mahmoud

Ahmed Gamal - Hanheb Men Ghirha - أحمد جمال - هنحب مين غيرها

Rec. Nd Master Tito Devilz 
Free beat 
Lyric : Tito Devilz 
She3r : ahmed ismaeel
شكر خاص ل : عصام مدنى 

vers 1 
بص العصفوره و غطى على ازمات بالكوم 
خدر فى عقول الناس بالنرش شعبك مش هيقوم م النوم
اعلام العالمه يبخ السم علاجك على نفقتنا الخاصه
وقانون الترزى يفصل والارزاق ف بلدنا تدوم 
شمس الحريه تغيب فى بلدنا كفايه نشوف النور ف عنيه
شايف ف بلدنا حيتان و بتنهب ناس بتموت تشقى على جنيه
طبل صقف غيب فى عقول غلابه مصدقاك 
لفق اقتل اسجن زيف تحيا مصر احنا معاك
بنفوق على كارثه ننام على حادثه سبوت ع اسلام البحيرى 
اعلام الدوله موجهه للحفاظ على البدله الميرى 
هتعيش هتعدى بكام مليار ادى راجل فين اعماله 
وادى غيره فى حاله راس ماله حب الناس خد امواله
ابن الباشا راح يفضل باشا حتى ولو  جوا الزنزانه
الاربعين حرامى براءه على بابا دفع الكفاله
يوم ورا يوم و وشوشك بتظهر على حقيقتها الوسخه 
شاورلى على عدوى واديله سلاحى يا سياسه نجسه
ـــــــــــــــــــــ
شعر 
فوق يا وطن م العفن 
قوم اصحى م الغيبوبة
 والطهر مات واتدفن
 عاوز ميتين اعجوبة
 وايش يعمل اللى هاوك
 والايه فيك مقلوبة
ــــــــــــــــــــــــــــــــــ
Vers 2 
لو من بره الدايره هفكر هكفر بيك كنظام للدوله
هلعن يوم ما انا جبتك تحكم كنت حكمت انا نفسى انا اولى 
من بره الدايره شايف دراعات للسلطه بتحضنها الواسطه 
والاعلام متحزم والنخبه اهى بايته  معاها وصله
متقوليش اصبر على جوعى وانتا واكل من لحمى 
محاربه الارهاب شماعه وانتا محلل دمى 
ياغراب البين يا معشش كرابيجك مبقتش تاثر 
الظلم معشش فيك 30 سنه الجهل مأصل
قلنا حالنا هيتعدل من مايله ل مايله وماشيه زق 
الاختلاف فى الرأى قضيه وهتلبسها بحكم مؤبد 
هتعر** حبه تزيد محبه تموت لو قلت الحق
مستنيين لبعض غلطه ناس تبرر غيرها بتشمت 
 سفينه نوح اتحركت بس احنا نسينا نركب 
الطوفان هيعدى علينا حقيقه مش لازم نهرب
الوطن شجر طرح عفن شاء القدر 
نشوف الظلم و نسكت نتكتف القهر سال مطر 
ـــــــــــــــــــــــــــــــــــــــــــــــ
شعر 
بحبك يا بلدى بحبك صحيح 
بحبك وقلبى فى حبك جريح 
وازاى ونيلك محدد ملامحى
واغنى وادندن دا انا لونى قمحى
الاقى ملامحى تضيع من سكات  
ونيلك معكر وقلبك فتات 
يموت جوه منى غنايا لعينيكى 
وسهر الليالى لحبك وليكى 
ولونى اللى كان قمحى فجاأة يروح 
وفرحى فى قلبى  بينزف جروح 
وعينى عليكى يا بلدى الغريبة 
ساعات تبقي قاسية وجواكى طيبة 
وساعه جميلة وصابحة وبهية 
وساعه تبقى فاهمة وساعه غبية 
وساعة دفاكى يدوب جليد
وساعة قوية وقلبك حديد
وبردو  بحبك بحبك يا بلدى  
وانا فيكى عايش وراضى بغلبى 
بحبك يا بلدى بحبك صحيح

Tito Devilz Official Page fans : https://www.facebook.com/TitoDevilzOfficial

ahmed ismaeel Fb :
 https://www.facebook.com/profile.php?id=100002232209185

بص العصفوره - Tito Devilz & A7md Ismaeel

الشيخ ياسر الشرقاوي ما تيسر من الغاشية والعلق.MP3

الشيخ ياسر الشرقاوى رائعة الشورى من ماليزيا 20-6-2015 .MP3

محمد عمران من سورة فصلت(كرد+نهاوند+رست+صبا)۞

الشيخ ضياءالناظر فجر 23-6-2016 من مسجد السيدة نفيسة رضى الله عنها بالقاهرة

الشيخ محمد عمران مقطع رائع من سورة القمر و الرحمن

سيف الدين حسن يشارك في حفلة الشيخ محمود التهامي

قَلْبُ العَاشِق ♥ وأنَا قَلْبِي دَلّ عَلِيك حَنِينُه

(معلومات دينية) قصة إبليس الملعون مع النبى صلى الله عليه وسلم

البقاء لله يا صاحبي

حالة واتس أب دينية قرأن كريم صوت من اروع الأصوات 2018

( لجل النبى ( روعة

صاحب ناس نضيفه 😊🤗🤗💓

اعظم تلاوات الشيخ عبدالباسط عبدالصمد.mp3

 سعاد.. لـمُجـرد الحزن
شعر/ مصطفى حسان 	 

إهـــداء

سعاد ..خالتي 
الموت ما ادلهاش فرصة 
تسلم علينا قبل ما تمشي

 
1
عـنـهــــا
طعم الكلام ملح فْ لسان مدبوح..
أبدأ بإيه 
وانتي الطريقة الممكنة للبوح.. 
انتي البداية والنهاية المُرْبِكَه 
كان نفسي ما ابدأش القصيدة   
ما انتي عارفه البوح بداية منطقية للبكا 

حتى البكا مش مدِّي للمعنى اتزان .. 
المرتبك في الشعر من فرط البكا أصدق كتير م المفتعل ..
سيب المعاني تتولد من أي حاجة تشوفها بتولّد معاني حتى لو كانت مجرد حكمة فارغة من المشاعر والألم ..

البوح ميلاد للحزن
والحزن اتكاء ع الجرح 
والجرح امتداد انسان 
..
يا مهَوِّن الأحزان 
إلهمني شيء م الصبر 
كل الجراح تنكشف 
لحظة خشوع ع القبر 
...
تمتم بِسُورْةِ الفاتحَة .. حَاول تبقى زي الناس وتتهجى تفاصيل الألم بهدوء .. وسلم ع المكان – مترين وإسم وآية تحتيهم تاريخ- حاول تكون أهدى ولِمّ جراحك المتبعتره.. يمكن ما تعجبهاش دموعك وانتوا أول مره تتقابلوا هنا..
صعب اللقا في اللامكان ..

أهلاً.. صباح الخير.. مساء الـ 
إيه؟! 
هنا بيقولوا إيه؟! 

..
تتخيلي؟! 
لسه النهارده الصبح شايفك وانتي قال 
طالعه من الأبيض وللأبيض 
وانا ما افهمش في الرؤيا ولا التأويل..
آخري..
أخطي مع الجراح بشويشْ.. 
أرسم ملامحي ع الملوحة 
يبتدي معنى الدراما في الظهور 
فنعيش.. 
إلا المكان ده - في الحقيقة - شيء غريب 
جيت اكتبه.. 
مارضيش..
      أوقات بيضطر الفقير 
-	طبعاً فقير النور وعمق التجربة- 
يخلق حاجات مالهاش أساس 
زيي كتير وانا بحكي عن صورتك في جيبي 
-	هي طبعا مش في جيبي- 
عن براويز الإزاز/ اصغر علاقة بين مرورك من هنا والريح 
ملاحظه صغيرة: فعلاً أنا ما اعرفش إيه هي العلاقة 

كلنا كدبة 
وكل الفرق فرق المنْطَقَةْ في الكدب..
يمكن كل ده خلاني احس اني 
حقيقي هابقى بايخ 
لو حاولت استنزفِك معنى حقيقي .. 
بجد كل المفردات أصلاً مجاز 
حتى المُشابه للحقيقي 
مالوش وجود.. 

فاكرة زمان.. 
عيل عليه الْقِيمة؟ 
واقف يصب المَيَّه في البراد
ومستنيكي تيجي تحطي تلئيمة.. 
وماكانش شيء قده.. 
بيفصّل الأحلام على قده.. 
صار استيعابه للزمن واقف 
أصل الزمن هدُّه.. 

ما اعرفش ليه دايماً مُصِر يْكَتّف المعنى بإقحام القوافي ويّا تقسيم السطور في الصفحَة.. فَرضاً لو بدأت اكتب كده بالعشوائية المفرطة.. يفرق معاكي في التلقي؟! 
كلنا مساكين كتابة مفكرين ان الوصول للشعر أسهل م الوقوف ع المعنى لو حتى وقوف عن بُعد.

تايه أنا ما بين وشوش كل العباد
واصرخ لوحدي في الكتب 
كان في كتير اتعلمه في الشعر 
غير...  
"بانت سعاد"

فكرِك .. كده صادقه المعاني بدون جناس؟! 
كان في كتير للمعنى أوضح م التناص 

كان يعني لازم ترحلي م الحي
وتخبي منه الصوت؟!
الحزن تعويذة أمل للحي
يمكن يدوق الموت

صدقني مش صادق .. في تعريفك لمعنى الحزن/ حتى محاولة الفهم السخيفة.. "يعني لازم ترحلي؟"
ايه الدليل ع الحزن.. ومنين المعاني تتولد.. والشعر هل هوَّ صياغة للحياة.. واللا مجرد نقش ممكن يتمحي؟! 

الصبر دايماً ع البلا بيطُول
والعمر ليه أَطْوَل؟!
انتي الدليل ان الحياة
لو مره كات سهله
الموت يكون أسْهَل

إزاي يكون الموت كده من غير ألم؟! 
هو الألم مرئي؟! 
واللا الألم محسوس؟! 
ما بلاش تخلي دهشة الصورة طريق للمفتعل في اللفظ والمعنى

بعدِك بدينا نحس 
إن الحياة بتميل 
إنتي الغموض في النص
والمتعة في التأويل
..
إنتي البساطة المدهشة للمستحيل.. 
بتعلمي شهور السنة
إن اكتمال البدر 
بيكون المؤشر للرحيل.. 

صوتِك طبيعي يتولد مع تقسيمات النقشبندي ع الصبا.. يِكْفي عشان اوصل لريحتك في المكان ارسم ملامحك ع الجدار يمكن توصل للتلاقي شخبطة صادقة .. ويمكن قهوة سادة تمنع الروح المسافرة م الوصول..
بالرغم من كل البراح في الروح لِبِسْت اسود

الليل بيفرد سطوته 
من غير صِفَهْ.. 
واحنا اللي ما حسِّينَا قيمتك في الحياة   
دلوقتي ليه
فاضية 
الشوارع والحارات والارصفه؟!

حاول ماتستسلمش للتقليدي في الألفاظ، وجرَّب ترسم الصورة ببراعة عشان تكون أكتر وجع..
مثلاً.. تضيع منك غنائية سخيفة مبوظه المعنى
مايجراشي ..
تسيب نفسك وتتحول لرمز سخيف
وإيه يعني!
المهم انك تكون صادق وبس..

إنتي الدليل على كل شيء جامد يسيل..
وان الفوايد للدموع مالهاش مثيل.. 
ما اعرفش إيه ممكن يكون
لما ابقى وحدي اتأملِكْ 
ساعة عصاري في امتداد حبل الغسيل؟!  

"أتأملِكْ"؟! 
صدقني بايخة الكلمة حتى مش صريحة في الدلالة ع الوجع.. خطي برجليك اليمين واعرف بقى الفرق الكبير بين التأمل والمناجاة بعد مايفصل مابينكوا حاجز اسمه الموت.. 

بستنى منك رنة التليفون 
بتاعة الصبح.. 
واتأمل في ساعْةِ الحيط.. 
يمكن تخيل مشهدي 
يخلق لأرواحنا الوجود في البيت.. 

ممكن شوية أصدقَكْ 
بس انت ليه خايف تسلم ع المكان 
ارمي السلام على 
"دار قومٍ مؤمنين" 
برضه .. دخولَك مش مطمن قلبهم 
وانت الغريب .. 
هاتنول معاني الموعظة والصبر 
هُمَّا مش لازمهم جايِّتَكْ 
وانت البراجماتي الوحيد .. 

إنتي المسافة المدهشة 
وقت اختلاط المعجزة بالسحر.. 
لسه العباية رافضة تتعلق
وجدي لسه في الكرسي 
مافيش من يومها حد يسنده
علشان يصلي ركعتين الفجر..

الشعر أكبر من مجرد ندب صدقني .. 
ما تستسهلش في المعنى 
وتسرف في الغنائية 
مقاطعك مش دليل ع الحزن .. 
ممكن تبقى باب للبوح وتفريغ الطاقات .. 
والشعر أكبر من مجرد بوح وتفريغ للطاقات .. 

إزاي نشوفِك بس وِنْشَقَّرْ عليكي
من بعيد من غير كلام
ما يا إما اجي لِك في الكفن
يا انتي اللي تيجي في المنام؟!



عنها .. من ديوان سعاد لمجرد الحزن

Youngest member of a"Inshad eldeni" union in Egypt 🇪🇬


سيف الدين حسن يشارك في حفلة الشيخ محمود التهامي

سيف الدين حسن | Saif Hassan

Related tracks