محمد

كلمات واداء: رنا عاطف
موسيقى: عمر خيرت


------------------



" حكايتنا . . . "


كنا سوا قلبين
ضحكاتهم ماليه الكون
عمرنا ما كنا اتنين
كنا انسان حنون
والضحكه من قلبك ..
تطلع تواسيني
وبرمشك تغطيني
واقولك بردو بردانه
فـ تحضني بدفا صوتك
وتقولي عيوني سهرانه
لحد ماتنامي
وتحكيلي حكايات
عن اول ايام حبنا
ونفضل نضحك كتير
والرعشه تضمنا
ازاي بقالنا سنين
مع بعض مش زهقانين
ازاي فات كل دا
ولسه ببعض مغرمين
وتسرح مني الـ اااه
فـ تخاف لا اكون تعبانه؟
و ارد بقلب منشكح
اهاتي معاك يعني فرحانه
وابتسامتي تِوْصِل وداني ببعضها
لما تقولي مليش غيرك فـ الدنيا دي كلها
واكون بقى كدا مكسوفه
واداري عنيا بعيد عنك
وتكون فاهمني فـ تستعبط
مين اللي على وشك دا مشخبط
وبسرعه اشوفني في مرايه
ملقاش الا ابتسامه كانت ليك غايه
واسمع ضحكتك وتقول
ياعبيطه انا مشخبط حبي على وشك
بس انتي دماغك على قدك
وتقرب مني كمان اكتر
وتطبع بوسه على جبيني
فتزيد لهفتي وحنيني
وتحس بيا مبسوطه
مشدوده ليك من جوايا مربوطه
وقلبي متبت فيك بالقوي ومش سايبك
لو مين حاول قصادي يعايبك
بس الناس كان كلامهم كتير
مش عارفه ليه كانو بيكرهونا بضمير
اختاروني انا وانتا يفرقونا
ليه بعدونا وحسدونا
كانو مجرد مايشوفونا ويا بعض
يحاولو يبنو مابينا يجي 100 الف سد
افترقنا ورجعنا ياما
وكل مانرجع تزيد الملامه
لحد اخر مره بُعد
قلنا مش راجعين لو مهما الشوق بينا اتشد
والحبال بينا اتقطعت
وفاتت سنه ومرجعناش
دي اول مره الحياه من غيرك تتعاش
وبصراحه كنت معايا فـ كل دقيقه
مانتا فـ حياتي اجمل حقيقه
سنين وياك مشفتش وجع
و فـ بُعدك قلبي اتجزع
معدتش انا زي ماكنت
زي ما اكون في ثانويه عامه سقطت !!
فـ عشت السنه ومن جوايا مدبوحه
بشوفك في كل مكان والقاني لسه بحبك ومجروحه
واحلف يجي 100 يمين اني نسيتك
واتاريني نسيت انسى ان روحي بين ايدك
ولقتني فجأه رجعالك بقول حنيت
واتفاجأت لما قولتلي تعبت من كتر ما استنيت
تجيلي وتقولي انك لسه ليا
يا اجمل قدر بعتته الدنيا ديا
يابختي بيك ياعمر مينفعش اعيش الا بيه
ياللي محدش يعرف يعوضني عنه غير عينيه
دا كفايه تكون قصاد عيني وتحكيلي حكايتنا
عن ايامنا زمان وحبنا اللي عمرو ماينتهي لو مين تاني حاول يبعدنا
فـ م الاخر بقولهالك انا بحبك
وسامعه قلبك بيقولي تملي هفضل ياحبيبتي جنبك 


لـــ " رنا عاطف "



official page on facebook: https://www.facebook.com/renaOatef

محمد

موشكا