فِعل مؤمن او فِعل كافر


كأنى شئ كان
اغنية قديمة ع الرف
ورقة فِ قلب ملف قديم
بَهتت حروفها
كأنى حاجه عدت ظروفها
كأنى مِسك اسود
ممزوج بِ ريحة البرد
كأنى عود ورد
فِ عز الربيع 
دبلان
كأنى شئ كان
كأنى انا النسيان
فَ الناس كرهانى
حتى السما و سكانها 
كارهانى
دايماً تبكى وقت الفَرح
وقت الحزن تنسانى
وتتلكك غيومها
تسرح وتتفكِك
وتسبح فِ كل مكان
وتصبح فِ حال نسيان
وأنا كما انا
كأني شئ كان
كما اغنية قديمة
شريطها سَف
معادش لُه قيمة
فَ اتركن فوق الرف
كأنى قصة وممنوعه
لكَن عليا مليون طلَب وعَرض ..
قصة ماليها اِلعجب 
متمكنه في الأرض
قصة تستحق الِسرد
فِ البيوت وع القهاوى
فِ المساجد والحوارى
فِ كُل مكان وزمان
وان كنت غاوي حكاوي
احكي لو من ورا شيش
و ابكي و ماتخبيش
الرساله مهما شابت مهما غابت
ضوءها عمره ماينطفيش
_


AbdelWahed

Popular tracks