گلبك صخر جلمود ما حنْ عليّه
وإنت بطرب وبكيف والبيّه بيّه
گولوله گولوله ما بي لوله
بس الخزر بالعين صايرله سوله

لوما لهيب النار بضلوعي أضمّك
وأتمنى وردة تصير كل ساعة أشمّك
گولوله گولوله ما بي لوله
بس الخزر بالعين صايرله سوله

گلبك صخر جلمود - بيدر البصري

مو حزن، لكن حزين
مثل ما تنگطع جوة المطر شدة ياسمين
آنه گتلك مو حزن، لكن حزين
مثل صندوگ العرس 
ينباع خردة عشگ، من تمضي السنين
مو حزن .. لا مو حزن، لكن حزين
مثل بلبل گعد متأخر، لگى البستان كلها بلايه تين
مو حزن .. لا مو حزن 
لكن أحبك من چنت يا أسمر جنين
-مظفر النواب

مو حزن لكن حزين - سامي كمال

كلمات: محمد جواد أموري.

آخ بوية عيوني - سلوى الجزائرية

يا الماردتني - مهدي ساكي

اجه العيد وما اجيت.. 
واشعلت للملگة عمري
وأيّست، تالي انطفيت.. 
وانتظرتك
شمعة ذوّبني الصبر
لمّن گضيت.. 
وانتظرتك، 
شمعة ذوبني الصبر فوگ الصواني
وخيط بس الخيط يحبيّب صفيت.. 
اجه العيد وما اجيت.. 
وهم اجه وما جاب روحي
عايش بلا روح
من يوم المشيت..

إجه العيد - فؤاد سالم

دللول يا الولد يا بني دللول 
عدوّك نحيل وساكن الچول

أوصيچ يا شمس المسيتي
على الوالدة عيدي وصيتي
آنه غريبة وطرف بيتي

بالليل جسّتني الحنينة
ودموعها يبخّن الچيمة
أمي الضمّد وأخوي شيمة

يمة گعديت من نومي نهيلة
بوية ثوب العلي ما بيّه أشيله
امنهد يومهم، امنهد يومهم

يمّة يعنى مادر - مهدي ساكي

أخاف أحچي - العنود

نحبكم والله نحبكم - كوكب حمزة

يا مدلولة شبگى بعمري غير الألم والحسرة 
جسمي عايش ببغداد وروحي ساكنة البصرة

يا مدلولة ولا سألتي ولا گلتي شجرى بيّه
أذوبن وحدي بعلتي لأجل عيناچ يا بنية

لون ندري الطريق بعيد والفرگة غصب صارت
شلون نهيد وبيش نهيد دنيانا علي دارت

عليل الگلب شيصبره .. عليل الگلب شيصبره
يا مدلولة شبگى بعمري غير الألم والحسرة 
أنا جسمي عايش ببغداد وروحي ساكنة البصرة

أبد ما نامت العين من شالوا الخلّان 
وين مدري الضعن وين الحادي توجه بيه

خليتني يا زين كركي بالجبال
مثل الصلا والصوم حطني على البال

يا مدلولة - سعدي البياتي

ذيب حزن الليل 
صيحة ريل خالي
 ومثل الفراگين كلش 
حزن مربوط بحزن
وآنه كل ما قلت 
أوچيلي بمحطة
تشيل الضوايات وتمشي
وألقى چولة روحي ويّا الچول
تصفر ناس وتراب وتبن
بطّلت ما عاد أحبك
لچن بقلبي نزيزة عتب
خلينا نتلاقى چنّه ما نعرف بعضنا
مثل الفراگين كلّش
مثل نظرة تواسي ميّت
مثل دفتر فارغ من الناس
ورازونة سجن
چنه خدّك مر على الزعرور
وشال الفي وحطه بوسط حجري
والحواجب چنها مطرت قبل ساعة
ورسمت النومة على صدري
والصبح كلّش
والبساتين عرقانة مسك ودموع
أحچي بكل حرير الله التعرفه وياك
وتقلي خشن
خشن حزن الليل
صيحة ريل راجع من وليف بعيد كلّش
مثل الفراگين كلش
حزن ينطخ بحزن.

*من أمسية لندن 1995


ذيب حزن الليل

يمة - كماكان

طر الهور مشحوفنه .. يسبق بمشيه الماطور
مكيفين ماخذنه الفرح .. واليوم صيدتنه طيور

يا خنيجر افرح وابتشر .. واطرب وغنّي هسّه لي
يا اهلي إلي يطيب العمر .. لو صارت انعيمة إلي

طر الهور

أفز بالليل.. نص الليل.. وأهجس نار بضلوعي
وأوچّي بيدي ما ألقاك .. وأسقي فراشك دموعي
أوچي بيدي ما ألقاك.. أشوفن فارغ مچانك
وأذوب الروح من جدواك وأقولن وين .. وين ألقاك
أقولن وين .. وين ألقاك.. من أشوفن فارغ مچانك

أفز بالليل.. نص الليل.. وبنص نومتي الحلوة
وأروّي مهجتي بسيلان دمعي .. وحيف ما تروى
وأوديلك چثير أخبار .. تسولفلك عليّ شصار
لا ليلي عقب عيناك.. ليل.. ولا نهاري نهار
وعمري الما انقضى وياك.. حفنة تبن ما يسوى

أفز بالليل.. نص الليل.. ونجوم السما شهودي
لاجل عينك.. هجرت النوم.. هم تسهر على مودي؟

أفز بالليل.. نص الليل.. هذا الليل شيصبحه؟
وأهود الروح.. ما ترضاش.. عافاها شكثر وكحة

أفز بالليل.. نص الليل.. ويدورن دواليبي
مثل كل يوم.. ليلي يدور.. ويدورن دواليبي

ألحان: محمد جواد اموري

أفز بالليل.. نص الليل.. وأهجس نار بضلوعي

شاعتب بعد

أرد أبچي بالعباس وألطم بالحسين

انت وين وآني وين

والله عار على الرجال النايمة
وعالنجف هجمت جيوش الظالمة

والله عار وعار عالناموا سبات
 يعتّب العباس راعي التضحيات
وين شيعتنا الحسبناهم حماة
شو صفت قبة أبونا مهدمة؟

وصلت إسرائيل يم مرقد علي
والصدر يصرخ عليكم يا هلي
آنه العراق الأبي مو بس إلي
وهالشرف ذمة وعلينا مذممه

حانت الساعة انعلن وقت الحرب
سدوا بالأجساد عالراد الدرب
ولا تنطرون الدعم من العرب
قاموا يصيحون ربنا محرمه!

وصلت أمريكا الكفر يم الحسين
وين هالشربت فرات ودجلة وين؟
وين أهل ذاك اللطم والخادمين؟
وردّت على حسين تنظر فاطمة

هم رجع عاشور هاليوم وطلع
وبأمر بوش، الشمر عالمذبح رجع
قص وريد حسين والدين انفجع
من جديد وهاي زينب لاطمة

رد رضيع حسين ينزف منحره
والجيوش عالنجف بالمقبرة
وناس متورطة بأمرها وحايرة
محززة حزاز الخيول ملجّمة

حسين مو قيمة وهريسة ولا لطم
حسين حرية وكرامات وعلم
واليحب حسين يحمل هالاسم
ينشّف الدمعة ويطب للملحمة

كربلا جيوش الكفر والينها
وفاطمة تعاين تراها بعينها
وينها أعلام المواكب وينها؟
ووينها الي لبست سواد محزّمة؟

والله عار على الرجال النايمة
وعالنجف هجمت جيوش الظالمة


حرب النجف - 2004

والله عار على الرجال النايمة

طگن چيلات البرنو

طيري طيري كاتيوشا
هدّمي الباغي وعروشه
طير يا صاروخ صاعد
وانزل بنص القواعد
واحرق بلير على بوشه

طير يا صاروخ وانزل وانفجر 
إنت كالمختار وأمريكا الشمر
خل تكبّر ناس من اللي بالأسر
تسمع من السجن روشة

طير يا صاروخ بشر المعتقل
قله بالله وبيك ما ضاع الأمل
جزع المحتل من وقع الأسل
نار كل ساعة تنوشه

طير يا صاروخ وارعبهم رعب
خلي ليل جيوشهم أسود صعب
يا بعد روحي وحياتي والقلب
نارك الطاير تحوشه

طير واهدم فوق سقف القاعدة
وي منيّة بوش كون تواعده
والله من تنزل عليهم راعدة
تقطع بكيفك هروشه

طيري طيري كاتيوشا
هدّمي الباغي وعروشه
طير يا صاروخ صاعد
وانزل بنص القواعد
واحرق بلير على بوشه

طيري طيري كاتيوشا

ما بيّه حيل ومقدر أمشي 
والدنيا منّي تريد كل شي
صابتني عين وأوجرت حيل
والدنيا ويّا الطيب تعيل
مالي ذنوب ومالي أي شي
ما بيّه حيل ومقدر أمشي

مالي ذنب بس طيبة آني
دوم معاندني زماني
محسودة حتى من أعاني
ومن الدمع مبلول رمشي
ما بيّه حيل ومقدر أمشي

مالي ذنب بس الصراحة
ومعاندة الدنيا بوكاحة
تعبانة وأسأل على الراحة
ومن الدمع مبلول رمشي
ما بيّه حيل ومقدر أمشي

ما بيه حيل

يا ليل طوّل خل أودعنه
إلا أمسح الدمعة وأحضننه
باچر يبعدونه وأشتاق لعيونه
خل يحچي كل حچيه أرد أسمعنه
يا ليل طوّل خل أودعنه

يا ليل من عمري على عمره
نودّع هوانا وينتهي أمره
يا ليل ذمة خل يوصيني
عدمن يفارقني ويخليني
قلبي ويا قلبه انجمع بالونّة

يا ليل من يبتعد عالديرة
ومحتار والله وعايش بحيرة
شلّي بحياتي وفرقة عيونه
وحشة عليّه الدنيا من دونه
قلبي ويا قلبه انجمع بالونّة
يا ليل طوّل خل اودعنّه

يا ليل طول خل أودعنه

هذا الحلو - لميعة توفيق

* Iraqi Song

* هلي وياكم، يلذ العيش ويا الطيب
نسايمكم تداوي الجرح، ويطيب
هلي منكم تعلمت الوفا والطيب
هلي يا أهل المضايف والدلال

ما بيّه عوفن هلي، ولا بيّه عوف هواي
قلبي نسيته هناك، ياهو اليدوره وياي

يا الواعدتني ورحت، لوين حد الصبر
محتار لاني لهلي، ولا يمك اقضي العمر
يا وسفه ضاع الوفا، والود تبدّل هجر

بس ولعونا ومشوا، حق العرفناهم
تسعر ولا تنطفي، نيران فرقاهم
ليلة وهجرها القمر، روحي بليّاهم


ما بيّه عوفن هلي - حسين نعمة

* iraqi Song - 60s

أنا وخلّي تسامرنا وحچينا
نزهة والبدر شاهد علينا
والعّذيب يتنسم، عبير الورد نشتم
على شاطي النهر جينا وغدينا
أنا وخلّي تسامرنا وحچينا

أنا وخلّي سهرنا بليلة قمره
تنادمنا وطربنا بغير خمره
حلفلي ما هجرني طول عمره
هو وآنه، لواحد الواحد شكينا
أنا وخلّي تسامرنا وحچينا

سكون الليل يا محلى جماله
بدر بين النجم زاهر دلاله
على ميّ النهر يضرب خياله
بهجة من العمر ليلة قضينا
أنا وخلّي تسامرنا وحچينا


أنا وخلّي - وحيدة خليل

* Iraqi Song

يم عيون حراگه - گولي شوكت نتلاگه 
فدوة رحت لعيونچ - خايف لا يحسدونچ



يا أم عيون حراگه - زهور حسين

* Iraqi Song

عليمن يا قلب، تعتب عليمن؟
هويت وجرّبت وامنت بيمن؟
ما للحب أمانة .. بس هجر وخيانة
عليمن يا قلب، تعتب عليمن؟

لاتعتب بعد واترك عتابك
أظن ملوّك هل چانوا احبابك
اذكر صدمتك واحسب حسابك
هويته وكان يهواك .. وفيت وما وفى وياك
عليمن يا قلب، تعتب عليمن؟

لا تعتب بعد، منهو اليوافي؟
سگاني الكدر وآنه اسگيته صافي
بديت وصله، وهو يصد ويجافي
قطع حبل الموده .. ذاك الچنت اوده
عليمن يا قلب، تعتب عليمن؟

عليمن يا قلب - وحيدة خليل

* Iraqi Song

شعر: عثمان المصلاوي

ﻓﻮﮒ ﺍلنخل ﻓﻮﮒ، ﻓﻮﮒ ﺍلنخل ﻓﻮﮒ 
ﻣﺪﺭﻱ ﻟﻤﻊ ﺧﺪﻙ، ﻣﺪﺭﻱ ﻟﻤﻊ ﻃﻮﮒ
والله ما أريده، باليني بلوى

مالي أمل بالروح، بعدك حبيبي
وأصلك صفى للناس، هجرك نصيبي
والله معذبني .. وما عنده مروّه

ضي الگمر محجوب، بس وجهك ينور 
لا بأنس﻿ مثلك صار، لاجن ولا حور
والله سابيني، بعيونه الحلوه

يسألني البطران، ليش وجهك أصفر؟ 
كل مرض ما بيّه، من درْد الأسمر
والله معذبني .. وما عنده مروّه

ظنيته برق ولاح، لعيوني ضيّه
من وجنتك شع نور، وأشرق عليّه
والله معذبني .. وما عنده مروّه

فوگ النخل - ناظم الغزالي

* Iraqi Song

دعوا الملام ولا تَقفوا على أثري 
قد عدت للكأس والأنغام والوترِ
اليوم يومٌ يباهي طيلة العمر 
جاء الحبيب الذي أهواه من سفرِ
والشمس قد أثّرت في خده يا ترى 
يمشي الهويناء كغصن ماس في شجرِ
 أوَليسَ يَزهو بأطيابٍ من الظفرِ 
رأيت أنواره تُغـشي؟ على بصري 
وقلت من عجبٍ: شمسٌ على قمرِ 
والشمس لا ينبغي أن تدرك القمر

لأرد أبچي بالعباس، وألطم بالحسين 
وما صابني من هواي بس دمعة العين
خيّه لأوصي المار ما يقبل وصية 
ولا أريدهم ولا أريد حنّتهم عليّه
 ويا دگة المحبوب دگة خزعلية 
خذ يا نسيم الهاب مني سلامي
للعذّب الأجفان حرّم منامي
يا ربي يا معبود، دخلي حبّي
لو تهدلي المحبوب، لو تهدي گلبي



أرد أبچي بالعباس - ناظم الغزالي

* Iraqi Song

هذا مو إنصاف منّك .. غيبتك هالگد تطول
والناس لو تنشدني عنّك .. شرد أجاوبهم شگول؟

گلبي خليته يتلوّى .. بنار هجرانك تچوّى
هذي مو منك مروّه .. لا ولا منّك أصول

ألف حيف وألف وسفه .. مثلك يخون اويه ولفه
لا تظن گليبي يشفى .. والألم منّه يزول

هذا مو إنصاف منّك - بيدر البصري

گیس - محسن نامجو

ليش يا جارة - صباح ومي أكرم

*Iraqi Song - 1979

أنا المسيچينة أنا .. أنا المظيليمة أنا

(1)
أنا الّي باعوني (هلي) .. بدينار باعوني
بالقوة زوجوني .. عليه غصبوني
أروح للملّا علي .. أگلّه يا ملّا علي
شايب وأنا بنيّة .. انطوني فصليّة
أوگع وأبوس إيده .. ورويحتي بإيده
حسباله أنا اريده أنا .. حسباله أنا أريده أنا

(2)
عشرة انتهت وياك .. رجّع لي التصاوير
فاضحني بين الناس .. أوه يالبعدك صغير
أروح للملّا علي .. أگلّه يا ملّا علي
شايب وأنا بنيّة .. انطوني فصليّة
أوگع وأبوس إيده .. ورويحتي بإيده
حسباله أنا اريده أنا .. حسباله أنا أريده أنا

(3)
حلو بعد وياچ .. وما قصريتي
للغالي تبيعين .. وعساچ ارخصيتي
أروح للملّا علي .. أگلّه يا ملّا علي
شايب وأنا بنية .. انطوني فصليّة
أوگع وأبوس إيده .. ورويحتي بإيده
حسباله أنا اريده أنا .. حسباله أنا أريده أنا

(4)
أطگ روحي وأموت .. وأجابل أهل الكوت
وأعيش مخبلة .. وأصير مسودنة
ألطم على الخدين .. ما ظل دمع بالعين
أروح للملّا علي .. أگلّه يا ملّا علي
شايب وأنا بنية .. انطوني فصليّة
أوگع وأبوس إيده .. ورويحتي بإيده
حسباله أنا اريده أنا .. حسباله أنا أريده أنا


* فصليّة: هي (فصل عشائري)؛ لرد الاعتبار للمجني/المعتدى عليه.


Shyma

Popular tracks