بحب مزيكتك بحب ازاي بتاخدك

عايز اقولك اني روحت قولتلها اني بحبك بعد ما سمعت الكلام ده وقالتلي بحبك ♥... انا بحبك فشخ انتي كمان 

ARABIC

follow me on twitter : https://twitter.com/DoDo_tayran

اغنيه عارفه ... محمد رحيم

كلمات : أحمد مرزوق
ألحان : محمد رحيم
توزيع : أحمد عبدالسلام

سميرة سعيد - بحس بأمان | تتر مسلسل سيرة حب

background music "story of life\ al faraby band"

التفاصيل الي ما اتعاشتش

لو بس ماكناش اخوات

لما كنت

‫محمد حماقي 2015 عمري ما قلت حبيبي لحبيبي .!! اغنية قمة في الروعة لازم تسمعها !!!‬ - YouTube.MP4

في ديسمبر

background music/nothing by kai engel
lyrics\
الحكاية و ببساطة 
انها كانت زي العلاقة 
كل حاجة تشبه لحاجة مش اكيدة 
كلام بليل, و اسمعي الاغنية دي, حتى المشاوير البعيدة 
كل حاجة, زي حاجة بعيدة جدا, لكن قريبة 
الحكاية انك بتحب تشكيلي 
ترمي كل همومك عندي 
فاحاول اقلبلك الضلمة وردي 
استوعب اختلافك و سوداويتك 
القط عدوى مرض فكرك 
و اظهر كما المعافى في حضرتك 
تقولي" هموت لوحدي" و
اقلك دي مش اخرتك 
و استغرب, امتى هيكون ليا قيمة!؟ 
امتى هتضاف لحسبتك!؟ 
تقطع سكوتنا بنفس طويل 
ثم حكاية جديدة و كلام ماينتهيش 
و افضل حاسة ان ليا فيك 
لكن مليش 
 الحكاية قد تكون او لا تكون 
و اديني مستنية 
الحكاية انك بتشرب حشيش
بس نفسك تكون درويش 
تسمع أغاني صوفي 
و تتكلم عن حب ربنا 
و تنفخ دخان الحشيش يدوخنا كلنا 
تسند إيدك على ضهر كرسيا
تبص جامد في عنيا
“ و تقلي "عارفة انتي بالنسبالي غير اي بنت  
و بعدها بدقيقة تدندن انا بخاف من الكمتمنت 
الحكاية فيها ازية، لكن مش مغصوبة عليا 
الحكاية كروت شحن، ٢٠ في ٥٠ في ١٠٠ 
بعدين عملنا باقة، لكن دي لسى صداقة 
تسمعني لما اتعب من الامتحانات او الشغل 
و الاقيك جايبلي سيناوبن على الضهر 
و كاتبلي على العلبة انتي قدها 
فافرح و أكلها كلها 
و أبعت أقلّك انت بجد رايق 
و انا عارفة ان لو في غيري متدايق
بردو هتبعتلو هدية 
مع أني عارفة ان الباقة معمولة بس ليا 
الحكاية عيزاك، بس بطرق مش سوية 
فيك كتير من الي نفسي فيه 
بس مش كل الي انا عيزاه
فافضل محتارة بين صورتك 
و صورة الي انا رسماه 
بتسمع معايا جدل و عزيز مرقة
و كمان بتشكر في ذوقي 
و قبل ما تاكل من اكلك, بتقولي دوقي  
بتسمعني لما اتكلم 
كانك تلميذ في محاضرة و انا المحاضر 
و اي حاجة بطلبها بتقولي حاضر 
عايزة اكل سوشي و نفسي في تشوكلتس كتير 
الاقيك تنفذ بدون تفكير 
كانك معايا بتفصل دماغك 
مع ان دماغي معاك مابفصلهاش 
ديما واخدة بالي, و ابان مابحسبهاش 
انا اسفة, بس حتى الان 
انت سد خانة 
و لاني فعلا جبانة 
استحالة افهمك 
و اقول لنفسي, طب ما يمكن افهمك 
يمكن انا بس مشتت 
و من امتى في حقيقة ماكدة 
ما كل الحقايق نسبية 
فالحكاية يمكن عيزاك
بس لسى شوية 
الحكاية متكررة 
باختلاف التفاصيل 
مني ليك او منك ليا 
حكياة بتغلب فيها الرغبة, الضمير 
الحكاية مافيهاش مصداقية 
فالحكاية مش اكيدة 
ولا هي منتهية 
...........

الحكاية مش أكيدة

music\ am coming back, free 
lyrics\
سأخبرك بأني سانساك
سادفعك بعيدا بنظرات باردة 
و ان ضعفت, ساظل انا صامدة 
سأريك معاني القسوة
و ساجعلك ترتل"ان كيدهن عظيم"
سانحر حبال الوصل بملامح ثكلا
زهدت الحياة و اعتادت الالم
فما عادت تتالم
سأخبرك بأن رحيلك لن يهدني
و بان لي غرورا, يشد عودي, اذ هم ان ينحني
سأدمي كبرياءك بدم بارد
و سأقودك للجنون بكل فعل بارد
سأخيفك بتباه و اميتك بالتجاهل
سألفظك بملامح اللامبالي
ولكني.....سأبالي 
سأبالي كثيرا حتى الوجع
و سأبكيك كل ليلة
كما بكى سيدنا يعقوب ولده يوسف
ساهذي باسمك كثيرا و اعلم
سأشتاقك حد الفوضى 
و سأجالس نفسي بحد التوحد
كي اختلي بذاكرتي و التقيك
سأدمن بقايا رائحة عطرك على معطفي
و سأعيش اعراض الانسحاب حين تختفي
سأصلي شوقك سرا كل ليلة 
و أتمتم حنيني بصوت 
لا يسمعه سوى انا, وحزني
سأتابعك
 و سأميز غيظا من كل من اقتربت منك
و سأحسدها الما 
.........
صدقني, سأتمنى ان افقد الذاكرة
اهوي في هوة سوداء
لا أميز فيها شئ او احد
و كان غسق قد حل دون ان يسبقه شفق
فوجع فقد الادراك
اهون من وجع ادراك فقدك
ولكن مهلا
فان التقيتك 
سأنفصم, وابتسم 
انا بأفضل حال

سأبالي

كلمات: نبيل عبد الحميد و عمر غالي
هندسة صوت: محمد الجيار

لو تفهميني..
هتشيلي أي قلق و خوف بينك و بيني
فـ تشوفيني
ابعد كتير من اني أكون
خوف لسه عايش في الظنون
أو دمع جاهز للعيون
 و تعيطيني

لو تفهميني

تدي نفسك فرصة تانية و تسمعيني
 تنسي اللي فات لو حتى ثانية تصدقيني
لو تفهميني ... هتصدقيني
طب صدقيني .. هتلاقيني

حافظ تفاصيلك ويايا ... ولا عمري قدرت اسمعها
و كتير تتلخبط جوايا ... تيجي في أحلامي فـ اجمعها
وارجع أبان ناسي .. يمكن سعات سارح
حقك على راسي ..  بكرة مش زي امبارح
 فـ اعذريني

لو تفهميني
ان تهت يوم عن طريقك ترشديني
الكون يهون علشان هارون و تصلحيني
لو تفهميني
كل ماجي في اختيارك تختاريني
تدي نفسك البراح تتنفسيني

لو تفهميني ... هتصدقيني
طب صدقيني .. هتلاقيني

حافظ تفاصيلك ويايا ... ولا عمري قدرت اسمعها
و كتير تتلخبط جوايا ... تيجي في أحلامي فـ اجمعها
وارجع أبان ناسي .. يمكن سعات سارح
حقك على راسي ..  بكرة مش زي امبارح
 فـ اعذريني

#لو_تفهميني

عمر غالي - لو تفهميني | Omar Ghali - Law Tefhameeny

background music: 
Ross Bugden - Skies
lyrics: 
 انتظر حدوث شئ جديد
انتظر حدث يعصف بتوقعاتي 
انتظر حديث يفتحني على عالم جديد 
انتظر نزوة تطيح بي من عالم المثالية 
فاعيش 
انتظر آية تجرفني نحو إيمان اصدق 
انتظر فجر يجب ما قبله من ظلام 
انتظر قوة تجلعني أتمرد على مسخ المجتمع 
حارس بنايتي و جارتنا العجوز في الطابق الخامس 
انتظر قصة جديدة 
انتظر عيون تجعلني اصدق 
بالحب من النظرة الاولى 
و تختفي و يبقى إيماني بوجودها 
انتظر حمى العشق 
انتظر مشاهد اصورها بعيني 
انتظر الهام يجعلني اكتب اجمل 
يجل كتاباتي حية لا مركبة 
وحدها الكتابات الحية 
تلمس العقل و القلب معا 
انتظر شعور جديد 
يفرض ذاته 
فأحس من جديد 
انتظر فرحة نرجسية 
تأبى ان تهمش 
فتحكم في تسلط مشاعري 
انتظر أصوات جديد 
وجوه تروي قصص 
أعمق من كل ما قرأت 
انتظر ان أنضج 
فأفهم و اتقن شرح 
كل المشاعر التي شهدتها 
صالات انتظار محطات القطار 
و المطارات  
انتظر عمل فني 
يجعلني اريد الحياة اكثر 
انتظر حوار بالسيارة المجاورة 
يجبرني على خفض صوت موسيقتي 
فاخرج من عالمي لعالم اكبر 
اكثر رحابة و دفئ
انتظر تقبل 
يعطيني حقي في النشاز  
انتظراستصلاح لعقول العرب الجرداء 
فتزهر 
و تتحول لحدائق 
من الشعر و الموسيقى 
انتظر فعل يختصني بحدوثه 
فأشهر بان الكون تجمع 
كي يلوح لي 
فأراه 
قد أكون في انتظار 
ما لا يأتي 
ما لا استحق 
و لكني
لن أيأس 
ساحسن الظن 
و سأنتظر

ماذا تنتظرين؟

background music:
5:54 AM(dawn) by ross Bugden 
lyrics: 
سأحبك حتى ترى النجوم تقترب 
سأحبك  حتى تشعر
 بأن الكون أتسع
سأحبك حتى تشعر 
بأن الليمون, ليس حامض
و بأن الحزن سكنة 
سأحبك حتى ترى 
ظلال السائرين تتراقص
و ترقص مع واحد منهم
سأحبك حتى تسمع 
صوت الباعة المتجولين 
اغاني لداليدا
سأحبك حتى ترى الأرصفة 
مثيرة كالجبال 
و مبهجة كقوس قزح 
سأحبك حتى تستشعر 
الجمال في العبث 
و تراه فن 
سأحبك حتى تصبح كينونة مطلقة 
كالألوان و الظواهر الكونية 
سأحبك حتى تغار السماء منك 
و تمقتك الشهب
فأنا سأحبك اكثر من السماء و الشهب
سأحبك اكثر من الشعر,
"حواديت الاطفال", زمن الستينات و الشطرنج 

سأحبك اكثر من الغابات, طعم الزعتر,
لون اوراق الخريف, فصل الشتاء و البوظة 

سأحبك أكثر من رحلاتي في البحث عني,
من جدران الجرافيتي, اللون الاخضر, و الافلام الوثائقية 

سأحبك بقوة وجع عصب الاسنان 
باصرار, يضاهي اصرار الصبار على الحياة 
سأوجد فيك الحياة 
و سأحبك حتى تشعر 
بأن الحب 
ليس مخيفا
...........

سأحبك

lyrics: 
فقاعتي
يوما ما  
سانظر’ من فقاعتي 
و ساراك 
و ستعجبني عيناك كثيرا 
ستعجبني حركة’ يديك الثوريةـ في التعبير 
ستعجبني تلك الخصلة’ المتمردة’ عن شعرك
تلك التي تحاول’ مِرارا السيطرةَ عليها و اخمادَها 
فتمرر اصابعكَ عليها كي تعيدَها ادراجهَا 
و لكنها تعند و تسقط على جبينك مجددا 
فقد ورثت جيناتَ عندك 
ستعجبني ابتسامتُك الدافئة لكلِ السائرينَ 
تلك التي تقيمُ تشاريعَ العدلِ و المساواةِ 
سيعجبني كيف تلقي التحيةَ على كلِ من مررت به 
كان العالم باسره بيتُك و الخلق اجمع افرادُ عائلتك
يوما ما 
سيخترقُ نورُكَ مجالَ فقاعتي 
سيصل الى فضولي و سيشعله 
و ساتابعك 
ساتابع حركةَ قدميك 
و ان لاحظتُ انكَ لا تدعسَ على الخطوطِ البيضاءِ لعبور المشاة 
سابتسم, لاني ساعلمُ حينها 
 انك ما زلتَ تنظر لها على انها حممٌ بركانية 
و ساهيمُ بروح الطفلِ بداخلك  
ساتابع سينفونياتَ صفيرك 
و قد اسجلها ايضا 
ساتابعُ نظراتِك العشوائيةَ للنجومِ 
و كانك تناجيها, تسبحُ بجمالها, تترحمُ على موتها 
او تسالها الذهابَ على العشاءِ في موعدٍ غرامي 

ساتابع و ساراقبُ كلَ ما ترتدي و تقتني 
حتى اعلم لونَك المفضل
و ان كان اخضر 
ساغرمُ بك اكثر 
في الواقعِ 
ان كان ايَ لونٍ 
ساغرم بك لا مفر 
فالمراُ لا يهربُ من القدر 

يوما ما 
سانظُر من فقاعتي 
و ستعجبني كثيرا يا هذا 
حتى و ان كنتَ نقيدي 
حتى و ان كنت ذلك الرماديَ الملتزم 
سالقاك و ساحبك في نقطة الحيادِ 
و انا اتنقلُ بين الاقصى و الاقصى 
حتى و ان كنتَ لا تحبُ الرقصى 
حتى و ان كنت لا تحبُ الفصحى 
حتى و ان كنتَ لا تؤمنُ 
بفعلِ الرسائلِ و الحبر 
حتى و ان كنتَ من هؤلاءِ الذينَ
يختمون بالشمع الاحمرِ 
على كلِ ما هو جديد 
حتى و ان كنت لا تعشقُ 
شموعَ الفانيلا 
و لا تقدسُ الزهورَ الصابحةَ
في مزهريةِ طاولةِ الطعامِ 
حتى و ان كنتَ من 
من لا يتحثونَ على الطعامِ 
و يفعلونَ كلَ شئٍ في صمت 
حتى و ان كنتَ
 من من يعشقون في صمت 

حتى و ان كنتَ تثبتُ 
ما كاد يهوي من روحك 
بدابيس مكتبيةٍ و خيوط ٍمن الواقع 
ساعشقكَ الى ان ترى 
ان الواقعَ يتداعى يا عزيزي 
و لكن الخيالً باقٍ




يوما ما 
ستدفعني عيناكَ يا غيربُ 
لثقبِ فقاعتي 
فاتغرب ُعن عالمي 
كي انتمي اليك 
..........

فقاعتي

lyrics/
This is for every time you told me speak 
ايوة، انا بفكر فيك 

This is for every time you told me express 

مع الأسف، ايوة انا بحس 

و حاسة ان انت ورطة كبير
 وقعت نفسي فيها 
عن غير عمد 
كل ما أقول ابعد 
الاقيني بغوط اكتر 
و فجاة من غير مافكر 
الاقيني بقولك ها 
هنروح فين النهارده 
طب ايه رأيك في المعارضة 
طب ايه رأيك في كل حاجة 
بتحب قهوتك على الريحة ولا سادة 
طب ما تيجي نطلبلك واحدة 
و نسهر نتكلم شوية زيادة 

بحب العيون العسلي 
ااااه  في العادة 
ماتسدقنيش انا كدابة
انا اقصد بحب عيونك انت، بالتحديد 
بحب اشوفك باصص بعيد 
في الولا حاجة 
و ببقى متأكدة انك شايف حاجة
كل الناس عدت و مالحظوهاش


و اخدها فرصة اني أبص عليك 
قصدي اتنح فيك 

Why are you so cute 
You’re making it hard for me 

فتلف و تلاقيني ببص على السما 
فأقلك اني بكلم ربنا 
باناجي
و انا في الحقيقة بقوله ليه 
ليه خليته irresistible
ليه ماكنش يبقى زي الكل 
ممل 
و يتعصب من الزحمة 
بيشوف ان السواقة حاجة رخمة 
مش رحلة 
اهم حاجة عنده شغله 
مش انه ينبسط 
و زي الكل يمشي ينتقد 
كل حاجة 
البنات و زبالة الشوارع 
مش يقلي تفتكري ايه قصة المنديل ده الي واقع
و مين الي رماه 
تفتكري جواه رقم واحد 
كتبه لواحدة عجباه 
ولما مسكت أيد حبيبها 
زعل فكرمشه و حدفه

ليه يا رب ماخلتهوش زي الي قبله 
تفكيره عادي مايشدش
ليه كل كلمة يقولها تدخل جوايا تدوش

و لما نادتني و بصيت عليك 
لقيت الشمس عكست 
نور غريب في عنيك 

بجد ....

لا و الاجمد اني الاقيق من توهتي ضحكت
فا أبص على غمزاتك و أقول كده كملت 

بقلك ايه انا قايمة امشي 
فا تقولي يا بنتي ماتهدي، مااحنى قاعدين 
لا مرة تانية بقى بعدين 
أصلي هموت و انام 
يلا سلام 

انا النهارده انا جاية أقولك 
اني عمري معاك ما نعست
و لما كنت تقولي مالك 
أقولك مافيش يا زفت 
ببقى نفسي أقولك 
يا حبيبي 
بس مابتطلعش 
ده غير عشان انا دبش
عشان انت بتربكني 
و لما بالغلط بتلمسني 
بحس بكهربة ماشية في كل جسمي
دا انا ممكن ساعتها انور
انا مش بافور 
ده بجد 
كل مرة بنكون مع بعض 
بحس ان انا اخف
كان مزيكة محمد فوزي دايرة جوايا و مش بتقف
انت مستوعب كم البهجة
يعني simple و بأبسط لهجة
بحس بحاجة حلوة  
كان عبد الحليم غنالي انا أغنية الحلوة

ده بجد مش كلام 
صدقني 
ولا مرة سبتك و قلت نعسانة 
روحت و عرقت انام 

انا بروح من معاك و بعد أعيد فاليوم 
بطلع كل صورك و أعد اعمل زوم 
و ابتسم مع نفسي 
أعد أفتكر كلامك و طريقة مشيتك
بعدين أقول 
بس انسي 
نامي 
فأحاول انام و معرفش
و ارجع أفكر فيك تاني 



فا النهارده جاية أقولك اسمعني 
انا كل مرة بنوي 
اني أقولك اني حسالك حاجة 
اكبر من حبي للسفر بالبر
اكبر من عشقي باني أكون شخص حر 
اكبر من حبي لللون الأصفر 
اكبر من رغبتي في اني أكون 
فتاة الفستان الأصفر 
في اهداء ادونيس 
اكبر من حبي للتهيس 
اكبر من حبي للسينما و ال lipstick 

الاقيني بقولك ازيك 


فا انا النهاردة جاية أقولك 

ازيك، ازيك، ازيك او

لصاحب العيون العسلية

beggining song: البيانولا صلاح جاهين
music production: ehab sami 
words and narration: reham shaaban 
lyrics:

يا سلام لو الاقي حد احبه
حد روحي مش مستغرباه
و كل يوم اسهر معاه
و أرجع برضه يوحشني
كأني مش لسى سيباه
فسأل عليه
و أقله طب كلت أيه
و كل الكلام ال كليشه


يا سلام لو مرة تظبط
و ألاقيها ماشية
و ألاقيني بجد بفرح
مش بيتهيقلي
فأبطل أحسبها بعقلي
من كتر منا مطمنة
ففكرلنا
و أتخيل و أخطط
من غير ماخاف اني بكره اخبط
في خيبة جديدة
فأحب بروح
سعيدة
مش جبانة

يسلام لو ألاقي حد
قربه سكينه
أخلع قدامه توب الرزينه
من غير ماخاف انه يحكم عليا
فابان
طبعية
ابان نفسي
و أكن أنا
بدون مكملات
و أي إضافات جمالية
و أقله بسهلة
أني بخاف من المسؤلية
فيضحك و يقولي هنتعلمها سوى


يا سلام لو ألاقي حد
أتمشى معاه في كل الشوارع
و في كل الفصول
نفضل نمشي و ندور
من غير أي مغزى
غير ان الكلام يطول
و الضحك يكتر
ف احبه اكتر

يا سلام لو ألاقي حد
مود لوحده
زي أفلام محمد خان
فأحبه  بمزكته
بخيبته
بأفكاره
بطيبته
بروحه الي شبه الألوان
في وضوحها
و غباءها لما بتبهت

بسلام لو ألاقي حد
حياته مرت
بتفاصيل
شبه الي عديت بيها
فنضحك على الحاجة قبل مانحكيها
و يبقى كاننا اتقبلنا قبل ما نتعرف
في ذكرى مش بتجمعنى
بس ليها معنى
و بعدين هنعرف


يا سلام لو الاقيك
و اعزكم على قهوة
من قهوة
بتدخلها الشمس
من كل حته
و بسيطة زي علاقتنا
فتردلي عزمتي
و تخدني نكمل فسحتنا
في طريق الشجر مغطيه
فنتنفس مع الورد
و مانهتمش لوجود أي حد
و مافيش مانع نرقص رقص خفيف
و نبتسم لكل شخص معدي كأنه ضيف
في مشهدنا
و نرحب باستخفافه
أو استلطافه
اصل كده كده مش هنسيب حاجة تضايقنا


عارفة يقينا أني هلاقيك
لو مش بكره
يبقى بعده
بمعاد
أو صدفة
مش فارقة
المهم ان اروحنا يتقابلوا
مبتزلة و خيالية
و عارفة كل الي بيتقال عليا
بس برده هفضل مستنيا
و هنبش

عشان يوم ما يحصل نصيب
عقول للقريب و الغريب
يا هوووو
شوتفووو

قلتلكوا أني هعتر في حبيب

I'll Find A Lover

facebook: https://www.facebook.com/reham.shaban.75
instagram: https://www.instagram.com/rehamshaaban74?igsh=OGQ5ZDc2ODk2ZA==

لو بس ماكناش اخوات

Reham Shaban 2

Recent comments

Nour Nemo

Malak jm

Cactus

Eng Manora

Related tracks