖頭 

『我認…』爸爸重新抬起頭『啦…智影…點解重要呢…係有個好大既原因既。』 

「哦…？」我嗤之以鼻 

『你個仔唔信呀！』媽媽笑笑口講 

『智影，我地…點講好呢，人生呢，永遠有好多抉擇既。』 

「嗯。」我點點頭 

『有時以為選擇錯左…但其實又錯唔哂…有時以為岩既…其實又可以錯到離譜。』 

『你覺得智影佢會明？』媽媽問 

『唔會。』爸爸笑一笑 

「…即係點？」 

『即係…啦…如果個日…我係尖沙咀海旁…有左另一個決定…咁樣…』 

「咁樣爸爸就唔會成日去澳洲？」 

『唔…』爸爸苦惱更『又可以咁講既...你就當係咁先啦。』 

結論，爸爸講完，我都係完全唔明佢講乜。 

* 


嘉為試音

陳嘉為 對白 

我而家身處係一個漆黑既世界…伸手不見五指… 

「咦...？」點解會咁？頭先…我明明係奢華既王宮…仲同女班長一齊… 

然後我發現，無論我點行點走，都係離開唔到… 
甚至點努力幻想，周圍亦都唔會有任何改變… 

無可能既，唔可以咁… 

「唔可以…」我跪係到…個人幾乎要崩潰… 

現實世界既我已經係身處係黑暗… 
而家...唔通連我唯一既救贖…幻想世界都遺棄我？ 

唔可以…唔可以啊… 

『你係咪…唔想再比人睇唔起？』突然有把女聲…係我既前方響起… 

「係邊個…？」我有少少驚嚇，雙腳開始顫抖起黎... 

『你係咪…真係覺得依生再無任何意義？』 

「我…」 

意義？我好想好快答係…但唔知點解...突然有個念頭， 
連我自己都覺得可笑既念頭浮現上黎…令到我有少少猶豫… 

『表哥…』 

係佢…點會…佢唔會係我既存在意義… 
我同佢，只係好簡單既一段關係… 

『答我…』把女聲越黎越接近，大概同我既距離已經只係咫尺之間 

「嗯…」我點點頭… 

『如果係咁…』 

終於，我見到個把女聲既源頭… 
一個從黑暗中浮現出黎既人影…一個令我為之一嘆既美女… 

『你願意放棄而家有既野…幫我完全我未了既心願嗎？』個女仔問... 

約16,7歲既年紀，一頭長黑髮，高挺鼻樑，迷人嘴唇小咀同精緻既瓜子臉， 
配上水汪汪既大眼晴…比起女班長有過之而無不及既美女， 

同女班長亦有樣明顯分別，就係個份如神聖不可侵犯般既純潔， 
與其話係女神，不如話係天使一樣… 

「妳…妳係邊個？」我目光...無辦法從佢既面孔到移開... 

『我…』個女仔微笑『係上世既你。』 

「下…？」我感到非常訝異「上世既我…唔好玩啦…」 

明明係咁靚既美女…根本無可能同我有關係… 

『依個係事實…』個女仔保持微笑，耐心地回應『無論你心入面點樣唔相信…』 

「唔係掛…」 

『而我既出現，係希望你可以放棄你所認為無意義既一生…去幫我完全心願…』 

「心願？係咪只要我應承…我…就可以擁有第二個…更美好既人生？」 

『無錯…你願意嗎？陳嘉為…』 

「我…」既然…我既人生根本唔會有任何意義…咁何必要眷戀落去？ 

『表哥...陳嘉為！』 

「我…願意。」 

『咁樣...』個女仔好開心『就拜託你啦…陳．家．蔚。』 

下…？我係叫做陳嘉為喎... 

突然，眼前天旋地轉，我失去左知覺。 

嗯...發左一場奇怪既夢…


Raymond Sone