اشطر بنت في البنات كلها

انا اللي ممتن لصوتك الجميل دا اللي غير مودي ❤️

لامس قلبي هذا النص و صوتك الدافى ❤️❤️

للأيام اللي بنصحى فيها شايفين الشمس بعد وقت كبير في الضلمة و بنمد ايدينا للنور اللي في اخر النفق ومنطولهوش..
للأيام اللي بتترفع فيها كل الستاير اللي حاجبة الضوء، وتتفتح كل الشبابيك اللي مانعه الهوا ويدخل ويطير شعرنا ويحسسنا اننا لسه بنتنفس..

ونبقي ممتنين لكل حاجة..
لشعاع الشمس، لريحه الجو، حتى التراب على السور  للزرع، للطيور، للون المايه، ولصوت العصافير ..

لصوت موسيقى من الافلام اللي بنحبها، لكل الاغاني اللي بنحبها اللي بتشتغل فجأة من الراديو او من اي مكان مش معروف مصدره وتخلي كل حاجه اجمل

لعصير الليمون المفضل..
ولكوباية الشاي بالنعناع بالليل وانا ببص على قمر على امل انه زي ما بتمني من وانا صغيره يكون لسه بيوصل كل الرسايل..
لشكل السحاب والنجوم في السما..
ولضحكة ماما ولحضنها..
لكل حاجة حبيناها كأننا بنخلص حبنا ليها كأنه اخر يوم في العالم.

للايام اللي بتأكدلي اني لسه مش عايزه اموت 
وإن في حاجات اكتر في العالم محتاجه ابقا ممتنالها هي كمان مفيش سبب معين للايام دي غير انها بتيجي علشان تقولنا منموتش

وبيباركها أصوات حبايبنا  واحضانهم، اصواتهم طول الوقت وفي كل مكان
وأحضانهم علي  قد ما بنطولها..

موسيقي فيلم أحلى الأوقات

للأيام - سارة طارق

Soundtracks:
1- ساعدونا - الأسد الملك
2- أنا صار لازم ودعكن - فيروز
3- لن اعود - ماجدة الرومي
4- لو تروح - جيهان مغاوري
5- وين مسافر - جوليا بطرس
6- يا رايح وين مسافر - رشيد طه
7- المراسي - أحمد عدوية
8- If You Go Away - Julian Ovenden
9- Ne me quitte pas - Édith Piaf
10- أهرب يا سيمبا - الأسد الملك
11- مين اللي بيختار - هبة طوجي
12- الحكاية مابتنتهيش - هاني عادل
13- نواح صياد الصقور - الهروب 
14- دايرة الحياة - الأسد الملك
15- أبانا الذي في السماء - خالد الهبر
16- أنا مش كافر - زياد الرحباني
17- القارب - بيسان طرن
18- Bohemian Rhapsody - Queen
19- الله أكبر - ناتاشا أطلس
20- النفس تشكو - النقشبندي
21- Sorry seems to be the hardest word - Blue feat. Elton John
22- يمكن لو - رشا رزق
23- مولاى لي عمل ولكن موجب لعقوبتي- لطفي بوشناق
24- بلا ولا شي ـ زياد الرحباني ورشا رزق
25- إذا تأخرت بالنوم - كارول سماحة 
26- أخيراً شفت النور - تانجلد
27- ادم وحنان - ماجدة الرومي
28- سيمبا ونالا - الأسد الملك
29- بنت وولد - هدى عمار وعلي الحجار  
30- مارد وشوشني وسالي - شركة المرعبين المحدودة
31- شوفتوشي - فرقة الطنبورة
32- كنت مرعوب أتنيل أحبك - أهل كايرو
33- وعدتك - ماجدة الرومي
34- جناح - عايدة الأيوبي
35- فص زمرد - نهال نبيل
36- عبالي - ليمونادا
37- هيدا لبنان - لوريت الحلو
38- بيروت - هبة طوجي
39- سقاني الغرام - إيچيپشان پروچكت
40- بانو بانو - سعاد حسني
41- كل الجروح ليها دوا - علي الحجار
42- Can't Smile Without You - The Carpenters
43- أنتيكا - وسط البلد
44- أنت وأنا - أصالة
45- I’m going home - Sweet November
46- رجعنا في كلامنا - أنغام
47- غير لون عيونك - مايك ماسي
48- Yesterday - The Beatles
49- لو حسيت - أنغام
50- كل اللى كان نفسي فيه - عن العشق والهوي
51- كن صديقي - ماجدة الرومي
52- هى - دم الغزال

مش مزيج (الوش التاني) - حاجات كتير في دماغي

مصطفى إبراهيم ، تفرانيل 50&100 . 

تفرانيل 100

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل 50

أنا بفضل دايما للآخر
 
 
ف جيمات الكونكان والشايب
 
 
و ف كشف الحاضر والغايب
 
 
وف حجز شقق مصيف بلطيم
 
 
أنا آخر تايب في اصحابي
 
 
وآخرهم ف الصلا ف التسليم
 
 
وف دور المدرسه في التطعيم
 
 
وفي وقت السين
 
 
أنا آخر جيم
 
 
أنا جرح قديم...كان متغطي
 
 
إكمني مشتي ولابس كم
 
 
سبتني الدنيا بستين أم
 
 
وسبتلها ميت مِلّه ودين
 
 
ولحد ماتميت ست سنين
 
 
أنا كنت بحب البني آدمين
 
 
وكرهت الناس من بعديها
 
 
علشان نسّوني أنا أصلاً مين
 
 
مش فاكر إمتى حقيقي بدأت
 
 
إنما فيه فتره فاكرها طشاش
 
 
كان فنجان قهوتي مابيفضاش
 
 
وبكلم ربنا طول الوقت
 
 
عمري ماصدقت بنات غير ريم
 
 
ويمكن دلوقتي ما اصدقهاش
 
 
آخر مره
 
 
شفتها فيها
 
 
 
كانت تقريبا بتعزل
 
 
و كان فيه سواق تاكسي منزل
 
 
ف شنط ناس حتحل مكانها
 
 
ووشوش بني آدمين معرفهاش
 
 
أنا ريم يمكن كانت قدي
 
 
أيامها... لكن دلوقتي أصغر
 
 
عارفه إن أنا يوميا بكبر ؟
 
 
وبعجز إكمني مابنساش
 
 
أنا فاكر أيام بالميللي
 
 
أنا فاكر أيام بالتفصيل
 
 
أنا فاكر يوم دفنة أختي
 
 
حتصدقي..؟ أكتر مافاكرها
 
 
وساعات بنسي ف ليله كبيرها
 
 
أنا فاكر شقة قصرالنيل
 
 
ومش فاكر حد من السكان
 
 
من صغري وعمري مابنسي مكان
 
 
أنا أصلاً فاكر بيت شادي
 
 
مع إني مازورتوش غير مره
 
 
بأمارة فيه برواز بره
 
 
كان جواه صورته ف إعدادي
 
 
كان لسه ساعتها طالعله شنب
 
 
ونا حاسس إني طلعلي أتب
 
 
من تقل الشيله و م التفكير
 
 
معلش أنا آسف برغي كتير
 
 
وبسف ف وقتك وف وقتي
 
 
أنا حاسس بدماغي بتتقل
 
 
أنا نفسي أنام
 
 
أنا عاوز أروّح دلوقتي
 
 
متشكر جداً ع الجلسه
 
 
حنكمل إمتى علاج طيب ؟
 
 
لازم حنشوف بعض قريب
 
 
أنا ماشي...
 
 
سلام

مصطفى إبراهيم ، تفرانيل 100 ، تفرانيل 50 .

من اجمل ما غنوا اسكندريلا: 

عينى فى عينك

يعنى انتى مصدقة

بينى و بينك

أوطان متفرقة

كوابيس متحققة

و ذنوب متلفقة

إيه الحكاية بقى

مش ناوية نتصالح

يا شمس داخلة عروتى و كمى

تشبه أبويا فى ضحكته لأمى

ليه كل حاجة مغيرة حسنك

لا دى ابتسامتك ولا ده حزنك

خدى فى حضنك فقرنا و ضمى

و خدى بإيد الحلو و المالح

و تعالى نتصالح

ذاعوا لنا كام غنوة و ما سمعناش

و خدنا كام خطوة و ما لحقناش

مين اللى كان بالخطوة دى بادئ

و ليه فى مكان البيت باكون لاجئ

الفجر صادق ليه ما صدقناش

و ليه نسينا ضحكة امبارح

و رفضنا نتصالح

اسمك ممشى الريشة على عودى

جنبى و مسافرة امتى ح تعودى

عودى ندهلك لما عودك طل

ما تخلينيش فى الحب ده أتذل

على الأقل اعترفى بوجودى

ده انا اللى باعبد فلك الطارح

و انا اللى راضع عيشك الصابح

ما تيجى نتصالح


اسكندريلا -  عينى فى عينيك (Eini Fi Einek)

جميع مقاطع الشعر من كتابة وإلقاء : رامي وفا 
حسابي على الفيسبوك
www.facebook.com/ramywafapoet/
حسابي على الانستجرام
www.instagram.com/ramywafapoet/
حسابي على التيكتوك
tiktok.com/@ramy.wafa

لقراءة وتحميل الديوان PDF
https://drive.google.com/file/d/1Xd8eZ8xulusuiR3GTdLXH1BSUnoCY2Ci/view

بلايليست الديوان صوت
https://soundcloud.com/ramywafa/sets/mimeplaylist

رامي وفا | برومو ديوان (مايم): كل الطُرُق تؤدي إلى 5 مارس

3:0ُ0 AM - مزج

تحية: شوفتي بقى أنا سمعت بنصيحتك إزاي وبطلت أبقى مغفلة، مش ناسية كلامك يادرية.
طارق بتاع حب وبس مش بتاع جواز، أنتي فاكرة أنه هيتجوزك ياتحية !
طارق عايز حد يصرف عليه وبس.
درية: أنا كنت بقول كده عشان مصلحتك.
تحية: ما أنا عارفة أنه عشان مصلحتي، وعلشان كده أنا فاكرة الكلام كله.
حتى لو بتحبيه ياتحية، وفاكرة أن ربنا خالقك على الأرض دي عشان تحبيه، هو مش هيتغير.
الحب بيغير الرجالة في المسلسلات والأفلام والمسرحيات بس، أنما في الحقيقة؛ في الدنيا اللي إحنا عايشينها دي، الحب مابيغيرش حد.
هو مش هيتغير، أنتي بس اللي هتتغيري، هتقبلي وترضي. تقولي يمكن وجايز، هتقولي جايز بكرة يتغير أو يمكن لما أسيبه هوحشه أو يمكن لما أفضل يتعود ويحب بس بكرة دي بتبقى سنة واتنين وستة وسبعة وبعدين لما بتيجي بقى السنة التامنة ربنا بيوعدك بحد يجي كده ينزل عليكي وينصحك، زيك كده ياحبيبتي.
درية: أنا يمكن بيبان عليا أن أنا شريرة.
تحية: شريرة !
كان نفسي أقولك أنك مش كده، وأحضنك وأبوسك ونقعد نعيط مع بعض، بس أنا وأنتي عارفين كويس.
درية: أنا مش شريرة.
تحية: وأنا مش ملاك، بس عباس شايفني كده، هقوله لأ !
بيقول كده.
درية: تحية...
تحية: طارق فعلًا مش بتاع حب وجواز، أنتي كان عندك حق، كتر خيرك.
ولا سرحان بتاع حب وجواز وإذا كنت أنا ضيعت سبع سنين من عمري، فأنتي ضيعتي عمر فوق العمر.

#أفراح_القبة

الحب - تحية و درية - الحلقة 19

ما بعد منتصف الليل حيث احترق شوقا تحت النجوم في ليلة مظلمة وحيدا

Deyaa Yusuf - After 12 Am Soundtrack

* مصطفى إبراهيم من فيلم أخضر يابس
* سكان بلا عنوان 
* مشاهد من فيلم هيستريا
* شعر مصطفى إبراهيم 
* أم كلثوم وأنت معايا
* أم دنقل ليلية
* Changeling Soundtrack
*  The Train Leaves - The Secret in Their Eyes
*  The Bridges Of Madison County - film soundtrack
********
ARTWORK BY : AHMED GADO

Cairo station

Gramophone - جرامافون.

high quality : https://www.youtube.com/watch?v=WxmBxwUMBa8
كلمات : أحمد رامى عبدالله
ألحان وتوزيع وتسجيل : سعد ممدوح

في عز الليل
وصورتك فوق عيوني تميل
وصوت الست ويانا
واشوفك جاية بتخطي
بصوت خلخالك الهادي
تعيدي اللحن جوايا

يتوه الليل
و يسرح فى الفضا ويميل
ويتبسم عشان سامعك
يطول ليكي
وياخد من غناكي دليل
يقربلك عشان قلبك

سهرت كتير
وطلعت غنوتي مواويل
وتهت معاكي في حكاية
كتبتك خطوة فوق خطي
رسمتك موجة فوق شطي
طريق مفتوح على سمايا

فى عز الليل - سعد ممدوح | fe ezz elleil - Saad Mamdouh

"Dear God, make me a bird so I can fly far, far away from here.

links

st0932591@gmail.com

https://www.facebook.com/profile.php?id=100025230795405



للأيام - سارة طارق

sara

Recent comments

1sky

🔱

Sara Soliman

E S R A A

Related tracks