Minni Stytt Tutti

Minni Stytt Bass

Minni Stytt Tenor

Minni Stytt Alt

Tjaldur ver vælkomið til okkum heim,
frá ókendum, fjarskotnum londum!
Tú bert okkum boð um ein ljósari dag,
at nú er brátt summar í hondum.

Ein dag mín sál var so vetrarstird,
eg gekk mær móti havinum vestur;
eg hoyrdi títt "klipp", tað vælkenda ljóð,
tú kærkomni summargestur.

Kemur tú tjaldur, ár eftir ár,
tú boðar um ljósar tíðir,
so kennast tað skal um landið alt,
nú tekur at sumra umsíðir.

Sólina lat skína um dalar og fjøll,
lat grønkast heiðar og líðir!
Øll leingjast eftir vársins lívgandi sól
í vón um sælari tíðir.

Jákup Dahl, 1907
Lag, Sámal Matras Kristiansen, 2019

Tjaldur Ver Væl Komið

Men tá ið kámaðust teir gyltu dreymar,
og sorg og ivi mistu vald á mær,
tá fyrstani eg lærdi rætt at kenna
mítt lív, tó tómt og fátæksligt tað var.

Tá tagnaði mín nyttuleysi grátur,
og sálin snúðist frígjørd undan tær,
fullvitandi, at sál tín opin stendur
og bíðar - eins og grøvin eftir mær.

Teir dreymar! Enn meg ræðir hesin tanki,
at sálin seg í minnum rúsa kann.
Tá fyrst eg havi angist mína sannað,
hvar kann eg aftur finna kærleikan?

Alexander Kristiansen týddi eftir Emily Brontë

Minni Bass

Tá endað er mín ævi,
og grøvin skilir oss,
set ongar blómur leiðið á
og ongan døkkan kross.
Lat drýpa døgg í grasi,
lat regna fjálgan eim.
Og vilt tú, kanst tú minnast,
og vilt tú ei, so gloym.

Eg hómi ongar skuggar,
meg svalir regnið ei,
og eingin fuglur letur her
um sorg á síni leið.
Í droymdum degningslýsi,
eg sjálvur havi droymt,
tá kanska eg man minnast,
tá kanska alt er gloymt.

Sámal Matras

Popular tracks