الحته ديه حلوه فشخ لانها حقيقه للاسف 😔

New Single Track From Rizo   (Ed7ak | اضحك)

Special Thanks to Mahmoud Awad the Producer

www.Facebook.com/RizoTracks

Rizo - Ed7ak | ريزو - اضحك

#V1
بهرب مـ الناس بـ جنون تجسيدهم اوهام منبوذة ..
يتطاردنى الصورة فـ كل مكان بتكون معكوسة ..
الفكرة مش مذيوفة .. ممكن تكون ميؤسة ..
ممكن مع انتشار الداء فـ عقلى بقت محبوسة ..
الاضطهاد خلق جوايا فجوة .. سبب شلل ..
العقل انحل .. اسمع مؤامرة اصرخ "خلل" ..
فبنجرف للخطأ .. صح المرض صدق ..
توقعات نهايته مكانتش فـ مخى زى ما بدأ ..
فالمرض اتجزء من عقلى لا عقلى اتجزء منوا ..
بدل ما كان منايا السلطة بقيت بتمنى يحنوا .. 
انا شخص مصاحب جنوا .. الزن امر يزنوا ..
 بقوا زى المدمن طول ما طال فترة ابعادوا يشنوا .. 
فالبادى ظالم .. مش شرط يكون هو الى اظلم ..
فـ انتوا مش احن من ربى ولا منوا عليا ارحم ..
فـ يظل الداء يتوغل .. فـ كل جزء فـ رأسى ..
و يظل المرض .. يشجعنى على يأسى ..

#Chours
أظهر بـ وش القوى و انا اصلا اضعف ضعيف .. 
فـ حلم شفائى .. من أوضة ضالمة بـ ضوء خفيف ..
فـ بأختلاطى بـ عقلى أكدلى مفيش فينا نظيف ..
بالتالى حالة الضعف فـ حد ذاتها شئ مخيف ..

#V2
خايفييين .. ولا أنا إلى خايف منهم .. 
محتاجهم بس خلاص مبقاش ينفع انى إبقى بينهم ..
بحاربهم .. بغرض إوهام النفس انى الكسبان .. 
وكل مرة فى نفسى اخسر أدى أن المرض بان .. 
يمكن طلعت جبان  .. لا عقلى مشعوذ .. 
الداء خلاص نسبيا عالتفكير يبدأ يستحوذ .. 
تنظر للوش مبوذ .. فألاكتئاب بيحوش .. 
وفى آخر كل حاجة على كل شئ الداء بيكوش .. 
مع كل فين و فين بتقل نسبة حبى لشخص .. 
مع كل لحظة يأس .. مع كل فترة نقص .. 
نسبة آلياس تزيد و يزيد معاها إحساس بالموت .. 
وأنا مش بأيدى شئ ولا حتى قادر عالصمود .. 
مش يمكن مش ملاك .. دى علامات قرب الهلاك .. 
أو يمكن قاصدين خير .. و نظرهم ليك خلاك .. 
تجمع عالناس فى الظن .. السيئ و ده وداك .. 
تفضيل إحساس الوحدة .. بس الأصل الناس حباك ..

Paranoia - بـارانـويـا

Lessa Kteer | لسه كتير 

Oud : Mohamed el Saeed
Mix : Kareem Hassan ( KARMO Music Production )
Album Art : #Hashtag Studios - Ayman Seliman

Special thanks to : Mohamed Samy


Rizo - Lessa Kteer Ft. Sherif El-Bahey | ريزو - لسه كتير

Title : Elmar7om I المرحوم
Artist : Mc.Khateb
Mix & Master : Super Studio 

Mc.Khateb Elmr7om I المرحوم.MP3

الكلمات *
ياللي بين كل نجمة ونجمة: إمتى هتحنيلنا؟
سكننا الليل بالنيكوتين والقهوة .. يمكن تسمعيلنا
علشان حلاوة الحب واقع ؛ بقى الحزن ملة
محدش داق حلاوة الحب إلا وإنضملنا

إحنا كتير ، وبنعرف بعض ؛ لإن عيوننا مبتخبيش
مبنتسألش "مالكوا؟" من فراغ .. لكن بنقول مفيش
إحنا التذكرة الواحدة وسط زحمة الإتنينات
إحنا الخميس بتاعنا ميختلفش عن التلات

إحنا صمت أقوى من الكلام تعبيرا عن صاحبه
إحنا اللي بيتزهق منه ، وبيتقال سيبوه على راحته
اللي بنحسد اللي رافع راسه .. مع إنه هيتكسر
اللي ماشي باصص تحت رجله .. ويخبط فيك يعتذر

ياللي بين كل نجمة ونجمة أوعي تكوني سراب
سكان الليل في الأرض بسببك متشافين أغراب
ياللي بين كل نجمة ونجمة أوعي تخذلينا
محدش فينا إتعلم إنه يعوم يا سفينة

لعله خير ... شر حامينا من الأشر
يمكن أحسن ركوبة لينا ركوبة المضطر
يمكن قدرنا الأب بتاع بعمل ده لمصلحتكوا
لعله فقد ما نملك ... لإمتلاك ما نستحقه

يا ساكنة الضفة التانية جايلك .. مش هتأخر
كل شيء في حياتنا -لمقابلتنا- كان متسخر
اللي عشته أنا وأنتي أرض صلبة نبني حياة عليها
علاقتنا غاية الكون بيدور ودار حواليها

متفقديش إيمانك بيا ، ولا تشكي للحظة فيا
لو هضحي بكل حاجة مقابل حاجة .. فأنتي هي
من أرض الخوف بحدفلك طرف أول خيط يربطنا
بنكلم نفس النجمة .. في نفس الوقت .. ودي مش صدفة

يا كعبة عيني وعينها بشريها بيا
إلهميها بكونها مش وحيدة ، واللي فيها فيا
إرسميني قصادها في السما ، وسيبيلها هي الباقي
محدش طارد حلم يقظة أكتر من هوائي

يا ساكنة الضفة التانية وجودنا في القاع أمل لينا
بكرة مش هيلاقي حاجه ياخدها مننا .. فهيدينا
يا ساكنة الضفة التانية العرش والتاج في إنتظارك
وصلينا بسرعة يا أرض ... لقانا نقطة على مدارك

المرادي مش غريق في عرض أول قشة تظهر
المرادي المرسى نقطة قصادي .. كل ما أعوم بتكبر
مؤمن في كل وقت ... متأكد لو فيه علامات
بمشي ورا إحساسي دايما ... أنتوا بتمشوا وراه ساعات

أخيرا إتقابلنا وش لوش بدون وسيط
كل حاجه زي ما السما وصفتلي .. بإختلاف بسيط
طبيعي إن أحنا دوبنا تحت أول ليل قابلنا
حبنا لبعض أتولد قبل أول نظرة بيننا

أحكيلي تاني كل حاجه ... حتى لو عاديه
ده أنا بشوف نفسي فيكي أكتر مانا بشوفني فيا
كل "بحبك" كنت بقولها لحاجه منك في اللي قبلك
يعني كل كلام الحب اللي أنا كتبته ده أتكتبلك

بتأمل حياتي وهي بترسم سندريلا فيا
أثناء ما حياتك على التوازي بتشكلك هي
مستحيل تكون دي صدفة .. جايز تطلع دي نظرتي
مانا نحات ، وخلق معنى من لا معنى دي شغلتي

أحكيلي جديد ، وأنا هنحت تماثيل جداد
عايز كل يوم نعيشه يبقى أسعد من اللي فات
طب نعمل حاجه جديدة ... ما دام مفيش حاجه تقوليهالي
مش عارف ليه زهقان! يا خوفي ليكون اللي في بالي

أوعى تواجه الموهوم بشيء بإن شيئه أختفى
مفيش أصعب من الغروب عاللي متعلق بالدفا
ساعات لازم نعيش وجع وصدمة إنهيار أوهامنا
علشان نشوف حقيقة صعب حد يوريهالنا

رفضنا نصدق إن نهاية القصة إبتدت
فضلنا بنرقص .. مع إن المزيكا إختفت
حاولنا نفضل سوا بكل وسيلة ، وكل حيلة
خلقنا بديل لكل بديل لكل خطة بديلة

فابتدى الملل ، وأبتديت أشوف عيوبك
وبدأت أحتاج مساحة لنفسي ، وأستتقل وجودك
وأضطريت أداري ده بكلام مكانش من جوايا
فأبتديت أشك في حبي ليكي -أصلا- من البداية

أحنا في محنة .. بس بنحلم .. والميت في حلمه حي
من أول يوم فرحنا وأنا قلقان من اللي جاي
مش تشاؤم ، ولا كآبة ، ولا مستكتر إني أرتحت
بس للي في أعلى نقطة أي طريق هيكون لتحت

ياللي بين كل نجمة ونجمة جيتلك ... متأخرتش
بعترفلك إني أحتاجت أتحب ، وأحب ؛ فمفكرتش
ياللي بين كل نجمة ونجمة: أيه المشكله في كده؟
أكيد مسيرها تصيب ... من فضلك أوصفيلي غيرها

مش كل البدايات سعيدة ، ومش كل النهايات حزينة
مسيري هكتب غنوة كاملة تحبي تسمعيها
وحتى لو موهوم .. الوهم بكل طاقتي أولى
على الأقل يتكتب على قبري نال شرف المحاولة
ـــــــــــــــــــــــــــــــــــــــــــــــــــــــــــــــــــــــــــــــــ

Sokan El leel

Written by: El Joker
Music: Mostafa Ebrahim
Reff: Nupel beats
Vocals: El Joker
Master and mix by: El Joker

El JokerSokan El Leelالجوكرسكان الليل

rap

Single

El Joker - Sokan El Leel |الجوكر سكان الليل 2017 free download

دينجر اسكول باند _سارا حسني _ و كريم رفعت _ عروسه خشب

Rizo - Lessa Kteer Ft. Sherif El-Bahey | ريزو - لسه كتير

Rizo

Recent comments

Amany R. Abd El-rhman

Eslam Elkholy

Nody

Riyad Saif

Related tracks