عُـمق الكـلمـات ▼

الــــكــــلــــمــــات

بصى من ورا الستارة على الناس اللى ماشية تحت
بيسجدوا لأصنام شبعوا فيها نحت
تعالى اعلمك إزاى أنا بنحت عمرى ما اركع
أى حاجة حلوة فى عينيك اكرهيها فورا

ها ، مش حاسة بتحسن عن من لحظة
على الأقل مفيش جزيرة هتعوميلها أصلا
طيب ، اثبتى على كدة ، إنتى مكانك هنا
مش هنعمل أى حاجة بلاش نعملهم على نفسنا

متطفيش النور عن مين هندارى اللى بنعمله
مش هنبقى فى المستنقع ونجيب عطر نستنشقه
بصى لمنظرنا ، هربانين من ضلمة لضلمة
إنتى وأنا عارفين كويس إن جهنم فى إنتظارنا

مبحطش أكليل ، فوق مساكن ميتين
يوم حسابنا مش هتدارى هتستخبوا يا كدابين
مريض بأحدث مرض نفسى هيكتشفوه ع الكوكب
مش هتلاقى أحسن منى ولا هتلاقى أسوأ


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بيننا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى


ابعد عنها شوية متمسكش فيها بضفرك
اللى أنت بتتنفسه دة ثانى أكسيد كربونها
بطل تتدقق فيها وأنت صاحى وقت نومها
مش هتحس إنك سهرت حارس غطاها الليلة بطولها

هى عارفة إنك مريض ، هى حابة إنك مريض
هى فاهمه معنى النظرة ، بس كارهة إنك صريح
قدف أنت وهى لحد وصولها بالسلامة
وامشى من حياتها لكن سيبلها أنقاض كلامك

تعالى اعلمك إزاى أنا بجرى عمرى ما انهج - منهج
شايفة أبعد نجمة أقرب حد منى أبعد
وبزيد البعد ، تزيد القوة ، يضيق النفس ، أحس بذعر
يطول نفسى ، ومهما جعت ، ازيح عن طرقى كل طعم

ارمى فوق العرش التاج ، غيرى برضة مش ملاك
أنا مرض بقول أنا مرض هو مرض هيقول أنا علاج
بحطم الأصنام اللى انتى عايشة بتعبديهم
عشان تتوبى مش تعمليلى واحد وتسجديله


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بينا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى

___________________________________________

El-7ob Fe 3onok Zogaga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

الحب فى عنق زجاجة

Rasha Magdy-الفراش

Ergo Proxy - Monoral - Kiri

Rasha Magdy - إستغماية


Verse 1 

موضوع بدأ كطفل مريض كان محتاج يتحب 
اللمة بواقي عضم الفرحة و هو مكانش الكلب
انعزل . ملكه الكسل . ملكه الحزن . رسم بسمة 
فوق وشوش الخلق العابسة املا انه هيكون احسن 

عيط كتير و اتزل . جسم طفل بعقل كهل 
مكانش ليه ولا صاحب حتي . لأ !! . كان ليه و منه مل 
و لما حب يحب يمكن قلبه جرحه يطيب 
دخل حرب بسوء تخطيط . حي و فيه كام جرح جديد 

هو قرب . حصل سوء . تفاهم بينهم و بين الاكبر 
هو بعد اكتر . مالاول و بعد فترة قرر 
مش هيرجع تاني هيفضل ويا نفسه عايش 
هو اضعف ماللي هيفوز بيها . و بعيد عنها فايز

بقي كل يوم ينام و يقوم و ينام و تدور الدايرة 
حجج فارغة يبرر (بيها) شراع مقطوع فمركب سايرة 
و اعتنق لغة الصمت . مش بيكلم حد بقصد 
اوفر دوز ( overdose ) برود من صنف ناس برودها من  غير صنف 

Chorus 

فاكر اول حب اتحول كره و زود ضغط 
لا 
شايف قد ايه الماضي ضعفت فيه و عيط 
لا 
فاكر عقلك دهب . لا . فاكر بينكم شبه . لا .
فاكر قد ايه مالوقت ضاع جوا المُنتهي 


Verse 2 


و بعد سنة و نص وصلت لحالي دلوقتي بغني و بكتب
 كنت شاكك فيا و بردو كنت متأكد  
احلامي مش هتبعد اكتر هي وانا اتربطنا 
بحبل الحب لما ربطني الامل بدفعه عيلتي الاصغر

و بتظهر بنت و صاحب بنت و بنت و صاحب تالت 
و الاجمل ان الوحدة فادتني ف اني اصلح واحد
خيالي كانلي بديل للواقع . زمان . دلوقتي الواقع نفسه
عيشت بخطط برسم بشرح ليا اللي انا مش فاهمه
  
بكبر بتفنن اكتر . بستكبر عاللي بيستكبر 
بقدر اقرر بفهم ازيد ف ابقي مابين اشطرهم اشطر 
بكتب بنجح ببقي احب لغيري من غيري بسبب كرم 
رب كريم محبش اني احب اكون للباطل حطب 

عندي حلم انا بطل حياتي الاول حاليا ده اسعد شيء 
ممكن اكون محتاجه يفرج همي و يمحي عني الضيق 
علي قد مانا غريب بترحل بين فراغات قلوب الخلق 
فخور بالفرق الناتج عني فعالم قتله الوقت


Chorus 

فاكر اول حب اتحول كره و زود ضغط 
لا 
شايف قد ايه الماضي ضعفت فيه و عيط 
لا 
فاكر عقلك دهب . لا . فاكر بينكم شبه . لا .
فاكر قد ايه مالوقت ضاع جوا المُنتهي


Lyrics : Magdy Moustafa
Vocals : Magdy Moustafa
Music : Free beat 
Mix and master : Magdy Moustafa

follow me on : facebook.com/magdymoustafa11

رحال | RA7AL - REBELLION


Verse 1

اهه خارجة فنص الليل . و مروحة الفجر لبيتها 
سمعتها غلاف كتاب . داب . من كتر قراية الجلدة 
الف دمعة و صرخة فشكل ضحكة طالعين منها 
مبقتش ليها ملامحها الدافع اكتر ليها مالكها 

الكل شايفها مجرد سلعة بين زوار البار وحتي.
هي عارفة كويس ان النار بتودي لنار 
و بعد كل الالم. كل الندم. كل الحسرة.
ببمسة صفرا 
تقرب اكتر تملي كاس زبونها بخمرا

بين عيوان الناس مجرد جسم و مش وحدها 
الفكرة بقت تتعمم زادت جهل الغير بجهلها 
دلوقتي في ناس شايفين بنات الناس مجرد لعبة 
و حتي اهل بنات الناس عاجزين فبيقفوا فصف الكدبة 

الكل اصبح بيبرر و اللي يحرم و اللي يحلل 
و المتشدد و المُتسيب و اللي يقدم و اللي يأجل
و هي شبه الموتي حتي مفيش كلام يتقال 
و حتي لو هتنطق . عمر ما مايلة هتعدل حال 

Chorus 
 
كانت هتبقي نهاية احسن لو كان قيس وصل 
كانت هتبقي حياتها اجمل لو الحزن انكسر 
لو كان الناس فحالهم كانوا اجتمعوا اكتر عالحق 
هما فحالهم ايوا لكن بس فحالهم وقت الجد 

Verse 

قبل ما نبدأ ننقد او نبدأ نعمل فلاسفة  
نرجع للظروف القادرة تحول احسن لاوحش
وقت موت الام و عمر البنت كان سناتين * 
الاب اتجوز واحدة شببها دلوقتي . وريتها الويل .

و بعد موت الاب هربت للشارع و سابت 
مدرستها و بيتها غيرت كل الثواب 
بنت عشر سنين جعانة بتنام عالرصيف * 
قولي ماضي  و حاضر فاسد يبقي المستقبل نضيف ؟ 

لكل سبب . سبب الموضوع مش سحر و فجأة 
محدش عمره بيحكي و هو بيبكي و يبقي بيكدب  مثلا
الذنب قبيح بشدة وانا معاك . لكن عملت ايه 
يصلح غلط نفسك قبل ما تبدأ ذم الغير 

مش عايزك تقرا و تعرف علشان تلعن عايزك تفهم 
ان كل واحد عنده ظروفه وعقل و فطرة 
و بردو فاسوء الاحاول ربك رحيم غفور
متاخدش بمقياس المظاهر علشان ملهوش دور 

Chorus 

كانت هتبقي قصة حلوة لو كان قيس وصل 
كانت هتبقي حياتها اجمل لو الحزن انكسر
لو كان الناس فحالهم كانوا اجتمعوا اكتر عالحق 
هما فحالهم ايوا لكن بس فحالهم وقت الجد


Lyrics : Magdy Moustafa
Vocals : Magdy Moustafa
Music : Free beat 
Mix and master : Magdy Moustafa

follow me on : facebook.com/magdymoustafa11

البار | El BAR - REBELLION

Music Prod : Five-O
Record - Mix : Hololosto Studio
Ft . Mahmoud El-Saghir & Dinho

Hololosto - تخيل انت Takhyl Enta Ft Dinho & Mahmoud El-Saghir  ( Prod By Five - O )

Verse 1 

اللي ساب مش ممكن يرجع لو    بينك و بينه 
ابعد ماللي بينه و اختيار حببه عليكوا 
انا مش سراط ولا منهج علشان حد يتبعني 
انا نفسي احترت فيا بين افكار بوصفها بشعري 

صدقي ، بحبك حب زي عمر للنبي 
لكني كما دجال مابينهم بين مجالس الوالي 
خوفا من التعبير عبرت عني لفترة فورق 
وكنت بحاول ابين اختلافي كتير للملاء   

ففصولي كلها شتا ، و حبي ليهم زكي 
و لو هموت فالموت هيكونلي راحة عن كل ده 
مش هجرب اني انجر وسط عبدة حزن و قهر 
واكون كما اللي دور وسط عزاء محبوب علي فرح 

انا لسة عاجز جدا رغم تسخيري لكلمات 
لمست بيها قلوب بعدد الطوب الارض فكل حياة 
انا سندباد راحل بيزيد فراق مع جهل السبب 
ان قومه اختاروا اسمي وصف لكسب احقر هدف 

Chorus

مابين تجار الحب و منطق كفر و خوف مالكفن 
امنت بأهل الكهف عن ايماني بسيف الزمن
بقيت بياع كلام بوعد بحاجات و مبعملهاش 
زي عاش و مات و عاش و مات و فاق و رجع عاش 

مريت بكذا محطة اغلبها اليأس فيها بيكبر 
و اصعب كل حاجة مريت بيها بقيتلي اصعب ذكري
محتار فشرق و غرب مابين الاحسن ليا و الصح 
و لو بختلط بتعب زي حوت فعرض البحر


Verse 2 

تتكتبلك غلطة لو حبيت للغير الخير 
وانت كاتم جوا نفسك كبت مال هارون فالخزن
انا زيك صورة للقبح لكن مستخبي فدير 
عايز يبقي احسن لكن تايه بين مناهج وثن
 
متقوليش ظروف لو كنت حاولت ما كنت وصلت 
مبتتقاسش ب IQ محادش كان حاببني فشعر 
انت مناسب شيء بيناسب حلمك لكن مبتحلمشي 
بانك توصل للي يناسبك انت فوسط الات جنايني 
 
و متنساش انك رغم صغر السن قدرت تثبت ان نفسك كنز شايله كنز و متنكرش انك كنت حابب الحياة قبل ما تكره فيها عشان فلوس و شهرة و صحبه و جنس و قوة و سلطة و فكر 

ابسط تشبيه لبحرك انك الاعمق فمحيطهم 
لكن اختلافك هدمك بشري و مش مخلوق من طينهم 
ابعد بكتير عن انك عقلك يتناسب مع سنك 
كل اثمك كان تناقض وعي جمعي و منهج فكرك
 
  


Chorus

مابين تجار الحب و منطق كفر و خوف مالكفن 
امنت بأهل الكهف عن ايماني بسيف الزمن
بقيت بياع كلام بوعد بحاجات و مبعملهاش 
زي عاش و مات و عاش و مات و فاق و رجع عاش 

مريت بكذا محطة اغلبها اليأس فيها بيكبر 
و اصعب كل حاجة مريت بيها بقيتلي اصعب ذكري
محتار فشرق و غرب مابين الاحسن ليا و الصح 
و لو بختلط بتعب زي حوت فعرض البحر

follow me on : facebook.com/magdymoustafa11

تداخُل | TADA5OL - REBELLION

عاش وحيد فروتين . رهُبان مابين جموع عاشقين 
بيفهم دين و يطرح س و يفرح لما يحصد ج 
مكانش زي الباقي هما فوادي و هو فوادي 
كان غريب عالكل و ده كان دافع انه وجعه يداري 

لحد ما نزف اكتر تعب من تخابُط الموج 
والمرادي كانت معجزته ابن نوح بيمسك طوق 
لاقاها . ف اتطمن . بوجودها و بانه فحضن 
كاره الحيرة و شايف فيه نقاء بيصد منبع كُفر 

جميلة و هادية جدا . جنبه عمره ما تعب منها 
كل المه من الطوفان بيزيحه حنان و طيبة فعينها 
فحس بإن ديه . اللي هتقدر تبني فيه 
بقيتله عيلته و بيت يأويه . بعد اما كان لسنين يتيم

و مهما وصف حبه . مش هيعبر الا بحضنه 
و رغم كل الحابين قربه هو شايفها نص ل نصه
الضلع الاعوج عدل حياة شخص ناقصه جمال 
ليلة كانت عادية جدا لكن قيس بيشوفها ملاك 

و ده حالي معاكي بالظبط ، انا رحال وانتي وجودك الشط
كل ما بتعب بهرب ليكي و كل ما بنقص بلقاكي ضهر 
خليكي جنبي انا حابك ، انا ابنك ، انا شبهك زيك
ايا كان الاختلاف مابينا يا روح هكون انا جنبك 

انا مش هكون الفاشل و ارضي بفشل البشر جنبي 
انا مؤمن اني حي يبقي كل حاجة بيدّي
مفيش غَبار فالمطر بردو مفيش نعيم فجهنم 
بردو البشر زي غبار فالمطر قدام عقل اتمني

دين فاهمينله معني نور بيرشد فكر استعمي 
حد الكبت يأسه نمي ، حد الكبت شده غني 
القدس مش مُحتلة الافقر واقف سانده الاغني
قيس القدر اداله ليلة كل شيء ليه نهاية مختلفة 
 
بدور وسط الكبت عاللي ضاع مني و مش لاقي 
غير حروف تترتب احسن تطلع مني فشكل اغاني 
انا حلمي كبير لدرجة لو كان سلم ،  اول درجة
مبتتشافش غير ولازم ترفع راسك تنطق هقدر 

فزمن مسلمات و مُسيلمات قيودنا ذادت 
كم الاخفاقات اللي بنشهدها سببها فكر ثابت 
وانا مقدر ان كل شيء بيكون ضدك ففترة
لكن العجز مجرد اعتقاد فمحيط فاشلين مش اكتر 
 مكنتش هوصل لولا بنت و صاحب ابنه و ام 
دور برا علي احتواء هتلقي افكار بتكسر عقم  
مواقف هتزيد خبرة بكرة اهداف امبارح ذكري 
مهما كان الالم شد فهو طاقة بتكسر كبرك
ّ
Follow me on : facebook.com/magdymoustafa11











 


نهاية مختلفة | DIFFERENT END - REBELLION

Single

Omar Ahmed - في قلبي أنثى عبرية

Youssra El Hawary , Concert in Alginina theater Friday  November 2 

يسرا الهواري - لايك جيلي |كنت ناوية أحبك| Youssra El Hawary - Like jelly | kont nawia ahbak

كلمات : سلام يسري
 ألحان و غناء: يسرا الهواري


 بيانو: شادي الحسيني
 أكورديون : يسرا الهواري

 شارك في الغناء : شادي الحسيني


 ـــــــــــــــــــــــ


 المزيكا في المكان

 عالية… و بالمظبوط

 حلوة… و دة المطلوب

 خلتني أكتب للوداع

 وداع جوّاه لقا أكبر



 و مش بس الوداع جوّاه لقا

 لكن اللقا..

 يمكن كمان يخلق لقا أقوى



 يخلِّي حياه تِخلَق ما بين اتنين

 روحين 

و يتّفقوا.. حتى ع الّاختلاف

 و الاختلاف ف طبيعة الأرواح

 تعيش أحزان تعيش أفراح



 و تطلب بس وحده الحب

 ما فيش أكتر مافيش أقل

 الحب بالمظبوط

 و م الطلوب

 مزيكا عالية بالمظبوط

 و حلوة حلاوة بالمظبوط

ـــــــــــــــــــــــ
 م.صوت : اندرو داوود
@ salvation studio

 جَمال :)  
 
 الله :)


يسرا الهواري - بالمظبوط

Between the distraction of anxiety and depression, I became death.

رحال | RA7AL - REBELLION

R E B E L L I O N

Recent comments

Él-jợợ

H O N D A

Related tracks