ياسمين

كلمات و آداء صوتي : رباب محمد

www.facebook.com/roroo.lodaa


عارف يعني إيه بحبك ؟ <3

يعني أضحي بـعمري كُله .. لاجل ثانية أعيشها جنبك

يعني تيجي وقت ضعفي .. و أبقى أقوى بـ لمسة منك

يعني أدوب من كُل كلمة .. حلوة تطلع من شفايفك

يعني لما فـ مَرة تزعَل .. بسرعة أجري عليك أصالحك

يعني بيضيع كُل خوفي .. لما ببقى جوه حضنك

يعني كُل حاجة حلوة .. تبقى جاية بس منك

يعني برجع تاني طفلة .. معاك و أحس كإني بنتك

يعني أنا بحس بأمان .. لأني ساكنة جوه قلبك

يعني قلبي يكون أناني .. و مش عايز غيرُه يحسك

يعني لما تغيب ثواني .. قلبي مايبقاش قد بُعدك

يعني بيك أنا قلبي ينبض .. و أتمنى أعيش عمرين بـ قُربك

يعني لو دمعي فـ عيني .. أول ما أشوفك بس أضحك

يعني لو فـكرت أخاصمك .. و سمعت صوتك بس أسامحك

يعني كل الكون ده كله .. أنا قلبي جواه بس ملكك

يعني من جديد اتولَدت .. من يوم ما قلبي حس حُبك

يعني قلبي مكانش عايش .. و اتوَلد لحظة ما عِرفك

يعني بيك عُمري ابتدى .. و ماعِشتش اللي فات قبلك

يعني بيروح كل قلقي .. لما تأسرني بأمانك

و فـ لحظة بس أنا بتخِطف .. بـ نظرة واحدة من عيونك

و إحساسي كل أما أشوفك .. هو نفسُه .. زي أول مرة شوفتك

يدق قلبي كتير أوي .. و أحس إني نفسي أضُمك 

و لما أسيبك بس و أمشي .. بزعل أوي .. و أستنى تاني ميعاد أقابلك

أقولك يعني ايه بحبك ؟ <3

يعني مهما فضلت أقول 
مستحيل حروفي تقدر .. توصف إزاي قلبي عاشقك

يعني هفضل بس عايشة .. بيك و ليك و جوه منك <3

عارف يعني إيه بحبك ؟ - رباب محمد

كلمات : محمد سامي زيدان
www.facebook.com/mohammed.samy.zidan

آداء صوتي : رباب محمد
www.facebook.com/roroo.lodaa


أخيراً ...
زيطه .. مَزيكا , و زغروته , و شموع بَمبى !
تهانى بزيجه مَبروكه ,
خلاص جَنبك .. خلاص جَنبى !
جَميل ..
جداً ,
مَفيش أجمَل ..
و لا انقى .. من الحاجة ,
الـ تتبارك بدين رَبى ..,
عَظيم صوتُه , و مَنديلُه ,
و يُطلب ايدى اديلُه ,
و تهبَط فوق مطار ايدَك ,
عَظيم نَقلُه لكُرات دَمى ,
لـ تسكُن جوة فـ وريدَك ...
و شربات ماما ,
و الدَمعة فـ عين والدى من الفَرحة ,
مَفيش باقى ,
غير البَدله و بيبيونتَك , مع الطَرحه ..
و زغروته و باب يقفِل ..
و ضوء شَمعه ...
و نتلاقى امام الله فـ سَجده
و دَعوة فـ الركعه ..
يهنينا ,
هاكون مكسوفة ., مُش هانكر ..
و مين فينا ,
هاينكر انُه لم يخجَل ..
و مين فينا
ماعش العُمر بيخطط ..
ليوم .. فَرحُه ,
يشوف طَرحُه ,
أمام عينُه ,
و ينسى الجُهد و ان انُه
طِلع عينُه .. عشان يفرَح ,
انا خَجلانه مش هانكِر ..
لكِن ... هـَ افرَح ..
بحبَك .. يا الـ من أجلى ..
شقيت ياما ,
بَحبك حُب مش عادى ..
رَفيع رافع لفوق هامة ..
و انبَل مـ النخيل .. كِبراً ,
و اعذب مـ القصيد .. روَحاً..
بَحبَك .. ثُم مش عارفه ..
من الفَرحه , أقول و انطَق ..
و ايه يكَفى فـ وَصف الحُب
غير انُه حلال جداً ...
أمام رَبى .. هانتمَعشق !
انا ملكَك . فاحضُنى ...
و لملمنى .. و احوينى ..
و اعذُرنى اذا خَدك ,
يلامس دَمعه من عينى ..
انا طايره من الفَرحه .. ماهُش اكتَر !

عشان نفرَح ..
سهرت كتير .. و كنت اسهَر ..
و ادعيلَك ..
و ادعيلى يزيد حُبَك
.. و اعود من تانى ادعيلَك !
و اتمنى اذا تبكى ..
اكون صَبرَك و مَنديلَك !
و ادمّع كُل وَقت صلاه ..
و اقول امتى ..
هاترجَعلى .. و ارجَعلَك ..
تصدقنى ..
اذا تعرف .. بأنَك كُنت ويايا ..
بتتكَلِم .. و بَسمَعلَك !
فـ طول وَقت الغياب ..
لما ..
ما كُنتش جَنبى و مسافر ..
ما كُنتش عايشه تَقريباً ..
ما كات روحى هناك ساكنه
فـ جنان روحَك ..
و كان عَقلى هناك بَردُه ..
مع طموحَك ..
يادوب عايشه ..
عشان عايشه , النهار كُله ..
و سرحانه فـ أوصافَك ..
و ليل يجى تزيد حيرتى ..
و اتسائل .. ده مين شافَك !؟
و مين سَلِم و اتكَلِم .. !؟
و مين زارك فـ حِلمَك ..
لو فـ ليل تحلَم ! !؟
و مين تانى و ايه تانى ..
و هَل يعنى .. !؟
و كيف حالَك ..
و مين جالك ..
و ألف سؤال ..
يهاجمنى ضلام ليلى ..
و آدى الحال ...
فـ بُعدك عَنى
يا الـ عايش فـ أحلامى !
رقيق حُبَك لكن حامى !
و بُعدك عَنى كان ليا ..
لكِن قاتِل ..
بتتغَرب و تتعذب ..
عشان حُبى ..
ماهُش كافى يا روح قَلبى ,
اقدملَك يادوب قَلبى ..
ماهُش كافى ..
هاعيش عُمرى ,
عشان عُمرك
يكون دافى ..هـنتهَنى ..
هادوق نارى ..
عشان انتَ تدوق جَنه ..
هاعيش وافيه ...
نعيمَك فَرض جوايا ..
نيرانك تبقى لى سُنه ..
بحبَك .. ثُم آه عاشقه ..
بحبَك ثُم مَجنونه ..
بحبَك حُب عَذبنى ..
بيتواعِر و فـ ليونه !!
انا جَنبَك ..
مانيش جَنبَك ..
معاك .. ويايا ..
أو لأ ..
اذا تسأل
هناك دَقه .. هتلقاها ..
بتتغنى بحروف اسمَك ..
بحبَك .. دَمعه من عينى ..
تعبت .. يارب !

أخيراً - محمد سامي زيدان - رباب محمد

كلمات : محمد سامي زيدان
www.facebook.com/mohammed.samy.zidan

آداء صوتي : رباب محمد
www.facebook.com/roroo.lodaa

و اقابلَك و اسرَح و اشهَق و ادوب ,
و اترُك عشانَك مئات القلوب ..
و اشوفَك قُصادى !
فـَ يجزم فؤادى ,
بأنِك بلادى ,
و انَك سعادتى ,
و انَك حدادى !
و انَك أميرى ,
و انَك مليكى !
و انك بدايتى و انك نهايتى
و انَك هدايتى و انَك ذنوب !
و اقابلَك و اسرَح و اشهَق و ادوب !
و قَلبى يخوضلَك آلاف الحروب ..
و يسفِك دمايا ,
بنبَضُه الـ فاير ,
و يغسل عيونى ,
بـ دَمعى الـ حاير ..
و يوعدنى انك هاتشرُق فـ دَمى ,
فـَ استنى تشرُق .. يحين الغروب !
و اقابلَك و اسرَح و اشهَق و ادوب ,
أنا يا حَبيبى يادوب بَستهَجى ..
بقالى حوالى يادوبَك شهور ,
ده من يوم ما شُفتَك ,
و هيمت فـ ملامحَك ,
و قررت انى أكونلَك سرور !
و ألمَح خيالَك ,
و اركِز و اشاغلَك ,
و انتَ فـ خيالَك ,
مركِز فـ شُغلَك ,
كتيرة عليا أدوق نَظرة منَك !؟
هل انتَ بتخجَل أم انُه غرور ! ؟
انا كُل حِلمى ,
اعوم جوة دمَك ,
كما انتَ عايم كَــ مركب فـ دَمى
.. مانيش عايزة ابداً 
تيجان أو مهور ..
و ليه تبنى بينا حواجز و سور !
اذا كُنت عاشق ..
كما حَجم عشقى ,
و صادق فـ حُبَك ,
كما رُبع صدقى ..
ما تُفصِح بحُبك و اصرُخ و قول ,
انا عارفة انَك ,
مركِز فـ هيبتَك ,
أو انَك بتُحرَج و انَك خَجول !
لكن نفسى اِنَك ,
تكون مَره ناعم
تكون مَرة هايم
و ما تكونش ابداً معايا مَلول !
فـ رأيي ,
اذا يعنى تسمَع كلامى ..
و تنسى شويه طباعَك يا حامى !
اذا عوزت تُملُك
مشاعر و حُبك يسير فى سلام ,
بسيطة و سهلة ..
يادوب اهتمام ..
ابُص فـ عيونَك , تبُص فـ عيونى ,
اقُولَك هاكُونلَك ,
فـَ تفرَح تقولّى , خلاص انتى كُونى !
اقُلَك بحبَك . تقولّى بَحبِك !
و تسمَح لـ قَلبى يعيش جوة قلبَك !
و تُعجَب بـ ذوقى ,
و تمدَح فـ لونى !
تشوفنى , تبدد مشاغلَك عشانى ..,
و تصبَح فـ حُبى , انانى و انانى ..
لا تسمَح لغيرك , يبُص فـ ملامحى ..
و لا حَد غيرك يشاركنى فَرحى !
و اذا قَلبى يصرُخ فـ يوم
مـ الوجيعه ..,
مفيش حَد غيرك يطببلى جَرحى !
و اذا مَرة تتعَب من الدُنيا
تهرب ..
فـ يبقى عشانى ., و اليا الهروب !
و اقابلَك و اسرَح و اشهَق و ادوب ,
و اترُك عشانَك مئات القلوب ..
و لسة فـ ليلى ..
بتمنى انَك ..
تجينى تقولّى . بَحبِك . بَحبِك ..
و اذا كُنت ناوى تأخَر عليا ..
آدينى بَعاتبَك و هـَ ارجَع اعاتبَك ..
و طبعاً فـ كُل المواضع بحبَك ..
و هافضَل , اسيره فـ عُمرى بحُبَك ..
عجيب و الله قلبَك ,
برغم انُه واسع .. شبيه للدروب !
و اقابلَك و اسرَح و اشهَق و ادوب ,
و اترُك عشانَك مئات القلوب ..

و أقابلك - محمد سامي زيدان - رباب محمد

MainVocal : Mohamad Hamaki
Lyrics : Ayman Bahgat Amar
Composed by : Amr Mostafa
Music Arrangement by : Ahmed Elmougy
Bass : Seka
Back Vocal : Khaled Tork - Ahmed Fawzy - Ahmed Elmougy
Mix and digital master : Tarek Madkour

محمد حماقي|  أجيال بتسلم بعض - النادي الآهلي

كلمات : محمد عبدالله حموده
آداء صوتي : رباب محمد

Mohamed's profile: www.facebook.com/mhmd.abdlla7
Rabab's Page : www.facebook.com/sense.of.girl

( المفتتح )
سايق عليكى الهوى ..
ماتزوديش الهم ..
سايق عليكى الصبر ..
شيلى المرار م الدم ..
حنى بقى وقربى ..
دا أنا روحى متبعتره ..
يا أم العيون بهدلة ..
بكفاية بعد وغم ..

( القصيدة )
ماتدمعيش ..
هذا فراق بينى وبينك للأبد ..
كل الحكاوى ان احنا راح ممكن نكون ..
صبحت سراب ..
ما أنا حبى كان لك سنبلة ..
زرعتها ايدك فى الخراب ..
يا أنتى يا شوك الورود ..
حضنك صنعنى للصدود ..
سطرين وغناهم غراب ..
بهديكى أنا أخر قصيدة لحبنا ..
لكن رثاء ..
ملضومة روحك جوا منى بمعجزة ..
وأنا قلبى بعدك حضنه متلصم عزا ..
ودموعى من بعد الرحيل صبحت صوان ..
أرجوكى يا ست البنات
.. ماتدمعيش ..

دا أنا بعد منك مامعاييش ..

غير بس ضحكة ف ذكريات ..
على كام رسالة بتحضنينى وسطهم ..
مع ضحكة بتبكى النايات ..
فاكرة أما كنتى بتحلفى هفضل معاك ؟
فاكره انشغالى كل يوم ؟
لأجل ان أصيغك فى القصايد بنت حور ؟
طب فين وعودك ياهى ؟
مش قلتى برده أنا عمرى ما أخد م الفراق ولا أى دور ؟
وأديكى خدتينى لبعاد مالهوش رجوع ..
أقسم بانك كنتى أروع ملهمة ..
وانك مجاز ..
ولو اتكتبتى ف 100 ديوان ماتكفيهوش ..
بس النصيب صاغك كده ..
أغنية علشان الفراق ..
طب فاكرة أيام الخناق ؟
ولا أما أنام ..
وأسيب دموعك ع المخده فى اشتياق ؟
ولا أما أغيظك كل ليلة بصوت منير ..
" ليه غاوية دايما تبعدينى عن حياتك بالملل ؟ "
فعلا بعدنا والرجوع مافيهوش أمل ..
وختام أخير قبل السلام ..
مبقاش يفيد انك تجاورينى المنام ..
ولا عاد يفيد انى أعشقك رغم الحنين ..
فان كان اكيد ..
أنا نفسى بس تزورى قبرى بوردتين ..
واقرى لى عدية يس .!!

ما تدمّعيش - محمد عبدالله حموده - رباب محمد

متزعلش متحزنش

Kudzai-Girl On Fire 🔥 (ALICIA KEYS COVER)

وائل جسار | معارف تتر مسلسل أريد رجلا.mp3


بشعر ساعات ان الفضا خيبة
واشعر ساعات ان الملا قضبان
وساعات بحس ان البكى هيبة
تنزل مطر وتطهر الانسان

بحلم يكونللي في الغنا صاحب
بحلم يكونللي في الوجود عنوان
والاقي الاقي الاقي ضل ومساكن

احنا اللي وقت الشدة حارسينها
واحنا اللي وقت الفرح منسيين
تغرق ومين غيرنا اللي شايلنها
وتقب نبئا احنا اللي محنيين

احنا ضحايا العشق والواجب
ولايوم هتعلى العين على الحاجب
ده هواها هواها هواها في الدم ساكن

محمد رحيم - بشعر ساعات

معارف والنهاية واحده

شمس يوم جديد - Shams Youm Geded _ أغنية فيلم مريم والشمس _ @AxeerStudio ( 160kbps ).mp3

جمع حبايبك اعلان فودافون
شكرا لفريق العمل الاصلي
كلمات تامر حسين
الحان شادي حسن
توزيع اسامة الهندي
اعادة توزيع تيام طارق
تسجيل مهاب اسامة

(محمد زعفراني (جمع حبايبك

قلبي مش بيبطل عيااط  تاليف اية ابو النجا 🖤٢٠١٩🥀

أول مراسيل الشتا

بيقولوا عني شاعرة بس على قدي كده :)

أخيراً - محمد سامي زيدان - رباب محمد

Rabab Mohamed

Recent comments

amal ameen

Mero Kasm

user730332996

Mohamed- A.zim

Related tracks