cool

اللي بيجري في عرقك دم ..؟!
لما تزيف واما تزور واما تقول مصلحتي اهم

يبقى بيجري في عرقك دم !
لما بيطلع صوت الحق يزلزل ارضك وانت اصم

يبقى بيجري في عرقك دم ؟!
مهما تحاول اشتم خرب اضرب حرض ولا تتلم
دور جوا شيطانك اكتر لو فاكره هيعملك حجم
فاكر مكرك هيصورلك ان في دم ارخض من دم
وانك لما تسيح دمه هيعاملك بحنان الام
يبقى بيجري في عرقك دم !

داللي بيجري في عرقك سم
سم خبيث واتملك منك يجري في جسمك ولا بيكن
سم يموت فيك تفكيرك ويا ضميرك جوا السجن

اقتل كفر اضرب كسر اوعى عليهم تاني تحن
موت اخوك علشان بيعارضك اوعى تراعي لا دين ولا سن
ارميه من عالسطح وسيبه لو يستنجد بيك ويأن
وارجع برر كل جرايمك وافتي في دينك وافضل فن
دبور سارح جوا دماغك هنا بيزن وهنا بيزن

بكره تموت وتقابل ربك يحكم بين الناس بالعدل
شايل يافطه بتهتف بيها مكتوب متعمد للجهل
يومها هاتبقى لوحدك خالص ولا في عشيره ولا في اهل

حاول يومها تبرر سرقه تبرر ظلم تبرر قتل
حاول تكدب زي العاده وتتشكل بدشيليون شكل
لكن قبل ما تكدب فكر ولو ان التفكير مش سهل

متعود على سمع وطاعه متنازل عن زينة العقل
نساك ارشادك يا مغيب ان المولى بالمرصاد
بعد ما تزرع حقد وغل مستني ايه يبقى حصاد
قتل ودم وعضم وهم ووهم وفدادين مالانقاض

مستنى ايه يبقى حصاد
ربك دايما بالمرصاد

ليالينا

Sara Mahmoud 7

Recent comments

user550146907

Related tracks