روووووووووووووووووووووووعه

ما شاء الله والله .. القصيده إلى حد ما كويسه لكن الأداء شغل عالي (Y) !!

وأوعى عينك فجأه تلمع إلا وأنت فى عزله تامه 

وأوعى عينك فجأه تلمع إلا وأنت فى عزله تامه ..

Ys2lonk Lon 3euonk dpla leh ? Qolhom pshr kter , 7ala 3arda w pukra trg3 w ew3a 3enk Fg2a telm3 ela w Enta F 3ozla Tama :'((

كلمات و آداء صوتي : رباب محمد

www.facebook.com/roroo.lodaa


عارف يعني إيه بحبك ؟ <3

يعني أضحي بـعمري كُله .. لاجل ثانية أعيشها جنبك

يعني تيجي وقت ضعفي .. و أبقى أقوى بـ لمسة منك

يعني أدوب من كُل كلمة .. حلوة تطلع من شفايفك

يعني لما فـ مَرة تزعَل .. بسرعة أجري عليك أصالحك

يعني بيضيع كُل خوفي .. لما ببقى جوه حضنك

يعني كُل حاجة حلوة .. تبقى جاية بس منك

يعني برجع تاني طفلة .. معاك و أحس كإني بنتك

يعني أنا بحس بأمان .. لأني ساكنة جوه قلبك

يعني قلبي يكون أناني .. و مش عايز غيرُه يحسك

يعني لما تغيب ثواني .. قلبي مايبقاش قد بُعدك

يعني بيك أنا قلبي ينبض .. و أتمنى أعيش عمرين بـ قُربك

يعني لو دمعي فـ عيني .. أول ما أشوفك بس أضحك

يعني لو فـكرت أخاصمك .. و سمعت صوتك بس أسامحك

يعني كل الكون ده كله .. أنا قلبي جواه بس ملكك

يعني من جديد اتولَدت .. من يوم ما قلبي حس حُبك

يعني قلبي مكانش عايش .. و اتوَلد لحظة ما عِرفك

يعني بيك عُمري ابتدى .. و ماعِشتش اللي فات قبلك

يعني بيروح كل قلقي .. لما تأسرني بأمانك

و فـ لحظة بس أنا بتخِطف .. بـ نظرة واحدة من عيونك

و إحساسي كل أما أشوفك .. هو نفسُه .. زي أول مرة شوفتك

يدق قلبي كتير أوي .. و أحس إني نفسي أضُمك 

و لما أسيبك بس و أمشي .. بزعل أوي .. و أستنى تاني ميعاد أقابلك

أقولك يعني ايه بحبك ؟ <3

يعني مهما فضلت أقول 
مستحيل حروفي تقدر .. توصف إزاي قلبي عاشقك

يعني هفضل بس عايشة .. بيك و ليك و جوه منك <3

عارف يعني إيه بحبك ؟ - رباب محمد

كلمات : دينا عبد الحميد
آداء : رباب محمد

Dina's Profile : www.facebook.com/dode.dondon
Rabab's Profile : www.facebook.com/roroo.lodaa

غمض عينك و اسرح فيا
عيش تفاصيلنا ثانيه ب ثانيه
انسى الدنيا انسى الناس
ركز اكتر.....
جاي بتفكر
حالي ازاي هيكون من بعدك !
مش مستاهله تبص وراك
وتضيع وقتك
عادي يومين و تلاته ف بُعدك
وهعيش عادي و هنسي الماضي
طب احلامك؟؟؟؟!!!!!!!!
اه والله انا كنت نسيت
بس كويس انك جيت
وبأحلامي اهتميت
ولو كان همك علي احلامي
ف ياريت وانت مسافر تاني
وصل لها اسفي و سلامي
ان مكانتش اتدفنت جنبه 
تقصدي مين!!!!!!!
اقصد قلبي
فكرك يعني اني بعيش
اه ياحبيبي عايشه حقيقي
بس بجسم وناقص روح
ف ياريت تمشي وتاخدك مني
انا مش حمل اهاااااات البوح

غمض عينك - دينا عبد الحميد - آداء : رباب محمد

كلمات : محمد عبد الله حموده
https://www.facebook.com/mhmd.abdlla7

آداء صوتي : رباب محمد
https://www.facebook.com/roroo.lodaa

 يسألونك ع اللى فيك ؟
قولهم أبدا مفيش ..
وابكى بس قصاد مرايتك ..
واحكى ليك على كل حاجه ..
طعم كل بداية حلوة ..
كل سهرة كات معاها ..
صوت أدان الفجر بينكم ..
طعم ضحكتها البنفسج ..
لما كات تلضم جروحك ..
صوت دموعها لما تزعل ..
تبكى روحك من زعلها ..
كل حلم عشانها عيشته ..
كل هم عشانها شيلته ..
وانكسار الحزن دايما ..
وقت ماتطبطب عليك ..

يسألونك لون عيونك دابله ليه ؟
قولهم بسهر كتير ..
حاله عارضه وبكره ترجع ..
واوعى عينك فجأه تلمع ..
الا وإنت ف عزلة تامه ..
زى عادتك ..
راجع الذكرى ف فراقها ..
نبرة العشاق فى صوتك ..
نبض قلبك لما شافها
لهفتك والشوق معاها
لمعة العين اللى بالك
مسكة الايد بانتفاضه
والعرق دايب ف ايدها
كان بيشفى الروح تملى

يسألونك هى مين ؟؟
قولهم بنت ف خيالى
أو مجاز الشعر صاغه ..
قول لنفسك كات حبيبتى وكات عشانى
كات حياتى وكات " أمانى "
بس وحش الموت خطفها
الفراق كان عزرائيل ..
من سكات موّت غرامنا ..
قصدى لأ موّت غرامى
وسابنى وسط الرحلة واقف
برتجل ليها الأغانى
ومش مصدق
هو بعد الحب موت ؟
هو طعم البوح سكوت ؟
ليه فارقتى وليه بعدتى
ليه كسرتى الروح ياتوت ؟
كنتى حلم بديت أطوله ..
كنت آيه وكنتى سورة
كنت أنا حافظك تجلى ..
ليه تِمِلّى وتخسرينى ..
ليه بقيتى حرام لعينى ؟
الحرام أصلا بعادنا ..

يسألونك ليه فارقتوا ؟
قولهم كات ليا صاحبه
وأخت فاضله وزى أخويا ..
واحبس الأحزان لوحدك ..
داوى قلبك وإبدأ إنسى ..
قول أكيد قسمه ونصيب ..
ما النصيب دايما يصيب ..
باللى بيزيد من جروحك ..
قول لنفسك مهما هعشق ..
عمرى ما اعشق إلا هى ..
وإن بنات الكون عشانى ..
مش هشوفهم إلا غيه ..
هى مالكه الروح وساكنه ..
هى لحنى وسمفونية ..
كنت ليها يمامه شارده ..
وهى ماسكه البندقيه ..
والعيون السود صادونى ..
بين غرامها قيدونى ..
والنصيب إداها غيرى ..

يسألونك طب هتسكت ؟
قولهم فى اليد حيلة ؟
هو بعد البعد غيره ؟
اللى باقى يدوب صورنا ..
وجرح جوا الروح وجعنى ..
كل جرح قوام بيرجع .. زى سابق !
بس جرح الروح بيفرق ..
كل لما الوقت يمشى ..
عمرى بيزيد بيا وأكبر ..
كل ما أكبر جرحى يكبر ..
والنهايه الموت علاجى .. 

يسألونك - محمد عبدالله حموده - رباب محمد

بعيوني - وائل و يارا

اهتمامي فيك

اغنية عارف ايه الاحساس من فيلم الخلبوص

كلمات / د. علاء جانب 
القاء / مصعب عبدالرحيم

قصيدة ياعين ياليل

الكمان الساحر يقدم من أغاني وردة و لحن سيد مكاوي بمرافقة عازف الكيبورد فادي عزو

أوقاتي بتحلو معاك

نسيت ابص يمين ..
و ارمي السلام ليهم ..
و نسيت ابص شمال ..
و ارميهم الجزمه.
-
في ناس كتير جداً ..
موجوده ملهاش لازمه.
__
خفّيت و كلو تمام ..
لكني قبل ما انام بتعب ساعات تاني ..
معرفش هل علشان فكرت في الوحده ،
ولا الوجع جالي اكمني وحداني.
__
هكتم لساني وهقطعه نصين كمان.
بعد اما شوفت اللي حصل ، 
قلبي انفصل ..
ما بقيتش عارف بكره من أيام زمان.
__
جنبك ايدين متشعلقين في ايديك ..
عندك قلوب بتحب فيك - اراضيك ..
اسقيهم الميّه و ازرع أراضيهم ..
علشان يا عم الحج ، لما تكون زعلان ..
تلقي البعيد يراضيك.
__
حمّل نصيبك خطوته المتأنبه من سكتك ..
وبلاش تكون عشمان أوي ، 
لاحسن نصيبك يكسفك. بمجايبه ليك. 
لو فيك حليوة انا قلبي حلو وفيه أنا. 
بمشي لوحدي ولو لقيتك هبقي اسلملك عليك 
__
خبّي السعاده و حطها في مكان محدش يوصله إلا الهَوا ..
و إدعي يا رب اشفي المريض و متجعلوش 
اوردر فاشوش محتار مبين كشف الأطبه و الدوا.
بص فـ عيون المحتاجين حب و وعود.
هتلاقي دايماً خدّهم ، نبّت ورود - متقطفين ..
ممكن توزع كل ورده علي اللي لسه طيبين. 
__
عّمّر أراضي الحلم قد ما تنتصر ..
و أياك تعمّر مرّه واحده فِي السلاح أبو طلقه صوت. 
في شيخ كبير ساكن هناك. ,, 
لو طلقه طلعت من معاك ممكن يموت.
__
غّمّي عينيك من كل حاجه بتفصلك و ترجعك ..
صاحبي اللي مات من كام سنه زعلان عليه ..
متفكّروش باللي انت فيه لاحسن يقول ..
زعلان عليا يا صاحبي ليه؟! 
__ 
فّتح عينيك علي وسعها و عد النجوم .. 
الكوكب المنحوس بقا لي كابوس .. 
كل اما ببعد عنّه يعمل زوم. 
_
قلّب فِـ صورتك شوف ملامحك صابها إيه؟! 
العمر عدّي ولا لسّه زي ما انت؟!
قرّرت حتّي ولا لأه يا ضحيّه؟!
اللي فاضل راح لحاله .. 
و اللي سابك شوف بداله - وصوّره. 
هتلاقي صورتك هيّا هيّا!
_
صَابك نصيبَك ياللي قولت أنا صابني نحس ..
الملتقي اخره فراق .. 
فمتشتكيش يا عمّنا - و تقوّل لِنا \ انا حالي ضاق .. 
لو ليك نصيب تفرح هتفرح ..
لو ليك نصيب تحزن هتحزن .. 
لو ليك حبيب سابك في يوم ..
متكلموش \ سيبه أحسن!
__
ضِلْ الطريق وارجع لبكره و كمّله .. 
لو ليك صديق إسأل عليه أو كلمه ..
لو ليك حبيب متكلموش خليْك تقيّل. 
الحب ليل للمشتاقين من أوّله

الحُب ليل للمُشتاقين مِن أوّله.

رحمه بعد ارتباط اسبوعين مبقاش يرد عليها مره واحده . 
ليه الرجاله بتعمل كدا ؟ ويعنى ايه مراحل نفسيه لازم يمرو بيها علشان يعترفو بالحب ؟ 
وايه الحاجه الى لازم تعمليها بعد الارتباط مباشره ؟ .. 

#تابع_عويس
#اسأل_عويس

ارتباطنا اسبوع ومبقاش يرد عليا ,المفروض كنت اعمل ايه ياعويس  . ؟ سؤال من ’ رحمه ’

قلبي يحدثني

صدقينى ما مقاومتى لك الا محاولة يائسة للنجاة منك - رواية فلتغفرى

ألست وعدتني ياقلب أني إذا ما تبت عن ليلى تتوب!!! فها أنا تائب عن حب ليلى فمالك كلما ذكرت تذوووووب؟!

رجّعولي الماضي بنعيمه و غلاوته

عارف .. أنا نفسي في إيه ..!
أنا نفسي في بيت بيطل عليك 
تبقي أنت الشارع والناس 
تبقي أنت الصاحب والجار 
تبقي الشمساية اللي بتطلع مع كل نهار 

زي البنات .. زي البنات 
زي البنات .. زي البنات 
من صغري برسم بيت معاك 
قلبي يادوب ورقة نبات 
بتهزني كل الحاجات المحتاجين حضنك ساعات 

وساعات كتير .. بهرب بعيد .. بهرب بعيد معاك
وساعات كتير .. بهرب بعيد .. بهرب بعيد معاك
واغرق .. في الذكريات

وعارف ..! أنا نفسي في إيه 
أنا نفسي في بيت بيطل عليك

عارف أنا نفسي في إيه - ذكرى

بيقولوا عني شاعرة بس على قدي كده :)

يسألونك - محمد عبدالله حموده - رباب محمد

Rabab Mohamed

Recent comments

yaa raab

ᗰᗩᒪᗩK ఌ♥️👑

•..SaMa SaiD..•

🦋 و آشــرقــت 🦋

Related tracks