كلمات وأداء / سما نوار
https://www.facebook.com/samanawar2

زي خطاويها البريئة 
شايفة الحياة 
شايفة ان المستحيل
ملهوش مكان 
وسط الاماني
وسط الزحام
عنقود فرح 
حاضن عيونها الطيبين
بيحكي حكاويها اللي كانت
منقوشة ديماً ع الشجر
ووقت الخطــر 
بتلاقي حبات الندي تطبطب عليها
وتقولها اطمني 
لسه خطاوي الطيبين
متجمعة ع ارض واحدة
ولــا يوم يتفرقوا 
لسه العيون مصدقين
ان اللي راح
كان لازم يروح
عشان بداله الاحلي جي
عشان ابتسامة كل حي
ع الارض تلقالها دليل
تثبت ان الشمس طالعة 
مهما كان الليل طويل 
تثبت ان الحزن ساعة
وان بعده الفرح جي 
ملهوش بديل
 


عنقود فرح_سما نوار

صوت سما نوار _ نص مي رضوان
الكل مش عارف يكون
موجود اذا غيابك حضر
واتاري احلا مافي الحاجات
انت..
وغيرك كان صور
ارجوك خصوصا
ف السفر
خليك دليل
البنت بتفصّل خطاها بخطوتك لسه
ومربّطة شريط الضفيرة
بطرف سجادة صلاتك جمبها
بتقلدك
البنت دي
ضهرك ف ايام الاحتياج
للعطف او للراحه من طول السكك
بتسندك
مع انها
متسنده بيك ف الحقيقه
ولو بشوفتك كل يوم!!
او لما بتجر ف شكلها
فتتقمص منك شويه-كدا وكدا
وبعدها
وكإن محصلش اختلاف
تلاقيها جايه تكلمك
هي اللي قالو
قلبها
زي السحابة
بيشبهك
تسقي اللي حواليك كلهم
تعطش
لكن تبات شبعان رضا
انت اللي وسط الضعف صوت
بيقوللها إن
"انتي غير"
فماتزعليش
انا عارفِك اكبر من كدا
فتصدقك
وهو غيرك كان صدق وياها مين ؟ 
ماتسيبش ايدها
مين اللي قاللك انها
كبرت علي مسك الايدين؟
والشعلقة ف رقبتك اما بتيجي من بره
وبتسألك جبتلها ايه 
هو انت فاكر شبر زاد ف الطول 
يقلل الاحتياج؟؟
بالعكس جدا
حتي اما بتبان
عارفه تمشي لوحدها
اعرف بإن البنت دي
متسنده بيك ف الحقيقة
ولو بشوفتك كل يوم
بتقول لها
بعنيك "يابت ماتقلقيش
اطمني..
وانا روحت فين ؟ "

حرف / مي رضوان
اداء صوتي / سما نوار

متسندة بيك في الحقيقة_سما نوار_مي رضوان

أداء / سما نوار 
https://www.facebook.com/samanawar2

آمــن بنفسك _ ســما نوار

كلمات / محمد عبد الرازق
https://www.facebook.com/mohamed.abdelrazek.712
أداء / سما نوار
https://www.facebook.com/samanawar2
إياك تِسَلِّم للوجع
إياك تموت
عَدىّ على جرحك و فوت
إياك تموت
و لسة قلبك نبضه حى
ألضم جراحك بالأمل
و غنى للعمر اللى جَىّ
بَدِّل ضلام الليل لضىّ
إفرد شراع حلمك و ثور
ع الذكريات
مافيش دموع
هترجَّع العمر اللى فات
و ان حب مات
إحيى ألف حب غيره
حب أحلى ألف مرة
من ندى الورد و عبيره
خَلّى الخسارة ع اللى باعك
مش عليك
هَدّى روحك و اشتريك
فوق لِنَفسَك
بكرة هيكَمِّل بنَفَسَك
دقة القلب البرىء
ع الجرح يوم
ع الفرح يوم
ع الخوف ساعات
و ساعات
على الحلم الجرىء
خليك صديق
للإبتسامة
طير و رفرف فى السما
زى اليمامة
و انسى أحزان السكوت
و إياك تِسَلِّم للوجع
إياك تموت 

إياك تِسَلِّم للوجع_سما نوار_محمد عبد الرازق

حرف : دعاء عبد الوهاب
https://www.facebook.com/dore.mazica?fref=ts
أداء صوتي : سما نوار
https://www.facebook.com/samanawar2
موسيقي : اندرو عاطف موريس
https://www.facebook.com/androw.mories?fref=ts
هندسة صوتية : محمد خضر
https://www.facebook.com/mohammed.kheder.35

مش مبسوط ؟؟؟
يمكن علشان حاسس صوتك
طعمُه سكوت ؟؟
يمكن علشان كل ما تيجى تحُط همومك
دمك ..
جرحك ...
حتى هدومك ...
فوق موازين العدل و توزن ...
تلقى الناتج مش مظبوط ...
مش مبسوط ؟؟؟
يمكن علشان راسم حلمك جوه دواير ...
تايه ..
حاير ...
خايف توصل خط نهاية ...
تلقاك داير وسط خطوط ...
مش مبسوط ؟؟؟
يمكن علشان متلخبط وسط الألوان ...
الأبيض مبقَاش لون واضح ...
و الاسود بقى لون غلبان ...
و الاحمر مبقاش لون دمك ...
بقى لون حَبة ف شجرة توت ....
مش مبسوط ؟؟؟
يمكن علشان قلبك خايف ...
فاتح عينك .. مانتاش شايف ...
مش فاهم دى دموع الفرحة ...
و اللا أنين حزن و مكبوت ...
مش مبسوط ؟؟؟
يمكن ...
جايز ...
بس أكيد ...
لو قلبك عايز ...
تقدر ترجع زى زمان ...
تقدر تهرب م الأحزان ...
تقدر تخرُج بره الدايرة ...
و ترجٌع معنى الألوان ...
تقدر تكتب ف العنوان ...
انا انسان ...
حُـــــر ...
و مبسوط

مش مبسوط ؟!!_دعاء عبد الوهاب_سما نوار

أنا آسفة لو كلامى هايجى على جرح مفتوح ..
الكلام هنا للبنات اللى .. قلبها مجروح :

القلب اللى يسيبك ... سيبيه ..
و لما يوم الشوق يعَطَّل خطوتك ... قولى بـ ثبات : "القصة ماتت من زمن ... و اللى مِشى ... بقى جرح / و غريب عنّنا .. يابت مالكيش دعوة بيه" و امشى .. و سيبيه
‫#‏القاعدة_الأولى‬

هاتبكى ؟ إبكى و صرّخى ..
مايهمكيش ...
و ورّى دمعِك للحياة ... خليه براحته
و سيبى جرحِك يا البنيّة ماتكتميش ..
وقت الألم لازم هاياخد من الوجود فى الروح مساحته
‫#‏القاعدة_التانية‬

كل اللى فات ... بـ الوقت مات ... و الذكريات طبيعى تيجى تعذبِك ... و صعب جداً ذكرى منهم تِفرحِك ...
حاولى يا بت ما تشبكيش .. روحك بحاجة تفكَّرِك ... و ماتسيبيش حواليكى ليهم شىء مسيره يجرحِك
‫#‏القاعدة_التالتة‬

قلبِك : دهب .... و مافيش ولد فى الدنيا دى إسمه "الأخير" ... فـ كونى واثقة فى ربنا ..
إن الحكاية اللى انتهِت ... لو فيها خير ... كان زمان لسه الولد قاعد هنا
‫#‏القاعدة_الرابعة‬


اياكى مرة تسيبى نفسك للندم مجروحة فى بلاد السكوت
‫#‏القاعدة_الخامسة‬

ماتوّقفيش مشوار حياتك يوم عشان واحد مِشى ..
أصلا حياته مكمِّلة
اصل الولد لو كان جدع .. ماكانش عقَّد مسألة .
‫#‏القاعدة_السادسة‬

اللى غايب .. مش بـ يرجع ..
ف بلاش يضيع غُمرك يا غالية فى الانتظار
‫#‏القاعدة_السابعة‬

إعملى الشىء اللى ممكن تخرجى بيه م الوجع ... و عيشى أحلام العيال ..
و ماتخافيش ... لو حتى قالوا اتجننت - شَرع الجنان فى الحالة دى بيكون حلال
‫#‏القاعدة_التامنة‬

ماتبتديش يومِك بـ حد ... و ماتسمعيش كلام م القلب قصده يخيّبِك ..
و ماتربطيش روحك بـ واحد تانى من باب العَوَض ... علشان مسيره يعذِّبِك
‫#‏القاعد_التاسعة‬

ماتشتكيش ... و فى كل لحظة تندبى .. حظك عشان إنسان ظلم .. و تبكى واحد مش هنا

#القاعدة_العاشرة 

شدى عودك يا ام أحلام طيّبة ... و ماتطلبيش مساعدة غير من ربنا

كلمات : مروة جمال الدين
القاء : سما نوار
رسم :داليا رشوان

القواعد العشر_مروة جمال الدين_سما نوار

عطشان بُكا
رغم الدموع ماتت غرق
الجرح فرّغ جتتك
والضلمه راقده فـ سكتك... فتسكتك
لجلٍ تتوه فيك الملامح للسؤال
إوعاك تجاذف بالسبب أو تنحني

أضحك أوي
ما الضحك في الأصل احتيال
مانتاش ضعيف
كون اختلال الكون في عينك يكسرك
مانتاش ضعيف
رغم إرتجاف الخوف في قلبك يأسرك
لساك قوى
اوعاك تمذق جوه منك توب ملاك ابيض برئ
حتى ان ملاك الشر في عيون البشر
بوس السنين المؤلمه بوسة صديق
واغسل جبين الحلم بكفوف المطر
دوب زيها
وإن حن لك طوق الإنفطار
زوّء معالم دمعتك
توه منها
فاضحك اوى توب الانكسار
فاضحك اوى
يمكن تسمع ضحكتك ضل اللى باقي م النهار
إياك تسلف شمستط طيف إهتمام لحظة غياب
أو تنتظر توقيت تجوزلك رقته ساعة مرار

معجز أوي
استنساخ ملامح حد غيرك يسمعك!
سيب القصيده تشق صدرك بالأمل
وتسمّعك
آخر سطور لميتها منك من دروس
فتعلمك

إن التمرد ضد أحلامك كابوس

كلمات : ناجي نعيم 
القاء : سما نوار

عطشان بُكا?!_ناجي نعيمـ_سما نوار

اليأس خيانةُ, طيب الله أوقاتكم :)

خواطر: آمن بنفسك, اتشعبط في الحلم - سما نوار 
لا بأس - لمى رأفت 
نصف حياة جبران - أماني عيسى 

الموسيقى: The pursuit of happyness soundtrack Welcome Chris - Andrea Guerra , Slumdog millionaire soundtrack Latika - A R Rahman Ft Suzanne , Forrest gump Theme - Alan Silvestri , Gravity soundtrack Gravity - Steven Price

أصوات: يسري فودة - برنامج آخر كلام Will Smith - The pursuit of happyness , Martin Luther King - I have a dream speech

شعر: الجدارية - محمود درويش , التأشيرة - هشام الجخ

أغاني: النور مكانه في القلوب - مدحت صالح , احلم معايا - حمزة نمرة , لا تبكي يا صغيري - رشا رزق

مزج عائد إلى حيفاAbdallah-al-halees – 7aifa

براح _مزج

حرف / مـُصطـَفـى أكـــْــرمـــ 
 
اداء صوتي / سـما نوار
http://www.facebook.com/SamaNawarPage

هتقولها من قلبك " الحمد لله "

حــرف / اسراء مقدم
https://www.facebook.com/esraa.mokaidam?fref=ts
القاء / ســما نوار
https://www.facebook.com/samanawar2

لسّاك دفا-سما نوار_إسراء مقدم

حــرف / شيماء فؤاد
https://www.facebook.com/seleen?fref=ts
اداء صوتي / سـما نوار
https://www.facebook.com/samanawar2 

عيش نفسك_سما نوار_شيماء فؤاد

القاء / سما نوار 
https://www.facebook.com/samanawar2 

هندسة صوت / فوازالناصر

آمن بنفسك_سما نوار

اداء صوتي : سما نوار
https://www.facebook.com/samanawar2 

هندسة صوت / فوازالناصر

خليك مبتدأ_سما نوار

القاء / سما نوار     
حرف / مينا مجدي 
https://www.facebook.com/mena.magdy.71
هندسة صوت / فوازالناصر
اضحك .. لما تبقي راكب مترو زحمة ومش لاقي مكان تقف فيه .. في ناس نفسها بس تحس إن في ناس حواليها :)

اضحك .. لما تحط إيدك ف جيبك ومتلاقيش غير 2 جنيه مغسولين .. كويس إن مامتك سابتهملك ف البنطلون :)

اضحك .. لما تبقي ماشي مضايق اوي .. والمطره تغرقك , دي بتزغزغك عشان تضحك :)

اضحك .. لما تحب حد جدآ و فجأة يسيبك و يمشي .. كفاية إنك حبيته بجد وقلبك دق شوية انت يعنى لازم تاخد كل حاجة ؟؟ :)

اضحك .. لما حد يستندل معاك .. قوله بضحكتك "طـــظ " ! :)

اضحك .. لما تبص ف ورقة الإمتحان ومتعرفش تحل .. عشان  لو ظهرت النتيجة ونجحت هتضحك إن جت معاك كده .. ولو شيلت المادة هتضحك إنك خدت فرصة تانية تعلم نفسك :)

اضحك .. لو رجليك فقفقت من كتر اللف ع الشغل .. كفاية إنك شميت هوا الشارع و إحساس ان ربك بيسعى معاك :)

اضحك .. لما تضحى كتير عشان خاطر حد ، و بعدين تلاقيه مش مقدّر اى حاجة انت عملتهاله !!:)

اضحك .. لما تشتري بطيخه وتطلع قرعة .. مش أحسن ما كان اشتراها واحد غلبان مبيشوفهاش  غير م السنة للسنة !:)

اضحك .. لما فجأة كده تتعب اوي ,, أكيد هيظهر علي موبايلك إسم حد كان واحشك :)

اضحك .. لما تحس إنك لوحدك !! وخليك واثق إن في حد ف الجانب الأخر من العالم بيشاورلك وبيقولك استناني :)

اضحك .. لما تحب حد أوى ويطلع مش من نصيبك ، أكيد رينا كاتب لك الخير مع حد تانى .. هتعرف اكتر من ربنا ؟!! :)

اضحك 
تعرف تضحك :)

اضحك .. تعرف تضحك_سما نوار_مينا مجدي

أداء صوتــي /  سما نوار
https://www.facebook.com/samanawar2 
حـــرف / اميرة عبد العزيز
https://www.facebook.com/amera.abdelaziz.7?fref=ts

جربت قبل كدااا #تطمن لربنا ؟؟ ،، جربت تطمن لاختياراته وتدبيره فى كل أمور حياتك ؟؟ ،، جربت تطمن لما #الإبتلاءااات تكتر عليك أوى .. وتضيق بيك نفسك وتبقى واثق إن الفرحة #قريبة ؟؟ ،، جربت تعيش إحساس إن #الأحزان مابقتش فارقة معاااك ؟؟ لأن كدا كدا ربنا هيفرح #قلبك فى الأخر ،، جربت تطمن إن ربنا أرحم بيك من نفسك ولما بيبتليك ويرزقك بشوية حزن فــ دا لأنه #بيحبك ،، يعنى ساعااات الواحد لازم ينكسر أوى علشان يقدر يكمل مشواره فــ #الحيااااة .. لازم ينكسر علشان #قلبه يحس إنه مالوش حد فى الكون داا كله غير #ربناااا ،، لازم ينكسر علشان يقوى ويفهم الدنيا >> #أطمن ووشوش قلبك وأكدله إن الفرحة كدااا كدااا جاية ،، يمكن #دلوقتى أو متأخر #شوية ،، بس أكيد هتيجى ،، و اشكر #حزنك اللي فهمك الدنيا أكثر و قربك من ربنا أكثر ،، وخلاك تحس باللي حواليك ..
ومتنساش إن بعد #العسر #يسرا 

بس أنت أصبر واطمن

إطمن_سما نوار_أميرة عبد العزيز

اداء صوتي / سما نوار 
https://www.facebook.com/samanawar2
كلمات / اسراء مقدم 
https://www.facebook.com/esraa.mokaidam?fref=ts


الصراحة
الحياة لما كانت
جوة فصلى فتالتة تالت
كانت الحسبة بسيطة
قلب ابيض ...صفحة بيضة
حبة حبة لما تكبر
حبة الالوان بتكتر
جوة قلبك كان بيظهر
خط ازرق 
وللا اسود
وللا اخضر
وللا اصفر
لما تكره
وللا تحقد
وللا تعند
وللا تكسر
كل حاجة كات كبيرة وانت عيل
جوة عينك كات بتصغر لما تكبر
لما تكبر
كل حاجة عليك تهون
كل مرة تحط لون
واما تغرق مش هيفرق
لو تكون او لا تكون
مش هيفرق لو تحاول
او تداول
او تقاول
صفحتك مابقتش بيضة
بِركتك صبحت غويطة
هو ينفع لو تغمض وسط زيطة....ييجى نوم؟
هو ينفع لو لقيت نفسك بتغرق
تبتسم وتقول دة عوم؟
مش هينفع لو تصرّخ او تزوم
~~
لحظة واحدة
ايه اللى قالك مش هينفع
ايه اللى قال مالهوش لزوم
طول ما شمس عليك بتطلع
يبقى لسة علينا لوم
ليه بتحكم بالنهاية
ليه تقفّل ليه تشّطب
وانت لسة فمبتداه
لو تشخبط وللا تشطب جوة صفحة
لسة باقى دفتر ابيض....ايه ملاه؟
طول ما لسة كتابك ابيض
يبقى تكتب
اكتب اكتب
محنا فيها زى عيل
لف دار..قام معبّط
قام مخبّط
واما تاه ...راح معيّط
واما عيط
...
كف حانى عليه وطبطب
فاكتَشَف معنى الحياة
~~
هو دة طبع الحياة
ناس بتبعد ...ناس تفارق
يترسم بالخط الاسود
المفارق
جوة كشكول الحياة
واما تغرق...تلقائيا
يترسم بالخط الابيض
طوق نجاة


طوق نجاة_سما نوار_اسراء مقدم

حرفـ : عبد العزيز عبد الله
أداء : سما نوار
https://www.facebook.com/samanawar2

لما تحس بأن الدنيا معاندة معاك
وانها ولا بتحس وجودك ولا شايفاك
وانك مهما تحب وتخلِص 
تلقى حبايبك مش حاسّاك
وانك لما بتفرح حبّة
تلقى دموعك تستناك
لازم تعرف حاجة مهمة
ان الدنيا مهيش قصداك
وانك لاجل ما تمشى حياتك
لازم ترمى الهم وراك
أتشعبط ف الحلم وعافر
هتلاقى الأحلام ويّاك
كل الكون راح يبقى ف صفك
لو حسّك صادق ف غُناك



إتشعبط في الحلمـ_عبد العزيز عبد الله_سما نوار

كلمات : ابتسام مختار 
https://www.facebook.com/ebtesam.ahmed.mokhtar
هندسة صوت / يُوسف الدالي
https://www.facebook.com/daly.yusuf?fref=ts
أداء / سما نوار
https://www.facebook.com/samanawar2

ياما قُلت
ومحدِّش صدَّقنى
إنى بحبها.. وبتكرهنى
وبتخنقنى
وبتزعجنى
وتشعلقنى
وتمرمطنى..
وافضل احبها رغم الزحمة
رغم البيه السيد حِشَرى
واخته الرغَّاية.. واخوه الكِشَرى
وبرغم الأمورة.. الرِخمة!
وبرغم الكُرسى المِتكسَّر
وبرغم التنطيط ع الكوبرى
ما هو كله يهون علشان خاطر
خَط من الأول للآخر..
قادر.. بالصُدفه يعلٍّمنى
قادر إنه يخرَّج منى..
ضحكة بتخُض اللى يشوفها
فِكرة.. بتخلينى اعرفنى!
شوف رغم دى حاجه بترْكَبها
مع ذلك بتعلِّمك المشى!
وشوارع مصر المحروسـة
الواقفة.. الزحمة.. المنحوسة
تدِّيك الصبر ده مجَّانى
فوق إن سماعك للرغى
بيضيفلك عُمر واحد تانى
بالذمة ده عرض ده يتفوِّت؟
هتقولى الزحمة دى بتموِّت!!
طب مش حلوة الموتَة جماعة؟
أرحم من كام واحد حى
يومياً بيموت م الوحده..
فِعلياً عُمره ما جرب سَعى
عُمره ما جرب رِزق الكرسى الفاضى الْمِستَّنيه
الكرسى الفاضِل.. مَخصوص لْيه!
عُمره ما جرَّب بسمِة جِدة..
لْواحد فاضِل..
فضَّل راحِة سِت كبيرة عليه
مع إنه فعلاً مش قادر..
يفضَل واقف على رجليه
يعنى بالعربى من الآخِر..
إن كان أتوبيس, ولَّا سيرفيس, ولَّا مشروع!
إن كنت جعان ولا تعبان ولا موجوع
وسواء بردان.. هتموت م الحَر
صايم.. فاطِر ..
فى الزحمة هتتعلم تِدى
تِكسب وِدى
هتدوس على رجله يبرَّقلك
تتأسفله, هيروح زاقَّك!
وفاجأة يضحكلك من قلبه
ويقولك: يا عم وَلْا يهمك!
ويبُصِلها: يا آنسة فى مكان
آه.. هناك جنبُه!
ويوسَّع ويسيبها تعدِّى
فى الزحمة انا باخد شنطتها
وبشيل عنها..
وبتشيل عنى
وبفكَّرها بمحطتها
بيفرمِل, هى بتستندنى!
فى الزحمة هتقرا الجرنان
تسمع قرآن.. أو هتغنِّى
هتلاقى حلاوة فـ وسط المُر
وفـ عز الخنقة هتكون حُـــر!
وفـ عز الدوشة مبتموتشى
أصل محـدِّش..
بيموت م الصبر



في الزحمـــة_إبتسام مختار_سما نوار

حــرفـ : اسراء مجدي
https://www.facebook.com/ess.magdi?fref=ts
أداء : سـما نوار
https://www.facebook.com/samanawar2 


الصبر ..
مش انّك تكون ..
مستنى حاجة و السلام
الصبر .. انك تبقى واثق ..
ان مهما الوقت طال ..
هيجيك نصيبك .. 
حتى لو من غير كلام
الصبر ..
انك تبقا عايش لاجل حلمك ..
بابتسامة و مش بضيق
الصبر انك .. 
تمشى فى السكة الطويلة المتعبة 
مهما الطريق حواليك يضيق
الصبر مش حبة كلام ..
عن معنى كلمه " صبر" فيك بتكمِّلك
الصبر .. صبر فى القلوب .. 
تستقوى بيه .. و يطمِّنك :)



الصبر_إسراء مجدي_سما نوار

أول  تجربة بالفصحى .. مازلت اتدرب ولكن أحببت أن أشارككم هذا النص خاصة لانه يحمل رسالة راقية  

هكذا تكلم أويس للكاتب عماد رشاد عثمان
قراءة : سما نوار 


 : Follow Me
Instagram - https://www.instagram.com/skynawar/
Facebook - https://www.facebook.com/skynawar/
Twitter - https://www.twitter.com/skynawar/
tumblr - https://samanawar.tumblr.com/

رسالة لك | فقط أغمض عينيك وأستمع

حرفـــ: اسامة عبد الصبور
https://www.facebook.com/pages/%D8%A3%D8%B3%D8%A7%D9%85%D8%A9-%D8%B9%D8%A8%D8%AF-%D8%A7%D9%84%D8%B5%D8%A8%D9%88%D8%B1-%D9%82%D9%8F%D8%B5%D8%B1-%D8%A7%D9%84%D9%83%D9%84%D8%A7%D9%85/131826163582273
اداء : سـما نوار
https://www.facebook.com/samanawar2


صدّقت بكرة
وبكرة لسه مكدّبك
عايز تصاحبه وهو عايز يتعبك
لسّاك مراهن ع الأمانى تنوره
ولسّاه مراهن ع الليالى تشيّبك
بينك وبينه الخوف جدار
عينك ف عينه وباختصار
إنت اللى ف إديك القرار
ويا تغلبه .. يا هيغلبك
بيخوفوك من قسوته
ماهو مـ الطبيعى يخوفوك
ولو يطولوا يكتّفوك هيكتّفوك
عاشوا السنين بيفهموك
إنك مجرد ريشة طايرة ف الهوا
من غير هدف
وإن إنت قطر الحلم فاتك للأسف
وإن إنت قدرك ف الحياة
إنك تموت وتعيش سلف
وإن إنت دورك تبقى ضيف
وإن يوم حلمت تكون طرف
بيحضرولك كل أشباح السنين
ويغرقوك ف الذكريات
يا هل ترى هتوطى سقف الأمنيات ؟
وهترهن الجى من عمرك
لأوهام اللى فات ؟
ولا أنت قادر من جديد تثبت لهم
جهل اللى كان بيقولهم
ماحناش ف عصر المعجزات ؟!!




صدّقت بكرة_أسامة عبد الصبور_سما نوار

لم يدفئني نور العالم بل قول أحدهم لي أني ذات يوم أضأت نورًا في قلبه

Sama Nawar

Popular tracks