وتجيب حاجات لا فيها روح ولا ميته

معرفش ليه تنحت للدنيا كده ! وفجأة لقيتني مسكون بالملل لاعندي رغبة ف البكا ولا في الكلام ولا عايز أنام ولا حتي بسأل إيه ده ليه وآخرتها إيه وإيه العمل

انا روحت القلعة | أحمد سعد | أشعار أحمد فؤاد نجم

يا طوبة حمرا 

شعر عمنا فؤاد حداد .. ال مازال حتة من قلب الوطن 

يا طوبة حمرا 

وطوبة خضرا 

وطوبة 

البنا يضرب فيها بالموال 

خليكى لأولاد الشقى مخطوبة 

أغنى غنى ال مالو غيرك مال 

مهر العرايس كل يوم جايلك 

والليل يجيب الشمس ويخايلك 

وكل من شافك صبح شايلك 

أمنية من رب العباد مطلوبة 

يجعل حمولك زينة الحمال 

ما تنخدعش يا زمن إحنا 

الطيبة تنطق فى ملامحنا 

لكن كفاف الله يسامحنا 

ياما افتكرنا الطيبة معطوبة 

ياما لعبنا وياما كنا عيال 

عينى على الأرض ال حبيتها 

واللى توانى سقفها وبيتها 

وحكيت عن الأبطال فى غابتها 

ياقمح مصر ويا سمار النوبة 

ياما حا تحبى بعدنا أبطال 

زى ال خدته من الشهيد أدن 

الفرض دايم وأنت بتأدن 

اعشق بلادك يا ضنى أدن 

ياما ليالى على الجبين مكتوبة 

ما احناش يا ولدى آخر الأجيال

يا طوبة حمرا - أحمد اسماعيل و فؤاد حداد / Ya Toba 7amra - Ahmed Esmail & Foaad Haddad

مفيش في الأغاني كده ومش كده

تفرقنا عن بعض بالشكل ده

يا مصر اللي جايبة الشجر من زمان

وشايلة الضفاير على البرتقان

وقبل الأوان اللي قبل الأوان

بتحييني أنفاسك المسعده

مفيش في الأغاني كده ومش كده

تفرقنا عن بعض بالشكل ده

يا حلوة كلامك تحبه الودان

يشمسني في الدروه زي الميدان

يمشيني بين الحيطان الغيطان

عروسه وحصان في القمر والعدا

مفيش في الأغاني كده ومش كده

تفرقنا عن بعض بالشكل ده

عنيكي تغمض وتفتح يبان

سطوح الليالي عليه الأمان

وبحر الدره من ورق لامتحان

وبتغني موّالي يا مولّده

مفيش في الأغاني كده ومش كده

تفرقنا عن بعض بالشكل ده

بحبك كأني طليق العنان

و زى العجوز اللي دق البيبان

وزي الكتاب اللي كان ياما كان

وزي الرصيف اللي في السيده

مفيش في الأغاني كده ومش كده

تفرقنا عن بعض بالشكل ده

Mafish Fil Aghany- أحمد إسماعيل -مفيش في الاغاني كدة ومش كدة

برضاك يا خالقى .. مروة ناجى #MBCTheVoice

* الموال هو نوع من انواع الشعر الشعبي العربي و يراعى في الموال الطباق والجناس والزخرفة اللفظية في نظمها. 
أنواع الموال :-
 السداسي المصري: ويتكون في الأربع شطور الأولى من قافية معينة وفي الشطر الخامس قافية مختلفة، ثم يأتي الشطر السادس والأخير بنفس قافية الأشطر الأربع الأول

السبعاوي العراقي: ويسمى أيضاً بالبغدادي لأن أهالي بغداد هم من أوجدوه ونشروه، ويسمى في سورية بالموال الشرقاوي، تكون فيه الأشطر الثلاث الأول من قافية والأشطر الثلاث الباقية من قافية أخرى أما الشطر السابع فتكون له نفس قافية الشطر الأول في الأبيات الستة الأولى بحيث يكدس المغني همومه ويلتمس التنفيس عند المد والقفلة في الشطرالسابع

النغم الحجازي :ويطلق عليه أيضا مجس حجازي وقد ازدهر المجس في مدن الحجاز و تهامة : مكة والمدينة المنورة وجدة، وهو لون تراثي عريق. ويغنى من بيتين أو أربعة أبيات أو سبعة أبيات.

المصدر : ويكيبيديا :)

Soundtracks:
_____________
1- لو كنت اعرف ان الوعد متداري - دنيا مسعود و محمود الجندي
2-  على الهلباوى موال البنت قالت لأبوها
3-6- محمد العزبى مجموعة مواويل وعيون بهية 
4- يا مسا الجمال - منير
5- أحمد عدوية - موال يادنيا دمتي لمين 
7- محمد منير - موال الصبر
8- محمد طه - لسانك حصانك 
9-  أحمد عدويه - موال المال لو مال صاحبه
10- موال الأصيل و الخسيس - شفيق جلال
11 - عصفور ضعيف الجناح - عبده الاسكندرانى

Nostalgia mawaweel - نوستالجيا المَوَاوِيلْ

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

أحمد فؤاد نجم, أدب, شعر عامية

قصيدة في الليل - أحمد فؤاد نجم

حالة كده - على سلامة

أول كــلامـى بــذكـر الله بــعـديـن بــمـدح نــبـيـنـا
الله مـوجـود ولا غيرة سواه هوا خلقنا متكفى بينا
يابا أه ياعـينى على أه سيـدى أه ياعينى على أه
يابا أه ياعـينـى على أه هوا خـلـقـنـا متكـفى بـينا

تــاريـهـا الـدراهـم بـتـنـفع بتجـيب مِلّ ويـا غـنيمة 
والــصـاحـب اللـي مـايـنـفـع البُــعد عـنه غـنـيـمـة
يابا أه ياعـينى على أه سـيـدى أه ياعينى على أه
يـابـا أه يـاعـينـى عـلـى أه البُـعـد عــنـه غــنـيـمـة

ويــا دنـيـا يا بــعــوه راحــو فـيــن اللــى فاتــوكــى
راح فــيــن أدم وحــوا ســكـنــوا الـتـراب هـمـلوكى
يابا أه ياعـينى علـى أه سيـدى أه ياعينى على أه
يابا أه ياعـينـى عـلـى أه سـكنوا الـتراب هـملوكى

ولا حــد خــالـى من الـهـم حـتـى ضـلـوع المراكب
متقـولـش للـندل يا عـم لو كان على السـرج راكب
يـابـا أه ياعينـى على أه سيدى أه ياعينى على أه
يابا أه ياعـينى عـلى أه لو كان علـى السـرج راكـب

واللـي يـداديـك داديـه واجـعـل عـيـالك فى ايـده
واللي يـعاديك عـاديـه روحــك ماهياش فى ايده
يابا أه ياعينى على أه سيـدى أه ياعينى على أه
يابا أه ياعــينى على أه روحك ماهياش فى ايده


Friends of bambouty - Semsemia - السمسمية  - سيدى اه يا عينى على اه

http://www.youtube.com/watch?v=UaB-e6Z5vHM


ابعتلي جواب .. وطمني
ولو انه عتاب  ما تحرمني
ابعتلي جواب 
ابعتلي جواب .. وطمني 

غيابك طال  وبستنا
وقلبك مال  تتهنى
ان كنت هويت ونسيتني
وعليا جنيت ما رعيتني
ابعتلي جواب 
ابعتلي جواب .. وطمني 

انا ليا إله.. يعرفني
من حر الأه .. ينصفني
مش قادر اقول انت الجاني
هاصبر على طول على احزاني
ابعتلي جواب
ابعتلي جواب .. وطمني 

حالة كده - على سلامة

Reham Sharaf El-Deen

Recent comments

Isel Aamer

Isel Aamer

Related tracks