Salah Jaheen

يا ماما ستو - فرقة المصريين

إبريل مايو يونية - فرقة المصريين

موسيقى فيلم بطل من ورق

أراجوز .. أراجوز .. إنما فنان
فنان .. أيوه .. إنما أراجوز
و يجوز يا زمان أنا كنت زمان
غاوي الأرجزة طياري .. يجوز
إنما لما الكيف بقى إدمان
باجي أبص لشيء واحد أرى .. جوز
أرى إيه؟ أرى إيه؟ أرى أرى أراجوز
***
فلسان .. كحيان .. أيوه أنا فلسان
إنما برضك .. راجل إنسان
بأضرب بالألف لسان و لسان
و باكلها بعرقي .. و مش إحسان
راجل و الرجولية لا عضلات
و لا ألابندة و سيما و حركات
الرجولية الحقيقية ثبات
قدام جبونية أي جبان
****
أراجوز أنا و أحمي أرى أرى إيه؟
أحمي قراريط الناس من مين؟
من الناس الأرى أرى إيه أرى إيه؟
من الناس القراميط الملاعين
ماهو أصل أنا مش من الأرى أرى إيه
مش من القراطيس
و لو الحال مال مقعدش أنا على
أرى إيه أرى إيه؟ .. قرافيصي و أطنش ع الأندال
لازم أشك الأندال مهموز
و أدوس ع اللي افترى و العنطوز
م أنا أرى إيه أرى إيه؟؟ أرى أرى أراجوز
****
أراجوز .. و شجيع .. و الدنيا ميدان
فارس .. حارس .. واقف ددبان
و إذا بان للشر نيبان و زبان
باحمي الغلبانة و الغلبان
و شجاعتي ماهياش في الطاخ طيخ
دي شجاعة تفكير و تماخيخ
الأرض أضربها تجيب بطيخ
بذكاوتي و أخللي الخلا بستان
****
أراجوز أنا .. و الدنيا أرى إيه؟
قرشانة و احنا شبر شبيط
ياما قرمتني و أرى أرى إيه؟
قرصتني ف لباليبي و أنا كبير
فسرحت أنفخ أرى إيه أرى إيه؟
أراغيلها و أغني يا ليلي يا عين
و أتمسخر على أرى إيه أرى إيه؟
أراذلها الفجرة الطماعين
و أضَّحَك كل صبي و عجوز
ع اللي بيتنطط فرقع لوز
مانا أرى أرى إيه؟ أرى أرى أراجوز
****
أراجوز .. و سايقها هبل في جنان
و أنا قلبي .. ملان جدعنة و حنان
و أبان ساهي سهتان سهيان
إنما عقلي للعدل .. ميزان
أنا فلتة .. إنما مش فلتان
و ساعات حرنان .. و ساعات زنَّان
يمكن علشان وحداني .. ما ليش أراجوزة تاخدني بالأحضان
****
أراجوز أنا .. و أقدر أرى أرى إيه؟
أراعيكي و أشيلك في عيوني
و إذا مرة زعلتي أرى أرى إيه؟
أراضيكي بعقلي .. و بجنوني
حُطِّي من السما على أرى أرى إيه؟
أراضيّه و اسلِّم لِك أمري
و كُلِي معايا في أرى إيه أرى إيه؟
قروانتي يا كروانة عمري
و بَدَل مانا كده ملوي الَبَزبوز
أصبح لك جوز معزوز محظوظ
إيه يا ترى إيه؟ أرى أرى أراجوز
أرى إيه؟ أرى إيه؟ أرى أرى أراجوز

كلمات: سيد حجاب
ألحان: عمار الشريعي


عمر الشريف - الاراجوز

رباعيات صلاح جاهين

خايف
من بكرة ليه ؟
مين يعرف بكره ايه؟


انا مش هبص ورايا
ولا أقول اااااااه

مهما الأمل غاب العيون شيفاه

اليأس مش هيوصلك ولو الهموم هتحصلك
مش راح تقف الحياه !

ونخاف من بكره ليه مين عارف بكره ايه؟


يا حبيبي
ماله
الليل

الليل

طوّل

جريته هنا عمن اول
وكل م يقرّب يخلص
يفضل ويرجع م الأول


سيب اللي يكره يكره

وانت احلم ببكره مع انه لسه مجاش

مهما تحاصرك همومك
ويلومك مين يلومك

لا

متعشهاش

بلاش


لسه الوردود بتشق براعمها

والفرحة بتلاعب نسايمها

ونخاف من بكره ليه
مين عارف بكره ايه؟

بنخاف من بكره ليه - على الحجار

كلمات : صلاح جاهين

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باستبسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان 

وَقْف الشِريط فى وضع ثَابت - كلمات صلاح جاهين - ألقاء سعاد حسني

هى دى الحياة - على الحجار

أغنيات بصوت سيد مكاوي : أنا هنا يا ابن الحلال ، دور / والله تستاهل يا قلبي ، يا وابور الساعة 12 ، يامسهرني . ونستمع لشعر صلاح جاهين ، بصوت / سعاد حسني ، قصيدة / و وقف الشريط في وضع ثابت . 
طربك عندنا إعداد / دعاء كامل
تقديم / أميمة مهران
ويذاع على موجات البرنامج العام ، الإذاعة المصرية، كل يوم سبت، الساعة 12 إلا الربع ليلاً


سيد مكاوي ، صلاح جاهين ، سعاد حسني / طربك عندنا

يا أيها الشعب الأنتوخ
يابو النفوخ الدربندوخ
مش آن بقي تفوق سنة
لا في الأثر ولا في السنة
تعيش حزين وتموت ممسوخ
يابو النفوخ الدربندوخ
يا ايها الشعب الأنتوخ

علي بطني رابط حزاماتي
مدايني حتي الجزاماتي
بعت الكنب الاسنطمبولي
وعايشها فوللي حلمبولي
انا وعيالي ومراتي
بيعني أرضي ومفهومي
قلعني فكري وهدومي
مخي اتقفل فيلم علي كليب
ولما يفتح يشرب كدب
مانا أصلي أهبل من يومي
مش آن بقي تفوق سنة
لا في الاثر ولا في السنة
تعيش حزين وتموت ممسوخ
يابو النفوخ الدربندوخ
يا ايها الشعب الأنتوخ

مسحولي من بقي ال لأ
ظبطوني بين شخطة وزقة
والوحش زقلط بقي باشا
يفطر بدمي علي بغاشة
و أدعيله يعلي ويترقي
أرجوك بقي تسيبوا عيالي
مش لازم الجيل التالي
يمكن يحبوا النيل والارض
وفوق ترابها يصلوا الفرض
إفهم بقي ياللي في بالي 

يا ايها الشعب الأنتوخ - فرقة بساطة

افتح وقص شريطك قص
ورص شعبك حواليك رص
وارقصلنا علي واحدة ونص
يا برنس ياللي كسببت الطوس
وبص 
بص شوف نبيه بيعمل ايه
لف طوف نبيهاليا بين ايديه
وهييييييييييييه

نبيهاليا احلي بلد في الدنيا
نبيهاليا أغلي بلاد الله
ترابها تبر هواها كولونيا
ترابها حبر ماشاء الله
الله الله الله الله
تعيشي يا نبيهاليا ياغالية 
وتعيش راياتك حرة وعالية

تعيش راياتها عرة وبالية
تعيش راياتها حرة وعالية
ونعيش نعبيلك ونرص

بص شوف نبيه بيعمل ايه
لف طوف نبيهاليا بين ايديه
وهييييييييييييه

قولوا ورايا يانبيه 
يانبيه يانبيه
ياحاكم وملكش شبيه
يانبيه يانبيه
والزمن بلانا بيه
والزمن بلانا بيه

اشفط ابلع حط في كرشك واشرب من شراينا ومص
بكرة ايدينا تزلزل عرشك وفي وشك بأدبنا نطس

بص شوف نبيه بيعمل ايه
لف طوف نبيهاليا بين ايديه
وهييييييييييييه

كلمات : سيد حجاب
الحان : عمار الشريعي


احمد زكي - نبيهاليا - فيلم البداية

فرقة المصرين - هانى شنودة - ماشية السنيورة

بنات كتير كدة من سني
بيغيروا مني 
و بيحسدوني مع إني
مش أحلى منهم بصراحة ...

لا عندي لبس آخر موضه
و لا في الأوضه 
صورة لنجم عنيه سوده
و رموشه ساحرة و جراحة ...

و لا فـ كلامي بتصنع
و لا بتدلع
و لا عمري أوعد و أطمع 
و لا أدي آدم تفاحة ...

أصل الحقيقة من صغري
جد و دغري
لو حد قالي كلام مغري
... أطير بقلبي سواحة

و أهرب من النظرة إن طالت
 إن عيني مالت
أبص م البعد التالت 
ألاقي فيه كل الراحة ...

مش معنى كدة مش طبيعيه
أو رجعيه
بصراحة أوي متوعيه
ما أنا أمي أصلها فلاحة ...

بنات كتير كدة من سنى - فرقه المصريين

ماما ستو - فرقة المصريين - صلاح جاهين

لم تكن الوحدة خيارآ جيدآ.. لكنها كانت الأفضل بين جميع الخيارات

ماما ستو - فرقة المصريين - صلاح جاهين

samia-jaheen

Recent comments

User 278042414

Aya Fathy

Neven Mnader

Neven Mnader

Related tracks