محمد قنديل - تلات سلامات Mohmed Kandil - Talat Salamat


كلمات: عبد الرحمن الأبنودي
ألحان: عبد العظيم عبد الحق

بالسلامة يا حبيبي، بالسلامة
بالسلامة، تروح وترجع، بالسلامة
تيجي زي الفرحة، تيجيب الابتسامة
بالسلامة

بس توعدني: مسافة السكة تبعت لي جواب
تحكي فيه، وتطمن الشوق جوة قلبي
بالسلامة، بس عارف يعني ايه معنى الغياب
يعني أسهر، يعني يبقى النجم صاحبي
يعني حيغيب الربيع، لما انت ترجع
والمسا يطول لحد انت ما تطلع
تيجي شايل من ليالي الشوق علامة
بالسلامة

أيوة سافر، بس حاول كل لحظة تكون معايا
حبعت النجم برسايل
وأبعت النسمة بهداية
وأبعت البدر المنور، في الفضا عنك يدوَّر
ياللي راح تشغل فؤادي من الليلة دي
بالسلامة يوصلك شوقي وودادي
ييجي شايل، من ليالي الشوق، علامة
بالسلامة

نجاح سلام - بالسلامة يا حـبيبــي

كلمات : عبد الفتاح مصطفى
ألحان : عبد العظيم عبد الحق

سحب رمشه ورد الباب .. كحيل الاهداب
نسيت اعمل لقلبي حجاب و قلبي داب
***
رموشه تميل على خده جناح رفرف على ورده
ولو طلب القمر وده أمل كداب
نسيت اعمل لقلبي حجاب و قلبي داب
سحب رمشه و رد الباب
***
نسيم العصر ع القصة بيحكي للهوى قصة
وبين البصة والبصة تدوب احباب
نسيت اعمل لقلبي حجاب و قلبي داب
سحب رمشه و رد الباب
***
كحيل والحكل من بابل وامتى عيونا تتقابل
ياريت نظرة وانا قابل ولو بعتاب
نسيت اعمل لقلبي حجاب و قلبي داب
سحب رمشه و رد الباب
***
غزال  أنفاسه تتنسم عبير والخطوة تتقسم
نعم وشفايفه تتبسم ولا العناب
نسيت اعمل لقلبي حجاب وقلبي داب
سحب رمشه ورد الباب

سحب رمشه - محمد قنديل

شفيق جلال - بنت الحارة من فيلم ريا وسكينة

كلمات: جليل البنداري 
ألحان: محمد الموجي 
ياتمر حنة ياتمر حنة خليتي بينا وبعدتي عنا 
الورد كله كسا الجانين واشمعنى انتي اللي شاردة منا  
ياتمر حنة ياتمر حنة
بالليل بنسأل وبالنهار علشان نبلغ شوق الاحبة
وطال عليهم الانتظار وما فيش فى قلبك ريحة المحبة 
كنت شمعتنا كنت نور بيتنا كنت سامرنا وانفض سامرنا 
الورد كله كسا الجانين واشمعنى انتي اللي شاردة منا  
ياتمر حنة ياتمر حنة
سألت عنك فى كل ناحية ما حد طمن قلبى عليكي 
وقالوا ماتت وقالوا صاحية وياما قالوا وعادوا فيكي
كنت شمعتنا كنت نور بيتنا كنت سامرنا وانفض سامرنا 
الورد كله كسا الجانين واشمعنى انتي اللي شاردة منا  
ياتمر حنة ياتمر حنة
الحب عمره ما يتاقل ياليل بالمال
الحب بالحب مش بالدبله والخلخال  
ما يثمر العيش فى خاين العيش
ولا العشره ولو سقيته حلاوة الشهد في فنجان 
يالليل يالليل يالليل 
كنت شمعتنا كنت نور بيتنا كنت سامرنا وانفض سامرنا 
الورد كله كسا الجانين واشمعنى انتي اللي شاردة منا  
ياتمر حنة ياتمر حنة
 

تمر حنه - فايزة احمد (1957)

سلم على لما قابلنى  ليلى مراد

عدّى النهار..
و المغربية جايّة
تتخفّى ورا ضهر الشجر..
و عشان نتوه في السكة..
شالِت من ليالينا القمر!..
و بلدنا ع الترعة.. بتغسل شعرها
جانا نهار مقدرش يدفع مهرها..
يا هل ترى الليل الحزين
أبو النجوم الدبلانين
أبو الغناوي المجروحين
يقدر ينسّيها
الصباح..
أبو شمس بترش الحنين؟
أبداً..
بلدنا للنهار
بتحب موّال النهار..
لما يعدّي في الدروب
و يغنّي قدّام كل دار..
و الليل يلف ورا السواقي
زي ما يلف الزمان
و على النغم..
تحلم بلدنا
بالسنابل والكيزان
تحلم ببكرة
و اللي حيجيبه معاه
تنده عليه في الضلمة
و بتسمع نداه..
تصحى له من قبل الأدان
تروح تقابله في الغيطان..

عدى النهار - عبدالـحــليم حـــافــظ (not the complete version )

كلمات: عبدالرحمن الأبنودي
ألحان: بليغ حمدي
من فيلم: شيء من الخوف
إخراج: حسين كمال

ياعينى ياعينى ياعينى عالولد
الواد ابو قلب لين صبح غير الولد
 ضاع منة قلبه الابيض وسط صريخ البلد
الحلم اللى حلمتة فى الصبح بيتفرد 
يصبح ذنب البلد يصبح هم للبلد
والضحك اللى ضحكتة اهو دمعة للبلد
 صرخة حزن ونكد صرخة بنت ووالد

شادية - ياعيني علي الولد

كلمات : حسن رياض
الحان : حسن زكى
توزيع : مادو
.
.
اللي اشترى منك موزنش فمتحزنش
ولا تشكيله مع إن الاحزان بالكيلو

اللي اشترى منك موزنش فمتحزنش
ولا تشكيله مع ان الاحزان بالكيلو
او يمكن ربك مأزنش

اللي اشترى منك اهو باع
فمتحزنش ولا تنباع

اللي اشترى منك اهو باع
ليك في العشق وليك اتباع
ليك في الجرح ليالي وباع
فمتحزنش ولا تشكيش

على أهون اسباب متجيش
او على اهون اسباب تيجي

مركب وبترسى في خليجي
شايلة الزينة وقلبي مزانش
فمتحزنش ولا تشكيله
مع ان الأحزان بالكيلو


 
او يمكن ربك مأزنش
فمتحزنش

اللي اشترى منك موزنش فمتحزنش
ولا تشكيله مع إن الاحزان بالكيلو

اللي اشترى منك موزنش
اللي اشترى منك مش داري
وانت من الأحزان مش داري
عشت العمر بعيد من تاني
فمتحزنش ولا تشكيش

على أهون اسباب متجيش
او على اهون اسباب تيجي

على أهون اسباب متجيش
او على اهون اسباب تيجي

مركب وبترسى في خليجي
شايلة الزينة وقلبي مزانش
فمتحزنش ولا تشكيله
مع ان الأحزان بالكيلو

سلم على لما قابلنى ليلى مراد

rimo2014

Recent comments

سحر سلام

zena ozaa👑💅

يوسف الصقر

zizi

Related tracks