فعلا بعادنا والرجوع مافهوش امل :'(

انا نفسى بس تزورى قبرى بوردتين 

المقطع جميل اول تسلم ايدك يا محمد عالكلمات وتسلمى يا رباب عالأداء

♡ مْلُضوُمْہ روُحڪ جوُآ مْنْے بُمْعٌجزه ♡ :(

ياسمين

عبير شاذلي حبيبي..ياشمس يامنوره غيبي

كلمات و آداء صوتي : رباب محمد

www.facebook.com/roroo.lodaa


عارف يعني إيه بحبك ؟ <3

يعني أضحي بـعمري كُله .. لاجل ثانية أعيشها جنبك

يعني تيجي وقت ضعفي .. و أبقى أقوى بـ لمسة منك

يعني أدوب من كُل كلمة .. حلوة تطلع من شفايفك

يعني لما فـ مَرة تزعَل .. بسرعة أجري عليك أصالحك

يعني بيضيع كُل خوفي .. لما ببقى جوه حضنك

يعني كُل حاجة حلوة .. تبقى جاية بس منك

يعني برجع تاني طفلة .. معاك و أحس كإني بنتك

يعني أنا بحس بأمان .. لأني ساكنة جوه قلبك

يعني قلبي يكون أناني .. و مش عايز غيرُه يحسك

يعني لما تغيب ثواني .. قلبي مايبقاش قد بُعدك

يعني بيك أنا قلبي ينبض .. و أتمنى أعيش عمرين بـ قُربك

يعني لو دمعي فـ عيني .. أول ما أشوفك بس أضحك

يعني لو فـكرت أخاصمك .. و سمعت صوتك بس أسامحك

يعني كل الكون ده كله .. أنا قلبي جواه بس ملكك

يعني من جديد اتولَدت .. من يوم ما قلبي حس حُبك

يعني قلبي مكانش عايش .. و اتوَلد لحظة ما عِرفك

يعني بيك عُمري ابتدى .. و ماعِشتش اللي فات قبلك

يعني بيروح كل قلقي .. لما تأسرني بأمانك

و فـ لحظة بس أنا بتخِطف .. بـ نظرة واحدة من عيونك

و إحساسي كل أما أشوفك .. هو نفسُه .. زي أول مرة شوفتك

يدق قلبي كتير أوي .. و أحس إني نفسي أضُمك 

و لما أسيبك بس و أمشي .. بزعل أوي .. و أستنى تاني ميعاد أقابلك

أقولك يعني ايه بحبك ؟ <3

يعني مهما فضلت أقول 
مستحيل حروفي تقدر .. توصف إزاي قلبي عاشقك

يعني هفضل بس عايشة .. بيك و ليك و جوه منك <3

عارف يعني إيه بحبك ؟ - رباب محمد

كلمات : محمد سامي زيدان
www.facebook.com/mohammed.samy.zidan

آداء صوتي : رباب محمد
www.facebook.com/roroo.lodaa


أخيراً ...
زيطه .. مَزيكا , و زغروته , و شموع بَمبى !
تهانى بزيجه مَبروكه ,
خلاص جَنبك .. خلاص جَنبى !
جَميل ..
جداً ,
مَفيش أجمَل ..
و لا انقى .. من الحاجة ,
الـ تتبارك بدين رَبى ..,
عَظيم صوتُه , و مَنديلُه ,
و يُطلب ايدى اديلُه ,
و تهبَط فوق مطار ايدَك ,
عَظيم نَقلُه لكُرات دَمى ,
لـ تسكُن جوة فـ وريدَك ...
و شربات ماما ,
و الدَمعة فـ عين والدى من الفَرحة ,
مَفيش باقى ,
غير البَدله و بيبيونتَك , مع الطَرحه ..
و زغروته و باب يقفِل ..
و ضوء شَمعه ...
و نتلاقى امام الله فـ سَجده
و دَعوة فـ الركعه ..
يهنينا ,
هاكون مكسوفة ., مُش هانكر ..
و مين فينا ,
هاينكر انُه لم يخجَل ..
و مين فينا
ماعش العُمر بيخطط ..
ليوم .. فَرحُه ,
يشوف طَرحُه ,
أمام عينُه ,
و ينسى الجُهد و ان انُه
طِلع عينُه .. عشان يفرَح ,
انا خَجلانه مش هانكِر ..
لكِن ... هـَ افرَح ..
بحبَك .. يا الـ من أجلى ..
شقيت ياما ,
بَحبك حُب مش عادى ..
رَفيع رافع لفوق هامة ..
و انبَل مـ النخيل .. كِبراً ,
و اعذب مـ القصيد .. روَحاً..
بَحبَك .. ثُم مش عارفه ..
من الفَرحه , أقول و انطَق ..
و ايه يكَفى فـ وَصف الحُب
غير انُه حلال جداً ...
أمام رَبى .. هانتمَعشق !
انا ملكَك . فاحضُنى ...
و لملمنى .. و احوينى ..
و اعذُرنى اذا خَدك ,
يلامس دَمعه من عينى ..
انا طايره من الفَرحه .. ماهُش اكتَر !

عشان نفرَح ..
سهرت كتير .. و كنت اسهَر ..
و ادعيلَك ..
و ادعيلى يزيد حُبَك
.. و اعود من تانى ادعيلَك !
و اتمنى اذا تبكى ..
اكون صَبرَك و مَنديلَك !
و ادمّع كُل وَقت صلاه ..
و اقول امتى ..
هاترجَعلى .. و ارجَعلَك ..
تصدقنى ..
اذا تعرف .. بأنَك كُنت ويايا ..
بتتكَلِم .. و بَسمَعلَك !
فـ طول وَقت الغياب ..
لما ..
ما كُنتش جَنبى و مسافر ..
ما كُنتش عايشه تَقريباً ..
ما كات روحى هناك ساكنه
فـ جنان روحَك ..
و كان عَقلى هناك بَردُه ..
مع طموحَك ..
يادوب عايشه ..
عشان عايشه , النهار كُله ..
و سرحانه فـ أوصافَك ..
و ليل يجى تزيد حيرتى ..
و اتسائل .. ده مين شافَك !؟
و مين سَلِم و اتكَلِم .. !؟
و مين زارك فـ حِلمَك ..
لو فـ ليل تحلَم ! !؟
و مين تانى و ايه تانى ..
و هَل يعنى .. !؟
و كيف حالَك ..
و مين جالك ..
و ألف سؤال ..
يهاجمنى ضلام ليلى ..
و آدى الحال ...
فـ بُعدك عَنى
يا الـ عايش فـ أحلامى !
رقيق حُبَك لكن حامى !
و بُعدك عَنى كان ليا ..
لكِن قاتِل ..
بتتغَرب و تتعذب ..
عشان حُبى ..
ماهُش كافى يا روح قَلبى ,
اقدملَك يادوب قَلبى ..
ماهُش كافى ..
هاعيش عُمرى ,
عشان عُمرك
يكون دافى ..هـنتهَنى ..
هادوق نارى ..
عشان انتَ تدوق جَنه ..
هاعيش وافيه ...
نعيمَك فَرض جوايا ..
نيرانك تبقى لى سُنه ..
بحبَك .. ثُم آه عاشقه ..
بحبَك ثُم مَجنونه ..
بحبَك حُب عَذبنى ..
بيتواعِر و فـ ليونه !!
انا جَنبَك ..
مانيش جَنبَك ..
معاك .. ويايا ..
أو لأ ..
اذا تسأل
هناك دَقه .. هتلقاها ..
بتتغنى بحروف اسمَك ..
بحبَك .. دَمعه من عينى ..
تعبت .. يارب !

أخيراً - محمد سامي زيدان - رباب محمد

كلمات : محمد سامي زيدان
www.facebook.com/mohammed.samy.zidan

آداء صوتي : رباب محمد
www.facebook.com/roroo.lodaa

و اقابلَك و اسرَح و اشهَق و ادوب ,
و اترُك عشانَك مئات القلوب ..
و اشوفَك قُصادى !
فـَ يجزم فؤادى ,
بأنِك بلادى ,
و انَك سعادتى ,
و انَك حدادى !
و انَك أميرى ,
و انَك مليكى !
و انك بدايتى و انك نهايتى
و انَك هدايتى و انَك ذنوب !
و اقابلَك و اسرَح و اشهَق و ادوب !
و قَلبى يخوضلَك آلاف الحروب ..
و يسفِك دمايا ,
بنبَضُه الـ فاير ,
و يغسل عيونى ,
بـ دَمعى الـ حاير ..
و يوعدنى انك هاتشرُق فـ دَمى ,
فـَ استنى تشرُق .. يحين الغروب !
و اقابلَك و اسرَح و اشهَق و ادوب ,
أنا يا حَبيبى يادوب بَستهَجى ..
بقالى حوالى يادوبَك شهور ,
ده من يوم ما شُفتَك ,
و هيمت فـ ملامحَك ,
و قررت انى أكونلَك سرور !
و ألمَح خيالَك ,
و اركِز و اشاغلَك ,
و انتَ فـ خيالَك ,
مركِز فـ شُغلَك ,
كتيرة عليا أدوق نَظرة منَك !؟
هل انتَ بتخجَل أم انُه غرور ! ؟
انا كُل حِلمى ,
اعوم جوة دمَك ,
كما انتَ عايم كَــ مركب فـ دَمى
.. مانيش عايزة ابداً 
تيجان أو مهور ..
و ليه تبنى بينا حواجز و سور !
اذا كُنت عاشق ..
كما حَجم عشقى ,
و صادق فـ حُبَك ,
كما رُبع صدقى ..
ما تُفصِح بحُبك و اصرُخ و قول ,
انا عارفة انَك ,
مركِز فـ هيبتَك ,
أو انَك بتُحرَج و انَك خَجول !
لكن نفسى اِنَك ,
تكون مَره ناعم
تكون مَرة هايم
و ما تكونش ابداً معايا مَلول !
فـ رأيي ,
اذا يعنى تسمَع كلامى ..
و تنسى شويه طباعَك يا حامى !
اذا عوزت تُملُك
مشاعر و حُبك يسير فى سلام ,
بسيطة و سهلة ..
يادوب اهتمام ..
ابُص فـ عيونَك , تبُص فـ عيونى ,
اقُولَك هاكُونلَك ,
فـَ تفرَح تقولّى , خلاص انتى كُونى !
اقُلَك بحبَك . تقولّى بَحبِك !
و تسمَح لـ قَلبى يعيش جوة قلبَك !
و تُعجَب بـ ذوقى ,
و تمدَح فـ لونى !
تشوفنى , تبدد مشاغلَك عشانى ..,
و تصبَح فـ حُبى , انانى و انانى ..
لا تسمَح لغيرك , يبُص فـ ملامحى ..
و لا حَد غيرك يشاركنى فَرحى !
و اذا قَلبى يصرُخ فـ يوم
مـ الوجيعه ..,
مفيش حَد غيرك يطببلى جَرحى !
و اذا مَرة تتعَب من الدُنيا
تهرب ..
فـ يبقى عشانى ., و اليا الهروب !
و اقابلَك و اسرَح و اشهَق و ادوب ,
و اترُك عشانَك مئات القلوب ..
و لسة فـ ليلى ..
بتمنى انَك ..
تجينى تقولّى . بَحبِك . بَحبِك ..
و اذا كُنت ناوى تأخَر عليا ..
آدينى بَعاتبَك و هـَ ارجَع اعاتبَك ..
و طبعاً فـ كُل المواضع بحبَك ..
و هافضَل , اسيره فـ عُمرى بحُبَك ..
عجيب و الله قلبَك ,
برغم انُه واسع .. شبيه للدروب !
و اقابلَك و اسرَح و اشهَق و ادوب ,
و اترُك عشانَك مئات القلوب ..

و أقابلك - محمد سامي زيدان - رباب محمد

في وسط الظروف الصعبة و المشاكل و المسؤوليات اللي علينا.. بنلاقي حد مهتم بينا و بيطمن وبيسأل علينا من غير ما نكون موجودين أو متاحين .. بس آمن إنه هيلاقينا وقت ما يحتاجلنا ..
حد كده بتفاصيل صغيرة خطف قلبك و عينك اتثبتت عليه زي كاميرا المراقبة لما تخليها تدور على حد بملامح معينة و تفضل رايحة جاية لحد ما تلاقيه .. فتبدأ تحاول كذا مرة انك تقرب وكل مرة بيكون رفض .. فتصمم لحد ما تاخد الفرصة الأولى .. النظرة الأولى .. دقة القلب الأولى .. أول كل حاجة بتبقى ليك أنت بس .. بتبقى الإختيار الأول طول الوقت .. بعد فقدك للآمان  يجي اللي يحسسك بالأمان ويكون العوض الجميل .. بتبقى ممتن لكل وقت و لكل لحظة بتكون معاه .. بتنسى نفسك وياه .. مش نفسك اللي بتنساها .. ده انت بتنسى اللي حواليك و تفضل فاكره هو بس .. يومك المليان بتحسه فاضي بدونه .. يومك الفاضي بيكون مليان بيه .. بتهمل تفاصيل كتير كنت مهتم بيها وعمرك ما بتعرف تعدي تفصيلة من تفاصيله .. بتذاكره وبتحفظه .. مشاكلك معاه بتنتهي بكلمة .. علاقة تزيد بكلمة .. تفرح وتحزن .. تطمن و تقلق بكلمة .. كلمة واحدة كفيلة أنها تخليك اسعد أو أتعس انسان .. بالرغم من كده إلا إنه بيبقى أصح اختيار انت اخترته .. لما تتسأل انت بتحب عينك بتجاوب قبل ما لسانك يتحرك و تكون حاسس انك مش محتاج  تتكلم لأن رد واضح وضوح الشمس .. فتتمسك أكتر بيه و يفضل على بالك حتى لو الدنيا بتولع قدامك .. بتجريله بلهفة .. تسمع صوته .. بقيت بخير .. 
في النهاية حافظ على اللي يكون معاك في الشدة قبل اللين .. الوحش. قبل الحلو .. بهدلتك قبل هندامتك .. وأحمد ربنا على وجوده دايماً


#العوض_الجميل
#حسين_شريف

العوض الجميل _حسين شريف

و ان كـَان امل العشاَق القرب .. 
انـا املى فــِ حبك هو الحُــب 

اتوب عن حبك انا | محمد محسن

كلمات : محمد عبدالله حموده
آداء صوتي : رباب محمد

Mohamed's profile: www.facebook.com/mhmd.abdlla7
Rabab's Page : www.facebook.com/sense.of.girl

( المفتتح )
سايق عليكى الهوى ..
ماتزوديش الهم ..
سايق عليكى الصبر ..
شيلى المرار م الدم ..
حنى بقى وقربى ..
دا أنا روحى متبعتره ..
يا أم العيون بهدلة ..
بكفاية بعد وغم ..

( القصيدة )
ماتدمعيش ..
هذا فراق بينى وبينك للأبد ..
كل الحكاوى ان احنا راح ممكن نكون ..
صبحت سراب ..
ما أنا حبى كان لك سنبلة ..
زرعتها ايدك فى الخراب ..
يا أنتى يا شوك الورود ..
حضنك صنعنى للصدود ..
سطرين وغناهم غراب ..
بهديكى أنا أخر قصيدة لحبنا ..
لكن رثاء ..
ملضومة روحك جوا منى بمعجزة ..
وأنا قلبى بعدك حضنه متلصم عزا ..
ودموعى من بعد الرحيل صبحت صوان ..
أرجوكى يا ست البنات
.. ماتدمعيش ..

دا أنا بعد منك مامعاييش ..

غير بس ضحكة ف ذكريات ..
على كام رسالة بتحضنينى وسطهم ..
مع ضحكة بتبكى النايات ..
فاكرة أما كنتى بتحلفى هفضل معاك ؟
فاكره انشغالى كل يوم ؟
لأجل ان أصيغك فى القصايد بنت حور ؟
طب فين وعودك ياهى ؟
مش قلتى برده أنا عمرى ما أخد م الفراق ولا أى دور ؟
وأديكى خدتينى لبعاد مالهوش رجوع ..
أقسم بانك كنتى أروع ملهمة ..
وانك مجاز ..
ولو اتكتبتى ف 100 ديوان ماتكفيهوش ..
بس النصيب صاغك كده ..
أغنية علشان الفراق ..
طب فاكرة أيام الخناق ؟
ولا أما أنام ..
وأسيب دموعك ع المخده فى اشتياق ؟
ولا أما أغيظك كل ليلة بصوت منير ..
" ليه غاوية دايما تبعدينى عن حياتك بالملل ؟ "
فعلا بعدنا والرجوع مافيهوش أمل ..
وختام أخير قبل السلام ..
مبقاش يفيد انك تجاورينى المنام ..
ولا عاد يفيد انى أعشقك رغم الحنين ..
فان كان اكيد ..
أنا نفسى بس تزورى قبرى بوردتين ..
واقرى لى عدية يس .!!

ما تدمّعيش - محمد عبدالله حموده - رباب محمد

اسامة عطية : قل للمليحة , انا في سبيل الله

مبنجسش بقيمة الثانية غير بعدين 
وتسرقنا الحياة منفوقش غير والموت مبكي العين 
يا شاقة القلب ومسافرة 
خدتني الغربة من حضنك سنين كافرة 
نسيت نفسي 
أنا آسف 
قالولي الغربة بتعلم دروس وحياة 
وإن الغربة يامايا طوق ونجاة 
اتاريها حزام ناسف 
أنا آسف ..

طبعا مصلتش العشا_هشام الجخ_المقطع الأخير

قل للمليحة فى الخمار الأسود ماذا فعـلت بـناســك مـتعبـــدِ
قد كان شـمر للصلاة ثــيابــه حتى وقفـت له بباب المسجـد
ردي عليه صلاتـه وصيــامــه لا تقـتـليـه بحـق دين محمــــد

قالوا تسلى عن المحبوب قلتُ بمن كيف التسلي و في الأحشاء نيران
إن التسلي حرامٌ في مذاهبنــا و كيف أرضى بكفر بعد إيمــانِ
فشاربُ الخمر يصحو بعد سكرته و شاربُ الحب طول العمر سكران

أي شيء في العيد أهدي إليك يا ملاكي و كل شيء لديك؟
أساور؟
أم خموراً؟وليس في الأرض خمرً كالتي تسكبين من عينيكِ

أم ورداً؟والورد أجمله عندي الذي قد نشقت من خديكِ
أم عقيقاً كمهجتي يتلظى؟ والعقيق الثمين في شفتيكِ
ليس عندي شيء أعز من الروح وروحي مرهونةٌ في يديكِ

بلغـوها إذا أتــيـتم حـمـاهـــا أنني مُت في الــغـرام فــداهــا
وأذكروني لهــا بــكل جـمـيــلٍ فعساها تـــحـن علي عساهـا
واصحبوهــا لتربـتي ، فإن عظـــامي تشـتاق أن تدوســها قـدمــاهـا



قل للمليحة فى الخمار الأسود -على الهلباوى

يا وعدى على الايام واللى عشق ما ينام 
ليلة . اللى انجرح بكاى واللى فرح بكاى وينك
ما بين لوقا وفراق يلمموا العشاق ليله
بكو على اللى كان ويقسمو الاحزان عاشق بيبكى نصيبوا ويشكى وتسخن عيونة وداب الفراق
يفرح بيبكى يحزن بيبكى ونارة فى ضلوعة 
وداب اللجاء
المفترج ماشين واللى انقسم راضين 
ليلة 
ساعة نكون راضين وساعة مش قدرين ويله 
يا وعدى على الايام واللى عشق ما ينام 
ليلة . اللى انجرح بكاى واللى فرح بكاى وينك
عاشق بيبكى نصيبوا ويشكى وتسخن عيونة وداب الفراق
يفرح بيبكى يحزن بيبكى ونارة فى ضلوعة 
وداب اللجاء

حجازي متقال

حجازي متقال - عاشق بيبكي

متزعليش - الهويس هشام الجخ

أيمان بكرى مع عمرو أديب  قصيدة ديك ابوهم

وعشان غنى ومعاه فلوس

هملتنى وراحتله

ابكى على نفسى ولا

عالمسكين اللى راحتله

ولأنى راجل مليونير والخير كتير

عليت عيونى عالبكا

وقلت اسيبهاله زكا

ودفنت ايدى فالسويتر

وابتديت اشوط الطوب واغنى

كنا نتلاقى من عشيه

نقعد على الجسر العتيق

كوبرى الزمالك زى ماهو

البنات هم البنات

والولاد هم الولاد

والدرابزين الحزين لساه رزين

والكلاكسات اللى سارحة فالودان

واللى بيوشوشها فى عيونك غموض

واللى بيوشوشها فى عيونك امان

بس المكان هو المكان

خمسين سنة والكوبرى مصلوب عالطريق

لا انا كنت اول مين يحب

ولا يوم هكون اخر عشيق

وادى البنات ألوفات مترصصين عالكوبرى

يعنى انتى اجمل واحدة فيهم؟؟

ده انتى لو كشيتى فيهم تفزعيهم

صدقيـــــنى

صبغة الكدب اللى نزلت من ملامحك

غيرت شكلك نهائى

شوشت صورتك فقلبى بقيت ملامحك

فاستخبيت جوه دائى

جوه ابيات القصيدة

 

باختصار المكان هو المكان

والبنات هم البنات

فى اللى فازوا بالنهار

وفى اللى تاهوا فى البعاد

وانتى واحدة من اللى تاهو

اما انا ... فزى ما انا

وكوبرى الزمالك زى ما هو

 

بعيد عنك حياتى عذاب

متبعدنيش بعيد عنك

ماليش غير الدموع

أم كلثوم الشقيه

ضحكت عليا

سهرتنى الليل بطوله

اكتب الشعر اللى نفسك تسمعيه

وانا لاجل خاطرك مش هاقوله

وان كان حبيبك شاعر كتّبيه

وابعتيلى قصايده اول باول

اه يا زمن يا احول

بقى ابقى حبيتك وبقيتك

عن الدنيا وما فيها واصطفيتك

سبتلك وردة فؤادى تقطفيها

كنت فاكرك هتراعيها

وتداريها بين ضلوعك

وان ما كفتهاش دموعك

من دماكى تضيّفيها

كنت فاكرك يوم ما اقول الآه

هاتخدى منى الآهة تخففيها

ولا كنت يوم يخطر عليا

انى لو مديت اديا

ليكى ممكن تكسفيها

يا ام كلثوم الغرام محتاج حموم

قبل متغنى لقلوب الناس تعالى نضفيها

 

هشام الجخ - وعشان غنى

بيقولوا عني شاعرة بس على قدي كده :)

ما تدمّعيش - محمد عبدالله حموده - رباب محمد

Rabab Mohamed

Recent comments

ميار ♥

ᗰᗩᒪᗩK ఌ♥️👑

Mahmoud Samir

Samir El Adawy

Related tracks