Af plötunni Húm (söngvar um ástina og lífið) (2009).
Lag: Einar Örn Jónsson
Texti: Stefán Hilmarsson


Aldrei einn á ferð - Stefán Hilmarsson

Af plötunni Húm (söngvar um ástina og lífið) (2009).
Lag: Gunnar Þórðarson
Texti: Stefán Hilmarsson
Útsetning: Þórir Úlfarsson & Stefán Hilmarsson

Þakka þér fyrir - Stefán Hilmarsson

Útgáfudagur 7. október 2013. 
Höfundar: Guðmundur Jónsson/Friðrik Sturluson.
Af plötunni GLAMR (2013).

Lifandi – Sálin hans Jóns míns

Útgáfudagur 14. janúar 2014. 
Höfundar: Guðmundur Jónsson/Stefán Hilmarsson. 
Af plötunni GLAMR (2013). 

Hin íslenska og sumpart þjóðlega hljómsveit, Sálin hans Jóns míns, sendir nú frá sér nýtt lag í útvarpsspilun. Ber það heitið „Ferðamenn“ og er að finna á nýjustu hljómskífu sveitarinnar, GLAMR, en lagið var frumflutt á viðhafnartónleikum sveitarinnar í Hörpu þann 9. nóvember s.l. Tónverkið er af rólegra taginu og textinn n.k. hugleiðing um lífið og framvindu þess í víðu samhengi, með áherslu á tilfinningar, ást og sameiginleg örlög okkar allra. Gaman er að geta þess, að fyrrum Sálarmaður og núverandi kvikmyndatónskáld í Vesturheimi, Atli Örvarsson, útsetti strengjaparta lagsins.

Ferðamenn — Sálin hans Jóns míns

Haustið 2008 sendi ég frá mér plötuna „Ein handa þér“, mína fyrstu jólaplötu. Hlaut hún góðar viðtökur áhangenda minna og á fastan stað í hugum og hjörtum margra. Ég hef fregnað að ýmsir geti vart beðið eftir aðventunni með að draga hana fram og taki að hlýða á lögin strax á haustmánuðum. Á undanförnum árum hef ég undirbúið mig hægt og rólega fyrir aðra jólaplötu, safnað í sarpinn lögum sem ég hef dálæti á og tel að falli vel að þeim hátíðleika sem einkennir aðventuna. Að því leyti má segja að „Í desember“ kallist svolítið á við þá fyrri. Með mér á þessari plötu syngja þau Eivør Pálsdóttir, Jón R. Jónsson, Ragnheiður Gröndal og eldri sonur minn, Birgir Steinn, sem er að stíga sín fyrstu skref á tónlistarbrautinni. Ég vonast til þess að áhangendur mínir taki þessari plötu opnum örmum og að hún eigi eftir að ylja þeim á aðventunni á komandi árum.

Í desember: Plötukynning

Í desember

Hin gömlu kynni

Stefán Hilmarsson heldur árlega jólatónleika sína þann 11. desember, að þessu sinni í Silfubergi í Hörpu. Ætlunin er að hefja tónleikana aðeins upp á hærra plan, ef svo má segja, þeir verða veglegri en áður, án þess þó að missa persónulega þelið. Það má kannski búst við að þetta verði heimilislegir stórtónleikar. Auk Stefáns koma fram fjórir valinkunnir gestasöngvarar, þau Guðrún Gunnarsdóttir, Birgir Steinn Stefánsson, Stefanía Svavarsdóttir og Sara Glowie Pétursdóttir. Á tónleikunum verða flutt lög af jólaplötum Stefáns, „Ein handa þér“ og „Í desember“, í bland við sérvalin stemmnings- og hátíðarlög af ýmsum toga. Hljómsveitin verður eins og jafnan skipuð valinkunnum galdramönnum sem þekktir eru fyrir flest annað en feilnótur. Miðasala á harpa.is og tix.is

Stefán Hilmars - Jólatónleikar 2015 - Útvarpsauglýsing

Swingurinn (aka Krókurinn) (M&N Mix)

Hin góðu gildi
Lag: B. Joel
Texti: Stefán Hilmarsson

Í draumum okkar eru spor
sem virðast nokkuð greinileg.
Þau liggja um forna gæfuleið;
hinn sanna gullna meðalveg.

Það sagði Kristur sinni hirð
að forðast dramb og breyta vel.
Og amma kenndi ungum mér
að sýna ætíð bróðurþel.

Hin góðu gildi eru þau
sem breytast ei með tímanum.
Og það á við í desember
að velta því ögn fyrir sér.

En stundum gleymast ráðin holl
og hverfa út úr myndinni.
Þá skynsemi og varnarorð
víkja fyrir girndinni.   

Hin góðu gildi eru þau
sem breytast ei með tímanum.
Og það á við í desember
að velta því ögn fyrir sér.

Það getur húmað að svo fljótt.
Á einni nóttu þekur mjöll
hvern reit og hverja gönguleið
hvern runna, sérhvern dal og fjöll.

En brátt á himni hækkar sól.
Og bráðum koma blessuð jól.

- - -

Af plötunni "Ein handa þér" (2008)


Hin góðu gildi

Árið 2006 sendu Stebbi og Eyfi frá sér plötuna "Nokkrar notalegar ábreiður", sem geymir nokkur eftirlætislög þeirra frá fyrri tíð, en nafn plötunnar er skírskotun til enska orðsins "cover". Innihélt sú plata m.a. hið geysivinsæla lag "Góða ferð".

Í ár (2011) voru liðin 20 ár frá því að Stebbi og Eyfi héldu til Rómar og sungu lagið "Nína" fyrir Íslands hönd í Eurovision. Af því tilefni fannst þeim vert að bregða sér í hljóðver og er afraksturinn platan "Fleiri notalegar ábreiður". Hún er að heita má sjálfstætt framhald af fyrrnefndri plötu, en sem fyrr er um að ræða hljóðritanir eldri uppáhaldslaga, erlendra og íslenskra. Flest eiga lögin það sammerkt að hafa ekki farið mjög hátt hérlendis, a.m.k. hin síðari ár, en eru þess fyllilega verðug að vera færð í nýjan búning og borin á borð, ekki síst fyrir yngri kynslóðir.

Platan inniheldur m.a. lögin "Þín innsta þrá", "Allt með öðrum blæ" og "Sælustraumur", þar sem ástsæll Eurovision-fari seinni tíma, Jóhanna Guðrún, syngur dúett með Stefáni.

Stefán Hilmarsson

Popular tracks