Konna Seghar-Black Thema

عبد الرحمن الأبندوي _  إكتم أنينك

القاهرة الليلة نفسها الغاز
وعبوة ناسفة اتقسمت ع الكل
كلمة بحبِّك ﻓـ القصيدة مجاز
كلمة بحبَّك ع الكوفية الخل

كان نفسي اقول لك تصبحي على خير
هكدب
وانتي اللي معتادة الكلام من صوتي صادق
ومنين هييجي الخير
طول ما الغراب راكب سمانا ﻓـ ضل بوم زاعق
خايف عليكي الليلة من بلدك
ومهوش جديد إني أخاف منها
القاهرة بتعصر خطاوي أهلها قبل اما تاكل ﻓـ الغريب
بس الغريب
إني أخاف واهرب
خايف أقول لك ( تصبحي .. )
أكدب
خايف أقول لك إهربي لحضني تقولي بستغلك ﻓـ الظروف
عمال بداري دمعتي الخايفة بخوف
طب هربيني لحضنك الليلة أبات
عارفك بإنك أقوى ﻓـ الأزمات
عارفاني إني بره ضلعك مهترئ وضعيف
لميني من ع الأرصفة ﻓـ كفك
زمِّلي البرد ﻓـ وريدي بالضفاير
أنا ما احتملش القاهرة في ليل يناير
كان نفسي اقول لك تصبحي على خير
الدم صد الشمس ع الشباك 
وبيغطي الستاير

# أحمد مدره

القاهرة وحضنك .. وأنا

انا سميتك الجنة على الهلباوى

كلمات : مصطفى فهمى زيادة
https://www.facebook.com/mostafa.f.ziad?ref=ts&fref=ts

أداء صوتى : منّة كُردى
https://www.facebook.com/Kawkabmashy

هندسة صوتية : منّة كُردى

الكلمات : 
كل الملايكة واقفين بسنارة
والطعم نجم
بيصيدوا ناس سهرانه م التفكير
علشان كده بليل توطي النجوم جدا
تصبح علي مد العروق
فتحت شباك شقتى من غير وضوء
وبدأت ارتجل الدعاء
يارب خلى الشبع من ابسط الاشياء
_يعني رجاءاً_
خلى اللى يلمس حد بيحبه....يشبع
خلى اللى يضحك ضحكة من قلبه....يشبع
ارشد نسيم تايه لشباك الغلابه
يسكن فى جوف عيل جعان....يشبع
جتت البشر تبقى سنابل قمح
بدل التراب
خلى الحصي عناقيد عنب
لو دبدب الطفل الرضيع تنزل رطب
أو حتى زمزم تنفجر تحتيه عيون
تسقى اللى ماتوا م العطب
يارب خلي الحب من ابسط الاشياء
نظرة مابين اتنين في اتوبيس المنيب
او بنت كعب جزمتها اتكسر
فاداها رجله تمشي بيها مجاز
كل البنات للولاد قصايد شعر
كل الولاد للبنات عكاز 
يارب 
اكتب على خد الغريب
(صاحب مكان)
اصل الشجر عمره ما فرق يوم ما بين الناس
ضلل على كل اللى عدى من هنا
اوجد ما بينه وبين رصيفه ..اُلفه
شيل الحرج بينهم
ياخد دفا منه ان شالله لو سُلفه
لو حن يوم للونس
قول للغريب
دبدب على راس القبور
صحي اللى ماتوا م الجفا
من بدء ادم حتى هذا الوقت
يلقى الاحبة اتجمعوا / آلاف آلاف
مش راح يشيلهم ننى عينك حتى لو برّقت
تلقاك شبهم فى الحنين للغيب
والغربة وسط الاهل والاصحاب
كانوا برضه بيلفوا القبور يمكن يلاقوا
للجنة باب
يا ميتين ناقصين دفا
مش عايز ابقى زيكوا 
واصبح وليف للارصفه
احكولى عن يأس اللى حب بفطرته
واحكولى عن يأس اللى حب بفلسفة


ابتهال _ منّة كردى_ مصطفى فهمى زيادة

لا تكذبى

كلمات / علي سلامه
غناء / وجيه عزيز

إن مقدرتش تضحك .. متدمعش ولا تبكيش
وإن مفضلش معاك غير قلبك
أوعى تخاف
مش هتموت.. هتعيش
وان سألوك الناس عن ضي جوه عيونك ما بيلمعشي .. متخبيش
قولهم العيب مش فيا .. ده العيب في الضي

وانا مش عاشق ضلمة .. ولا زعلت الضي
مسير الضي لوحده .. هيلمع
ومسير الضحك لوحده .. هيطلع
مبيجرحش .. ولا يأذيش

إن مقدرتش تضحك

خفيف الروحَ

ماتيلدا

الموت
ـــــــــــــــ
الموت مظلوم..
مسكين م الوحدة صبح مجنون
بيفتش جوه قلوب الناس
لكن لساه مش لاقي صديق

الموت مربوط على عتب الباب
أدخل يا وحيد..
ليك ألف شريك
كارهين العيشة فـ زيف كداب

الموت مش موت
لكن بوابة لشكل جديد
ليه دايمًا لازم أكون إنسان
مالها العصافير

كلمات
رامي يحي


الحان وغناء 
SHEKO

الموت

نص: إسراء مقيدم
مونتاج: عمرو شاهين
ميكساج وآداء: زينب فرحات..صوت الونس
------------------------
عصافير جنة
عارف؟..الحياة كانت هتبقى ألطف بكتير لو كنا مراكب ورق,لو كنا بالخفة اننا نبوش مع أول لحظة حلوة تعدي علينا ونتحول لفرافيت 
ورق تتلاشى تماماً في صدق التجربة..مين اللي قال إن التلاشي وحش؟ التلاشي في الملح الخفيف أحسن من دوامات التجارب اللي بتسحبنا وبتخلينا نسحب معانا ناس كتير قوي للقاع,أنا بقيت بالخفة اللي تخليني ما ابصش ورايا,مابحاولش أتعلق بحاجة ولا بحد….عارف ميزة إن يبقى عندك ذاكرة مثقوبة وماتحاولش ترممها؟مابقيتش أتمسك بالحواديت اللي بتعدي عليا,بقيت بجمعهم كلهم وأول كل  تجربة جديدة أطيرهم زي ماكنت بطير الحمام 

 ومتهيألي المشاهد الجاية من عمري كلها هتكون في خفة حبات الدقيق الصغيرة لما بتعدي من فتحات الغربال وتنزل على السطح الرخام الأبيض..

أقولك على حاجة حلوة؟ تيجي نقطع كل ذكرياتنا ونطيرهم عصافير الجنة؟

Konna Seghar-Black Thema

Roka ZakZouk

Related tracks