A7la a3'any

بحبك يا امى

كلمات واداء: رنا عاطف
موسيقى: تركيه

---------------

" بحبك بقلبين "


ابدأ عنك كلامي منين  . .
اكمني بحبك بقلبين
واحد مشغول بيك اوي
والتاني خايف متكونش ليه
فـ يدور تملي عليك
يتلهف على نظرة عنيك
ويجيلي بعد ما يقابلك
يقوللي انو دايب فيك
ويخاف بعدها اكتر واكتر
ويفضل ليلالتي يسهر
اسأل واقوللو جرالك ايه
يرد بثقه انا روحي فيه !
فـ اشتاقلك بزياده
وفي حبك اتمادى
وافتكر لحظات كنا فيها قاعدين سوا
ضحكاتنا لما يميل الهوا
لمست ايديك تجدل فـ شعري
وساعتها حبك جوا عروقي يسري
فـ احس اني ارتويت
لكن بردو عطشانه حبك
واتمنى دايما ابقى قربك
منتا اللي بنظره تفهمني
وعارف ابتسامتك بتطمني
فـ تبتسم
ودقات قلبي تتقسم
دقه تقول اآه بحبو
والتانيه تقول خايفه مبقاش تملي جنبو
ومجرد مافتكر دقاته
ولهفته ليك واشتياقه
تجري دموعي ع الخدود
وافتكر كل الوعود
والقاك فجأه بتتصل
روحي بيا تتوصل
وبكل برائه ارد عليك
اسمع صوتك استقوى بيك
وفجأه بعفويه تقولهالي
مستحيل اسيبك ياللي تملي انتي ساكنه فـ بالي <3


لـــ " رنا عاطف "


official page on facebook; https://www.facebook.com/renaOatef

بحـــــــــــبك بقلبين

كلمات واداء: رنا عاطف
موسيقى: تركيه

-------------

" مات الكلام " . . .

حلفتلي ما يوم هتغيب عني تاني
وعنيك كانت بردو مخوفاني
ويوميها دموعي ملت عيوني
حاولت اقفل عليها جفوني
ومتشوفهاش
مديت اديك مسحتها
وقولتلي ان انتا مش قدها
وان انتا قادر تعمل اي حاجه بس تاني متلمحهاش
عملت مصدقاك وسبت الحياه بينا تتعاش
كل يوم استنى منك كلمة بحبك 
او هكمل عمري جنبك
ولا اسمعهاش
فـ اضطر اقولها انا الاول لجل ما ترد عليا بكسر الـ " ب "
وافرح لما اسمعها منك وامد الـ " هـ "
بضحكه كدابه
وانا اللي اصلا متعابه
اني احب حد منيش مصدقاه
واتمنى بس انول رضاه
وتفوت ايام وابدأ اصدقك
منا من تصرفاتك ويايا بعرفك
تغيب ايام عليا كتير واقول نسيني
والقاك فجأه جاي من تاني تقول وحشتيني
فـ اخاف منك ومعرفش اصدقك
ولا عني ابعدك !
واتوه منك ايام كتير ولا تاخدش بالك
اكون سامعاك بتتكلم لكن عارفاني مش ساكنه فـ خيالك
فـ افضل ساكته انا واسرح
وادورلي على مطرح
ارمي فيه دموعي من غير ما تسمعها
فـ تقول كلام كتير حلو لكنه يكترها
وفجأه اسمع صوت نَفَسك بانك نمت !
وساعتها احس اني اتجننت
واملى الدنيا بالسكات
وجوايا مدبوحه بالآهات . .
وتفوت ايام واعمل نفسي قال يعني مقموصه اكمني
مستنياك تصالحني
ومجرد ما القى فـ عنيك نظرة اهتمام
بسى كل الكلام
وقلبي يركب جناحات ويطير كما الحمام
وتقوللي " حبيبتي "
وتوصلها بـ " متزعليش مني "
فـ انسى كل الزعل فجأه
واكون فـ حبك مبتدأه
بتهجى حروف الحب من جديد
واحس اني حره بعد ما كنت فـ حبك م العبيد
واطلب منك متسبنيش
وانسى ان الحب مبيتشريش!
وترد عليا بـ " من غيرك مش ممكن اعيش "
وفجأه بتلفت ملقاكش حواليا
فين غبت وانتا لسه كنت واقف قصاد عنيا
واحس كأني كنت بحلم حلم جميل
وقلبي بعد ما طار حس بقهره وهدة حيل
حاولت ارجعك ليا
لقيتك بتقوللي سلام
معدش بينا اي كلام
كفاياكي تعيشي فـ الاوهام
انا مش ليكي
اتوجعت لكني سكتّ . .
عادي يعني ما الوجع عليه اتعودت
وقولت مهما كان مش هبانلك تاني ضعيفه
واقنع نفسي ان الحياه كانت اصلا وياك سخيفه
تعبت كتير انا وقلبي من بعدك
لكنه قرر خلاص يخاصمك
خصام ابدي
ويكون لاول مره فـ صفي مش ضدي
وبعد ما اخيرا داويت جروحي ولملمتها
رجعت تاني تقول فين البنوته اللي بحبها
فاكرني مت من بعدك !!
او قلبي لسه باقي على حبك !!
لا ابدا دا بُعدك
انا اتعلمت
انجرحت واتألمت
وبنار حبك انكويت انا وقلبي
للاسف " سكورك " فـ لعبة حبنا طلع سلبي !!
ماهو اللي يحب واحد زيك لازم يتعلم
يعرف يلعب بالحروف لما وياك تاني يتكلم
اظن كفايه عليك كلامي ونظراتي
وهكمل وياك القعده بسكاتي
او اقولك!! انا قايمه
معدتش فـ هواك هايمه
فـ عن اذنك ارجع من مكان ما جيت
وخليك زي مانتا محسس نفسك ان برجوعك كدا ضحيت
ويلا سلام !
مات الكلام


لـــ " رنا عاطف "



official page on facebook; https://www.facebook.com/renaOatef

A7la a3'any

reem_ibrahim