Name: Mustafa alsunniقمر العشا الضواى+الكنداكة by Slalim in sudanyat
Duration: 7 min 5 s
Description: قمر العشا الضواي+الكنداكة

sudanyat

بَرْداً سَلامْ ........
"ياااااااا وَطَنْ عِزَّ الشدايد ..... حِمَّيد"
(1)
ما بتَغْرَقي،
يا الزَّينةْ هوي،
يا رَاكْزَة مِنْ زمَن الْمَطَرْ نُقَّاطْ
مصوبَرْ في السَّحابْ: 
(زمَنْ السَّحاب لِسَّعْ صَبي،
وبنيَّه زي عُشباً طري،
وما آنْ أوانْ .....)
زمَنْ الْمَطَرْ عشَماً بَلِيلْ،
زي خَاطْرَةْ بِتَّاور الأرِضْ،
أو فِكرةْ في بَالْ الشَّجَرْ ......
كم مِنْ مطَرْ
دقَّ وفَتَرْ 
والمويه وِصْلَتْ للْكُتوف
خافتْ قُلوب النّاس عليك
يمكن خلاص تمحاكي 
ما يفضِّلْ أثَرْ ......
أهو زي عوايدِك
هوبْ: بتمرقي مِنْ مكايد المويه
والسَّيل الْخَطَرْ ......
(2)
ما بتَغْرَقي،
بِغْرَقْ رُعاةْ الْغَفلة
في شِبْرِكْ ..... عشانْ عابرينْ سبيلْ
ما بجُوكي يِنْهَرُوا موجك الْهدَّام
يتارسُوا المويه، لا،
ديلْ ناسْ سَفَرْ
مارقين إذاً للرِيبة، 
والتَّلَفْ الْقَبيلْ حَدَفُمْ عليك .......
ديلْ بِغْرَقُوا 
وقتين يجي الطوفانْ
تَخُتِّيهُم تِحِتْ رجليك
وتطلَعي للجَبَلْ ........
(3)
داخرِكْ يقينْ
ما تخَنْقِكْ الْعَبْرَة
وتنَهْنِهِي في خَفاكْ
ورَّينا صوتك لمَّا يملاكي الصَّباح
لَيْ حَدْ جبينِكْ بالضياءْ
يغشاكي خيرك
قبلِ ما يرتَدَّ طرفك
أو يرجِّعْ ليك غُناك 
هُدْهُدْ مُوَلَّهْ بالْبُشاراتْ .... والْعَدِيلْ
ما بتَغْرَقي،
ما بتَغْرَقي،
ما بتَغْرَقي ...........
عصام عيسى رجب
الخميس 8 أغسطس 2013 م


بَرْداً سَلامْ ........

رحاب جيفارا - بالعصر مرورو - حفله

عوضية عذاب - ود الناس

أدوني الدرب [سيرة]---- __ مهند الحاج __ أغاني سودانية 2023(360P).m4a

وسط الدايرة- وردي

أنشودة الجن - هاني عابدين

في الفؤاد ترعاهو العناية

اجسامنا ليه جسمين

صوله

عاصم البنا - حبيبتي زينب

اذكريني يا حمامة - مصطفى السني

تختلف الحالة - مازن حامد

قمر العشا الضواي+الكنداكة

Mustafa alsunniقمر العشا الضواى+الكنداكة

الجابرى - رسالة شوق - صحيفة شبكة سودانيات الاليكترونية

مصطفى السني-زرعوك في قلبي

Mustafa alsunniقمر العشا الضواى+الكنداكة

Slalim

Recent comments

Isam Khalid

Related tracks