قلب البنت بسكوته _سحر عادل

صدفة عابره _لـسحر عادل

لما ماتت جدتى _لـ سحر عادل

جناح رموشك _ لـ سحر عادل

غُربة _ لـ سحر عادل

يابلد .!! - لسحر عادل ( Sahar Adel -Ya Balad )

تراب القبر - لـ سحر عادل ..

لما الطريق توهته
كان الزمان تاهك
ضيّع سنين فرحُه .. 
لخبط فـ اوجاعك ?
مين اللي مستنيه ؟؟!
علشان يكون جمبك 
طبطب علي كتافك 
نشّف بحور دمعك

الذكري متعاده ومحفوظه بالمللي 
ياذكري روحي بعيد وسيبيني يوم قلّي  
معروضه فـ عقولنا بألم  
واخداها دايره ولف  
وادي مره جات لحظة فرح 
لكن شريطك سف -_-
كل العواطف بايته ليه ناقصه ؟!
الا الدموع مش راضيه لحظه تخف 
شق النهار نورُه علي خطين 
سلسل جميع الخلق للسكه 
ونسيني ليه عالطرف ?
ياريت لو كانت القسوة 
بتتلون علي وشوشهم 
ياريت لو نعرف النيه 
نشوفها قبل مانشوفهم ?
بنطل نتخدع فيهم ..
نبطل نقش ملامحهم .. ?

كل البشر للقصه حافظينها 
عايشين يوماتي فـ وهم تفاصيلها 
وبرغم ان القصه مش ناجحه !!
قابلين يعيدوا الفيلم من تاني 
حابين بكانا فـ اخر المشهد ?
عايزين يشوفوا قلوبنا بتعاني ?

انا اللي زماني غمّاني 
ساعة ماوقعت بين قلبك 
انا اللي الفرحه نسياني 
وذنبي اني اشتريت حبك ?
انا اللي وقفت يوم تعبك 
فـ وش الريح وماتهزتش ،،
بروحي لمست نار روحك 
حرقت مشاعري وماحستش 
دموع عيني ،، فـ بُعدك عني ليه ملت !!؟
برغم اني قسيت العمر وماملتش ?
 وهمت عنيا ليه بالحلم !!
برغم انك سرقت النوم 
رمتني فـ بحر اشواقك 
وعارف اني جاهله العوم 
جرحت وبِعت ولا همّك 
برغم اني زمان ياما .. 
طفيت بإيديا نار همّك 
قالولي الخبطه جوة الراس 
شديده عليكي راح توجع 
مابالك خبطتين فـ القلب 
من الشخص اللي عاش يوجع
فضلت بقاسي من وجعك
وبتحايل عليه يمشي .. ?
كرهت خضوعي فـ حكايتك
وحالف حزني ماينامشي
واديني اكتشفت انه ..
ده فيلم قديم -_-
حفظته وشوفته ميت مره .. ومافهمتش ..
ولما نصيبي ابقا البطله فـ روايته  
حاولت كتير اكون نجمه .. وماعرفتش ..
وكنت انت السبب لما
طفيت نوري وصبح باهت 
خلاص هانت ؛؛
وبانت كل اوهامك ?

بصبرك عالعذاب ليا نجحت بجد
وصبري لحب حتي الان .. 
كسر ضهري وجابني الارض .. ??

#فيلم_قديم ❤
#لـسحر_عادل


فيلم قديم..لـسحر عادل

لو فضلت واقف مكانك مش هتوصل لاى حلم ،،
آمن بنفسك وخليك واثق فيها وربنا هيكرمك ،، 

Sâ7âr 3ādël

Popular tracks