الفرانة-سناء مرحتي


كنت دائما من محبي مجموعة المشاهب؛ أحب ألحانها وكلماتها وأفرادها. وكم قلدت المجموعة في صباي. ولكني لاأخفي حبي الكبير أيضا لمجموعات أخرى خاصة ناس الغيوان،لرصاد، وجيل جيلالة، والسهام. بل عملت في أبحاثي عن الثقافة الشعبية المغربية على ابتكار حقل خاص أسميته حقل الغيوانيات؛ له محدداته وخصائصه، ويشمل المجموعات المذكورة سلفا. كما كنت أتابع أداء هذه المجموعات وتطور ألحانها وأرصد قدراتها على التجدد والإبداع. 

Lemchaheb - A Somoud ( Audio )  لمشاهب - الصمود

هي الزحمة ، الهبلة والمحنة  
هي الورقة إلي قد ماتتعبى عمرها ما تفنى 
هي شمس قليبية كي تتفكرها في عز الصيف
هي مخطط مقدس سْلِمْ مالتحريف
هي الحوتة إلي تذِمْ في عوض ما تِتَاِكِلْ
هي إلي تخاف لا تهبل حتى كان مخها أصلا مش عاقل
هي مشهد هزلي مش كامل هي ساعد البناي وهمة العامل
 هي الخوف
خوف مالصاحب المرخوف من صاحب كلامو كلو حروف 
مطربتهاش به واو العاطف والمعطوف
خوف مالصاحب إلي معندوش صاحب 
إلي عمرو مايعاتب 

 
هي أول كلمة منطوقة عالخواء
هي بارودة صياد غفلت على حمامة في السما
 
هي الحال إلي مِتْبَّدِلْ
إلي كل ما يميل تستقوى عليه بش يِتْعَدِّل ْ
هي المحبة إلي على قد سِعَةْ القلب تِتْكَّيِلْ 
هي حزام الطفلة المزيانة إلي على إيقاع دنيتها تمَيِّلْ
هي زبد الموجة إلي تُحْضِنْ الشطوط
هي اخر النور قبل مايتسكر التابوت
الفرصة الأخرة قبل مايفوت الفوت
 
 
هي الحقيقة المُوجْعَة في وراق محمد شكري 
هي صوفية لفكرة في أبيات لحلاج
هي إلي تِتَّنْفَضْ كي تسمع شفايف تحكي عِِبْرِي 
هي الورقة الفاضلة بعد كل تِيرَاجْ
 هي الخير المخُبِّي 

شطر الكاس المعبي 
هي الكلمة الزايدة من فم المتربي 
هي النوم إلي في جفن الفايق يكَبِّي
 
هي مربع و ترفض نكون دايرة  
أربعة تراكن في كل تركينة فما مرا حايرة 
هي الساكنة في الطابق الثاني ...
ومع كل شمس متسرسبة الصباح تدعي من قلبها للفتاح " نَسِّينِي ليوم في عنواني
كي نجي مروحة منعرفش نرجع لحيط هالدار إلي كواني
ولا... نرجع.. ومانلقى حد ..
ويِِكْبِر عالنقبة المفتاح ونفرح ..نمشي ونقول بيني وبينو السماح 
خليني نسرح
نمشي في شوارع نستخايلها مسرح 
نرى قدامي كراسي و جمهور بوجودي أنا مبهور
هي إلي تنسى لكلام الدوني ومتنساش إلي قالوا
هي إلي تقول الناس يغيظوني أما لكلام حروف مع الريح يتشالو 
 وترجع تزرع في حلمتها في طريق سراب
تخُطْ حكايتها خرافة في كتاب 
هي كمالة لخرافة
لا يقدر علها زمان ولاعنين العرافة
تستحلى كي تمشي بين الناس وتحس روحها ورق شفاف
عمرو مايتقرب ولا يتشاف 
هي لون وجهها قمح وعينيها بلون الطين السبلة مستفصرة وحتى غشها اصلو حنين
هي إلي تِتْحَمِّل ..تِتْجَّمِل ..وتكمِل ...وإلي مش موجود في الدنيا في مخها يِحْفِل كي تِتْخَّيِل وعلى دنيتها تِتْحَّيل ..بش تعيش.. وتِنْبِت فوق ضهرها جوانح ريش ...اطير وتخزر للي حبوا يطَيْحُوهَا تقلهم "انا بيكم محشتيش" وتِتْلَّفِت لدنيا وتقلها "قتلك ألف مرة راك متنجمنيش أنا خاطرني نحبك ونحب ناسك نحب نعيش وكي نموت اكتبوا على قبري عشت و في هم الدنيا مهمنيش"

(الجرح يبرا يا جبرى  (  حكايات العروي

Algérie - Kamel Messaoudi Cham3a -كمال مسعودي - الشمعة

الله يا مولانا... مزج الموسيقى التقليدية المغربية و موسيقى الروك.. ناس الغيوان, الصافي بوتلة و سعيدة فكرى

BA JEDOUB

Morocco Day Trip

Recent comments

Abdelwahed

Related tracks