- ياللا يا نونو بسرعة ننام
نتمرجح سوَّا فـ الأحلام
دي المراجيح بتنادي علينا
بتقول ياللا تعالوا أوام

= زعلانة منَّك إبعد عنِّي
مش راح ألاعبَك أو تلاعبني
عايزة أتنطط عايزة أغنِّي
وانتا عايزني أنام وتسيبني

- معقول أبعد عنِّك انتي
دانتي حياتي وضيّ عينيَّا
إوعي تنامي خلاص يا حبيبتي
ياللا يا روحي نغنِّي شويَّة

= لأة يا بابا نغنِّي كتير
نونو خلاص مابقاش زعلانة
هـ نجيب للفراشات زمامير
والدباديب هـ تغنِّي معانا

- بس بشرط الأوِّل بوسة
بوسة لبابا يا أحلى عروسة

(صوت بوسة سريعة)

= آدي البوسة أوام غنيلي
- لأة يا نونو ضحكتي عليَّا
قبل الغنوة لازم تديلي
بوسة بجد كبيرة قويَّة

= طب هـ أديلك حبّة كاندي
- أطعم عندي إنِّك تبوسيني
لو مش عايزة وناوية تعاندي
يبقى خلاص أنا أغمَّض عيني

(صوت سبع بوسات متتابعة)

- كده عسولة كده شطورة
= كده قلبي مصحصح ومزقطط
- أنا عصفور ونتي العصفورة
= والعصافير لازم تتنطط

= ياللا يا بابا نغنِّي بسرعة
- اصبري حبَّة لحد ما أفكر
= إوعى تقوللي نغمَّض إوعى
- يبقى خلاص بيَّاع السُّكر
- ياللا نغنِّي = هيييييييه

- سُكر مُكر = لا لا لا
- بياع السُّكر = لا لا لا
= سُكر مُكر - لا لا لا
= بيَّاع السُّكر - لا لا لا

- م الصبحيَّة عامل غارة
= بيلفلف من حارة لحارة
- اللي يجيلُه بياخد سكر
= واللي يسيبُه يا ألف خسارة

- سُكر مُكر = لا لا لا
= بيَّاع السُّكر - لا لا لا

- مهما بيشقى ويزيد همُّه
= أول ما القطاقيط يتلموا
- بيزغزغهم ويضحَّكهم
= زيّ السُّكر شربات دمُّه

- سُكر مُكر = لا لا لا
= بيَّاع السُّكر - لا لا لا

- جايب سكر ليكي وليَّا
= للأطفال ويقول دا هديَّة
- واللي يفرَّح طفل يا نونو
= يستاهل مليون أغنيَّة

- سُكر مُكر = لا لا لا
= بيَّاع السُّكر - لا لا لا

(تتثاءب النونو)

- نونو خلاص نِعستْ قدامي
= أيوه يا بابا أنا عايزة أنام
- هـ أزعل منِّك أوعي تنامي
= بسّ يا بابا أنا عايزة أنام
- يعني خلاص مش طايقة كلامي
= نبقى نكمِّل فـ الأحلام

(يغني هامسًا)

- ياللا يا نونو بسرعة ننام
نتمرجح سوَّا فـ الأحلام
دي المراجيح بتنادي علينا
بتقول ياللا تعالوا أوام

(يتثاءب في النهاية!)
...........................

كلمات وألحان:
أنطونيوس نبيل

توزيع:
جون إسطفانوس

جيتار:
مصطفى أصلان

تدريب صوتي لجونير:
أوليفيا فادي

هندسة صوتية:
ميشيل عبد الملك

شكر خاص لـ:
سامية العاصي
(لولاها لما كانت الأغنية)

مونتاج:
هيثم عزَّت

إنتاج:
رِهاف للإنتاج الفني

بوسة بجد – أحمد شوقي و جونير

حبيبتي شرطة مايلة فراغ <3

قوليلي يا خاينة


our official account,s is

Official page :https://www.facebook.com/AliHilbawyBand
Twitter : twitter.com/ALIELHELBAWY
SoundCloud @ali-el-helbawy-1

مرسال لحبيبتى القصيدة الكاملة و حتة من اغنية يا من هواه اعذه واذلنى بصوت على الهلباوى من حفلة جنينة الأزهر

..حَبِيبْتِي
..شَرْطَه مَايْلَه
..فَرَاغْ
وهَاكْتُبْ لِيهْ حُرُوفْ إِسْمِكْ؟
مَا هُو انْتِي فْ قَلْبِي سَاكْنَه الْقَلْب
عَارْفَه بْقِصِّتِي وْحَالِي
ومِينْ غِيرِكْ فِي قَلْبِي اكْتُبْ لُه مِرْسَالِي؟
..و...... أَمَّا بَعْد
مَانِيشْ عَارِفْ جَوَابِي دَا جَوَابِي الكَّامْ
مَا عُدتِشْ بَاحْسِب الصّفْحَاتْ
مَا عُدتِشْ بَاحْسِب الاّقْلاَمْ
مَا عُدتِشْ بَاحْسِب اللّي ضَاعْ مِن الأَحْلاَمْ
..كِفَايَه انِّي بَاحِبِّكْ بس
..وقَلْبِكْ لَوْ بِقَلْبِي حسّ 
أَوْ شَافْ حَالُه فِي بْعَادِكْ
!لَصَلَّى لْرَبُّه واسْتَغْفَرْ لِذَنْبُه...وْصَامْ
قُولِي لِي ازّايْ أَحِبِّكْ حُبّ يِرْضِيكِي؟
أَنَا تَايِهْ... وِنِفْسِي اوْصَلْ أَرَاضِيكِي
دَا لَوْ كَان الْهَوَا بِالسُّهْد
..انَا سِيدُهْ
ولَوْ قُلْتِي انّ حُبِّكْ صُوم
..أَنَا عِيدُهْ
ولَوْ حُبِّك فِدَاهْ قَلْبِي
أَقَطَّعْ قَلْبِي مِيتْ مَرَّهْ
..وَاقَدِّمْ لِكْ عَنَاقِيدُهْ
!وِبِتْقُولِي بَاحِبِّكْ لِيهْ؟
وهُوَّ الْقَلْب مِتْعَذِّبْ كِدَه بْإِيدُهْ؟
بَاحِبِّكْ... حَتَّى لَوْ بِاب الْقُبُول اتْسَدّ
وهَاتْخَيِّلْ صَدَى صُوتِي بِيَاخُدْ كِلْمِتِي وْيِرْجَعْ مَعَاه الرَّدّ
:ولَوْ قُلْتِي لِي مِيتْ مَرَّهْ
.."أَنَا عُمْرِي مَا حَبِّيتْ حَدّ"
هَازيد الْكِلْمَه مِيتْ مَرَّهْ
دِي نُقْطِةْ مَيَّه مِ الْمَطَرَهْ إِذَا فَاضِتْ
..تِهِدّ السَّدّ
وحَتَّى لَوْ فَارِقْتِينِي
..هَاحِبِّكْ فِي الْفُرَاقْ بَرْضُهْ
هَوَاكِي فْ قَلْبِي لَوْ شُفْتِيهْ
..نَوَافْلُه وْسُنِّتُه وْفَرْضُهْ
وحُبِّكْ أَرْضُه
لَوْ تِنْسِيهْ... هَيِنْسَى ازّايْ حَنِينْ أَرْضُهْ؟
ويَامَا فْ نِفْسِي
يَامَا فْ نِفْسِي
تِيجِي لْقَلْبِي وِتْحِنِّي
..ولاَزِمْ تِعْرَفِي إِنِّي
..لاَ انَا عَفْرِيتْ وَلاَ جِنِّي
..بَاحِبِّكْ... بَسّ إِيدِي اقْصَرْ كِتِيرْ مِنِّي
فَمِشْ هَاْقدَرْ
أَجِيبْ لِكْ مِ الدَّهَبْ كَفَّهْ
وَاجِيبْ لِكْ مِ اليَاقُوتْ كَفَّهْ
ومِشْ هَاْقدَرْ
أِجِيب الْوَالِي فِي الزَّفَّهْ
ومِشْ هَاْقدَرْ
أَجِيبْ لِكْ بِيتْ
يِمُوت الْقَطْر لَوْ لَفّ فْ حِمَاه لَفَّهْ
كِفَايَه انِّي بَاحِبِّكْ مُوتْ
وحُبّ النَّاسْ نَدَامَه وْعَارْ
وحُبِّي عَكْسهُمْ عِفَّهْ
ولَوْ تِرْضِي فَعَنْدِي شْرُوطْ
أَنَا طَبْعاً بَاحِبِّكْ مُوتْ
ولَكِنْ بَرْضُه لِيَّه شْرُوطْ
أَنَا عَايْزِكْ تِكُونِي فِي الْوَرِيدْ دَمُّهْ
وِتِبْقِي فْ عَقْلِي انَا هَمُّهْ
وِتِبْقِي وَرْد جُوَّا الْقَلْب
غِيرِي يْشُوفُه يِتْحَسَّرْ... وَلاَ يْشِمُّهْ
وعايزك تفهميني لو كلامي طلّ من رمشي
وعَايِزْ رِمْشِك الْجَارِحْ
صِرَاطْ يِجْرَحْ فُؤَادْ غِيرِي مَايِرْحَمْشِي
وَانَااجِيلِك
أَعَدِّي فُوقْ صِرَاطْ رِمْشِكْ... وَلاَ اخَافْشِي
وحَتَّى لَوْ وِقِعْت فْ يُومْ مِن الْخَضَّهْ
أَقَعْ فِي عْينِيكِي وَاتْوَضَّا
وَاصَلِّي رَكْعِتِينْ لله
وَابُوسْ نِنّ الْعِينِينْ
..وَامْشِي
لاَ انَا طَمَّاعْ
وَلاَ فْ طَبْعِي الأَنَانِيَّهْ
بَاحِبِّكْ
وانْتِي انَا طَبْعاً
ومَا اسْمَحْشِي لِحَدّ يْكُونْ شِرِيكْ فِيَّهْ
وقَبْل مَا يِخْلَص الْمِرْسَالْ
:بَاعِتْ لِكْ مِنْ عِينَيَّه سُؤَالْ
وهُوَّ الْحُبّ كَانْ عِيبَهْ؟
ولَوْ مَرَّهْ حِلِمْت بْضِحْكِتِكْ فِي النُّومْ
عَلَيَّهْ تِتْحَسَبْ غِيبَهْ؟
وفِي الآَخِرْ
بَاعِتْ لِكْ وَيَّا مِرْسَالِي الْجِدِيدْ أَحْلاَمْ
بَلاَشْ تِرْمِيهَا كَالْعَادَه مِنَ اعْلَى الْبُرْجْ
وِخَايِفْ يِبْقَى مِرْسَالِي نِهَايْتُهْ زَيّ أَجْدَادُهْ
!فِي قَلْب الدُّرْجْ
جَنَايِنْ قَلْبِي رَاحْ تِفْضَلْ ولَوْ طَال الْبِعَادْ فَاتْحَهْ
بَاحِبـِّــكْ
قُلْتهَا بِالْكَسْرَهْ
!!!نِفْسِي اسْمَعْهَا بِالْفَتْحَهْ


مرسال لحبيبتى القصيدة الكاملة | على الهلباوى

كلام معلمين - 4-11-2015 - الحلقة كاملة

فشارب الخمر يصحو بعد سكرته وشارب الحب طول العمر سكران

جورج وسوف - كلامك يا حبيبي حفلة

وأنا بعدك ايه فاضل لي ايه ؟ على الدُّنيا السّلام

"دُنيا" .. 
تِتر مُسلسل شارع عبد العزيز ..
غناء : أحمد سعد


الله .. حى .. الله .. حى

نَفسي يااارب
 .. نَفسي يارب تُغالُطنِي
فـَ أُجاهدُها 
فـَ تُغالبُني .. 

اخشى فـَ تغلبُني ..
لولا رحمتكَ تُقربني
مِن نُورك فـَ أكمل غفرانك ..


ادعولي ف الحَرم ..
يارايحين الحرم
العُمر الغالي يرجع ..
 مِن بَعد ما اتفَرم .. 

ادعولي فى الحرم يارايحين الحرَم
العُمر الغَالي يرجع م بعد ما اتقَرم


دُنيا ومَتولَه تَوله..
بـِ تبحبَح ع العتاوله
وبِتدى المِستريح ، حتى من غير مُحاوله

اللى تديله جوله
واللى تديله دوله
واللى تِديه مقاوله
اكبر مِن الهرم ..!!

ادعولي ف الحَرم يارايحين الحرم
العُمر الغالي يرجع م بعد ما اتفَرم

كَفك يا دُنيا عَلّم ..
 ع الجِته وع القفَا .. 

اشوف حَالك أبلّم  ..
واتشحتف شحتفه 

ليه تمشي معايا سلباً !!
وتحلبيني حلباً .!!

امتى ادوقك يا ملباً ، ع الفوزذق اتبرم  .!؟


دُنيا ومَتولَه تَوله..
بـِ تبحبَح ع العتاوله
وبِتدى المِستريح ، حتى من غير مُحاوله


اللى تِديله جَوله
واللى تِديله دوله
واللى تِديه مقاوله
اكبر م الهرم ..!!

دُنيا ، احمد سعد

هذهِ واحدة من أعظم الأغاني على الإطلاق، وَصَفها شاعِرُها الأُستاذ صفوح شغالة بأنّها أكبر إنتقالة في حياته بالإشتراك مع صديقه المُلحّن الكبير الأُستاذ شاكر المُوجِي، وقال عنها الوسّوف بأنّها تنطبق عليه وتمثّله.
فإسمعوا و عُوا...

بوسة بجد – أحمد شوقي و جونير

رهاف للإنتاج الفني - rehaf for music production ✪

Related tracks