كلمات

إكتم أنينك وغطي الأمة بتيابها 

الاستعمار العربي - عبد الرحمن الأبنودي

عبد الرحمن الأبنودي - اكتم آنينك

الغرض من هذا المزيج هو اظهار بعض المشاكل التي نعيشها في مجتمعنا منها الفقر و منها خلط الدين بالسياسة واستغلال الدين ومنها فساد النظام القديم.
............................
اشكر المبدعين الاصليين
دينا الوديدي : الخرافة & الحرام
د.مصطفى محمود : يتحدث عن حال مصر الآن
عادل امام : الإرهاب والكباب - مطالب مواطن 
مريم صالح : يا عزيز عيني
محمود المليجي : فيلم الارض
الشيخ عدنان ابراهيم : الاسلام تم اختطافة
عماد حمدي : فيلم ثرثرة فوق النيل
احمد زكي : مشهد الصحفي في القهوة فيلم زوجة رجل مهم
عبد الرحمن الابنودي : أحزاني العادية & ملعون ابوها الحمامة ام غصن زتون
على طالباب : الكمال
اصوات شخصيات تنتمي للطبقة الفقيرة تشكوا لنا احوالها

مزيج الدين والدولة و الفقر

مشهد من الحلقة 28 لـ إياد نصار و سامي مغاوري من مسلسل موجة حارة
حوار : إسلام أدهم

البلد دي مابقلهاش عزيز - مشهد من مسلسل موجة حارة

كلمات: رووان صقر

اداء صوتي: زينة قُطري

عارف ساعات..

شعر/ اسراء مقيدم
آداء/ زينب فرحات


وهتعمل ايه يابو قلب مصبوغ بالجَدَب 
مع بنت تكوينها بيشبه للشتا؟ 
متلوّنة بريحة يناير 
روحها عاشقة الكلفتة 
واكمنها..مروّية فى القلب بتعب 
كان فيها منه حجات كتير 
يمكن دفاها..أو جفاها 
أو شرودها عن دواها 
أو هواها للسهر 
وبرغم سقعة جوّها 
تلقاها تقدر لو تعوز..تصبح غطا 
البنت سكة للسفر 
وانت المسافر فيها مهما كان قلبك عجوز 
..لساك فتى 
كات جدتى بتحكى زمان 
ان البنات.. 
تأويلها جوة الحلم دنيا 
والحلم كان واجب نفاذه فـ خطوتين 
"كام رقصة صولو من الوجع 
على رتم أوتار الكمان" 
وكأنه ديْن 
وان الميزان..علشان يوازن كفتين 
فـ البنت يلزمها تعيش كام ألف ضحكة 
عشان يعادلوا حزنها 
والحزن لو كان تُقل وزنه يسوى مَبْكى 
بضحكة واحدة منّها. 
يامفرّقين حبة دفا ع البردانين 
قلب الشتا زى الرصيف 
او زى شارع كان مداه ضلمة 
ومخبّى وسط العتمة نور 
والبنت برضه قلبها شتوى 
عكس الخريف 
يسكنها حبة ضىّ رغم الليل 
..كل البنات 
تقرب لروح البرد فى البوح والسكات 
زى الحكاوى الدبلانين 
حدوتة كات متشتتّة 
مكتوبة لكن ما اتحكتش 
مش ميتّة..لكنها 
تفاصيلها لسة ماتعاشتش 
وعشان كدة 
كل الصبايا فطبعهم.. 
بيكونوا أجمل فى الشتا 
كل الصبايا فطبعهم 
بيكونوا أجمل.. 
.. 
فى الشتا



بنت تقرب للشتا

لساك دفا

لسّاك بـ رغم البرد ساكن ف الضلوع

و مالكش حضن يكلفتك

و بـ رغم خوف ساكن ف قلبك من زمان

قادر تكون انت الأمان"

..قادر تكون انتَ الدفا

 

لساك مصرّ ان الدموع

قنديل فرح..

..نازل على خدودك بـ يرقص فى الخفا

لساك تداوى فـ القلوب

مع ان قلبك كان يادوب

بيدوب فى احضان الشفا

!..لساك دفا

 

ازاى بتعرف تبقى بلسم للجروح

مع ان جرحك لسة حىّ

مع ان عتمة دنيتك..

! علقم

بتعرف تبقى ضىّ

لساك بـ تتشعبط فـ حبل لحلم جىّ..

...لساك بتقطع بالمودة

كل احبال الجفا

 

ياللى انت عكاز للخطاوى فى الدروب

لسة الوجع عارف يطبطب ع القلووب

لا الدنيا عن لوع الوجع ناوية تتوب

..ولا انت ناوى انك تبطل

فى العكارة...تكــون صف

----------------
كلمات: إسراء مقيدم
هندسة صوتية: رغدة أيمن
إلقاء: زينب فرحات

لساك دفا

ده أراجوز المدارس
دا نوارة المجالس 
فارس ولازيي فارس 
أواجه لا أوالس 
داري بحالنا ودارس 
وعلى جروح روحنا دايس 
وهايحكي لنا حكاية 
عن واد لايص وحايس
واحكي يابن المدارس

الواد عواد ياهوه 
همل في أرض أبوه 
والأرض عرض 
واللي يفوت أرضه يتوه 
الأرض الشابة بارت 
قام جرفها استدارت 
وفلوس تجريفها طارت 
وقعد يائس وخانس 
واحكي يابن المدارس 

ولأن الفقر كافر
خد بعضه وراح مسافر
لبلاد الجاز وعافر
ورجع وخيره وافر
جاب مروحة وراديو 
وجهاز تسجيل وفيديو 
شهرين وجيوبه فضيوا 
وقعد يائس وخانس 
واحكي يابن المدارس 

يعني معنى الحكاية 
اللي يبيع في البداية 
يضيع قبل النهاية 
ويدوخ دوخة الولايا 
ومعنى القصة برضه 
اللي يفرط في أرضه 
يبقى فرط في عرضه 
وافهم ياابو مخ يابس 
واحكي يابن المدارس 

ده أراجوز المدارس
دا نوارة المجالس 
فارس ولازيي فارس 
أواجه لا أوالس 
داري بروحنا ودارس 
وعلى جروح روحنا دايس 
كده وفهمنا الحكاية 
عن واد لايص وحايس
تسلم ياابن المدارس

كلمات : سيد حجاب
الحان : عمار الشريعي

عمر الشريف - اراجوز المدارس

نامِت حاضنة الكتاب
والقلم سَـحَـب نفسه
بشويش من إيديها
تحلم زي البنات
بالرقص ع الطبلة وع النجيلة
تشتهي حد عارفة
انه عمره ما حيشتريها
تبكي ف أواخر
كلامه في المكالمة
وان سألها صوتها ماله؟
تقوله "عادي
انا عندي برد"..
ولأنه مكانش بيطَّمن بجد
ما يصدَّق يقفل
في الكلام
ويقول سلام
مش عارفة ليه
حست ساعتها بنغزة
وإنه مكانش ليها
تكتب في الأجندة
بختها المايل..
وكلام أغاني
بقلم ليه ذكريات
يفضَى القلم
يفضل ألم جواها قد الحياة
وتناجي من تحت سابع سما
"شاهد يا رب؟"
بتنام من غير ما تستنى الإجابة
بدمع الخد ناشف
لسا شايلة حلمها
بالأمومة ف ضم المخدة
حُضنها أدفى م الجنة
وطبعها زي العيال
تلعب معاها تحبها
حلمها مبقاش بجد
تلاتـ(30)ـين سنين العمر
وقعوا من إيديها
وعيون خالاتها وبناتهم
وأمها
مبيرحموش
"سيبوني لوحدي
شوية يمكن احبكوا
سيبوني ف حالى 
لحظة
عشان اعيش
-------------------------------------------------
قصيدة شاهد يا رب |  (من ديوان العشق السادي الصادر عن دار الكرمة) | شعر وقراءة أحمد العايدي
هندسة صوتية ومؤثرات | م.رفيق عدلي
تم التسجيل باستودو بداية
-------------------------------------------------
https://www.facebook.com/photo.php?fbid=232379213600438&set=pb.220708241434202.-2207520000.1389715017.&type=3&theater
-------------------------------------------------

شاهد يا رب؟ | شعر أحمد العايدي

لما الألم يبقى معاك ضِلك
لما يضيق الصبر بنصيحة صَديق
يبقى الندم مش علِمك.. ضَلَّك
زي التراب والتبر يفرقهم حريق

إوعاك تصدق إن اللي راح ممكن يعود
بس اللي ضاع.. ممكن كتير فوقه يضيع
واياك تحقق حلم شامت بالوعود
والأصعب انك تصعب ع الجميع

وسَّع طريقك بالدموع ما بيتمشيش
جايز اللي عيشته عمر مكتوب لك حزين
ما تخليهوش أكتر من المكتوب يعيش

إنسى اللي مَر الـمُر بيعلقم معاه
حلو اللي جاي وأيام تيجي بيه
وإياك تخَّوِن باللي خان كل الحياة..
ليخونك الإحساس.. ف يوم احتجت ليه

لما الألم يبقى معاك ضِلك
لما يضيق الصبر بنصيحة صَديق
يبقى الندم مش علِمك.. ضَلَّك
زي التراب والتبر يفرقهم حريق


قصيدة | لما الألم
شعر | أحمد صلاح
هندسة صوتية وموسيقى | رفيق عدلي
 قراءة | أحمد العايدي


لما الألم | شعر أحمد صلاح

لماذا يُتابِعُني أينما سِرتُ صوتُ الكَمانْ?

أسافرُ في القَاطراتِ العتيقه,

(كي أتحدَّث للغُرباء المُسِنِّينَ)

أرفعُ صوتي ليطغي على ضجَّةِ العَجلاتِ

وأغفو على نَبَضاتِ القِطارِ الحديديَّةِ القلبِ

(تهدُرُ مثل الطَّواحين)

لكنَّها بغتةً..

تَتباعدُ شيئاً فشيئا..

ويصحو نِداءُ الكَمان!

***

أسيرُ مع الناسِ, في المَهرجانات:

أُصغى لبوقِ الجُنودِ النُّحاسيّ..

يملأُ حَلقي غُبارُ النَّشيدِ الحماسيّ..

لكنّني فَجأةً.. لا أرى!

تَتَلاشى الصُفوفُ أمامي!

وينسرِبُ الصَّوتُ مُبْتعِدا..

ورويداً..

رويداً يعودُ الى القلبِ صوتُ الكَمانْ!

***

لماذا إذا ما تهيَّأت للنوم.. يأتي الكَمان?..

فأصغي له.. آتياً من مَكانٍ بعيد..

فتصمتُ: هَمْهمةُ الريحُ خلفَ الشَّبابيكِ,

نبضُ الوِسادةِ في أُذنُي,

تَتراجعُ دقاتُ قَلْبي,..

وأرحلُ.. في مُدنٍ لم أزُرها!

شوارعُها: فِضّةٌ!

وبناياتُها: من خُيوطِ الأَشعَّةِ..

ألْقى التي واعَدَتْني على ضَفَّةِ النهرِ.. واقفةً!

وعلى كَتفيها يحطُّ اليمامُ الغريبُ

ومن راحتيها يغطُّ الحنانْ!

أُحبُّكِ,

صارَ الكمانُ.. كعوبَ بنادقْ!

وصارَ يمامُ الحدائقْ.

قنابلَ تَسقطُ في كلِّ آنْ

وغَابَ الكَمانْ!

وغَابَ الكَمانْ!

الكمان - أمل دنقل

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف على حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل ..
ما كملتش ف اى قعاد !
و بدى للحياة بالكاد
ما يكفيها
و يكفينى
شرور البهدلة فيها ...

تفرانيل 100: مصطفي ابراهيم / شعر

إذا مش نازلين للناس فـ بلاش

والزم بيتك.. بيتك.. بيتك..

وابلع صوتك..

وافتكر اليوم ده.. لإنّه تاريخ موتى وموتك..

 ...

إذا مش نازلين للناس فَـ بلاش..

مادام الدايرة ماكاملاش

والحاجة ماتامّاش.. وأصحاب الحاجة ماعارفاش..

إيه المعني وأى بطولة فـِ إنّ حياتنا وأحلى سنينَّا..  يروحوا بلاش؟

حاجة ماراكباش!!

...

الله يخرب بيت الفكر.. وبيت اليوم الّى ورّانا الفكر..

لإن الفكر كتاب..

و "عويضة" حياته هباب وتراب..

عايش زمنه الكداب -زىّ العادة- مُرتاب..



 كنكة على دِمْس .. ونفَس مقطوع فى الغاب

ماشبعناش عنه بُعد.. وهوّه ماشبعش غياب..

"عويضة" هناك فى الأرض..

في المدن الأُوَض الّى نايمة على بعض..

...

وأقولّك إيه اللى قطع الدايرة يا أمير؟

وخلّى مابين النبي والخلْق  الغربة وتقطيع المشاوير؟

إن أنا وانت بنلعب طول العمر دورين: طليعة وجماهير..

و"عويضة" بينفخ موت الدِّمس والعالم.. نِمْس..



العالم.. سرقة وقلْع ولبس

و"عويضة" بقلبه الجبس.. الّى معلِّمُه إمتى مايحسش وامتى يحسّ..


بيعدِّى في الأيام جمل المراحيل..

زى ما عدَّاها من أول ما اتخرط الكون

من أول ما طلع للدنيا ووجد قبلُه.. فرعون..

 نفس الأيام نفس النسخة مطبوعة على كل الأعوام..

ماسمعشي بينا.. ماسمعناش.. ماقابلناش.. ما اتكلّمناش.

...

ولإن حمول الأيام مش مرفوعة.. إذا يد "عويضة" ماترفعهاش..

والقولة الحقَّة.. مش حقّة.. إذا صدر "عويضة" ماطلَّعهاش..

والخطوة حتفضل مشلولة.. إذا قُدّامنا "عويضة" ماخطَّاش..

ولإن دى حاجة "عويضة" لسّه مايدركهاش..


ولايدركناش.. ولا يعرفناش..


ولإننا لما دبحنا بعض مناقشة على القهوة لاجل البشرية..

"عويضة" ماسمعناش..

تبقى الدايرة مادايراش..

واما ييجى المخبر يسحبنا عَ الزنازين..



لازم نبقى عارفين..

إن السَّحبة ببلاش..

وان الحدوتة مالافَّاش.. فـَ الدايرة ماتامَّاش.. والدنيا ماحِلْواش..

وانّ "عويضة" لمّا قِبل الظُلم.. ماماتْش..

إحنا مُتنا.. وهوّه.. عاش..

...

الحاجز أكبر من كل الأحلام..

واسْمَك.. من جهلى وجهلك.. واسمي واسمك!!

...

مش حتعلمنى أكتر ما اتعلمت..

روح علِّم أبو الواد والبت..

الّي حيرميهم فى فرن الثورة يطيبوا بُكرة..

والّي لحد الوقت مايعرفشي إزّاي يكتب وازّاي يقرا...

وازّاي يعشق.. وازّاي يكره.. 

ولا عنده فكرة عنّك.. أو عن بكرة..


ولا ليك ذكرى..


لانا.. ولا إنت.. نجحنا ف تغيير الفكرة..

...

الفاس يردم بذرة..

المنجل يحصد سبلة..

الشغل يجيب أجرة..

وانت بعيـد..  بحكاية مامفهوماش..

بينَّنا وبينُه شعْرة وأرقّ من الشعرة..


دة الّي مفروض ناسج علم الثورة وصانع بكرة..


واحنا شهدا.. مع إنّنا.. ماحاولناش..

حاجة ماراكْباش!

الدايرة المقطوعة - عبد الرحمن الأبنودي

أنا مش طالب غير إنسانيتي..
مش عايز أتهان

الإرهاب والكباب - مطالب مواطن

Audio:
Rocky Balboa (Sylvester Stallone), Any Given Sunday (Al Pacino), Coach Carter (Rick Gonzalez), The Great Dictator (Charlie Chaplin), Will Smith, Eric Thomas, Arnold Schwarzenegger, Michael Jordan, Derrick﻿ Rose, Ray Lewis, Muhammad Ali.
Music: 
Corynorhinus, Time, Barbastella, Why Do We Fall, Richat.
i don't make this 'm just uploaded , and I don't own any of the music.

Our Deepest Fear - Motivational Sounds 2
https://soundcloud.com/bnglory09/powerful-beyond-measure?in=bnglory09/sets/motivational

Dream - Motivational Sounds 3
https://soundcloud.com/bnglory09/dream-motivational-sounds-3?in=bnglory09/sets/motivational 


Why Do we Fall - Motivational Sounds

انا بتكلم عن الحب المثالي ♥ بعذريته ورومانسيته , بلمسة الطُهر اللي فيه , بروح الشاعرية اللي جواه
زمـان كنا نحب زي ما نقرا الشعر أو نسمع مزيكا ، كانت لمسة من الإيد , مجرد لمسة تغيبنا عن الوجدان ونظرة من العين تسهرنا للفجر وكانت رعشة الكلمة الحلوة على الشفايف تبكينا 
♥ تصوري إن احنا كنا بنخاف من القرب أكتر ما بنخاف من البعد ..  وفي البعد طبعا نرجع نحن للقرب تاني  


مسلسل ابو العلا البشرى 
اسامة انور عكاشة - عمار الشريعى - محمود مرسى 


انا بتكلم عن الحب المثالى ♥  ابو العلا البشرى

مشهد من فيلم فوزية البرجوازية
يرصد الفرق بين الحراك والعراك السياسي
والفزلكة
والدهلكة
وأربع كتاكيت ودجاجة.. ومحدش فاهم حاجة

الموسيقى المصاحبة للتراك: امن أغنية "كتيوشا" للحزب الشيوعي الروسي

عِراك سيّاسي (محدش فاهم حاجة) ــ فوزية البرجوازية

فتحي نوفل: برضه مع بعض‮ ‬يا علي‮!
على الزناتي:‮ على فكرة.. ‬احنا في‮ ‬مركب واحد‮ ‬يا فتحي‮‬
فتحي نوفل: أنا هنا حبس احتياطي.. رهن التحقيق
على الزناتي: وأنا كمان رهن التحقيق.. أنت تهمتك إيه؟
فتحي نوفل: أكيد لسه بيدورولي على تهمة.. بس أنا زي الفل
على الزناتي: أنت خايف يا فتحي؟
فتحي نوفل: أنا مابخافش يا علي
على الزناتي: بس أنا خارج يا فتحي
فتحي نوفل: وأنا خارج قبليك

من فيلم: طيور الظلام
تأليف: وحيد حامد
إخراج: شريف عرفة

كلمات

Sally Tarek