١_اللى عنده أب زيك 
 يبقى مايخافش الضياع 
واللى ليه إله فى حبك 
 عمر مايعيش فى أكتئاب 
إيه فى كل الدنيا يسوى 
 إيه معاك مش مستطاع  
وأنت أبونا اللى خالقنا 
واللى فى إيديه الحياه.

" القرار " .. 
الجريح بيطيب فى حضنك 
 والحزين يفرح معاك 
والمريض من مرضه يشفى 
 واللصوص تدخل سماك 
أنت قلبك كله رحمه 
 مستحيل نهلك معاك 
دا اللى يمشى وراك يلاقى
 باب مراحمك والنجاه.

٢_اللى تاه .. مسيره يرجع 
 يجى متشال ع الأكتاف 
واللى يفشل بكره ينجح 
 لما تملاه بالرجاء
أنت أب لكل واحد
 ولخرافك راعى صالح 
أنت أسمك فيه حمانا 
يايسوع أنت الخلاص. 

٣_يارجاء للى مالوش 
فى  الكون رجاء دا كله سواك رجاء 
مينا فى العاصف وملجىء 
 لما تضنينا الضيقات 
ياحبيب أمين وصالح 
للى حبك وأشتهاك 
اللى عنده أب زيك
 يا سعادته وياهناه.

ترنيمة اللي عنده أب زيك °° سارة معروف °°

_لحظة وصولك لأرضنا الكل كان مستنيها 
لكن يوميها ملقتش يا رب حتى أوضة تبيت فيها ...
بالنسبة ليك دي خطة قديمة عمرك ما كنت هترجع فيها ...
علشان كدة السقعة و الفقر مأثروش ولا فرقوا معاك ...

*ده يوم ميلادك لينا كان أعظم مناسبة
رغم الظروف كلها مكنتش مناسبة
عهد الحب اللي خدته زمان 
مسبتش فيه يا ربي للصدفة مكان .

_ترانيم فرح على أرضنا و سلام عجيب حل علينا ...
شايل في قلبك همنا عمرك في ثانية ما كنت ناسينا ... 
العدرا باصة عليك بفرحة أصل الامل رجعته لينا ...
إديت إجابة للحياة بقى ليها معنى و قيمة معاك.

ترنيمة أعظم مناسبة _ لكورال نبرة فرح

"أَحْمَدُكَ مِنْ أَجْلِ أَنِّي قَدِ امْتَزْتُ عَجَبًا، عَجِيبَةٌ هِيَ أَعْمَالُكَ، وَنَفْسِي تَعْرِفُ ذلِكَ يَقِينًا". 👸 

( مز 139 : 14 )

Mariam Sameh

Popular tracks