කරදර, ලෙඩ දුක් පැමිණෙන්නේ ග්‍රහ අපල හෝ නැකත් කේන්දර අනුවද නැත්නම් ඒ සියල්ල ඉපදෙන මැරෙන සත්වයාට පොදු දෙයක්ද? සුභ නැකැත් අසුභ නැකැත් ලෙස කාලය බෙදා වෙන් කිරීම බුදු දහමින් පැමිණෙන්නක් නොව පොලොන්නරු යුග වලදී අප රටට ආ සොලී ආක්‍රමණ සමග හින්දු සම්භවයෙන් ලැබුණු දායාදවේ. බෞද්ධ අපට මෙලොව ඇති සුභම නැකැත නම් පිනක් රැස් කරනා මොහොතයි, අසුභම නැකැත නම් අකුසල් රැස් කරනා මොහොතයි. ඉපදෙන්නට වෙලාවක් නොබැලූ අප,  මැරෙන්නට වෙලාවක් නොදන්නා අප අන්ධයින් සේ ජීවිතයේදී ග්‍රහ තාරකා පසුපස හඹා යමින් ඒවා සරණ යමින් දුර්ලභව ලද මිනිසත් බවත් තිසරණයත් අමතක කරති. බුදුරජාණන් වහන්සේ පටිච්ඡ සමුප්පාදය ඔස්සේ විග්‍රහ කලේ මිත්‍යා දෘෂ්ඨිය නොව ආර්ය වූ සම්මා දෘෂ්ඨියි. බුදුන්වහන්සේ වදාල පරිදි මිත්‍යා දෘශ්ඨිකයාට උපත් දෙකකි. එකක් තිරිසන් යෝනියෙහි වන අතර අනෙක නිරයේ වේ. මෙවැනි බියකරු වූ අසාධාරණ වූ සසරින් සත්වයා මිදවීම පිණිසමයි මහා කාරුණික වූ තථාගත සම්මා සම්බුදුවරුන් මෙලොවට පහල වන්නේ...අපිත් පමා නොවී ඒ භාග්‍යවත් අරහත් ගෞතම නම් සම්බුදුරජාණන් වහන්සේ සරණ යමු. කොන්ද පණ ඇති බෞද්ධයින් සේ අනෙකුත් මිත්‍යා දෘෂ්ඨි වලින් මිදී වහ වහා අප්‍රමාදී ලෙස සම්මා දිට්ඨිය කරා යමු. අපගේ ශාස්තෲන්වහන්සේගේ අවසන් අවවාදයද එයමයි.

අන්තිම බුද්ධ වචනය :  " භ්නදදානී භික්ඛවේ ආමන්තයාමී වෝ - වයධම්මා සංඛාරා අප්පමාදේන සම්පාදේථ" (මහණෙනි , දැන් මා ඔබ අමතමි. සංස්කාරයෝ නැසෙන සුළුය නොපමාව කුසල් දහම්හි හැසිරෙන්න.)

Sahan Kumarage

Popular tracks