بعض من اعمال الفنان  فتى الجبيل

يضيق صـدري كل ماطوّل الليل
واصبّـــر النفس الحــزينه عــزاها
الله من دنيــــا العـــــنا والغــرابيل
عجـــزت اميــز طــــيبها من ردها
ياوجد حالي وجد من خانه الحيل
عليـل وعــينه دمـعها هــل مــــاها
مافاد فيه الطـب وكثـــر التحـاليل
جسمه هزل والنفس صعـب ٍدواها
دنيــا غـــريبه شفت فيها التهاويل
تحـــيّر العـــاقل ويجـــهل خــفاها
كمن فتى بالــــناس تلـــقاه حلحيل
قضى حــياته وحـــاجته ماخذاها
وكمن رديٍ من عــــــداد المهــابيل
نال الســعــــاده والغــــنايم لقــاها
دنيا قســت فينا وافــنت رجاجيل
وتحت الثرى لا شك دفنت عضاها
ويالله يسّر  لي دروب التــساهيل
طالـــبك نفــــسي لاتخــيب رجاها
رجيــت انا عفــوك ياعــادل المـيل
يامن خـلقت النفس وعــارف بلاها
لجـــلك بدعـت القـيل ويّا التماثيل
من بحر قـاف الشعر قلبي انتــقاها
وصــلاة ربي عــد وبلٍ كــما السيل
على شفــــيع النـــاس في منتهاها

الشاعر
راشد بن صالح البوعينين

يضيق صدري كل ما طول الليل

البارحة نومي على اكواع وكفوف  
 وعن لذة المرقاد عيني عيوفة
يصدف لها عن لذة النوم صادوف
صادوفها قلب كثيرة صدوفه
أن لف به في تالي الليل لافوف
 ابعد كراها من هموم تلوفه
يطلع وينزل بي بعهنٍ من الصوف
  عهنٍ تبلت كنة القيظ صوفه  
مرات ياقف بي على شفة الخوف 
 في ماقف كل الافاعي تحوفه
ومرات يمشي بي على درب معطوف
   نهايته عن مابغيت معطوفة
ولا ادري يحصل ما يدور وراى نوف
 واللى يحده عن هوى نوف نوفه
راعي الجناح اللى من الريش منتوف
  في ماقف حلت عليه المروفة
يلاف واللاف بلى ولف مالوف
 إيلافها زاد الكلوفة كلوفة
بينت متخفي وخفيت مكشوف
 وحذفت نص الاولة من حروفه
لا تاقع الشبهة على حروف بحروف
 وآقف بميقاف يكلف وقوفه
واللي يدبر وال الاقدار مشيوف
لو ساعة المقسوم غير معروفة

الفنان : فتى الجبيل

يضيق صدري كل ما طول الليل

الفنان فتى الجبيل

Related tracks