ريهام

اغلى الحبايب - نوال الزغبى

اسرقني - انغام

اغنية محمود الليثى ومى كساب - عريسنا حلو - توزيع جمال تيمو

وانتي عني بعيد ( حفلة ) غناء \ محرم فؤاد  ..  من تسجيلات  علاء خضير

MAL HBIBI MALOU - Saad LAMJARRED - سعد لمجرد - مال حبيبي مالو OFFICIAL MUSIC VIDEO

زلزال محمود الليثى

لتحميل اجدد الاغانى 
www.facebook.com/sm3na.mazzika

اغنية شاهيناز ضياء - انا بعشقه |2014

الا رسول الله مستر اش _ مستر سام في Mr.ash _ Mr.sam

مليون سؤال مستر اش _ milion so2al M.r ash في M.r ash

 

جيبت ليه صاحب وحبيته

زقنى فى المترو زقيته

واما مات فيا ومت انا فيه

روحتله بيته وعزيته

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

حبنى الشارع وحبيته

عض قلبى الليل وعضيته

خضنى الأنسان وخضيته

لما بان من وشه عفاريته

 

**

عدى فيا القمح سمرنى

عدى فيا الفجر صبرنى

عدى فيا الحزن غيرنى

عدى فيا العمر كبرنى

 

**

خدنى م اللفة لمريلتى

خدنى م التسنين لحصلتى

خدنى من مدرستى ع الجامعة

خدنى م الترعة على الاسفلت

 

**

خدت م الاتوبيس مراياته

خدت م السواق حكاياته

خدت م الركاب تذاكر موت

 

***

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

ياللى وحشانى متوحشنيش

ضحكك السكر محلانيش

خوفت م المطرة قفلت الشيش

ليه فضل اسمك على الشباك

 

**

كنت جايب دبلة وغويشة

كنت شارب حاجه مغشوشة

شفت شبهك قاعدة فى الكوشة

 

**

قلت هى لا مش هى

فتشتنى الدمعة عن ميا

كنت أنشف من حطب محروق

 

**

حزن يا محول خطوط سيرى

حزن يا عطار فى باب اللوق

شوفلى تحويجة لتفسيرى

حط ريحة بن لضميرى

شوفلى عود أصلب من المغشوش

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

 

**

ردنى عالباب عطب روحى

جابلى ناى وزتونة مطروحى

 

**

 

جيبت ليه صاحب وحبيته

زقنى فى المنترو زقيته

واما مات فيا ومت انا فيه

روحتله بيته وعزيته

 

**

ردنى عالباب عطب روحى

جابلى ناى وزتونة مطروحى

 

**

مر انا يا صاحبى لو دوقتنى

جيت اقول الأه ما صدقتنى

يطرح ايه الملح غير مالح

يطلع ايه م الجرح غير مجروح

 

**

ليه ما تصفاشى لغير صافى

ليه فى عز الحوجة بتجافى

شوفتنى غاطس ولا طافى

كنت بندهلك حلاوة روح

 

**

حزن يا بقال ورا الجامع هات بنص ريال عسل فى الكوز

 

**

خد سنين الجرى وسنينى

هاتلى سن غزال دهب عينى

قطع الاسفلت شرايينى

هات بياض القطن شاش اللوز

 

**

حزن يا بقال ورا الجامع هات بنص ريال عسل فى الكوز

دة اللى كان عيل بقى شاعر واللى كان ضاحك بقى أراجوز

ريهام

Rehaam Gamaal