ذعر اليمام شعر وإلقاء | صفاء أبو صبيحة

على سبيل المجاملة شعر_ وائل فتحي_القاء|صفاء أبو صبيحة

الشيخ محمد عمران ـ سورة الفرقان

ما لم يقله المهرج. شعر -أحمد عبدالرحمن إلقاء- صفاء أبوصبيحة

أنا ليه دوبت العالم بيني وبينك ثم هاجرت

قبل طلوع الشمس_شعر_يحيى السيد|القاء_صفاء أبوصبيحة

السبب-شعر-محمد الشهاوي..إلقاء صفاء أبوصبيحة

العجوز-شعر سعد النجار-القاء-صفاء أبوصبيحة.

المشي كان صاحبي الوفي
بتعب ولايسيبنيش
كان مستعد يقضي باقي العمر ويايا 
ونزور شوارع وناس
مابتزورناش
ونغني روحنا 
ف عز الدنيا مابتشتي لمض حمرا 
وتملى الأرض بكلاكسات
ولأني فاقد شيء
ماقدرتش ادي لاي كائن اي حاجة
م الصبح كل الحواري تبصلي 
بيشبهوا عليا 
وانا مش أنا 
بيدققوا وكأنهم عارفينني 
وكأنهم
وانا بتجاهلهم 
وكأني حر
بخطي ع الرصفان كأني بحجل
وبهلفط بكلام كأني بغني
وبفتكرك
كأني بنساكي
وكأني لوحدي 
وكأني بهرب
وكأني
..
بلم باقي الأكل ف الشنطة
واشيل بواقي الوقت ف جيوبي
واخاف من ان الفلوس الباقية ماتكفيش
بحاول اعيش وابان للناس كأني بعيش
..
القطة اللي حنت عليا وحنت لي
من كام دقيقة اتمطعت على كرسي تاني 
لنفس ريحة الجبنة 
والشفقة 
والقهوجي اللي عاملني أحسن من صحاب البيت 
طلع لسوء حظي ونباهته 
معاه مفاتيح الزباين
والشاحن اللي ربطني جنبه ف حتة ماعرفهاش
كفاني بس لحد ما اوصل قهوة تانية
والليل معاه تصريح وباقي لفيلم سيما
وانا
 مش باقي مني الا فورة خوف
حر لكن مت وحدي انا والظروف
ومش معروف
لحد من اللي ف الشارع
ضلي اكتر ألفة مني على الحيطان
وبردان
لابس ف جلدي كوم هدوم حران
وعيان
 ماحنش عليه الميكروباص غير  بالمكان والباقى 
..
بيني وبين ضحكك زمن
وكأني بقدر حتى على نفسي 
..
اتنين بس 
بعرف ارمي نفسي ف حضنهم
لكن انتي مش منهم 
وانا برضو مش منهم 
وعشان كده خايف
الوحدة زي ما هي حرية وخيال
وحكاوي مش مع حد
سجن
بتمشى واشحت حد يعرفني 
    يسألني مالك
- حبة مشاكل
شغل
وسنين بتتسرسب
ورصيد ف بنك كأنه كيس مخروم
بهدى وبزوم
بهدى وبزوم
وارجع كأني مفيش
قفل البيبان مش حل غير ع الخل
كسر الكلام مش حل غير ع الخل
قطع الطريق مش حل غير ع الخل
اسف يا خل
اسف يا خل
والله اسف كنت فاكره الحل 
وان الحلول مواعيد
وفيه باقي
..
" الاجرة كام "
" الرمل ياسطى "
" شكرا "
" فيه فيلم (اسم لفيلم مش مشهور)"؟
" واحد "
كان نص فاشل وسط كون جاحد
وكأني بشلب دم ع المسرح
وكأني بضحك زي لمعة كاس
او زي ليل ف الزحمة وسط الناس
اعرفها تعرفني
تسألني مالك
اكمل الديالوج 
" مافيش "
يديني باقي فلوس ومابعدوش
ايه اللي عندي هيبقى له باقي ؟!
 ..
هسكت هنا 
مش راحة مني وحابب القفلة
لكن عشان خايف يفوتني الفيلم !

حفلة اتناشر-شعر أحمد السعيد-القاء صفاء أبوصبيحة

نهارَك سعيد
ومش عارف 
إن كان نهاري سعيد 
ولَّا الصفا بيغازل الصمت في دلال
ومش عارف 
منين النغزة لو عدت نلاقي دليل 
ومين حيميل لُهْ الغرام بهَواه
ويِصْفىٰ لصهد رباني
سَهَّى التاريخ 
وانسال..

خلينا نستنى فـــ ميعاد شفاف
وانا بانجرف من حُسنِك الشادي
لبلاد 
بيفيض فى بالها النسيم
على شهقة العُزَّال 

ويفيض فى بالي الغزل
ما ينتهيش الوصال
وينفلت من رجفة الحس الخجول
حواديت تكفي الجميل
لو ينطفى الموال

فنعيش بنترجى الغروب 
يوهبنا اللقا الدافي
والقمر ميال
بيناكش الحلم البعيد 
والطريق مَنسي
دلوقتي لازم نعيش
من غير ما ينزعج الخيال العفيف
ويضيق علينا النص الرومانسي 
فاضحكي..
تخضَّر لهفتي ع الحياة
وَاْنْسَّل من يأسي

اضحكي..
وانشري الحب ف ضلوعي
مارسي الدلال باحتراف
إرمينى باسود عينيكي
نبتدي المونولوج خفاف
إرميني باخضر ملامحك 
حارميكي باصفر سؤالي
فاوضينى ع الصدفة البعيدة
ده الموت فى ريقي 
والغنا متشاف

إرميني بالضحك
ينفجر من حسي الكلام ملهوف
لحلوة 
يليقلها الحب.
ويليق عليا الخوف..
والشجن..
والحيرة..
وحاجات كتير
مايوعاش عليها الكلام
فاعذريني
واعذري 
عجز اللغة في الوصال 
وان كنت بترجَّىٰ بكسوف
"اضحكي"
وانا حقدر  اركب ع الحصان لابيض
وانتي
حتعرفي تكوني الأميرة

نهارك سعيد. شعر- اسلام حمادة. إلقاء -صفاء أبوصبيحة.

اهداء للقصيدة التي كتبها الله لنعلم السر. شعر- أحمد مجدي.إلقاء- صفاء أبوصبيحة

حاوي توت شعر. سمير السروجي .إلقاء-صفاء أبوصبيحة

ما حدش شافُه  
بغير عادته 
بيرمي سلامه ع الأشجار وع الشارع 
وع الناس رايحة أو جاية
وحيد جدًا
يجوز سمعوه ويجوز لأه 
لكن يومها ما حدش رد أي سلام

غريبه البحر  ساب نفسه 
لجسم غريب
 ينام على ضهره في المية
عينيه ع الأزرق الفاتح 
لا فكر وقتها في الشط
ولا ملمس كعوب رجليه على الرملة
ولا هيَّ. 
هدوء اللحظه والموجة
طقوس تعظيم لجسم غريب مسلّم نفسه بهداوة للفح الشمس
..

- وشوْش حبيبك ده  الصدف فتان

تنادي عليه 
يضيع  صوتها  في قلب البحر ما يقبش.
 
*ما اقدرش احدد مين اللي كان نعسان 
أو مين ماخافش وهَدهِد التاني.

عينيه جواها لون أزرق معاند غمضة الجفنين

*هاكدب عليك لو قلت ليك  كانت سما 
مش لون بلوزة بنت واقفة في البعيد م الذاكرة
ساكنة إليه متبسمة
تنده عليه جوه الصدف

-يادوب امشي عشان الوقت
- بلاش دلوقت خليكي - 
ردم ع الرغبة وما قالش

لكن ببساطة مد إيديه ومد النظره للنظره 
ورخّى الخيط بطول المدة والغيبة
  
يفتّح عينه يتشابه عليه الاحمر في طرحتها 
وحنة  شمس بتودع نهار عادي 
يخربش قلبه مشهد حي م الذكرى 
تفر لخدُّه دمعة عزيزة 
فيعيط
خيوط بتكُر من عينه 
دموع وخيوط
 
ما اعرفش إيه في اللحظة دي كان  أزعج المية
ومين قلّب عليه الموج ؟ 
وإيه صحّى الحياة  في إنسان مسلّم قدره للصُدفة وضمير البحر؟

.

من غير موسيقى تصويرية..شعر. صفاء أبوصبيحة

بعد التفاح- شعر وليد ثابت _إلقاء صفاء أبو صبيحة

حيث وانا وحدي 
زعلانه من غير ما اقول زعلانه
ولا آمن ابين عياطي غير لكفوفي 
ولا بهدا من كتر العياط غير في
الضلمة الشديدة وف حضن المخده
شاشة تلفوني بتعرف بتلهيني 
وبتاخد عيني من فوق البتر 
شايفه العصفورة؟ 
حيث وانا وحدي 
مافيش عصافير 
حتى العش اللي كان ف الشيش 
عصافيره هجرت الشباك وطارت
وحشتني تنقّر باسم صباح الخير
وتلاغي حيطان الأوضه بصوتها
وتصحيني 
حيث وانا وحدي
..
مابين الخطوة والخطوة 
حقول ألغام 
سلوك شايكه 
يفط  جوايا بتحذّر
مابتخوفش
يفط شفافة 
وانا جلدي كمان شفاف
والأحزان بتكون متشافة
حيث وانا وحدي
عينيا مزغلله 
عارف 
شايفاك بوضوح  مع انك مش جنبي 
والدنيا  عينيهاا  مزغلله زيي
ماشافتش الحزن اللي مغرق جسمي لجوه
ومغرقني بلون شفاف 
خلاويص؟
لسه..
طب أفضل اعد لغاية كام وتجيني 
خلاويص..؟
..
ماحدش رد 
طب قول لسه 
مش هزهق من قول خلاويص
ولا طول العد 
من حيث وانا وحدي



قول خلاويص. شعر وإلقاء/ صفاء أبو صبيحة

#ضيق_تنفس

الأرق بياخدني أحيانا 
يجرني من شعري فوق أرض  المخاوف 
ويلف بيا ع البيبان وبيخبّط  بعنف 

يا ترى
من هيفتح له الساعه دي
‏والبيبان مقفوله اصلا  ع المفيش؟ 

بيتظاهر عليا 
واشعر بثورة عنيفه ف دماغي 
بتراب معارك تندلع  مني لعندي 
أفكار بتنهش حسي 
‏فاتعور وادوخ
‏ ‏وامشي لحد عينيا ما تغمض 
‏ ‏وواستسلم واتوه
‏
بهرب
مايهمنيش على فين 
يغريني ضلي عشان اسابقه او الحقه
‏احصله وما احصلوش 
‏والاقي جسمي ف طور فراشة 
‏ورجلي اتقل م الجبل 

سلالم سلالم 
من عند رجلي للسما 
شهقة
انفلت مني 
اخد بإيدي 
اصعد
وانكمش 
‏ ‏وانتني 
‏ ‏وانفرد 
‏ ‏في السلمة الواحدة 
‏ ‏ والغاية شاهقة 
‏ 
‏وانا 
‏زي مايكون مش  انا
‏ 
‏ ‏افتح عينينا بغير ما افتّح 
‏ ‏وانتفض
‏ ‏ريح تاخدني 
‏ ‏وريح بتلقفني ف مكاني
‏دواير 
‏دواير 
‏تختفي وتظهر قصادي
وغراب واقف لي  ع الشباك
‏بيبوسني من خدي ‏
‏
‏مطر  مطر
‏من سقف اوضتي 
‏ ‏سحاب محمل والبلاط
‏طوفان بيبلع كل شيء 
‏وسريري في الموج مركبة
‏أنده على نفسي..
‏اسمعني  واتجاهل ندايا
‏واسمعني و اتردد
‏ومفيش جبل يعصمني م الموت 
‏والغرق 
‏اصرخ وافلفص م التعب 
‏واغرق ف جوف المركبه 
‏  وارسى معايا

أقوم واسند نفسي م الدوخة
وارفع في توبي ليتوحل مني 
الاقيني فوق أرض العجب
عجبة
‏ ‏وحدي بلا جسمي 
‏ ‏بلا اسمي 
‏من غير عينيا ‏بشاهد المنظر 
‏خضره وجناين والشجر  
‏على  مد شوفي وبعد شوفي  بكل لون
‏النهر مجراه للجبل صاعد لفوق
‏والطير براحته بيمشي ويغني 
‏
‏ما لمحتش الإنسان بيتمشى هنا
‏
اناكنت حريفة السما و الجو
وبطير  مجرد ما افتكر طيران
شفافه كنت 
وكلي منه للهوا 
وف لحظة حسيت بالهبوط 
ولقيتني باتقل وارتبك 
واخشى السقوط
..
يلسعني هوا ساقع
من الشيش  الموارب
فاتفزع واصحى
وجفوني تتوارب 
اتشد تاني 
واتجر  تاني 
لحد اوضتي 
لعند تطبيق الهدوم 
والاقيني قاعده
باعيد في  ترتيب الحياة
‏ يشغلني رص الجرح فوق الجرح 
‏ ‏واتنهد 
‏ ‏تتخض عصافير الونس 
‏ يتفزعوا فيطيروا
‏يتفزعوا  يفترقوا 
تنزل دموع  كل المناشر والغسيل

‏صوت انفجار من بعد 
‏ لا من قرب
‏ ‏فوران غزير حواليا /جوايا 
وشعور بضلمه ف روحي 
-مش قصدي عمايا _
ولقيت بحيرة  دم واصلة لركبتي 
أصرخ..
مايطلعش الصريخ برّايا
ولقيت ايدين عمالة تهبدني 
‏وتهز فيا لحد لما صحيت
‏فتحت عيني لقيتني في  سريري
‏ ‏ وملايتي شربانة النزيف تحتي
‏ 
‏ ‏

ضيق تنفس- شعر وإلقاء صفاء أبوصبيحة

الكمين- شعر صفاء ابوصبيحة

تفتكري إيه، شعر أمين حداد.. إلقاء صفاء أبو صبيحة

(شاور على قلبه ومشي) 

كل امّا احاول...
يطلع كلامي بحشرجة.. 

بجري في كل الأمكنة 
عارفاني/ مجهولة
لمحِت في عينك نظرتي 
وشوشتها بالسر
اتحولت لحواس 
كلها بتسمع 
كلها بتفتن
وانت اللي مش سامع 

مش قادرة ابارك خطوتي/ عتمتي
ولا قادرة اقول
ولا عارفة احدد فين يودي للمفيش
ولا عارفة احدد إيه ما بيوديش 
ولا أنهي سكة تاخدني ع الراجع
 
قال لي بهدوء الآمنين:
 
"النور هنا والنار.. "

شاور على قلبه
ومشي.. 

إيدي على قلبي 
حريق..
"دخان دا ولا غيوم و
شبورة بصيرة"

شوفت وبكيت
الطل لامس جلدي
شارك رعشتي
بردانة..
والبحر في كل اتجاه
والبر 
ومركبي... 
بين البينين. 

لو سيبت قلبي.. 
مش هناخد غلوة في إيدين القلق
لو سيبت نفسي.. 
مش هسد قصاد سؤال ما سألتهوش
لو سيبت إيدي..
 مش راح افلت من إيدينك والغرق. 

وافضل كدا 
عمالة أدُور في المحنة
وتدوخ المسافة

آجي اندهك
يطلع ندايا بحشرجة 
فاضطر
 أسكت..

شاور على قلبه ومشي_ شعر_ صفاء أبوصبيحة

بعد الطوفان بجواب. صفاء أبوصبيحة

بعد الطوفان بجواب_ شعر وإلقاء| صفاء أبوصبيحة

خليني احبك في البلاد البعيدة 
والزمان القريب 
 والحياه السهلة
خليني أتمشى ف خيالي
دون رادار العقل والعمر المغاير
وصفارات انذار  بيطلقها الفزع
قبل ما نبوح بالكلام 

خليني أحبك والهوى بيدوم  
خليني احبك في الخريف
 والجو مش مفهوم
_ ‏ وشبهي _

خليني احبك و الحياه
بتصفي  م المواعيد 
صدف
وتقصر المسافات
و تزود الحبكة 
وتهيأ الورطه الجميلة

خليني احبك في الخطر
 والنيل  بتتحاش دمعته
وعيوني م المنبع تفيض

خليني احبك في المطر 
 يكتمل معنى القصيد

تايلاند_ شعر وإلقاء | صفاء أبو صبيحة

كان الشغف أيامها يم البحر 
ريحة نسيم من طلتك مالح
أبدر سلام على كفك  الطيب
يطرح بلد خطاويها لامبارح

آخر محاولات الالتئام_شعر وإلقاء|  صفاء أبوصبيحة

قاصر يا قلب 
أقصر يا عمر يا ورد
ما يسيبك المحبوب إلا إذا سيبته

من سيرة اللي ما جاش_ شعر وإلقاء| صفاء أبو صبيحة

ايه هد عزم البحر غير قلة التجديف! 

طفل راشق في الجدار|سامح القصبي| إلقاء صفاء أبو صبيحة

خدها من قلبي| شعر مدحت منير|إلقاء صفاء أبوصبيحة

شافني الفتى مشكاه 
مع اني شاكية الضي وحامله لله
على هجرهم ليا

عرق البلح| شعر آيه حكيم| إلقاء صفاء أبو صبيحة

المدينة| شعر محمد ماندو| إلقاء صفاء أبو صبيحة

سكر | شعر محمد سلام| إلقاء صفاء أبو صبيحة

(وثائقي .. عن الناجي الوحيد)
..

في الحرب
قالولنا القادة إننا هنفوز
من قبل ما رُبع سلاحنا يبوظ
ونعوز لإعانة ..

هنفوز علشان ( الله موجود ومعانا ) ..

هنفوز من قبل ما نلبس أي بيادة
وقبل ما حتى ندوس
على رمل الساحة ..

وقالولنا كمان اننا لو موتنا فداء لبيوتنا هيبقى الموت بالراحة ..

وقالولنا ان احنا وحوش وأسود ..
مش أي جنود ..
ومعانا بارود ..
مش أي بارود ..
وجثثنا ماهيطولهاش الدود

علشان الجندي في سِلو بلدنا إن مات .. بيصير جناحات .. ويقوم ويطير ..

القادة قالولنا بإن الحرب يومين بالظبط وتدّي نذير ..
فيدوبك نلحق من دلوقتْ نفوز ع الوقتْ ..
وندهن شَحْم على الجنازير ..
..
وابتدِت الحرب ....
صورايخ م الشرق
وغصن زتون وحمام م الغرب ..

وطيور أبابيبل من عند الرب بتمحي الظالم في المظلوم ..
وف وسط الضرب
لمحت بعيني من الأعداء خنزير بيحوم ..

قنّصت عليه .. وعملت الزووم على نُص عينيه .. وضحكت عليه .. وقتلتُه ..
كات أول مرة أشوف بعينيا الشخص اللي أنا أصبحت ساعتها عليه .. ومازلتُه ..

كات أول مرة أشوف الشر بتاعي في صوتهُ وشكلُه وتوبُه ..
واكتشف ان انا في صباعي شراسة تهِد البيت وتفتفِت طوبُه ..

كات أول مرة أشوف السائد .. 
وامشي عليه من غير ما انتظر العائد ..

كات أول مرة أموّت شخص
وإخْص على اللي يموّت شخص بإذن القائد ..

كات أول مرة
لذلك رُحت عليه .. فتِّشت جيوبُه ..
من وسط حاجاتُه لقيتني بطلّع ورقة قديمة بقالها سنين مِتعانة ..

مكتوبة برعشة إيد إنسان بِيعاني الفَقْد و عَانا ..
..

ولقيت مكتوب ...... :-

لـ حبيبتي راشيل ..
أنا آسف جداً إني مقصر جداً جداً في المراسيل ..
وماتتضايقيش
وطلاما وعدتك إني هعيش .. والله هعيش ..
ادعيلنا كتير علشان ربنا بيحب دُعاكُم قبل دُعانا ..
وسيبي لي على الترابيزة يوماتي مكان محجوز
وماتستنّيش لو كُنتي جعانة ..

وأخيراً بس عشان الحلوة بتاعتي تفُك البوز ..

امبارح هتف القادة
وقالوا :-
إننا هنفوز ..
من قبل ما رُبع سلاحنا يبوظ ..
ونعوز لإعانة ..
هنفوز علشان ( الله موجود ومعانا ) ..

..
.
#بشيكل_فول_وبنص_طعمية
ديسمبر / 2019

وثائقي عن الناجي الوحيد شعر حسام إبراهيم | إلقاء صفاء أبو صبيحة

يا كتاب أتاه الهوى لما ارتجى من كل فج 
الروح براح للروح 
وانا قلبي لم يحتج لما ارتئينا براح 
يأيها الطير الذي لم يحتمل أسري وهج
أنا شعري كله جراح مفتوحة للتأويل.. 

صفاء أبو صبيحة

Popular tracks