ع الغربه ولياليها 🚶🙁

hoba

Feyroz_فيروز- سلملي عليه

فيروز - باكتب اسمك ياحبيبي
Bektob esmak ya habibi - Fairouz

فيروز - باكتب اسمك ياحبيبي

فيروز - شايف البحر شو كبير - جودة عالية - HD

راجعين يا هوا فيروز

سلملي عليه لفيروز

II فيروز الصباح | فنجان قهوة

فيروز - سلملي عليه  I  Fayrouz - sallemli aleh

تقابليني ....
كإنك فيلم خمسيني 
كإنك وردة في البدلة بيرويها مطر عيني
كإنك أرض 
كإني ف حضرتك بابقى ( روائي لا يمَل السرد ) 
أميل لك بس مابملِّك 
اشيلِكْ عمري ما أشيل لِك 
واغازلك شعر واغزِل لك
ضفاير شكّي ويقيني   

تقابليني 
.......
واطُل ف عينك استشهد 
يامزيكا بتتنهد 
شموسك كيف بتتجدد وضلِّك طيف مغطّيني 
أراقبك لما بتشاوري ف وقت ماتطلبي حاجه 
وعارفك لما بتناوري عشان تلهيني عن حاجه
وامتى بتبقي محتاجه اكونلك حضن ان يلزم 
واقولك امتى تحديدا بإن غرامنا لن يُهزم 
وعارف امتى بتبُصي بعين من خوف 
وصوتك وانتي تعبانه وشايله الهم
يا اقرب من فصيلة الدم 
ماكونش ازاي بقا مهتم 
بواحدة رضاها يحييني ؟

 ،،،
تقابليني
واراقب شعرك المقصوص 
كإن الليل نقص ساعتين 
جميل والله ولايقلك 
وفاتح للخيال طريقين
وطول عمرك بتختاري الهدوم بمزاج 
وعارفة تنقّي برفانك كإنه انتي 
ياواخده العقل من ايده كإنه ابنك
باقولك ايه 
خرجتي منين على الواحد خروج زهرة
خروج مزيكا من ( راجح داوود) مثلاً
بكل مافيكي من ستات فاجئتيني 
فتحتي الحلم والتأويل وسيبتيني
مهرج والسما سيما 
وطايش والطريق مراجيح 
تقول امي :
بقالك فترة مش مظبوط
تبان قلقان لكن مبسوط
ومتوتر كده وخايف 
ومش فاهماك 
تعبت معاك
تكونش ياواد عشقت جديد ! 
تقول امي ف وصف العيد 
( ياريتك جيتنا من بدري ) 
واظن الوصف ده ينفع يكون عنك
( ياريتك جيتي من بدري ) وخدتي الروح وخدتيني 

تقابليني 
،،،،،
بدون اسباب 
زكاه عن ضحكتك مثلا
كفالة طفل نُصه يتيم 
هنتكلم عن الدنيا 
وعن حبي لشهر اتنين 
وممكن اقول اسامي صحابي بالترتيب
وتحكيلي عن القطة اللي ف عيونك 
ولون اوضتك 
هاقولك اني متورط بعصبيتي 
باحب احمد زكي جداً
موسيقى نهاية الكيت كات 
وممكن تحكي عن والدك 
وعن اخر خطوط الموضه ف العالم 
وعن حلمك تعيشي ف ارض محدوفة وبيت واسع
هنتكلم ف أي كلام 
وأي كلام ف ذاته كلام 
كلام تافه بدون ترتيب 
مسافه وقت تسمحلي اكون جنبك لاطول وقت 
- هتوحشني 
- وحشتي القلب من دلوقت
واحط ايديا علي قلبي واراقب مهرجان الصيف 
ابطل حب امتى وكيف
وحبك كيف ف شراييني ! 

،،،،،
تقابليني
عشان محتاج اقابلك موت 
فيه عندي حوالي ( ولا موضوع )  احب افتح كلام فيهم 
اصالح عمري ف وجودك
وانقّح نفسي م الأخطاء على حدودك
وعارف اني شيء بائس 
واني مصاب بمتلازمة ( وحشتيني ) 
وعارف برضه اني كسول 
بسيب كل الحاجات ع الأرض 
وريحتي كلها دخان
وعارف برضه اني كمان بشجع نادي مش حباه 
ياستي حياة ولازم نختلف فيها 
يا أجمل حاجه ف الدنيا ابتليت بيها 
واطيب ركن ف الاوضه اللي جوايا 
ف قلبي فيه كذا حكايه 
وحابب احكي ساعديني 
تقابليني !!

https://m.facebook.com/kemiakarim?refid=7&ref=m_notif&notif_t=like

تقابليني | عمرو حسن

عمرو حسن - اشبعي بيهم

محمد عبد الفتاح - أسطورة أنطونيوس

Wade3 Elsafy - 3ala remesh 3yonha | وديع الصافى - على رمش عيونها

Feyroz_فيروز- سلملي عليه

Sabeh Kerkeni

Recent comments

Dina Hamedo

Myla

Josephine

hosssam57220

Related tracks