best crew ever  wish we see u someday at hiphop all stars again

Verse 1 : Ahmed Rock
Verse 2 : teMraz
Chours : Shahin El 3abkary
Verse 3 : Omar Boflot
Verse 4 : Rooney HoodStar

Music produced By teMraz
Recorded - Mixing & Mastering @ Revolution Records Studio

Lyrics : 

Chorus - Shahin
احنا بتوع التكاتك واحنا بتوع نهر النيل
احنا الفراعنه الى بقينا زى بلاد الفيل
حاجات كتيره فيكي مبتعجبنيش
كل الى فيكي نفسه يسافر ومايجيش
Vers 1 - Rock
مصر بلد التاريخ شعب وحضاره محيرانى
تزرع فيها رز شعير تطرح كبده اسكندرانى
اشحن تكسب ثوانى خد فكرة وتعالى تانى
الزمالك يكسب طول الدورى وبرضه يطلع مركز تانى
دور عالمنطق متلاقيش شعب مش لاقى العيش
طول رمضان الحج صايم وفى الوقفه يشرب حشيش
حاطه التليفون فى الطرحه سايقه العربيه وسارحة
لابسه حجاب سبع ادوار مليان ترتر الوان وفرحه
شيخ يقول مليون حرام وكل دماغه فى النسوان
تشترى احدث موبايل وعادى بالليل تنام جعان
عالم ملزوق فى كل حته شعب وطنى بالفطره
هيا مصر ام الدنيا بس كله بيحلم بالهجره
Vers 2 - Temraz
عشان تعيش فى مصر لازم تبقى الراجل الوطواط
ولو الفراعنه بيننا كانو شربو مخدرات
كانو هيجرو ورا المواصلات ويغنو مهرجنات
وشوية تحرشات على سبيل الانبساط
ارفع راسك انتا مصرى اخترعت الشطافات
والشباب بقت تعبانه خلاص هتجرى ببوكسرات
حد يقولى ليه الناس بقت تعبد الجنيه
وناس حسوده عنيها اكبر من عين الكبانيه
عيال بتشد كوله وتقولك سيجاره يا بيه
وناس دماغها فله ماتفهمش عايشه فى ايه
احيه .. اختارت اتجنن والبس الكسروله
بدال ماكنت اهاجر وترمو ورايا قله
Chorus - Shahin
احنا بتوع التكاتك واحنا بتوع نهر النيل
احنا الفراعنه الى بقينا زى بلاد الفيل
حاجات كتيره فيكي مبتعجبنيش
كل الى فيكي نفسه يسافر ومايجيش
x2
Vers 3 - Boflot
ناس مخاصمه الرصيف
دا علشان الجدع ده راصص كام رغيف
اكشاك وعربيات والبياع الحريف
طب عالاقل سيبو الشارع ده نضيف
اكتر حاجه تضايقنى ان انتا تكون شايفنى
بتكلم فى التليفون وتسألنى الساعه كام
وفيه عيال عالموتسيكلات بأنوار وحاجات
مش بيطفو المزيكا لما يكون فى ادان
ومفيش ميه توصل لو مش مركب موتور
ادفع فاتورة الكهربا والنور مقطوع
وبلاش سب دين ليكو دين وليا دين
السلام على كل العالم يا بنى آدمين وفضائيين
Vers 4 - Rooney
حاول تتأقلم عالعيشه فى بلدك ده لأنه النقد خيانه
مهما تشوف داري عينك سد ودانك اسكت سكوتك امانه
بص على نص الكوبايه المليان ماتبصش عالفاضى
ولا تحاكم الناس على افعالهم متعيش ف دور قاضى وراضى
خليك بالى بتشوفه مهما ان كان مش انسانى
ماهو مش تسعين مليون ساكتين جااى انتا تحركهم فى ثوانى انسانى
انا مش داخل فى مجادله خسرانه من الاساس
ماهو صعب تجادل انسان اهتمامه فى الدنيا انه يتابع صافيناز باظ
عندنا مفهوم استقبال رأي معادى لو كان من مين
والى بينتقد التانى بقا سهل انه يوصفه بالتخوين
بقيتا بتفكر ازاي هنتفرق مادام كل واحد مرتاح فى مكانه هيذلك
واما تيجي تسأل حد عن السلبيات 
ياعم شنئولك
Chorus - Shahin
احنا بتوع التكاتك واحنا بتوع نهر النيل
احنا الفراعنه الى بقينا زى بلاد الفيل
حاجات كتيره فيكي مبتعجبنيش
كل الى فيكي نفسه يسافر ومايجيش


Belad El Feel - Revolution Records Feat Y-Crew

فراغ جوا الوحده فى وحده واحساس بالخنقة
وفى دمعة كمان جوايا مكتومة على صدرى طابقة
فراغ بيخليك مش قادر تستوعب اللى بيحصلك
اصلك خلاص مش شايف ايه هينفعك وايه هيضرك

انت من اول ما بتتولد بتبقى عايز تتنطط
راشق فى كل مكان على اى حاجة تتشعبط
بتبقى نفسك تشوف كل حاجة و تدوقها
بتبقى ذى المفجوع على الدنيا عايز تاكولها 
و بتكبر شويه و المشاعر جواك بتتحرك
تبتدى تعجب بحد و تحب حد وتحس بأرق
ومع اول صدمة بتاخدها بتاخد القرار 
انك تبنى لنفسك جوا منك كتير اسوار
سور عشان متحسش متحبش متندمجش
فى حياه انت واثق انك فيها مبتتأقلمش
فا مبتتكلمش مع حد و بتقفل بابك عليك
صاحبك قلمك و جرحك ومعاهم كل لياليك
خلاص فهمت الدرس و حفظتة كويس 
فنزلت تانى و حاوت تانى تبقى متميز
بس قابلوك ناس تانيه بوشوش كدابة
واتأكدت انك بنى ادم وسط لا ادميين ديابة

فراغ جوا الوحده فى وحده واحساس بالخنقة
وفى دمعة كمان جوايا مكتومة على صدرى طابقة
فراغ بيخليك مش قادر تستوعب اللى بيحصلك
اصلك خلاص مش شايف ايه هينفعك وايه هيضرك
فراغ بيوصلك لاعلى مراحل الوحده اللى بتقتلك
اللى سجنت روحك جواك ونستك دنيتك

الوحدة مراحل بتبدا معاك من صغرك
رب ضارة نافعة مش بتضرك بتجرك
لنفس المكان اللى نفسك تلاقى فيه حد شبهك
متقدرش تعيش لوحدك و لا تستنسخ حد منك
وده لانك انسان عادى و ليك مواصفات
زى الحجات اللى حوالينا فى السوبر ماركتات
قدرك حطتك جنب ناس منتهية الصلاحية
يعنى فاسدين وانت مش فاهم عنيك معمية
بتاخد جنب و تدور على واقع ظريف
عايزناس نضيفة روح مجتمع نضيف
مجتمع مش بيحكم  بالظاهر مش سخيف
مجتمع بيحب بغضة و على بعضة لطيف
الخلاصة انو محدش مرتاح ولا انت كمان
فا يا ترضى باللى اتقسملك يا اما ملكش مكان
كلو عندو هدف و مستهدفو ونفسو يوصلوا
كلو بيقول هيخسر ايه و ماشى باله مش بيشغلوا
فا بلوا ههه اللى مش عاجبك واشرب ميتوا
وارجع تانى لأودتك المكان اللى انت سبتوا
عشان حياه افضل ناس افضل فرجع بخيبتوا 
و كل اللى بناه فى خيالة ارض الواقع بتهدوا


Fara3`  -  فراغ


قافل علي نفسه بابه قاعد لوحده حزين 
قاعد في بيته منعزل فاقد الثقه بالبني ادمين
وحده .. ما هو طول حياته كان لوحده
حتي مع الناس كان بيحس انه لوحده
محدش فاهمه ومستوعبه محدش حاسس بيه
اللي مبينه للناس مش اد اللي مخبيه
اللي مقالوش لسانه فضحته وقالته عنيه
كل يوم بيسأل نفسه هو انا عايش ليه؟
كل الناس اتقدمت وانا  وحدي واقف في مكاني
كل صحابي اتجوزوا وانا وحدي وحيد وبعاني
عاطل ، ايماني بالامل كان ايمان باطل
وصلت لمستوي من الاحباط والاكتئاب واليأس القاتل
احلام ، مسئوليات ، فشل ، حب ،اخفاقات ، تعب بدون انجازات
فجأة كمل 30 ، من بعد ما كنا شباب القلب الابيض فجأة اهو شاب
 لو كانت الدنيا عذاب في عذاب يبقي انا من ضمن الميتين


الدنيا حظوظ مش بنبص لحد في ماله
الدنيا فلوس مش موهوب والحظ اداله
الدنيا تدوس علي اللي ماشي غلبان وفي حاله
الدنيا لبوص انا مش عايزها خلهاله
زاهد وبالباقي فيا من قوة بجاهد
ساعات بكون بطل ساعات بكون مشاهد
حبيت البلدي والبلدي محبتنيش
والحاجه اللي بتسيبني بسيبها متلزمنيش


كنت شخص مبتسم لإني جاهل باللي جي 
بدون ما توقع إن القمر ممكن ينطفي له ضي 
كنت بسقي زرعي وردي في البلكونة كل يوم 
كنت بأذاكر و اجتهد و بصحى بدري من النوم 
كان تفاؤل اللي حواليا شيء ايجابي 
كان جرابي ممتليء بكل حلم آتي من كتابي
انا بحكي بدايتي في السذاجة يمكن تتعظ 
تعرف إن أملك في الوطن بقى شيء مستفز 
اليأس مش خيانة اليأس ضعف محترم 
حقيقة مؤلمة إني أشوف تضخم الورم 
استمر في المكان ده يعني أفرط في انسانيتي
 هافتقد صحابي أهلي ناسي كل ركن في بيتي 
مفيش وطن .. مش عايز غير إني اكون إنسان 
يوم ما أحس إني و الجماد سيان هاسيب المكان 
الحقيقة كالكابوس .. السعادة في الفلوس 
الشر منبعه البشر منبعه النفوس 
سايبهالكو مخضرة لإني شخص واقعي 
فقدت كل عاطفة زالت ما بين أصابعي 
حتى الحب طار لانعدام وجود المادة 
و الحرية انتهت بفضل الثورة المضادة
الوطن بيجبرك تدريجيا تبقى فاسد 
ع الأقل لو شريف هتبقى حاقد تبقى  حاسد 
الوطن بدل ما يدي ناسه  طلع حرامي 
سرق عمري و عمر جيلي و مش هزود بعد رامي 
أنا لازم الحق نفسي اشوف وطن بيحترمني 
أي مكان ماليش كرامة فيه يبقى مش لازمني 
مكان خطر على حياتي الخلفة فيه جريمة 
مجتمع خطر على دماغي بافكاره القديمة 
الهروب ضرورة للتخلص من كل الشرور 
كل معاني الانتماء ربطتوهالي بالباسبور 
يا كل دولة حرة أتمنى يكون زعيقي واصل 
لاجيء بلا وطن رافض حدود أو فواصل 


30 سنه بالتمام عيشتهم في البلدي وكل ما اقول تتعدل بالاقي سنه بتعدي
ذل مهانة سنين عذاب مقفول في وشي 1000 باب من الطفول للشباب
بحلم بالبلد اللي تودي ، مش لاقي نفسي هنا غصب عني لازم امشي
كل الاحلام ادفنت وحلمي وقع ما قامشي كل اللي عيشته هنا سنين
عذاب ولما همشي انا هنسي كل حاجه عيشتها هنا قبل ما امشي
فتحت عيوني في بلاد المولود فيها مفقود الدين فيها المصلحه والجنيه 
اله معبود ، الكل فيها شقيان لكن الا المسنود في بلاد العالم التالت
فساد ملوش حدود ، في العالم التالت نبيهم اكل العيش في العالم التالت
يؤمنوا بالله ويسجدوا للجيش في العالم التالت قوة عظمي اسمها حشيش
بلاد العالم التالت بتاخد مبتديش ، انا ماشي قبل ما اموت قبل ما الوقت
يفوت ، ماشي بعيد عن البلدي و عن الحدود ماشي ومعنديش اي
نية اعود ،  ماشي مانا استنيت الحق لكنه مجاشي
ملايين من الدوافع عماله تقولي قعادك هنا مش نافع ضيعت سنينك
مجهودك ضحيت مش شافع عليت الصوت فهتفولك طالبت بحق 
فقتلولك القلب اليافع 

اتولدنا في الحلال اتعلمنا ودخلنا جيش قعدنا علي القهاوي لا كسبنا ولا كالنا عيش
اشتغلنا كل حاجه والشهاده منفعتناش تعبنا واتبهدلنا بعنا نفسنا ببلاش 
كل ثانية عيشتها فيكي من حياتي مش محسوبة وسنين امالي واحلامي
كانت اكذوبة ضيعت سنين في اوهامك كنت في غيبوبه والنهايه من البدايه للاسف كانت مكتوبة


عالم تالت

Hololosto Studio
Enty - أنتي
Special  thanks to : May Mourad   
@sorourpro
Prod. by : Five-O

Hololosto - Enty انتي Ft. Sorour ( Prod By Five - O )

اللحن\السامبل مأخوذ من أغنية ديدي للشاب خالد

Y-Crew -Deddy | واي كرو - ضدي
Lyrics by: Y-Crew | كلمات: واي كرو
Produced by: Boflot and Nadeem el Shaari | توزيع: عمر بوفلوط و نديم الشاعري
Mixing & Mastering by: Nadeem El Shaari | هندسة صوتية: نديم الشاعري

Deddy - ضدي (Prod. by Boflot & Nadeem El Shaari)

Title: Moments - ثواني
Lyrics by: O Sam, @RomelB & Samo Smith
Recorded by: F.B.I Studio
Mixed & Mastered by: @OsamOfficial
Cover designed by: @RaephMuhamd
© 2016 FBI, @3EErecords

O Sam - Thwany | ثواني Ft. Romel B & Samo Smith

(verse 1)
Momen ibrahim
https://www.facebook.com/momen.ibrahim.906
..
(Verse 2 )
Lou El-Shreef
https://www.facebook.com/bigloukarantina
..
Sound engineer / Nader Hamdy
https://www.facebook.com/mcstar4rap
..
V 1 
لو عنك شك فإن عندى شك فإن عندك شك
 فإن عندى شك يبقى الشك من سوء التفاهم
و الحق إن جيت للحق على اللى معاه الحق 
و عرف الحق منين يتجاب قام ساب الحق كا نوع من التفاهم 
و الزق من اللى إتزق على اللى إبتدى بالزق أحق 
أما اللى إبتدى بالزق إن زق هيبقى بمنع التفاهم
بين فاهم عامل مش فاهم أو عامل فاهم مش فاهم 
مش فاهم إزاى أتفاهم فا بتدعى التفاهم
..
تصور 
رغم إنك مش بتحور .. بتدور 
على تبريرات تبرر إنك مش مضطر تبرر
تصور لما تكون متزرزر لازم تتكدر و تكركر 
تضحك أسهل ما يفكر حد إنه يقرر ي
ستفسر أكتر
عن سبب الصمت الذى سيطر على هذا الوجه المتعكر
فا تقعد تتكلم و تعبر إنك مش مضطر تعبر 
فا يقول الناس إنك بتتكبر
..
chorus 
فاهم ؟
مش فاهم
طب أقولك إسمع للآخر
منا عارف 
آسف مش لازم 
آسف على إيه طب مش آسف
فاهم ؟
..
آسف مش فاهم
طب أقولك إسمع للآخر
منا عارف 
فاهم 
مش فاهم
آسف على إيه 
طب مش لازم
..
مؤمن ؟
مش وائل ؟
وائل
مش ممكن 
مش مؤمن 
مؤمن مش عاقل
ولا وائل
إسمع طب أقولك للآخر
إسأل على مؤمن 
مش سائل
طب إسأل وائل 
مش سائل 
سائل مش ناشف ؟
مش عارف 
آسف أنا أصلا مش فاهم
..
V 2
الوضع الحالى اثبت ان الوضع الحالى اثبت 
الوضع الحالى اوحالى ان فى حالى لحالى اثبت
من جالَك مجانا كان ماجِن فنجالَك حالك
فنجالِك ايضا اوحالِك بطريقه ما ان القادم احسن
ادائهم كان سخيف بجد لما شافونى فقعر النيل
منا برضو اتوترت لما قالولى العلبه دى فيها فيل
ده دليل يمكن او جايز نوع من انواع التضليل
تمثيل اكتر مش بثبت اننا تماثيل ولاد تماثيل 
فالواضح ان الواضح بين الكم ده منكم بائس
فبوافق عل واقف وانزل اهرامكم بشكل معاكس
بينكم او بينهم كان ناقص حاله وقولتلهم 
يمكن كان واقف اولهم بيدور على نيله تشيلهم 
فنا حابب اسأل مين فى الى طب اتقل 
وعرفتوا دخول الحمام ولا خروجه اسهل 
طب مين الى اهمل؟
طب وايه الى يخلينى اخوض نقاش مابين جاهل واجهل؟
"فى الصف ياهبل يبن الاهبل"

Momen Ibrahim Ft Big Lou Panda - سوء تفاهم - sou2 tafahom

Big lou توكتور فخري toktor fakhry

اغنية بوابة تفتيش من ألبوم #إكس
كلمات: على سلامه | غناء: رامي عصام | جيتار- باص: رامي صدقي | درامز : جمال فهيم | بركشن: هانى بدير | توزيع وإنتاج إكس.

تم تسجيل الالبوم بإستوديو فايب، القاهرة عدا أغنية ١ سجلت بإستوديو زولدر نورد، أمستردام.
تم تسجيل الغناء في أغاني ٤،١ بإستوديو ألان سكروبي، مالمو.
إيديت: أليهاندرو لوندونيو.
مكساج: أوسكار خلاسبيرخن بإستوديو زولدر نورد، أمستردام.
ماستر: كيفين ماكنولدي بإستوديو سي فونيك، رالي، نورث كارولينا.
هندسة صوت: أوسكار خلاسبيرخن، طاهر صالح، يوسف أحمد.

تصميم الغلاف: مهند شبانة.
التواصل الإجتماعي: مي دياب، أحمد شوقي.

شكر خاص لإستوديو فايب، حمد سكران، أوسكار خلاسبيرخن، هاني بدير، شادي حبش، مي دياب، ألان سكروبي، مهند شبانة، أحمد شوقي، منة الشيشيني، إم سي أمين، إسراء ويفي، أليهاندرو لوندونيو، شادي عصام، أولريكا ليند.

Bawabet Taftish From #EKS Album ▶
Lyrics: Ali Slama | Vocal: Ramy Essam | Guitar & Bass: Rami Sidky | Drums: Gamal Fahim | Percussion: Hany Bedair | Produced by EKS.

Album Recorded at Vibe Studio, Cairo except track 1 recorded at Zolder Studio Noord, Amsterdam.
Vocals on tracks 1&4 recorded at Allan Skrobe Studio, Malmö.
Edited by Alejandro Londoño.
Mixed by Oskar Glasbergen at Zolder Studio Noord, Amsterdam.
Mastered by Kevin McNoldy at Cphonic Mastering Studio, Raleigh, NC.
Engineered by Oskar Glasbergen, Taher Saleh, and Yousef Ahmad.

Artwork by Mohannad Shabana.
Social Media Management by Mai Diab and Ahmad Shawky.

Special thanks to Vibe Studio, Ahmad Sakran, Oskar Glasbergen, Hany Bedair, Shady Habash, Mai Diab, Allan Skrobe, Mohannad Shabana, Ahmad Shawky, Menna El Shishini, MC Amin, Esraa Wify, Alejandro Londoño, Shady Essam, and Ulrika Lind.

Follow EKS on▶
Facebook    https://facebook.com/EksBand
YouTube     https://youtube.com/EksBand
SoundCloud  https://soundcloud.com/Eksband
Twitter     https://twitter.com/EksBand

Download and Stream From▶
Itunes      https://itunes.apple.com/eg/album/eks/id1213508658
Anghami     https://anghami.com/artist/1458432

Download Full Album+CD Covers From Here▶
http://www.mediafire.com/file/l2bu9lrek88rng4/EKS+ALBUM+2017.rar

EKS -04- Bawabet Taftish | اكس - بوابة تفتيش

Ramy Donjewan - خصلة بيضا

Lyrics: Revolution Records
Music produced by Tim Razz
Mixing by: Tim Razz
Mastering by: Mahmoud El Saghir
At Revolution Records Studio 
Recorded at Rock's wardrobe 
Subtitles: Khaled Khalifa
Graphics: Abdelrahman Hafez
Director of Photography: Ahmed Rock - Amr C-Zar
Video Editor: Ahmed Rock
Directed by: Ahmed Rock

Press/Reservation Contact
+1 604-716-8467
thawragya@yahoo.com
underockz2@hotmail.com
www.facebook.com/revrecordz

Messafer - مسافر

Messafer - Revolution Records | Thawragya | مسافر

Revolution Records—a.k.a. Thawrageya—is the first underground rap label and one of the pioneers in the Egyptian hip hop scene. The group was formed in 2006 by teMraz and Ahmed Rock, along with C-Zar, Rooney Hoodstar, wild mc's , Venom and Shehab as music producer.

Rebels at heart and based in Alexandria, they changed the Egyptian hip hop scene, bringing a new artistic rap that everyone can understand and creating simpler rap to deliver their revolutionary message to the largest number of people.

They believe the music industry needs a revolution. Lifestyle needs a revolution. The way people think needs a revolution. So they decided to make a change—to be the unspoken words of the streets. Without the backing of a commercial label, they record their own tracks using a portable studio and software for recording, music producing, and sound engineering. 

Their rap is a mix between political, anger, light, philosophical, and realistic. And with every track they gain a larger audience. The words they rap have earned a reputation for the band and Arab rap in general.

Year after year Revolution Records has attracted greater media attention. A number of well-known Egyptian newspapers have covered Revolution Records, as well as international journals, magazines, television and online radio stations.

They hope to deliver their message to the whole world. They work to prove that the name "Revolution Records" is not for nothing.

"تسجيلات الثورة" أو "الثورجية " هو إسم أول تجمع موسيقى لفنانى الراب المصريين المستقلين ، وواحده من اقدم الفرق في عالم الراب المصري أسسها عام 2006 كلا من: تمراز و روك، بمشاركة المغنين: سيزار، رونى، ام سى ميدو، عصام سى اكس، محى الدين، فينوم، و الموزع الموسيقى شهاب الدين.

من الإسكندرية وبروح متمردة بدأت المجموعة شق طريقها لتغيير الشكل الفني لموسيقى الراب فى مصر، بتطويره لشكل مفهوم وبسيط يمكن أن يصل برسالته الثورية لجمهور أوسع.

الثورة -والتى اختارها الفريق منذ سنوات ليمنحها اسمه- هى برأيهم فكرة لابد ان تصل إلى كل شىء؛ فصناعة الموسيقى تحتاج إلى ثورة، وطريقة تفكير الناس وأسلوب حياتهم يحتاج إلي ثورة، لذلك قرروا أن يجعلوا كلماتهم التى تخرج من الشوارع، التغيير الذى يودون صناعته فى العالم.

بمفردهم وبدون منتجين أو شركات خاصة تدعمهم، بأستوديو محمول بسيط، وبالإستعانة ببعض البرامج المساعدة فى صناعة الموسيقى، يسجلون أغنياتهم ،ويقومون عن طريقها أيضاً بهندسة الصوت وإنتاج أعمالهم بشكل مستقل.

وتأتى أغنياتهم مزيجاً بين السياسة والغضب، الأمل، والفلسفة، وكافة الموضوعات التى تمس الحياة اليومية، ويعتقدون بأن التأثير الحقيقى والوصول إلى الجمهور يعتمد بشكل أساسى على التعبير الصادق -والصادم أحياناً- عن الواقع المعاش.

بخطى بطيئة ولكن واثقة تنال "تسجيلات الثورة" يوماًَ بعد يوم، إهتمام وسائل الإعلام المصرية والعالمية، بمقالات وأخبار فى الصحافة،والتلفزيون والمجلات والإذاعات الإلكترونية

يشعرون بالرضا عما وصلوا إليه حتى الآن، وإن كانت تطلعاتهم التى يعملون بجد لأجلها هى الوصول برسالتهم للعالم أجمع، ليثبتوا أن اسمهم: "تسجيلات الثورة"، لم يختاروه عبثاً

Messafer - Revolution Records | Thawragya | مسافر

RevRecordz

Recent comments

احمد مسعود

elzalabany

Related tracks